ལམ་ཉིན་མོར་བྱེད་པའི་དྲི་བ་དྲིས་ལན་གཞུང་དོན་འབྱེད་པའི་ལྡེ་མིག

  དྭགས་པོའི་ཆོས་བཞིའི་རྣམ་བཤད་སྐྱེས་བུ་གསུམ་གྱི་ལམ་ཉིན་མོར་བྱེད་པའི་དྲི་བ་དྲིས་ལན་གཞུང་དོན་འབྱེད་པའི་ལྡེ་མིག་ཅེས་བྱ་བ་བཞུགས་སོ།།   སྨྲ་བ་ཟླ་...

 

དྭགས་པོའི་ཆོས་བཞིའི་རྣམ་བཤད་སྐྱེས་བུ་གསུམ་གྱི་ལམ་ཉིན་མོར་བྱེད་པའི་དྲི་བ་དྲིས་ལན་གཞུང་དོན་འབྱེད་པའི་ལྡེ་མིག་ཅེས་བྱ་བ་བཞུགས་སོ།།

 སྨྲ་བ་ཟླ་མེད་སྟོན་པ་རྫོགས་སངས་རྒྱས། །གང་དེའི་ཟབ་ཆོས་གནས་ལུགས་བདེན་པ་གཉིས། །

ཚུལ་བཞིན་ཉམས་སུ་བསྟར་བའི་འདུས་ཚོགས་ཏེ། །དཀོན་མཆོག་གསུམ་ལ་སྒོ་གསུམ་གུས་པས་འདུད། །

རྒྱ་གར་པཎ་ཆེན་ཀུན་གྱི་གཙུག་གི་ནོར། །བྱང་ཆུབ་ལམ་གྱི་སྒྲོན་མེ་སྦར་མཛད་དེ། །
གངས་ཅན་བསྟན་པའི་མུན་པ་སེལ་མཛད་པ། །དཔལ་ལྡན་ཨ་ཏི་ཤ་ལ་གསོལ་བ་འདེབས། །

བཀའ་གདམས་ལམ་རིམ་བདུད་རྩིའི་རྒྱུན་བཟང་དང་། །ཕྱག་རྒྱ་ཆེན་པོའི་གདམས་ངག་གཅིག་ཏུ་བསྡུས། །
རས་པའི་སྲས་མཆོག་ཟླ་མེད་ཉི་མ་བཞིན། །མཉམ་མེད་དྭགས་པོ་ལྷ་རྗེར་ཕྱག་འཚལ་ལོ། །

མཁྱེན་པའི་དཀྱིལ་འཁོར་ཀུན་ནས་རབ་ཡངས་ཤིང་། །ལེགས་བཤད་དྲི་བཟང་འབུམ་འཕྲོ་པདྨ་དཀར། །
དཔལ་ལྡན་འབྲུག་པའི་བསྟན་པའི་གཙུག་གི་ནོར། །ཀུན་མཁྱེན་ངག་དབང་ནོར་བུར་གུས་ཕྱག་འཚལ། །

མཉམ་མེད་དྭགས་པོའི་ཐུགས་ཀྱི་བདུད་རྩིའི་ཆར། །ཆོས་བཞི་པད་དཀར་ཡིད་མཚོར་འཁྱིལ་བ་འདི། །
གོམས་པ་སྲིང་དང་རང་མཉམ་སྐྱེ་བོ་འགར། །སྲི་ཞུ་བགྱི་སླད་ཅུང་ཟད་བཀྲལ་བར་འདོད། །

དེ་ཕྱིར་རྒྱས་འགྲེལ་གཞུང་ལུགས་བཞིན་མིན་པར། །དེང་རབས་བློ་དང་མཐུན་པའི་དྲིས་ལན་གྱིས། །
གནད་ཀྱི་སྒྲོན་མེ་སྦར་བའི་ལས་འདི་ལ། །བཀའ་བརྒྱུད་བླ་མའི་ཚོགས་ཀྱིས་དབུགས་དབྱུང་གསོལ། །

སྐྱེས་བུ་ཆུང་ངུའི་ལམ་རིམ།

---

༡༽ དྲི་བ། ཀུན་མཁྱེན་པདྨ་དཀར་པོས་མཛད་པའི་གཞུང་འདིའི་བརྗོད་བྱ་གཙོ་བོ་གང་ཡིན་ནམ།

དྲིས་ལན། གཞུང་འདིའི་བརྗོད་བྱ་གཙོ་བོ་ནི། སྐྱེས་བུ་གསུམ་གྱི་ལམ་གྱི་རིམ་པ་རྣམས་དྭགས་པོ་ལྷ་རྗེའི་ཆོས་བཞིའི་ལམ་ནས་འཆད་རྒྱུ་དེ་ཡིན་ཏེ། གཞུང་ལས། འདིར་གང་བཤད་པར་བྱ་ན་སྐྱེས་བུ་གསུམ་གྱི་ལམ་གྱི་མཆོག་རིན་པོ་ཆེའི་འཕྲེང་བ། འཆད་ཚུལ་ཆོས་བཞིས་ལེགས་པར་གཏན་ལ་ཕབ་པ་དེའོ། །ཞེས་གསུངས་པའི་ཕྱིར་རོ།།

༢༽ དྲི་བ། གཞུང་འདིའི་རྩོམ་པ་པོ་མཆོག་གིས་བསྟན་བཅོས་མ་བརྩམས་པའི་སྔོན་དུ་བླ་མ་གང་གི་ཞབས་ལ་ཕྱག་འཚལ་ཡོད་དམ།

དྲིས་ལན། རྩོམ་པ་པོ་མཆོག་གིས་རང་གི་རྩ་བའི་བླ་མ་རྗེ་བཙུན་ངག་དབང་ཆོས་ཀྱི་རྒྱལ་པོའི་ཞབས་ལ་ཕྱག་འཚལ་ཡོད་དེ།
གཞུང་ལས། རྗེ་བཙུན་ངག་དབང་ཆོས་ཀྱི་རྒྱལ་པོའི་ཞབས་ལ་ཕྱག་འཚལ་ལོ། །ཞེས་གསུངས་པའི་ཕྱིར་རོ།།

༣༽ དྲི་བ། གཞུང་འདིའི་མཆོད་བརྗོད་དུ། བདག་ཅག་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཀྱིས་སྐྱེས་བུ་གསུམ་གྱི་དོན་དུ་མཛད་པ་གང་དག་མཛད་ཚུལ་གསུངས་ཡོད་དམ།

དྲིས་ལན། སྟོན་པ་སངས་རྒྱས་ཀྱིས་གནང་བའི་མཛད་པ་གཙོ་བོ་གསུམ་གསུངས་ཡོད་དེ། དང་པོ། ངན་སོང་གི་ལམ་བཟློག་སྟེ་བདེ་འགྲོའི་ལམ་ལ་འགོད་པ། གཉིས་པ། འཁོར་བའི་སྡུག་བསྔལ་ལ་སྐྱོ་བ་སྐྱེས་པ་རྣམས་ཞི་བ་མྱང་འདས་ཀྱི་གོ་འཕང་དུ་དབུགས་དབྱུང་བ། གསུམ་པ། ཉན་རང་གི་མྱ་ངན་ལས་འདས་པའི་གནས་དམན་པ་ལས་བསླངས་ཏེ་རྫོགས་པའི་སངས་རྒྱས་ཀྱི་གོ་འཕང་དུ་འཁྲིད་པར་མཛད་པ་བཅས་ཡིན་ཏེ། གཞུང་ལས། གང་གིས་ངན་སོང་ལམ་ནི་ཟློག་ནས་བདེ་འགྲོའི་བདེ་ལ་སྦྱར་བ་དང་། །གང་གིས་འཁོར་བའི་འཇིགས་པས་སྐྱོ་ནས་ཞི་ཚོལ་ཞི་བར་དབུགས་དབྱུང་དང་། །གང་གིས་མྱ་ངན་འདས་ལྷུང་དམན་བཞག་ཉིད་བྱོན་ཉིད་དུ་ཀུན་ཁྲིད་པ། །ཞེས་གསུངས་པའི་ཕྱིར་རོ།།

༤༽ དྲི་བ། ཟབ་མོ་ལྟ་བའི་བརྒྱུད་པ་དང་རྒྱ་ཆེན་སྤྱོད་པའི་བརྒྱུད་པ་སོགས་ཀྱི་སྲོལ་འབྱེད་ཀྱི་སློབ་དཔོན་གང་དག་ལ་བསྟོད་བསྔགས་ཕུལ་ཡོད་དམ།

དྲིས་ལན། ཟབ་མོ་ལྟ་བརྒྱུད་ཀྱི་སྲོལ་འབྱེད་འཇམ་པའི་དབྱངས་དང་མགོན་པོ་ཀླུ་སྒྲུབ། རྒྱ་ཆེན་སྤྱོད་བརྒྱུད་ཀྱི་སྲོལ་འབྱེད་བྱམས་པ་མགོན་པོ་དང་འཕགས་པ་ཐོགས་མེད། དེ་བཞིན་ཉམས་ལེན་བྱིན་རླབས་ཀྱི་བརྒྱུད་པའི་གསང་བའི་བདག་པོ་དང་ཇོ་བོ་རྗེ་དཔལ་ལྡན་ཨ་ཏི་ཤ་བཅས་ལ་བསྟོད་བསྔགས་ཕུལ་ཡོད་དེ། གཞུང་ལས། འཇམ་པའི་དབྱངས་ཀྱིས་ཟབ་མོའི་སྐབས་ཕྱེ་བར། །ཀླུ་སྒྲུབ་མཐའ་བྲལ་ལྟ་བའི་མཚོ་བཅས་པ། །མ་ཕམ་རྒྱ་ཆེན་གངས་རིར་སྤྱོད་ལས་ཀླུང་། །ཐོགས་མེད་འབབ་པས་ཕྱོགས་ཀུན་སྣུམ་བྱས་ཤིང་། །གསང་བདག་སྤྲིན་གྱི་ཉམས་ལེན་བྱིན་རླབས་ཆར། ... ཨ་ཏི་ཤ་ལུགས་རྒྱལ་བའི་མྱུ་གུ་ཡི། །འབྱུང་གནས་ཆེན་པོར་བྱས་སྙམ་དགའ་བས་བསྟོད། །ཅེས་གསུངས་པའི་ཕྱིར་རོ།།

༥༽ དྲི་བ། གཞུང་འདིར་ འཛམ་གླིང་མཛེས་པའི་རྒྱན་དམ་པ་ ཞེས་སློབ་དཔོན་གང་ལ་བསྟོད་བསྔགས་ཕུལ་ཡོད་དམ།

དྲིས་ལན། འཛམ་གླིང་མཛེས་པའི་རྒྱན་དམ་པ་ཞེས་དྭགས་པོ་ལྷ་རྗེ་སྒམ་པོ་པ་ལ་བསྟོད་བསྔགས་ཕུལ་ཡོད་དེ། གཞུང་ལས། བསོད་ནམས་ཚོགས་ཆེན་ལས་བྱུང་བའི། །སེམས་ཅན་ཀུན་གྱི་རིན་ཆེན་ནི། །འཛམ་གླིང་མཛེས་པའི་རྒྱན་དམ་པ། །སྒམ་པོ་པ་ཞེས་གྲགས་པར་འདུད། །ཅེས་གསུངས་པའི་ཕྱིར་རོ།།

༦༽ དྲི་བ། གཞུང་འདིར་ཕྱག་བྱར་འོས་པའི་བླ་མ་དམ་པ་དེ་ལ་ཚང་དགོས་པའི་ཁྱད་ཆོས་གཙོ་བོ་གསུམ་གང་དང་གང་གསུངས་ཡོད་དམ།

དྲིས་ལན། ཕྱག་བྱར་འོས་པའི་བླ་མ་ལ་ཚང་དགོས་པའི་ཁྱད་ཆོས་གསུམ་ནི། གཞི་སྡོམ་པ་གསུམ་ལ་ཚུལ་བཞིན་གནས་པ།བར་དུ་དམ་ཚིག་ལ་སྐྱོན་དང་ཉམས་ཆག་མེད་པ། བརྒྱུད་པའི་གོང་མ་རྣམས་ལ་གུས་པ་ཕུན་སུམ་ཚོགས་པ་བཅས་ཡིན་ཏེ།
གཞུང་ལས། ཕྱག་བྱར་འོས་པ་ནི། གཞི་སྡོམ་པ་གསུམ་ལ་གནས་པ། བར་དུ་དམ་ཚིག་གི་སེལ་མེད་པ། སྔ་མ་སྔ་མ་ལ་ཕྱི་མ་ཕྱི་མ་གུས་པ་ཕུན་སུམ་ཚོགས་པ་སྟེ། ཞེས་གསུངས་པའི་ཕྱིར་རོ།།

༧༽ དྲི་བ། བླ་མ་དམ་པ་དེ་ཉིད་བརྒྱུད་པ་གསུམ་དང་ལྡན་ཚུལ་ཇི་ལྟར་བསྟན་ཡོད་དམ།

དྲིས་ལན། བླ་མ་དམ་པ་དེ་ཉིད་བརྒྱུད་པ་གསུམ་དང་ལྡན་ཚུལ་བསྟན་པ་ནི། ལུང་གི་བརྒྱུད་པ། རྒྱ་ཆེན་སྤྱོད་པའི་ཕྱོགས་ཀྱི་བརྒྱུད་པ། རྟོགས་པའི་བརྒྱུད་པ། ཟབ་མོ་ལྟ་བའི་ཕྱོགས་ཀྱི་བརྒྱུད་པ། བྱིན་རླབས་ཀྱི་བརྒྱུད་པ། ཉམས་ལེན་བྱིན་རླབས་ཀྱི་བརྒྱུད་པ་བཅས་ཡིན་ཏེ། གཞུང་ལས། ལུང་ནི་རྒྱ་ཆེན་སྤྱོད་པའི་ཕྱོགས། རྟོགས་པས་ནི་ཟབ་མོ་ལྟ་བའི་ཕྱོགས། བྱིན་རླབས་ཀྱིས་ཉམས་ལེན་བྱིན་རླབས་ཏེ་བརྒྱུད་པ་གསུམ་དང་ལྡན་པ་བསྟན་ལ། ཞེས་གསུངས་པའི་ཕྱིར་རོ།།

༨༽ དྲི་བ། གཞུང་ཚིག་ཏུ་ ཇོ་བོའི་བཀའ་བརྒྱུད་ ཅེས་པ་དེས་བརྒྱུད་པ་གང་ཞིག་ལ་གོ་དགོས་པ་གསུངས་ཡོད་དམ།

དྲིས་ལན། ཇོ་བོའི་བཀའ་བརྒྱུད་ ཅེས་པས་ཇོ་བོ་རྗེ་དཔལ་ལྡན་ཨ་ཏི་ཤ་ནས་བརྒྱུད་པའི་བཀའ་གདམས་པའི་བརྒྱུད་པ་ལ་གོ་དགོས་པ་གསུངས་ཡོད་དེ། གཞུང་ལས། ཇོ་བོའི་བཀའ་བརྒྱུད་་་་་་་་་། །ཅེས་གསུངས་ཏེ། ཇོ་བོ་རྗེ་ལྷ་གཅིག་ནས་བརྒྱུད་པ་བཀའ་གདམས་ངག་ཏུ་སྨྲ་བ་འདི་དག་གོ། ཞེས་གསུངས་པའི་ཕྱིར་རོ།།

༩༽ དྲི་བ། རྐང་གི་ཁོང་དང་སྙིང་གི་དཀྱིལ་ནས་འདུད་ ཅེས་པའི་དོན་གང་ཡིན་ནམ།

དྲིས་ལན། དེའི་དོན་ནི་གུས་པ་དང་དད་པ་དེ་ཚིག་ཙམ་དང་ཁ་ཙམ་མ་ཡིན་པར། སེམས་ཀྱི་གཏིང་ནས་སྐྱེས་པའི་མི་ཕྱེད་པའི་དད་པ་ཟབ་མོས་ཕྱག་འཚལ་བའི་དོན་ཡིན་ཏེ། གཞུང་ལས། དེ་དག་ལ་གུས་པ་ཁ་ཙམ་མ་ཡིན་པས། རྐང་གི་ཁོང་དང་སྙིང་གི་དཀྱིལ་ནས་འདུད། །ཅེས་གསུངས་ཏེ་མི་ཕྱེད་པའི་དད་པ་མངའ་བ་དེས་བཏུད་པ་ཤེས་པར་བྱ་བའི་ཕྱིར་དུའོ། །ཞེས་གསུངས་པའི་ཕྱིར་རོ།།

༡༠༽ དྲི་བ། སྐྱེས་བུ་གསུམ་གྱི་ལམ་གྱི་རིམ་པ་འདི་ནི་ལམ་གང་འདྲ་ཞིག་ཏུ་ངོས་འཛིན་དགོས་པ་གསུངས་ཡོད་དམ།

དྲིས་ལན། སྐྱེས་བུ་གསུམ་གྱི་ལམ་གྱི་རིམ་པ་འདི་ནི་ཐེག་པ་ཐམས་ཅད་ཀྱི་བརྗོད་བྱ་དང་། དུས་གསུམ་གྱི་འཕགས་པ་རྣམས་ཀྱི་གཞུང་ལམ་ཡིན་ཏེ། གཞུང་ལས། ཐེག་པ་ཐམས་ཅད་བརྗོད་བྱར་བྱེད་པ་ཡི། །སྐྱེས་བུ་གསུམ་གྱི་ལམ་གྱི་རིམ་པ་འདི། །དུས་གསུམ་འཕགས་པ་རྣམས་ཀྱི་གཞུང་ལམ་སྟེ། །ཞེས་པས་བསྟན་ཏེ། ཞེས་གསུངས་པའི་ཕྱིར་རོ།།

༡༡༽ དྲི་བ། བསྟན་བཅོས་འདིའི་བརྗོད་བྱ་དང་། དགོས་པ། ཉིང་དགོས་བཅས་གང་དང་གང་ཡིན་ནམ།

དྲིས་ལན། བརྗོད་བྱ་ནི་སྐྱེས་བུ་གསུམ་གྱི་ལམ་རིམ་ཡིན། དགོས་པ་ནི་གདུལ་བྱ་རྣམས་རང་རང་གི་མོས་པ་དང་བསྟུན་ནས་ཐེག་པ་སོ་སོའི་འབྲས་བུ་ལ་འགོད་རྒྱུ་དེ་ཡིན། ཉིང་དགོས་ནི་ཐེག་པ་ཐམས་ཅད་མཐར་ཐུག་ཐེག་ཆེན་དུ་འབབ་པས་རྫོགས་པའི་སངས་རྒྱས་ཀྱི་གོ་འཕང་ཐོབ་རྒྱུ་དེ་ཡིན་ཏེ། གཞུང་ལས། འདིའི་བརྗོད་བྱ་ནི། གནས་སྐབས་ཐེག་པ་སྣ་ཚོགས་པ་སྟོན་པ་སྐྱེས་བུ་གསུམ་གྱི་ལམ་རིམ།... དགོས་པ་གདུལ་བྱའི་མོས་པ་དང་བསྟུན་ནས་ཐེག་པ་སོ་སོའི་འབྲས་བུ་ལ་འགོད་པ། ཉིང་དགོས་ཐམས་ཅད་ཀྱང་མཐར་ཐུག་ཐེག་ཆེན་དུ་འབབ་ཅིང་གཞོལ་བས་རྫོགས་པའི་སངས་རྒྱས་སོ། །ཞེས་གསུངས་པའི་ཕྱིར་རོ།།

༡༢༽ དྲི་བ། གལ་ཏེ་མཐར་ཐུག་གི་འབྲས་བུ་ཐེག་པ་གཅིག་ཡིན་ན། ཐེག་པ་གསུམ་དུ་དབྱེ་ནས་གསུངས་པའི་དགོས་པ་གང་ཡིན་ནམ།

དྲིས་ལན། མཐར་ཐུག་གི་འབྲས་བུ་གཅིག་ཡིན་ནའང་། ཐེག་པ་གསུམ་དུ་གསུངས་པ་ནི་སེམས་ཅན་རྣམས་རང་རང་གི་བློའི་ནུས་པ་དང་བསྟུན་ནས་ལམ་ལ་གཞུག་པའི་ཆེད་དུ་ཡིན་ཏེ། གཞུང་ལས། སློབ་དཔོན་འཕགས་པ་ཀླུ་སྒྲུབ་ཀྱིས། ཐར་པ་ཞེས་བྱ་གཅིག་པུ་ཉིད། །མང་པོ་དམིགས་པར་མི་འགྱུར་རོ། །ཁྱོད་ཀྱིས་ཐེག་པ་གསུམ་གསུངས་པ། །སེམས་ཅན་གཞུག་པའི་ཆེད་དུ་ལགས། །ཞེས་གསལ་བར་གསུངས་པ་བཞིན་ནོ། །ཞེས་གསུངས་པའི་ཕྱིར་རོ།།

༡༣༽ དྲི་བ། དྭགས་པོའི་ཆོས་བཞིས་རྒྱས་པར་བཤད་པའི་ལམ་གྱི་རིམ་པ་རྣམས་ཉམས་སུ་ལེན་པའི་ཚུལ་གང་ཡིན་ནམ།

དྲིས་ལན། ལམ་གྱི་རིམ་པ་དེ་དག་རེ་རེ་ཡང་ལྟ་བ་དང་། སྒོམ་པ། སྤྱོད་པ་བཅས་གསུམ་གྱི་སྒོ་ནས་ཉམས་སུ་བླང་དགོས་པ་ཡིན་ཏེ། གཞུང་ལས། ཆོས་བཞིས་རྒྱས་བཤད་དེ་དག་རེ་རེའང་། །ལྟ་སྒོམ་སྤྱོད་པ་གསུམ་གྱིས་ཉམས་སུ་བླང་། །ཞེས་གསུངས་པའི་ཕྱིར་རོ།།

༡༤༽ དྲི་བ། བཤད་བྱའི་ཆོས་རྣམས་སྐྱེས་བུ་གསུམ་གྱི་ལམ་དུ་དབྱེ་བའི་རྒྱུ་མཚན་གང་ཡིན་ནམ།

དྲིས་ལན། གདུལ་བྱ་སེམས་ཅན་རྣམས་ཀྱི་བློ་དང་མོས་པའི་ཁྱད་པར་མི་འདྲ་བའི་དབྱེ་བ་ལ་བརྟེན་ནས་བཞག་པ་ཡིན་ཏེ།
གཞུང་ལས། བཤད་བྱ་སྐྱེས་བུ་གསུམ་གྱི་ལམ་དུ་གཞོག་པ་ཡང་གདུལ་བྱའི་དབྱེ་བས་ཏེ། ཞེས་གསུངས་པའི་ཕྱིར་རོ།།

༡༥༽ དྲི་བ། བྱང་ཆུབ་ལམ་སྒྲོན་ལྟར་ན། སྐྱེས་བུ་ཐ་མའམ་ཆུང་ངུ་ཞེས་པ་དེ་གང་འདྲ་ཞིག་ལ་ངོས་འཛིན་དགོས་སམ།

དྲིས་ལན། ཐབས་ཤེས་སྣ་ཚོགས་ཀྱི་སྒོ་ནས་འཁོར་བའི་བདེ་བ་ཙམ་རང་ཉིད་གཅིག་པུའི་དོན་དུ་གཉེར་མཁན་དེ་ལ་སྐྱེས་བུ་ཐ་མ་ཞེས་བྱ་སྟེ། གཞུང་ལས། གང་ཞིག་ཐབས་ནི་གང་དག་གིས། །འཁོར་བའི་བདེ་བ་ཙམ་དག་ལ། །རང་ཉིད་དོན་དུ་གཉེར་བྱེད་པས། །སྐྱེས་བུ་དེ་ནི་ཐ་མར་ཤེས། །ཞེས་གསུངས་པའི་ཕྱིར་རོ།།

༡༦༽ དྲི་བ། བྱང་ཆུབ་ལམ་སྒྲོན་ལྟར་ན། སྐྱེས་བུ་འབྲིང་གི་ངོ་བོ་གང་ཡིན་ནམ།

དྲིས་ལན། སྲིད་པའི་བདེ་བ་ལ་ཞེན་པ་ལོག་ཅིང་སྡིག་པའི་ལས་སྤངས་ཏེ། རང་ཉིད་གཅིག་པུ་འཁོར་བ་ལས་གྲོལ་བའི་ཞི་བ་ཙམ་དོན་དུ་གཉེར་མཁན་དེ་ནི་སྐྱེས་བུ་འབྲིང་ཡིན་ཏེ། གཞུང་ལས། སྲིད་པའི་བདེ་ལ་རྒྱབ་ཕྱོགས་ཤིང་། །སྡིག་པའི་ལས་ལས་ལྡོག་བདག་ཉིད། །གང་ཞིག་རང་ཞི་ཙམ་དོན་གཉེར། །སྐྱེས་བུ་དེ་ནི་འབྲིང་ཞེས་བྱ། །ཞེས་གསུངས་པའི་ཕྱིར་རོ།།

༡༧༽ དྲི་བ། བྱང་ཆུབ་ལམ་སྒྲོན་ལྟར་ན། སྐྱེས་བུ་མཆོག་ཅེས་པ་དེ་གང་འདྲ་ཞིག་ལ་ངོས་འཛིན་དགོས་སམ།

དྲིས་ལན། རང་གི་རྒྱུད་ཀྱི་སྡུག་བསྔལ་ཤེས་པ་དེ་ལ་དཔེ་བྱས་ནས། གཞན་སེམས་ཅན་ཐམས་ཅད་ཀྱི་སྡུག་བསྔལ་ཡང་དག་པར་ཟད་པར་འདོད་པའི་གང་ཟག་དེ་ནི་སྐྱེས་བུ་མཆོག་ཡིན་ཏེ། གཞུང་ལས། རང་རྒྱུད་རྟོགས་པའི་སྡུག་བསྔལ་གྱིས ok། །གང་ཞིག་གཞན་གྱི་སྡུག་བསྔལ་ཀུན། །ཡང་དག་ཟད་པར་ཀུན་ནས་འདོད། །སྐྱེས་བུ་དེ་ནི་མཆོག་ཡིན་ནོ། །ཞེས་གསུངས་པའི་ཕྱིར་རོ།།

༡༨༽ དྲི་བ། བློ་གྲོས་མི་ཟད་པའི་མདོ་འགྲེལ་ལྟར་ན། ཡོངས་སུ་སྨིན་པར་བྱ་བའི་གང་ཟག་ལ་དབྱེ་ན་རིགས་ག་ཚོད་ཡོད་པ་དང་། དེ་དག་གང་དུ་སྨིན་པར་བྱ་དགོས་སམ།

དྲིས་ལན། ཡོངས་སུ་སྨིན་པར་བྱ་བའི་གང་ཟག་ལ་དབྱེ་ན་རྣམ་པ་བཞི་ཡོད་དེ། ༡༽ ཉན་ཐོས་ཀྱི་རིགས་ཅན། ༢༽ རང་སངས་རྒྱས་ཀྱི་རིགས་ཅན། ༣༽ སངས་རྒྱས་ཀྱི་རིགས་ཅན། ༤༽ རིགས་མེད་པའི་གང་ཟག་བཅས་སོ། ། དེ་ལ་རིགས་ཅན་གསུམ་པོ་ནི་ཐེག་པ་གསུམ་དུ་སྨིན་པར་བྱ་དགོས་པ་དང་། རིགས་མེད་པའི་གང་ཟག་ནི་ལྷ་དང་མིའི་བདེ་འགྲོར་སྨིན་པར་བྱ་དགོས་ཏེ། གཞུང་ལས། ཡོངས་སུ་སྨིན་པར་བྱ་བའི་གང་ཟག་ནི་རྣམ་པ་བཞི་སྟེ། ཉན་ཐོས་ཀྱི་རིགས་ཅན་དང་། རང་སངས་རྒྱས་ཀྱི་རིགས་ཅན་དང་། སངས་རྒྱས་ཀྱི་རིགས་ཅན་དང་། རིགས་མེད་པའི་གང་ཟག་གོ། །དེ་ལ་རིགས་ཅན་གསུམ་ནི་ཐེག་པ་གསུམ་དུ་ཡོངས་སུ་སྨིན་པར་བྱའོ། །རིགས་མེད་པའི་གང་ཟག་ཀྱང་ལྷ་དང་མིའི་བདེ་འགྲོར་ཡོངས་སུ་སྨིན་པར་བྱའོ་ཞེས་གསུངས་པའི་ཕྱིར་རོ།།

༡༩༽ དྲི་བ། ཡོངས་སུ་སྨིན་པའི་རང་བཞིན་ཞེས་པ་དེ་གང་འདྲ་ཞིག་ལ་གོ་དགོས་པ་གསུངས་ཡོད་དམ།

དྲིས་ལན། དགེ་བའི་ཆོས་ཀྱི་ས་བོན་ཡང་ནས་ཡང་དུ་བསྟེན་པའི་སྟོབས་ཀྱིས། ལུས་དང་སེམས་ལས་སུ་རུང་བར་གྱུར་ནས་ཉོན་མོངས་པ་དང་ཤེས་བྱའི་སྒྲིབ་པ་སྤོང་བའི་མཐུ་དང་ལྡན་པ་དེ་ལ་ཡོངས་སུ་སྨིན་པའི་རང་བཞིན་ཞེས་བྱ་སྟེ། གཞུང་ལས། དགེ་བའི་ཆོས་རྣམས་ཀྱི་ས་བོན་ཡང་ནས་ཡང་དུ་བསྟེན་པ་དང་ལྡན་པས་ཉོན་མོངས་པ་དང་ཤེས་བྱའི་སྒྲིབ་པ་སྤོང་བར་ནུས་པ་དང་རྗེས་སུ་མཐུན་པའི་ལུས་དང་སེམས་ལས་སུ་རུང་བ་རྙེད་ནས་ཉོན་མོངས་པ་དང་ཤེས་བྱའི་སྒྲིབ་པ་སྤོང་བའི་མཐུ་དང་ལྡན་པ་ནི་ཡོངས་སུ་སྨིན་པའི་རང་བཞིན་ཞེས་བྱའོ། །ཞེས་གསུངས་པའི་ཕྱིར་རོ།།

༢༠༽ དྲི་བ། ཡོངས་སུ་སྨིན་པ་ལ་རབ་ཏུ་དབྱེ་ན་རྣམ་པ་གསུམ་ཡོད་པ་དེ་དག་གང་དང་གང་ཡིན་ནམ།

དྲིས་ལན། ཡོངས་སུ་སྨིན་པ་ལ་རབ་ཏུ་དབྱེ་ན་རྣམ་པ་གསུམ་ཡོད་པ་ནི། དབང་པོ་ཡོངས་སུ་སྨིན་པ་དང་། དགེ་བའི་རྩ་བ་ཡོངས་སུ་སྨིན་པ། ཤེས་པ་ཡོངས་སུ་སྨིན་པ་བཅས་ཡིན་ཏེ། གཞུང་ལས། མདོར་ན་རྣམ་པ་གསུམ་སྟེ་དབང་པོ་ཡོངས་སུ་སྨིན་པ་དང་། དགེ་བའི་རྩ་བ་ཡོངས་སུ་སྨིན་པ་དང་། ཤེས་པ་ཡོངས་སུ་སྨིན་པའོ། །ཞེས་གསུངས་པའི་ཕྱིར་རོ།།

༢༡༽ དྲི་བ། དབང་པོ་ཡོངས་སུ་སྨིན་པ་ཞེས་པའི་དོན་གང་ཡིན་ནམ།

དྲིས་ལན། དབང་པོ་ཡོངས་སུ་སྨིན་པ་ནི། ཚེ་རིང་བ་དང་། གཟུགས་མཛེས་པ། རིགས་རུས་མཐོ་བ། ལོངས་སྤྱོད་ཕུན་སུམ་ཚོགས་པ། ངག་འཇམ་ཞིང་ཚིག་བཙུན་པ། དབང་ཐང་ཆེ་བ། མིའི་ལུས་རྟེན་ཐོབ་པ། རིག་པའི་གནས་རྣམས་ལ་མཁས་པ་བཅས་ལ་གོ་དགོས་ཏེ། གཞུང་ལས། དེ་ལ་དབང་པོ་ཡོངས་སུ་སྨིན་པ་ནི། ཚེ་དང་མདོག་དང་རིགས་དང་དབང་ཕྱུག་ཕུན་སུམ་ཚོགས་པ་དང་། ཚིག་བཙུན་པ་དང་། དབང་ཆེ་བར་གྲགས་པ་དང་། མིར་གྱུར་པ་དང་། རིག་པའི་གནས་རྣམས་ལ་མཁས་པའོ། །ཞེས་གསུངས་པའི་ཕྱིར་རོ།།

༢༢༽ དྲི་བ། དགེ་བའི་རྩ་བ་ཡོངས་སུ་སྨིན་པ་ཞེས་པ་དེ་གང་འདྲ་ཞིག་ལ་གོ་དགོས་སམ།

དྲིས་ལན། དགེ་བའི་རྩ་བ་ཡོངས་སུ་སྨིན་པ་ནི། རང་བཞིན་གྱིས་ཉོན་མོངས་པ་ཤས་ཆུང་ཞིང་། སྡིག་པ་མི་དགེ་བའི་ལས་ལ་སེམས་མི་འཇུག་པ། སྒྲིབ་པ་ཆུང་བ། རྣམ་རྟོག་ཉུང་བ། རྒྱུད་དྲང་ཞིང་གཞན་དང་མཐུན་པར་འགྲོགས་ཤེས་པ་བཅས་ལ་གོ་དགོས་ཏེ། གཞུང་ལས། དགེ་བའི་རྩ་བ་ཡོངས་སུ་སྨིན་པ་ནི། གང་རང་བཞིན་གྱིས་ཉོན་མོངས་པ་ཤས་ཆུང་བ་ལས་ན། རང་བཞིན་གྱིས་སྡིག་པ་མི་དགེ་བའི་ཆོས་ལ་སེམས་མི་འཇུག་ཅིང་། སྒྲིབ་པ་ཆུང་བ་དང་། རྟོག་པ་ཉུང་བ་དང་། དྲང་ཞིང་མཐུན་པར་འཛིན་པ་ཡིན་ནོ། །ཞེས་གསུངས་པའི་ཕྱིར་རོ།།

༢༣༽ དྲི་བ། ཤེས་པ་ཡོངས་སུ་སྨིན་པ་ཞེས་པའི་ཁྱད་ཆོས་རྣམས་གང་ཡིན་ནམ།

དྲིས་ལན། ཤེས་པ་ཡོངས་སུ་སྨིན་པའི་ཁྱད་ཆོས་ནི། དྲན་པ་དང་ལྡན་པ། བློ་རྣོ་ཞིང་ཡིད་གཞུངས་པ། ལེགས་བཤད་དང་ཉེས་བཤད་ཀྱི་དོན་ཤེས་པ། ལྷན་སྐྱེས་ཀྱི་ཤེས་རབ་ཀྱིས་རང་རྒྱུད་ཀྱི་ཉོན་མོངས་པ་སེལ་བའི་མཐུ་དང་ལྡན་པ་བཅས་ཡིན་ཏེ།
གཞུང་ལས། ཤེས་པ་ཡོངས་སུ་སྨིན་པ་ནི། དྲན་པ་དང་ལྡན་པ། ཡིད་གཞུངས་པ་དང་ལྡན་པ། ལེགས་པར་སྨྲས་པ་དང་ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་ཤིང་ལྷན་ཅིག་སྐྱེས་པའི་ཤེས་རབ་ཀྱིས་རང་གི་སེམས་ལ་ཡོད་པའི་ཉོན་མོངས་པ་སེལ་བའི་མཐུ་དང་ལྡན་པའོ། །ཞེས་གསུངས་པའི་ཕྱིར་རོ།།

༢༤༽ དྲི་བ། གང་ཟག་གི་རྒྱུད་ཡོངས་སུ་སྨིན་པར་བྱེད་པའི་ཐབས་ལམ་གང་ཡིན་ནམ།

དྲིས་ལན། ཐེག་པ་གསུམ་གྱི་རིགས་ཅན་རྣམས་ཀྱིས་ཐོག་མར་རང་རང་གི་ཐེག་པའི་ཆོས་ལ་ཐོས་པ་དང་། བར་དུ་བསམ་པ། མཐར་སྒོམ་པ་ལ་སོགས་པའི་རིམ་པས་སྒྲིབ་པ་རྣམས་རིམ་གྱིས་སྤངས་ཏེ་འབྲས་བུ་ལ་འགོད་པ་དེ་ནི་ཡོངས་སུ་སྨིན་པར་བྱེད་པའི་ཐབས་ལམ་ཡིན་ཏེ། གཞུང་ལས། ཡོངས་སུ་སྨིན་པར་བྱེད་པ་ནི། ཐེག་པ་གསུམ་གྱི་རིགས་ཅན་གྱི་གང་ཟག་རྣམས་སོ་སོའི་ཐེག་པའི་ཆོས་རྣམས་དང་པོ་ཉན་པ་དང་། དེ་ནས་བསམ་པ་དང་། སྒོམ་པ་ལ་སོགས་པའི་རིམ་པས་ཁད་ཀྱིས་ཉོན་མོངས་པ་དང་། ཤེས་བྱའི་སྒྲིབ་པ་སྤོང་དུ་བཙུད་དེ་རང་རང་གི་འབྲས་བུ་ལ་འགོད་པའོ། །ཞེས་གསུངས་པའི་ཕྱིར་རོ།།

༢༥༽ དྲི་བ། གང་ཟག་གི་དབྱེ་བ་བཞི་ཡོད་ན། སྐྱེས་བུ་གསུམ་གྱི་ལམ་དུ་ཇི་ལྟར་བསྡུས་པ་ཡིན་ནམ། ཁྱད་པར་དུ་རང་སངས་རྒྱས་ཀྱི་རིགས་ཅན་དེ་སྐྱེས་བུ་གང་གི་ཁོངས་སུ་བསྡུས་ཡོད་དམ།

དྲིས་ལན། ཉན་ཐོས་དང་རང་སངས་རྒྱས་གཉིས་ཀ་རང་ཉིད་གཅིག་པུ་ཞི་བའི་གོ་འཕང་དོན་དུ་གཉེར་བ་འདོད་པ་མཚུངས་པས། སྐྱེས་བུ་འབྲིང་གཅིག་གི་ནང་དུ་བསྡུས་པ་ཡིན་ཏེ། གཞུང་ལས། རང་རྒྱལ་གྱི་རིགས་ནི། ཕར་ཕྱིན་ལས། ཉན་ཐོས་དང་དེའི་ཕྱོགས་སུ་བསླན་པ་རང་སངས་རྒྱས་ཀྱང་སྟེ་ཞེས་འབྱུང་བས་དེ་གཉིས་ཀ་རང་ཉིད་ཞི་བའི་དབྱིངས་སུ་མྱ་ངན་ལས་འདའ་བར་འདོད་པ་མཚུངས་པས་གཅིག་ཏུ་མཛད་དོ། །ཞེས་གསུངས་པའི་ཕྱིར་རོ།།

༢༦༽ དྲི་བ། མདོ་སྡེ་རྒྱན་ལས་གསུངས་པའི་རིགས་ཆད་ཀྱི་གང་ཟག་དང་། གཞུང་འདིར་ངན་འགྲོར་གཞོལ་བར་བཤད་པ་གཉིས་ཀྱི་གནད་གཅིག་པ་གང་ཡིན་ནམ།

དྲིས་ལན། དེ་གཉིས་ཀྱི་གནད་གཅིག་པ་ནི། རེ་ཞིག་གི་ཆ་ནས་གང་ཟག་དེ་རྣམས་ཐར་པའི་ལམ་ལ་འཁྲིད་མི་ཐུབ་པ་དེ་ཡིན་ཏེ། གཞུང་ལས། མདོ་སྡེ་རྒྱན་ནས་རིགས་ཆད་དུ་གསུངས་པ་ནི་འདིར་ངན་འགྲོར་གཞོལ་བར་བཤད་པ་དང་གནད་གཅིག་སྟེ། རེ་ཞིག་ཐར་པའི་ལམ་དུ་བཀྲིར་མི་བཏུབ་པས་སོ། །ཞེས་གསུངས་པའི་ཕྱིར་རོ།།

༢༧༽ དྲི་བ། གང་ཟག་ལ་ལ་ཞིག་གཏན་དུ་རིགས་ཆད་དེ་སངས་རྒྱ་བའི་སྐལ་བ་མེད་པ་ཞིག་ཡོང་སྲིད་དམ།

དྲིས་ལན། མི་སྲིད་དེ། རྒྱུ་མཚན་ནི་ཕུགས་སུ་སེམས་ཅན་ཐམས་ཅད་ལ་སངས་རྒྱ་བའི་སྐལ་བ་ཡོད་པའི་ཕྱིར་ཏེ། གཞུང་ལས། ཕུགས་སེམས་ཅན་ཐམས་ཅད་སངས་རྒྱ་བའི་སྐལ་བ་ཅན་ཡིན་པས་གཏན་དུ་རིགས་ཆད་པ་ནི་མི་སྲིད་དོ། །ཞེས་གསུངས་པའི་ཕྱིར་རོ།།

༢༨༽ དྲི་བ། གཞུང་འདིར་བཤད་པའི་རིགས་མེད་ཀྱི་གང་ཟག་དེ་དོན་དངོས་ལ་སྐྱེས་བུ་གསུམ་ལས་གང་གི་ཁོངས་སུ་གཏོགས་སམ།

དྲིས་ལན། གཞུང་འདིར་རིགས་མེད་དུ་གསུངས་པའི་གང་ཟག་དེ་ནི་མ་ངེས་པའི་རིགས་ཅན་ཡིན་ཞིང་། དོན་དངོས་ལ་སྐྱེས་བུ་ཆུང་ངུའི་ཁོངས་སུ་གཏོགས་པ་ཡིན་ཏེ། གཞུང་ལས། འདིར་རིགས་མེད་དུ་གསུངས་པ་ནི་གཞན་ལས་མ་ངེས་པའི་རིགས་སུ་གསུངས་པ་ཉིད་ཡིན་ཏེ། དོན་ལ་སྐྱེས་བུ་ཆུང་ངུའོ། །ཞེས་གསུངས་པའི་ཕྱིར་རོ།།

༢༩༽ དྲི་བ། སྐྱེས་བུ་གསུམ་གྱི་ལམ་རིམ་བཤད་པའི་གཞི་གཙོ་བོ་དྭགས་པོའི་ཆོས་བཞི་པོ་དེ་དག་གང་དང་གང་ཡིན་ནམ།

དྲིས་ལན། དྭགས་པོའི་ཆོས་བཞི་ནི། ༡༽ ཆོས་ཆོས་སུ་འགྲོ་བ། ༢༽ ཆོས་ལམ་དུ་འགྲོ་བ། ༣༽ ལམ་འཁྲུལ་པ་སེལ་བ། ༤༽ འཁྲུལ་པ་ཡེ་ཤེས་སུ་འཆར་བ་བཅས་ཡིན་ཏེ། གཞུང་ལས། དེ་ལ་ཆོས་བཞི་ནི། ཆོས་ཆོས་སུ་འགྲོ་བ། ཆོས་ལམ་དུ་འགྲོ་བ། ལམ་འཁྲུལ་པ་སེལ་བ། འཁྲུལ་པ་ཡེ་ཤེས་སུ་འཆར་བའོ། །ཞེས་གསུངས་པའི་ཕྱིར་རོ།།

༣༠༽ དྲི་བ། ཆོས་ཆོས་སུ་འགྲོ་བ་ ཞེས་པའི་དོན་གང་ཡིན་ནམ།

དྲིས་ལན། ཆོས་ཆོས་སུ་འགྲོ་བ་ ཞེས་པ་ནི། འཇིག་རྟེན་གྱི་ལུགས་དང་མཐུན་པའི་ཆོས་བཟང་པོ་སྤྱད་པས། གང་ཟག་དེ་ཉིད་ཐར་པའི་ལམ་བསྒྲུབ་པའི་སྣོད་དུ་རུང་བར་འགྱུར་བ་ལ་ཟེར་ཏེ། གཞུང་ལས། དེ་ཆོས་སུ་འགྲོ་བའི་ཆོས་ནི། དེ་སྤྱད་པས་ཐར་པའི་སྣོད་དུ་རུང་བར་འགྱུར་བ་ལ་བྱ་བ་སྟེ། ཤེས་རབ་བརྒྱ་པར། མི་ཡི་ཆོས་ལུགས་ལེགས་སྤྱད་ན། །ལྷ་ཡུལ་བགྲོད་པ་ཐག་མི་རིང་། །ལྷ་དང་མི་ཡི་ཐེམ་སྐས་ལ་འཛེགས་ན་ཐར་པ་གམ་ན་འདུག །ཅེས་པས་སོ། །ཞེས་གསུངས་པའི་ཕྱིར་རོ།།

༣༡༽ དྲི་བ། ཆོས་ལམ་དུ་འགྲོ་བ་ ཞེས་པའི་སྐབས་ཀྱི་ ཆོས་ དེས་གང་ལ་གོ་དགོས་པ་དང་། དེ་ ལམ་ དུ་འགྲོ་བའི་རྒྱུ་མཚན་གང་ཡིན་ནམ།

དྲིས་ལན། སྐབས་འདིའི་ ཆོས་ ནི་ཉན་ཐོས་དང་རང་སངས་རྒྱས་ཀྱི་ཉམས་ལེན་ལ་གོ་དགོས། དེ་ ལམ་ དུ་འགྲོ་བའི་རྒྱུ་མཚན་ནི། ཉམས་ལེན་དེ་དག་ཀུན་འབྱུང་སྡུག་བསྔལ་གྱི་གཉེན་པོར་གྱུར་ཏེ་མྱ་ངན་ལས་འདས་པའི་གོ་འཕང་དུ་བགྲོད་པའི་ལམ་ཡིན་པའི་ཕྱིར་ཏེ། གཞུང་ལས། ཆོས་ལམ་དུ་འགྲོ་བ་ཞེས་པའི་ཆོས་ནི། ཉན་རང་གི་ཉམས་ལེན། དེ་དག་ཀུན་འབྱུང་གི་གཉེན་པོར་འགྱུར་བས་ཏེ། དེ་བསྒོམས་པས་སྡུག་བསྔལ་སྤངས་ནས་མྱ་ངན་ལས་འདས་པར་འགྱུར་བའི་ཕྱིར་རོ། །ལམ་ནི་མྱ་ངན་ལས་འདས་པ་དེར་བགྲོད་པའི་ལམ་སྟེ། ཞེས་གསུངས་པའི་ཕྱིར་རོ།།

༣༢༽ དྲི་བ། སྐྱེས་བུ་ཆུང་ངུའི་ལམ་དང་སྐྱེས་བུ་འབྲིང་གི་ལམ་གཉིས་ཀྱི་འབྲེལ་བ་ཇི་ལྟར་ཡིན་ནམ།

དྲིས་ལན། སྐྱེས་བུ་ཆུང་ངུའི་ལམ་ལ་ཇི་ཙམ་འབད་ཀྱང་དེ་ཙམ་གྱིས་སྐྱེས་བུ་འབྲིང་གི་ཐར་པའི་ལམ་དུ་འཇུག་མི་ནུས་མོད། འོན་ཀྱང་སྐྱེས་བུ་ཆུང་ངུའི་ལམ་གྱིས་ཐར་པའི་ལམ་དེ་སྐྱེ་བར་འོས་པའི་སྐལ་བ་ཅན་ནམ་སྣོད་དུ་རུང་བར་བྱས་ནས་ད་གཟོད་ལམ་དེ་ལ་འཇུག་དགོས་པའི་འབྲེལ་བ་ཡིན་ཏེ། གཞུང་ལས། སྐྱེས་བུ་ཆུང་ངུའི་ལམ་ལ་ཅི་ཙམ་འབད་ཀྱང་ལམ་དེར་འཇུག་མི་ནུས། འོན་ཀྱང་དེས་ལམ་དེ་སྐྱེར་རུང་བའི་སྐལ་བ་ཅན་དུ་བྱས་ནས་གདོད་ལམ་དེ་ལ་འཇུག་དགོས་སོ། །ཞེས་ཤེས་པར་མཛད་པའི་ཕྱིར་ཡང་ངོ་། །ཞེས་གསུངས་པའི་ཕྱིར་རོ།།

༣༣༽ དྲི་བ། ལམ་འཁྲུལ་པ་སེལ་བ་ ཞེས་པའི་ལམ་དེ་གང་ལ་ངོས་འཛིན་དགོས་སམ།

དྲིས་ལན། དེ་ནི་སྤྱིར་ཐེག་པ་ཆེན་པོའི་ལམ་དང་། བྱེ་བྲག་ཏུ་དེའི་ནང་གསེས་རྒྱུའི་ཐེག་པའི་ཉམས་ལེན་ལ་ངོས་འཛིན་དགོས་ཏེ། གཞུང་ལས། ལམ་འཁྲུལ་པ་སེལ་བ་ཞེས་པའི་ལམ་ནི། སྤྱིར་ཐེག་ཆེན། དེར་རྒྱུ་འབྲས་གཉིས་སུ་ཡོད་པའི་རྒྱུའི་ཐེག་པའི་ཉམས་ལེན་ནོ། །ཞེས་གསུངས་པའི་ཕྱིར་རོ།།

༣༤༽ དྲི་བ། ཉན་རང་གི་ལམ་གྱིས་འཁྲུལ་པ་ཡོངས་སུ་སེལ་མི་ཐུབ་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། ཉན་རང་གི་ལམ་གྱིས་ཉོན་མོངས་པའི་སྒྲིབ་པ་སྤོང་ནུས་ཀྱང་། ཤེས་བྱའི་སྒྲིབ་པ་སྤོང་མི་ནུས་པའི་ཕྱིར་དང་། ཐེག་ཆེན་གྱི་ལམ་གྱིས་འཁྲུལ་པ་ཐམས་ཅད་དྲུངས་ནས་འབྱིན་པའི་ཕྱིར་ཏེ། གཞུང་ལས། དེས་འཁྲུལ་པ་ཐམས་ཅད་ཚེར་མ་འབྱིན་པ་བཞིན་དུ་དྲུངས་ནས་འབྱིན་གྱི། ཉན་རང་གི་ལམ་གྱིས་ནི་ཉོན་མོངས་པའི་སྒྲིབ་པའམ་ཉོན་མོངས་པ་ཅན་གྱི་མུན་པ་འཇོམ་གྱི། ཤེས་བྱའི་སྒྲིབ་པའམ་ཉོན་མོངས་པ་ཅན་མ་ཡིན་པའི་མུན་པ་སྤོང་མི་ནུས་པས་དེ་དག་ལམ་ཡིན་ཀྱང་འཁྲུལ་པ་སེལ་བ་མ་ཡིན་ནོ། །ཞེས་གསུངས་པའི་ཕྱིར་རོ།།

༣༥༽ དྲི་བ། ཉན་ཐོས་སམ་རང་སངས་རྒྱས་ཀྱི་བྱང་ཆུབ་ཐོབ་པ་དེ་མཐར་ཐུག་གི་གོ་འཕང་ཡིན་ནམ།

དྲིས་ལན། མཐར་ཐུག་གི་གོ་འཕང་མ་ཡིན་ཏེ། དེ་ནི་རེ་ཞིག་ངལ་གསོ་བའི་གནས་སྐབས་ཙམ་ཡིན་པས་མཐར་ཐེག་པ་ཆེན་པོའི་ལམ་ལ་ངེས་པར་དུ་འཇུག་དགོས་པ་ཡིན། གཞུང་ལས། དེའི་ཕྱིར་ཉན་ཐོས་སམ་རང་སངས་རྒྱས་སུ་བྱང་ཆུབ་པ་དེ་ཡང་རེ་ཞིག་ངལ་གསོ་བ་ཙམ་ཡིན་གྱི། མཐར་ཐེག་ཆེན་གྱི་ཉམས་ལེན་ལ་ངེས་པར་འཇུག་དགོས་སོ། །ཞེས་གསུངས་པའི་ཕྱིར་རོ།།

༣༦༽ དྲི་བ། འཁྲུལ་པ་ཡེ་ཤེས་སུ་འཆར་བ་ ཞེས་པའི་ཆོས་བཞི་པ་དེས་ཐེག་པ་གང་ཞིག་སྟོན་པ་ཡིན་ནམ།

དྲིས་ལན། དེས་ནི་འབྲས་བུའི་ཐེག་པ་སྟོན་པ་ཡིན་ཏེ། གཞུང་ལས། འཁྲུལ་པ་ཡེ་ཤེས་སུ་འཆར་བས་ནི་འབྲས་བུའི་ཐེག་པ་བཤད་པ་ཡིན་ཏེ། ཞེས་གསུངས་པའི་ཕྱིར་རོ།།

༣༧༽ དྲི་བ། རྒྱུའི་ཐེག་པ་དང་འབྲས་བུའི་ཐེག་པ་གཉིས་ཀྱིས་འཁྲུལ་པ་སེལ་ཚུལ་ལ་ཁྱད་པར་གང་ཡོད་དམ།

དྲིས་ལན། ཁྱད་པར་ནི། རྒྱུའི་ཐེག་པས་འཁྲུལ་པ་དང་མ་འཁྲུལ་པ་གཉིས་སུ་ཕྱེ་ནས་མ་འཁྲུལ་པ་གཉེན་པོར་བསྟེན་ནས་འཁྲུལ་པ་འཇོམས་པར་བྱེད་པ་དང་། འབྲས་བུའི་ཐེག་པས་ནི་འཁྲུལ་བཞིན་པའི་དུས་དེར་རང་བཞིན་ངོ་ཤེས་པས་འཁྲུལ་པ་རང་སར་ཡེ་ཤེས་སུ་འཆར་བར་བྱེད་པ་ཡིན་ཏེ། གཞུང་ལས། སྔ་མས་ནི་འཁྲུལ་པ་དང་མ་འཁྲུལ་པ་གཉིས་སུ་ཕྱེ་ནས་མ་འཁྲུལ་པ་གཉེན་པོ། དེས་འཁྲུལ་པ་ཐམས་ཅད་འཇོམས་པར་འདོད་ལ།... ཕྱི་མས་ནི་འཁྲུལ་བདོ་ཙ་ན་དེ་རང་བཞིན་ཤེས་ནས་འཁྲུལ་མེད་དུ་གཏན་ལ་ཕེབ་པས་ཡེ་ཤེས་སུ་ཤར་བ་ཏེ། ཞེས་གསུངས་པའི་ཕྱིར་རོ།།

༣༨༽ དྲི་བ། འཁྲུལ་པ་ཡེ་ཤེས་སུ་འཆར་ཚུལ་དེ་དཔེ་གང་གི་སྒོ་ནས་བསྟན་ཡོད་དམ།

དྲིས་ལན། དཔེ་ཐག་པ་ལ་སྦྲུལ་དུ་འཁྲུལ་པའི་དུས་སུ། ཐག་པར་མཐོང་བ་དང་སྦྲུལ་དུ་འཛིན་པའི་བློ་གཉིས་ཀ་དུས་མཉམ་དུ་མེད་པར་འགྱུར་བ་ལྟ་བུའི་སྒོ་ནས་བསྟན་ཡོད་དེ། གཞུང་ལས། ཐག་པ་སྦྲུལ་དུ་གཟུང་བདོ་བའི་དུས་ཐག་པར་མཐོང་བ་དང་སྦྲུལ་འཛིན་གར་སོང་མེད་པ་དུས་མཉམ་པ་བཞིན་ནོ། །ཞེས་གསུངས་པའི་ཕྱིར་རོ།།

༣༩༽ དྲི་བ། འཁྲུལ་པ་ཡེ་ཤེས་སུ་འཆར་བའི་ལམ་འདི་ལ་འབྲས་བུའི་ཐེག་པ་ཞེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། ལམ་འདི་ལ་འཁྲུལ་པ་ལོགས་སུ་སྤང་རྒྱུ་མེད་པ་དང་། གཉེན་པོ་ལོགས་སུ་བསྟེན་རྒྱུ་མེད་པར། རྒྱུ་དང་འབྲས་བུ་ལྷུན་གྱིས་གྲུབ་པའི་ཚུལ་དུ་སྤྱོད་པས་ན་འབྲས་བུའི་ཐེག་པ་ཞེས་བརྗོད་པ་ཡིན་ཏེ། གཞུང་ལས། དེས་འདི་ལ་འཁྲུལ་པ་སྤང་རྒྱུ་མེད། གཉེན་པོ་ལོགས་སུ་བསྟེན་རྒྱུ་མེད་པས་... རྒྱུ་འབྲས་ལྷུན་གྲུབ་ཏུ་སྤྱོད་པའི་ཕྱིར་འབྲས་བུའི་ཐེག་པའོ། །ཞེས་གསུངས་པའི་ཕྱིར་རོ།།

༤༠༽ དྲི་བ། རྒྱུ་དང་འབྲས་བུའི་ཐེག་པ་གཉིས་པོ་སྐྱེས་བུ་གསུམ་ལས་གང་གི་ལམ་ཡིན་པ་དང་། དེ་གཉིས་ཀྱི་དབྱེ་བ་གང་ལ་བརྟེན་ནས་ཕྱེ་བ་ཡིན་ནམ།

དྲིས་ལན། དེ་གཉིས་ཀ་སྐྱེས་བུ་ཆེན་པོའི་ལམ་ཡིན་ཞིང་། དེ་གཉིས་ཀྱི་དབྱེ་བ་ནི་སྐྱེས་བུ་ཆེན་པོ་དེ་ཉིད་ཀྱི་དབང་པོ་རྣོ་བ་དང་ཆེས་རྣོ་བའི་ཁྱད་པར་ལ་བརྟེན་ནས་ཕྱེ་བ་ཡིན་ཏེ། གཞུང་ལས། དེ་གཉིས་ཀ་སྐྱེས་བུ་ཆེན་པོའི་ལམ་སྟེ། སྐྱེས་བུ་ཆེན་པོ་རང་ལ་དབང་པོ་རྣོ་བ་དང་ཆེས་རྣོ་བའི་ཁྱད་པར་ལ་ལྟོས་ནས་སོ། །ཞེས་གསུངས་པའི་ཕྱིར་རོ།།

༤༡༽ དྲི་བ། ཆོས་བཞི་པོ་དེ་དག་རིམ་པ་བཞིན་ཐེག་པ་གང་དང་གང་ལ་སྦྱར་ཡོད་དམ།

དྲིས་ལན། ཆོས་ཆོས་སུ་འགྲོ་བ་ནི་འཇིག་རྟེན་ལྷ་མིའི་ཐེག་པ། ཆོས་ལམ་དུ་འགྲོ་བ་ནི་ཉན་ཐོས་དང་རང་སངས་རྒྱས་ཀྱི་ཐེག་པ། ལམ་འཁྲུལ་པ་སེལ་བ་ནི་སངས་རྒྱས་ཀྱི་ཐེག་པ་བཅས་ལ་སྦྱར་ཡོད་དེ། གཞུང་ལས། དེ་དག་རིམ་པ་བཞིན་འཇིག་རྟེན་ལྷ་མིའི་ཐེག་པ་དང་། ཉན་ཐོས་དང་རང་སངས་རྒྱས་ཀྱི་དང་། སངས་རྒྱས་ཀྱི་ཐེག་པ་ཞེས་བྱ། ཞེས་གསུངས་པའི་ཕྱིར་རོ།།

༤༢༽ དྲི་བ། ཐེག་པ་ ཞེས་པའི་སྒྲའི་དོན་རྒྱུ་དང་འབྲས་བུའི་སྒོ་ནས་ཇི་ལྟར་བཞག་ཡོད་དམ།

དྲིས་ལན། རྒྱུའི་དབང་དུ་བྱས་ན། བྱང་ཆུབ་རྣམ་གསུམ་དུ་སེམས་བསྐྱེད་ནས་ལམ་དེ་ལ་བགྲོད་པས་ན་ཐེག་པ་ཞེས་བྱ།འབྲས་བུའི་དབང་དུ་བྱས་ན། མྱ་ངན་ལས་འདས་པ་རྣམ་པ་གསུམ་གྱི་གོ་འཕང་དེར་བགྲོད་པར་བྱ་བའི་ཡུལ་ཡིན་པས་ན་ཐེག་པ་ཞེས་བྱ་སྟེ། གཞུང་ལས། རྒྱུའི་དབང་དུ་བྱས་ནས་འདིས་བགྲོད་པས་ཐེག་པ་དེ་ཡང་བྱང་ཆུབ་རྣམ་པ་གསུམ་དུ་སེམས་བསྐྱེད་པ་སྒྲུབ་པ་དང་བཅས་པ། འབྲས་བུའི་དབང་དུ་བྱས་ནས་འདིར་བགྲོད་པས་ཐེག་པ་སྟེ། མྱ་ངན་ལས་འདའ་བ་རྣམ་པ་གསུམ། ཞེས་གསུངས་པའི་ཕྱིར་རོ།།

༤༣༽ དྲི་བ། མི་དགེ་བ་བཅུའི་ལས་ཀྱིས་ཀྱང་ངན་འགྲོར་འཁྲིད་པར་བྱེད་ན། དེ་དག་འཇིག་རྟེན་པའི་ཐེག་པའི་ཁོངས་སུ་ཅིའི་ཕྱིར་མ་བསྡུས་པ་ཡིན་ནམ།

དྲིས་ལན། རྒྱུ་མཚན་ནི། སྐབས་འདིར་ཐེག་པའི་དོན་ནི་རྒྱུས་བདེ་བ་སྐྱེད་པ་དང་འབྲས་བུས་ཐར་པའི་སྣོད་དུ་རུང་བ་ལ་བྱེད་དགོས་ཀྱང་། མི་དགེ་བའི་ལས་ནི་དེ་ལས་ལྡོག་སྟེ་སྡུག་བསྔལ་སྐྱེད་པས་ཐེག་པར་མི་རུང་བའི་ཕྱིར་ཏེ། གཞུང་ལས། འདིར་ཐེག་པའི་དོན་ནི། རྒྱུས་བདེ་བ་སྐྱེད་པར་བྱེད་པ་དང་། འབྲས་བུའི་ཚེ་འཕགས་པའི་བདེན་པ་རྟོགས་པའི་སྣོད་དུ་རུང་བས་བྱེད་ཀྱི། དེ་དག་ནི་དེ་ལས་ལྡོག་པས་ཐེག་པར་མི་རུང་བ་ཡིན་ནོ། །ཞེས་གསུངས་པའི་ཕྱིར་རོ།།

༤༤༽ དྲི་བ། ལྟ་བ་དང་། སྒོམ་པ། སྤྱོད་པ་གསུམ་པོ་དེ་དཔེ་གང་གི་སྒོ་ནས་གསལ་བཤད་མཛད་ཡོད་དམ།

དྲིས་ལན། ལྟ་བ་མིག་རྒྱང་དང་། སྒོམ་པ་གོམ་པ་དོར་བ། སྤྱོད་པ་སྐྱེལ་མ་དང་འདྲ་བའི་དཔེའི་སྒོ་ནས་གསལ་བཤད་མཛད་ཡོད་དེ། གཞུང་ལས། དཔེར་ན་ལྟ་བ་མིག་རྒྱང་དང་འདྲ་བ་ཡིན། སྒོམ་པ་གོམ་པ་དོར་བ་དང་འདྲ་བ་ཡིན། སྤྱོད་པ་སྐྱེལ་མ་དང་འདྲ་བ་ཡིན། འབྲས་བུ་འདོད་སར་སོན་པ་དང་འདྲ་བ་ཡིན་པས་སོ། །ཞེས་གསུངས་པའི་ཕྱིར་རོ།།

༤༥༽ དྲི་བ། ལྟ་སྒོམ་སྤྱོད་གསུམ་གཅིག་ལ་གཅིག་བརྟེན་གྱི་སྒོ་ནས་འབྲས་བུ་བར་ཆད་མེད་པར་འགྲུབ་ཚུལ་ཇི་ལྟར་ཡིན་ནམ།

དྲིས་ལན། ལྟ་བ་དག་ན་སྒོམ་པ་ལོག་ལམ་དུ་མི་འགྲོ་བ་དང་། སྒོམ་པ་དག་ན་སྤྱོད་པ་ཡང་དག་པར་འབྱུང་བ། དེ་ལྟར་རྒྱུ་ཚོགས་གྲངས་ཚང་ན་འབྲས་བུ་བར་ཆད་མེད་པར་འབྱུང་བ་ཡིན་ཏེ། གཞུང་ལས། ལྟ་བ་རྣམ་པར་དག་པ་ཅིག་བྱུང་ན་སྒོམ་པ་གོལ་འགྲིབ་ཀྱི་མཐར་ལྷུང་མི་སྲིད། སྒོམ་པ་རྣམ་པར་དག་པ་ཅིག་བྱུང་ན་སྤྱོད་པ་དེའི་རྗེས་སུ་འགྲོ་ངེས་པ་ཡིན་པས་རྣམ་པར་དག་པ་ཅིག་ཀ་འོང་བ་ཡིན། དེ་བྱུང་ན་རྒྱུ་ཚོགས་གྲངས་ཚང་བས་འབྲས་བུ་གང་བསྒྲུབས་བར་ཆད་མེད་པར་འབྱུང་ངེས་པ་ཡིན་ནོ། །ཞེས་གསུངས་པའི་ཕྱིར་རོ།།

༤༦༽ དྲི་བ། བོད་དུ་སྐྱེས་བུ་གསུམ་གྱི་ལམ་རིམ་གྱི་སྲོལ་དེ་སློབ་དཔོན་གང་གིས་གཞུང་གང་གི་སྒོ་ནས་ཐོག་མར་དར་རྒྱས་སུ་མཛད་པ་ཡིན་ནམ།

དྲིས་ལན། བོད་དུ་ཇོ་བོ་རྗེ་དཔལ་ལྡན་ཨ་ཏི་ཤ་ཕེབས་ནས་ལྷ་བྱང་ཆུབ་འོད་ཀྱི་ཞུས་ངོར་《བྱང་ཆུབ་ལམ་སྒྲོན་》མཛད་པ་ནས་བཟུང་སྐྱེས་བུ་གསུམ་གྱི་ལམ་རིམ་གྱི་སྲོལ་དར་བ་ཡིན་ཏེ། གཞུང་ལས། ཇོ་བོ་རྗེ་ལྷ་གཅིག་བོད་དུ་ཕེབས། ལྷ་བྱང་ཆུབ་འོད་ཀྱིས་གསོལ་བ་བཏབ་པའི་ངོར་བྱང་ཆུབ་ལམ་སྒྲོན་མཛད་མན་སྐྱེས་བུ་གསུམ་གྱི་ལམ་རིམ་དུ་གྲགས་པའི་སྙིང་པོ་ཁོལ་དུ་ཕྱུང་བ་འདི་བྱུང་བ་ཡིན། ཞེས་གསུངས་པའི་ཕྱིར་རོ།།

༤༧༽ དྲི་བ། དེང་སང་སྐྱེས་བུ་གསུམ་གྱི་ལམ་རིམ་འཆད་ཚུལ་ཐད་ནོར་འཁྲུལ་གང་ཞིག་ལ་ཀུན་མཁྱེན་ཆེན་པོས་ཟུར་ཟ་མཛད་ཡོད་དམ།

དྲིས་ལན། དེང་སང་མི་ལ་ལས་ཐེག་པ་ཆེན་པོའི་ལམ་རིམ་གཅིག་པུ་བཤད་ནས་དེ་ཉིད་སྐྱེས་བུ་གསུམ་ཀའི་ལམ་རིམ་ཡིན་པར་འདོད་པ་ནི་ནོར་འཁྲུལ་ཡིན་པས་གད་མོའི་གནས་སུ་གསུངས་ཡོད་དེ། གཞུང་ལས། ལམ་རིམ་དེར་དང་པོ་གཉིས་མདོ་ཙམ་ཕྱི་མ་རྒྱས་པར་བཤད་པས། དིང་སང་ཐེག་པ་ཆེན་པོའི་ལམ་རིམ་ཞིག་བཤད་ནས་དེ་སྐྱེས་བུ་གསུམ་ཀའི་ལམ་རིམ་དུ་འདོད་པ་མང་སྟེ་གད་མོའི་གནས་སོ། །ཞེས་གསུངས་པའི་ཕྱིར་རོ།།

༤༨༽ དྲི་བ། དེང་སང་བཀའ་བརྒྱུད་པས་ཆོས་བཞིའི་གཞུང་ལུགས་ཀྱི་རྩ་བར་འཛིན་པའི་གཞུང་དེ་གང་ཡིན་ནམ།

དྲིས་ལན། ལྷོ་ལ་ཡག་པ་བྱང་ཆུབ་དངོས་གྲུབ་ཀྱིས་མཛད་པའི་ཆོས་བཞི་རྩ་འགྲེལ་ཆེ་བ་དེ་ཉིད་དེང་སང་བཀའ་བརྒྱུད་པས་རྩ་བར་འཛིན་པ་ཡིན་ཏེ། གཞུང་ལས། ལྷོ་ལ་ཡག་པ་བྱང་ཆུབ་དངོས་གྲུབ་ཀྱིས་ཆོས་བཞི་རྩ་འགྲེལ་ཆེ་བ་ཞིག་མཛད་པས་དིང་སང་གི་བཀའ་བརྒྱུད་པ་བྱིན། དེ་ཆོས་བཞིའི་གཞུང་ལུགས་འདིའི་རྩ་བར་འཛིན་ནོ། །ཞེས་གསུངས་པའི་ཕྱིར་རོ།།

༤༩༽ དྲི་བ། སངས་རྒྱས་ཀྱི་གསུང་ལ་ནོར་འཁྲུལ་མེད་ན་ཐེག་པ་མཐོ་དམན་གྱི་རིམ་པ་མི་འདྲ་བ་གསུངས་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། གདུལ་བྱ་སོ་སོའི་དབང་པོའི་རིམ་པ་དང་མཐུན་པར་གསུངས་པ་ཡིན་གྱི་ཆོས་རང་ངོས་ནས་མཐོ་དམན་ཡོད་པས་མ་ཡིན་ཏེ། གཞུང་ལས། ཐེག་པ་མཐོ་དམན་གྱི་རིམ་པ་བྱུང་བ་ཐམས་ཅད་གདུལ་བྱའི་དབང་པོའི་རིམ་པ་དང་སྦྱར་ནས་གསུངས་པ་ཡིན། ཞེས་གསུངས་པའི་ཕྱིར་རོ།།

༥༠༽ དྲི་བ། རང་གི་གྲུབ་མཐའ་ཁོ་ནར་ཞེན་ནས་གཞན་གྱི་གྲུབ་མཐའ་ལ་སྨད་ན་ཉེས་དམིགས་གང་དག་འབྱུང་བ་གསུངས་ཡོད་དམ།

དྲིས་ལན། ཉེས་དམིགས་གཉིས་འབྱུང་བར་གསུངས་ཏེ། མདོ་སྡེའི་ལུགས་ལྟར་ན་ཆོས་སྤོང་གི་ལས་བསགས་པ་དང་། རྒྱུད་སྡེའི་ལུགས་ལྟར་ན་རང་གཞན་གྱི་གྲུབ་མཐའ་ལ་སྨད་པའི་ཉེས་པ་འབྱུང་བ་ཡིན་ཏེ། གཞུང་ལས། མདོ་དང་བསྟུན་ན་ཆོས་སྤོང་གི་ལས་གསོག །རྒྱུད་སྡེ་དང་བསྟུན་ན་རང་ངམ་གཞན་གྱི་གྲུབ་མཐའ་ལ་སྨད་པའི་ཉེས་པའང་འོང་། ཞེས་གསུངས་པའི་ཕྱིར་རོ།།

༥༡༽ དྲི་བ། གལ་ཏེ་གཞན་གྱི་གྲུབ་མཐའ་ལ་སྨད་ན་ཉེས་པ་ཡོད་ན། གྲུབ་མཐའ་གོང་མས་འོག་མ་ལ་དགག་པ་དང་སུན་འབྱིན་པ་ལ་ཉེས་པ་མེད་དམ།

དྲིས་ལན། ཉེས་པ་མེད་པའི་ཁར་ཕན་ཐོགས་ཡོད་དེ། རྒྱུ་མཚན་ནི། དགག་པ་དེ་ཐེག་པ་འོག་མ་ལ་གནས་པའི་གང་ཟག་དེ་ཐེག་པ་གོང་མའི་ལམ་ལ་འགོད་པའི་ཐབས་ཡིན་པས་སོ།། གཞུང་ལས། དེ་ཐེག་པ་འོག་མ་ལ་གནས་པའི་གང་ཟག་དེ་གོང་མ་ལ་འཇུག་པའི་ཆེད་དུ་ཡིན་པས་དེ་ལྟ་བུ་ཉེས་པ་མེད་པའི་ཁར་ལེགས་པར་བྱས་པ་ཡིན་ནོ། །ཞེས་གསུངས་པའི་ཕྱིར་རོ།།

༥༢༽ དྲི་བ། འཇིག་རྟེན་པའི་ཡང་དག་པའི་ལྟ་བ་ཞེས་པ་གང་ལ་ཟེར་བ་དང་། དེ་ལྟར་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། ལས་འབྲས་དང་། དཀོན་མཆོག བདེན་པ་སོགས་ཡོད་པར་ཡིད་ཆེས་པའི་ལྟ་བ་དེ་ལ་ཟེར། དེ་ལྟར་བརྗོད་པའི་རྒྱུ་མཚན་ནི། ལོག་ལྟ་ལས་ལྡོག་པས་ ཡང་དག་པ་ དང་། ཚུ་རོལ་མཐོང་བའི་གང་ཟག་གི་ལྟ་བ་ཡིན་པས་ འཇིག་རྟེན་པ་ ཞེས་བརྗོད་པ་ཡིན་ཏེ། གཞུང་ལས། དེ་ཡང་ལས་དང་ལས་ཀྱི་འབྲས་བུ་དང་དཀོན་མཆོག་དང་བདེན་པ་ལ་སོགས་པ་ཡོད་པར་ལྟ་བ་སྟེ། ལོག་པར་ལྟ་བ་ལས་ཟློག་པའི་ཕྱིར་ཡང་དག་པ་དང་། དེ་ཡང་ཚུ་རོལ་མཐོང་བ་དག་གིས་ཡིན་པས་འཇིག་རྟེན་པ་སྟེ། དེའི་ཕྱིར་འཇིག་རྟེན་པའི་ཡང་དག་པའི་ལྟ་བ་ཞེས་བྱའོ། །ཞེས་གསུངས་པའི་ཕྱིར་རོ།།

༥༣༽ དྲི་བ། སློབ་དཔོན་རྟ་དབྱངས་ཀྱིས་ལོག་པར་ལྟ་བ་ལ་ངོས་འཛིན་ཇི་ལྟར་མཛད་ཡོད་དམ།

དྲིས་ལན། སྦྱིན་པ་དང་མཆོད་སྦྱིན། འཇིག་རྟེན་ཕ་རོལ། དགེ་སྦྱོང་དང་བྲམ་ཟེ། ལྷ། སངས་རྒྱས། དགྲ་བཅོམ་པ། རང་སངས་རྒྱས། དགེ་སྡིག་གི་ལས་བཅས་མེད་པར་འདོད་པ་ནི་ལོག་པར་ལྟ་བ་ཡིན་པར་གསུངས་ཏེ། གཞུང་ལས། སློབ་དཔོན་རྟ་དབྱངས་ཀྱིས། སྦྱིན་མེད་མཆོད་སྦྱིན་ཡོད་མིན་དང་། །འཇིག་རྟེན་ཕ་རོལ་ཡོད་མིན་ཞིང་། །དགེ་སྦྱོང་བྲམ་ཟེ་ལྷ་རྣམས་མེད། །རྫོགས་སངས་རྒྱས་དང་དགྲ་བཅོམ་དང་། །རང་སངས་རྒྱས་དང་ལེགས་སྤྱད་དང་། །ཉེས་པར་སྤྱད་པ་ཡོད་མིན་ཞེས། །བྱ་བ་ལོག་པར་ལྟ་བ་ཡིན། །ཞེས་སོ། །ཞེས་གསུངས་པའི་ཕྱིར་རོ།།

༥༤༽ དྲི་བ། སློབ་དཔོན་ཀླུ་སྒྲུབ་ཀྱིས་ཡང་དག་པའི་ལྟ་བ་དང་ལོག་པར་ལྟ་བ་འཛིན་པའི་འབྲས་བུ་གང་འདྲ་ཡིན་པ་གསུངས་ཡོད་དམ།

དྲིས་ལན། ལས་འབྲས་སོགས་མེད་པར་ལྟ་བ་ནི་ངན་འགྲོར་འགྲོ་བ་དང་། ཡོད་པར་ལྟ་བ་ནི་བདེ་འགྲོར་འགྲོ་བར་གསུངས་ཏེ།
གཞུང་ལས། མེད་པ་པ་ནི་ངན་འགྲོར་འགྲོ། །ཡོད་པ་པ་ནི་བདེ་འགྲོར་འགྲོ། །ཞེས་གསུངས་པ་ཡིན་ནོ། །ཞེས་གསུངས་པའི་ཕྱིར་རོ།།

༥༥༽ དྲི་བ། ལོག་པར་ལྟ་བ་ལ་ནང་གསེས་ཀྱི་དབྱེ་བ་གསུམ་ཡོད་པ་དེ་དག་གང་དང་གང་ཡིན་ནམ།

དྲིས་ལན། ནང་གསེས་ཀྱི་དབྱེ་བ་གསུམ་ནི། ༡༽ ལས་འབྲས་ལ་ལོག་པར་ལྟ་བ། དགེ་སྡིག་གི་ལས་ལས་བདེ་སྡུག་གི་འབྲས་བུ་སྐྱེད་པར་མི་འདོད་པ། ༢༽ བདེན་པ་ལ་ལོག་པར་ལྟ་བ། ལམ་བདེན་ཉམས་སུ་བླངས་ཀྱང་འགོག་བདེན་མི་ཐོབ་པར་འདོད་པ། ༣༽ དཀོན་མཆོག་ལ་ལོག་པར་ལྟ་བ། དཀོན་མཆོག་གསུམ་མི་བདེན་པར་ལྟ་ཞིང་སྐུར་བ་འདེབས་པ་བཅས་ཡིན་ནོ།།

༥༦༽ དྲི་བ། གཞུང་འདིར་ལས་སམ་འདུ་བྱེད་ལ་དབྱེ་ན་རིགས་གསུམ་ཡོད་པ་གང་དང་གང་ཡིན་ནམ།

དྲིས་ལན། ལས་ལ་དབྱེ་ན་གསུམ་ཡོད་དེ། ༡༽ བསོད་ནམས་མ་ཡིན་པའི་འདུ་བྱེད། ༢༽ བསོད་ནམས་ཀྱི་འདུ་བྱེད། ༣༽ མི་གཡོ་བའི་འདུ་བྱེད་བཅས་ཡིན་ཏེ། གཞུང་ལས། ལས་ནི་བསོད་ནམས་མ་ཡིན་པར་འགྲོ་བའི་འདུ་བྱེད་དང་། བསོད་ནམས་སུ་ཉེ་བར་འགྲོ་བའི། མི་གཡོ་བར་ཉེ་བར་འགྲོ་བའི་འདུ་བྱེད་དེ། ཞེས་གསུངས་པའི་ཕྱིར་རོ།།

༥༧༽ དྲི་བ། བསོད་ནམས་མ་ཡིན་པའི་ལས་མངོན་པར་འདུ་བྱེད་པའི་རྒྱུ་གང་ཡིན་ནམ།

དྲིས་ལན། སྡིག་པའི་ལས་བྱེད་པ་ལ་ཆགས་པ་དང་། ཚེ་རབས་ཕྱི་མ་དང་ལས་འབྲས་མེད་པར་ལྟ་བའི་གཏི་མུག་བཅས་ཀྱིས་བསོད་ནམས་མ་ཡིན་པའི་ལས་གསོག་པ་ཡིན་ཏེ། གཞུང་ལས། དེ་ལ་སྡིག་པའི་ལས་བྱེད་པ་ལ་མངོན་པར་ཆགས་པ་ཚེ་རབས་གཞན་དང་ལས་ཀྱི་འབྲས་བུ་ལ་གཏི་མུག་པས་མེད་པར་ལྟ་བ་རྣམས་ནི་བསོད་ནམས་མ་ཡིན་པའི་ལས་མངོན་པར་འདུ་བྱེད་དོ། །ཞེས་གསུངས་པའི་ཕྱིར་རོ།།

༥༨༽ དྲི་བ། བསོད་ནམས་ཀྱི་ལས་མངོན་པར་འདུ་བྱེད་པའི་རྒྱུ་གང་ཡིན་ནམ།

དྲིས་ལན། མ་རིག་པས་རྨོངས་ནས་འཁོར་བ་དང་འཁོར་བའི་ལོངས་སྤྱོད་ལ་ཡོན་ཏན་དུ་ལྟ་ཞིང་བདེ་བར་འདུ་ཤེས་པ་རྣམས་ཀྱིས་བསོད་ནམས་ཀྱི་ལས་གསོག་པ་ཡིན་ཏེ། གཞུང་ལས། མ་རིག་པས་རྨོངས་པར་གྱུར་པ་སྲིད་པ་དང་སྲིད་པའི་ལོངས་སྤྱོད་ལ་ཡོན་ཏན་དུ་ལྟ་ཞིང་བདེ་བར་འདུ་ཤེས་པ་རྣམས་ནི་བསོད་ནམས་ཀྱི་ལས་མངོན་པར་འདུ་བྱེད་དོ། །ཞེས་གསུངས་པའི་ཕྱིར་རོ།།

༥༩༽ དྲི་བ། མི་གཡོ་བའི་ལས་མངོན་པར་འདུ་བྱེད་པའི་རྒྱུ་གང་ཡིན་ནམ།

དྲིས་ལན། མ་རིག་པའི་དབང་གིས་སྙོམས་འཇུག་གི་བདེ་བ་ལ་ཆགས་ཤིང་། སྲེད་པ་དང་ལྟ་བ། ང་རྒྱལ་ཤས་ཆེ་བའི་བསམ་གཏན་ལ་གནས་པ་རྣམས་ཀྱིས་མི་གཡོ་བའི་ལས་གསོག་པ་ཡིན་ཏེ། གཞུང་ལས། མ་རིག་པའི་རྐྱེན་གྱིས་སྙོམས་པར་འཇུག་པའི་རོ་ལ་ཆགས་པར་ལྟ་བས་སྲེད་པ་དང་ལྟ་བ་དང་། ང་རྒྱལ་ཤས་ཆེ་བའི་བསམ་གཏན་རྣམས་ནི་མི་གཡོ་བའི་ལས་མངོན་པར་འདུ་བྱེད་པ་ཞེས་སོ། །ཞེས་གསུངས་པའི་ཕྱིར་རོ།།

༦༠༽ དྲི་བ། ལས་རྣམ་པ་གསུམ་པོ་དེ་དག་གི་རྣམ་སྨིན་གྱི་འབྲས་བུ་གང་དང་གང་དུ་སྐྱེ་བ་ཡིན་ནམ།

དྲིས་ལན། བསོད་ནམས་མ་ཡིན་པའི་ལས་ཀྱིས་ངན་སོང་གསུམ་དུ་སྐྱེ་བ་དང་། བསོད་ནམས་ཀྱི་ལས་ཀྱིས་འདོད་ཁམས་ཀྱི་ལྷ་དང་མིར་སྐྱེ་བ། མི་གཡོ་བའི་ལས་ཀྱིས་གཟུགས་དང་གཟུགས་མེད་ཀྱི་ཁམས་སུ་སྐྱེ་བ་ཡིན་ཏེ། གཞུང་ལས། འབྲས་བུ་ནི་བསོད་ནམས་མ་ཡིན་པའི་ལས་ཀྱི་ལམ་གྱིས་འདོད་པའི་ཁམས་ཀྱི་ནང་ཚན་ངན་སོང་གསུམ་དུ་སྐྱེའོ། །བསོད་ནམས་ཀྱི་ལས་ཀྱིས་གཙོ་བོར་འདོད་པའི་ཁམས་ཀྱི་ལྷ་མིར་རོ། །མི་གཡོ་བས་ནི་གཟུགས་དང་གཟུགས་མེད་ཀྱི་ཁམས་སུ། ཞེས་གསུངས་པའི་ཕྱིར་རོ།།

༦༡༽ དྲི་བ། ལས་གསུམ་པ་དེ་ལ་ མི་གཡོ་བ་ ཞེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་རྣམ་པ་གཉིས་ཡོད་དེ། གཅིག་ནི་ལས་དེ་སེམས་རྩེ་གཅིག་པའི་ཏིང་ངེ་འཛིན་གྱི་ངོ་བོ་ཡིན་པས་རྣམ་རྟོག་གིས་བསྐྱོད་མི་ནུས་པའི་ཕྱིར་དང་། གཉིས་ནི་ལས་དེའི་རྣམ་སྨིན་གྱི་འབྲས་བུ་ལ་གཞན་ལྟར་གཡོ་བ་མེད་པའི་ཕྱིར་ཏེ། གཞུང་ལས། དེ་དག་གི་ལས་སེམས་རྩེ་གཅིག་པའི་མཚན་ཉིད་ལ་རྣམ་པར་རྟོག་པའི་རླུང་གིས་བསྐྱོད་པར་མི་ནུས་པས་མི་གཡོ་བ་ཞེས་སམ། ཡང་ན་ལས་གཞན་གཉིས་ཀྱི་འབྲས་བུ་རྐྱེན་གྱིས་གཞན་དུ་འགྱུར་བ་ཡོད་པ་ལྟར་འདི་ལ་མ་ཡིན་པར་རྣམ་པར་སྨིན་པ་གཡོ་བ་མེད་པས་སོ། །ཞེས་གསུངས་པའི་ཕྱིར་རོ།།

༦༢༽ དྲི་བ། བསོད་ནམས་མ་ཡིན་པའི་ལས་སམ་མི་དགེ་བ་བཅུ་པོ་དེ་དག་གང་དང་གང་ཡིན་ནམ།

དྲིས་ལན། མི་དགེ་བ་བཅུ་ནི། ལུས་ཀྱི་མི་དགེ་བ་གསུམ། སྲོག་གཅོད་པ། མ་བྱིན་པར་ལེན་པ། ལོག་པར་གཡེམ་པ། ངག་གི་མི་དགེ་བ་བཞི། རྫུན་དུ་སྨྲ་བ། ཕྲ་མ། ཚིག་རྩུབ། ངག་འཁྱལ་བ། ཡིད་ཀྱི་མི་དགེ་བ་གསུམ། བརྣབ་སེམས། གནོད་སེམས། ལོག་པར་ལྟ་བ་བཅས་ཡིན་ཏེ། གཞུང་ལས། མི་དགེ་བའི་ལས་ཀྱི་ལམ་ལུས་ཀྱི་སྒོ་ནས་སྲོག་གཅོད་པ་དང་། མ་བྱིན་པར་ལེན་པ་དང་། ལོག་པར་གཡེམ་པ་གསུམ། ངག་གི་སྒོ་ནས་རྫུན་ཚིག་དང་། ཕྲ་མ་དང་། ཚིག་རྩུབ་དང་། ངག་འཁྱལ་བ་བཞི། ཡིད་ཀྱི་སྒོ་ནས། ལོག་པར་ལྟ་བ། བརྣབ་སེམས། གནོད་སེམས་གསུམ་སྟེ་བཅུའོ། །ཞེས་གསུངས་པའི་ཕྱིར་རོ།།

༦༣༽ དྲི་བ། སྲོག་གཅོད་པའི་ལས་ལམ་ཡོངས་སུ་རྫོགས་པ་ལ་ཡན་ལག་ལྔ་པོ་གང་དག་ཚང་དགོས་སམ།

དྲིས་ལན། སྲོག་གཅོད་པ་ཡོངས་སུ་རྫོགས་པ་ལ་ཡན་ལག་ལྔ་ཚང་དགོས་པ་ནི། ༡) གཞི་སེམས་ཅན་ཡིན་པ། ༢) དེར་འདུ་ཤེས་པ། ༣) གསོད་པར་བསམ་པ། ༤) གསོད་པའི་སྦྱོར་བ་བྱས་པ། ༥) དེ་ཉིད་ཀྱི་ཚེ་འམ་གཞན་དུ་ཤི་བ་བཅས་ཡིན་ཏེ། གཞུང་ལས། དེ་ལ་སྲོག་གཅོད་ནི། གཞི་སེམས་ཅན་ཡིན་པ། དེར་འདུ་ཤེས་པ། གསོད་པར་བསམ་པ། སྦྱོར་བ་བྱས་པ། དེ་ཉིད་ཀྱི་ཚེའམ་གཞན་གྱི་ཚེ་ཤི་བ་སྟེ་ཡན་ལག་ལྔ་ཚང་བ། ཞེས་གསུངས་པའི་ཕྱིར་རོ།།

༦༤༽ དྲི་བ། མ་བྱིན་པར་ལེན་པའི་ལས་ལམ་ཡོངས་སུ་རྫོགས་པ་ལ་ཡན་ལག་དྲུག་པོ་གང་དག་ཚང་དགོས་སམ།

དྲིས་ལན། མ་བྱིན་པར་ལེན་པ་ཡོངས་སུ་རྫོགས་པ་ལ་ཡན་ལག་དྲུག་ཚང་དགོས་པ་ནི། ༡) གཞན་གྱི་ཡིན་པ། ༢) གཞན་གྱིས་བདག་གིར་བྱས་པ། ༣) གཞན་གྱི་ཡིན་པར་འདུ་ཤེས་པ། ༤) བརྐུ་བར་བསམས་པ། ༥) བརྐུ་བའི་སྦྱོར་བ་བྱས་པ། ༦) གནས་ནས་སྤགས་པ་བཅས་ཡིན་ཏེ། གཞུང་ལས། མ་བྱིན་ལེན་ནི། གཞན་གྱི་ཡིན་པ། གཞན་གྱིས་བདག་གིར་བྱས་པ། གཞན་གྱི་ཡིན་པར་འདུ་ཤེས་པ།བརྐུ་བར་བསམས་པ། བརྐུ་བའི་སྦྱོར་བ་ལ་ཞུགས་པ། གནས་ནས་སྤགས་པ་སྟེ་ཡན་ལག་དྲུག་ཚང་བའོ། །ཞེས་གསུངས་པའི་ཕྱིར་རོ།།

༦༥༽ དྲི་བ། ལོག་པར་གཡེམ་པའི་ལས་ལམ་ལ་ཡན་ལག་བདུན་ཡོད་པ་དེ་དག་གང་དང་གང་ཡིན་ནམ།

དྲིས་ལན། ལོག་པར་གཡེམ་པའི་ཡན་ལག་བདུན་ནི། ༡) ཡུལ་མ་ཡིན་པ། ༢) དུས་མ་ཡིན་པ། ༣) ཡན་ལག་མ་ཡིན་པ། ༤) བགྲོད་བྱ་མ་ཡིན་པ་བཞི་གང་རུང་། ༥) དེར་འདུ་ཤེས་པ། ༦) འཁྲིག་པའི་སྦྱོར་བ་བྱས་པ། ༧) རྗེས་སུ་མཐུན་པའི་ཚོར་བ་མྱོང་བ་བཅས་ཡིན་ཏེ། གཞུང་ལས། ལོག་པར་གཡེམ་པ་ནི། ཡུལ་མ་ཡིན་པ། དུས་མ་ཡིན་པ། ཡན་ལག་མ་ཡིན་པ། བགྲོད་བྱ་མ་ཡིན་པ་བཞི། དེ་དག་གང་རུང་ལ་དེར་འདུ་ཤེས་པ་དང་། འཁྲིག་པའི་སྦྱོར་བ་བྱས་པ་དང་། རྗེས་སུ་མཐུན་པའི་ཚོར་བ་མྱོང་བ་གསུམ་སྟེ་ཡན་ལག་བདུན་དང་ལྡན་པ། ཞེས་གསུངས་པའི་ཕྱིར་རོ།།

༦༦༽ དྲི་བ། སློབ་དཔོན་རྟ་དབྱངས་ཀྱི་གསུང་ལྟར་ན། ལོག་གཡེམ་གྱི་རྒྱུར་འགྱུར་བའི་ཡུལ་མ་ཡིན་པ་དང་། དུས་མ་ཡིན་པ། ཡན་ལག་མ་ཡིན་པ། བགྲོད་བྱ་མ་ཡིན་པ་བཅས་ལ་ངོས་འཛིན་ཇི་ལྟར་བྱེད་དགོས་སམ།

དྲིས་ལན། ཡུལ་མ་ཡིན་པ་ནི། མཆོད་རྟེན་དང་དཀོན་མཆོག་གི་རྟེན་གྱི་དྲུང་། བླ་མ་དང་ཕ་མའི་དྲུང་སོགས་ཡིན། དུས་མ་ཡིན་པ་ནི། ཟླ་མཚན་ཅན་དང་། སྦྲུམ་མ། ནད་ཀྱིས་མནར་བ། སྡུག་བསྔལ་བ། གསོ་སྦྱོང་སྲུང་བའི་དུས་སོགས་ཡིན། ཡན་ལག་མ་ཡིན་པ་ནི། ཁ་དང་བཤང་ལམ་སོགས་ཡིན། བགྲོད་བྱ་མ་ཡིན་པ་ནི། གཞན་གྱི་ཆུང་མ་དང་། རབ་བྱུང་མ། རྒྱལ་པོས་བསྲུངས་པ། ཉེ་དུ་སོགས་ཡིན་ཏེ། གཞུང་ལས། སློབ་དཔོན་ཆེན་པོ་རྟ་དབྱངས་ཀྱིས། དམ་ཆོས་མཆོད་རྟེན་སྐུ་གཟུགས་དང་། །... རང་གི་ཆུང་མ་བསྟེན་པ་ཡང་། །འདོད་ལོག་སྤྱོད་པར་འགྱུར་བ་ཡིན། །ཞེས་གསུངས་སོ། །ཞེས་གསུངས་པའི་ཕྱིར་རོ།།

༦༧༽ དྲི་བ། གཞུང་འདིར་རྫུན་དུ་སྨྲ་བ་དང་། ཕྲ་མ། ཚིག་རྩུབ། ངག་འཁྱལ་བཅས་ལ་ངོས་འཛིན་ཇི་ལྟར་མཛད་ཡོད་དམ།

དྲིས་ལན། རྫུན་དུ་སྨྲ་བ་ནི། ཡན་ལག་ལྔ་ཚང་བའི་སྒོ་ནས་གཞན་གྱི་འདུ་ཤེས་བསྒྱུར་བ་ཡིན། ཕྲ་མ་ནི། གཞན་དག་དབྱེ་བའི་ཆེད་དུ་སྨྲ་བ་ཡིན། ཚིག་རྩུབ་ནི། གཞན་གྱི་གནད་ལ་བསྣུན་པའི་ཡིད་དུ་མི་འོང་བའི་ཚིག་སྨྲ་བ་ཡིན། ངག་འཁྱལ་ནི། འདོད་ཆགས་ཀྱིས་ཀུན་ནས་བསླངས་ཏེ་དོན་མེད་པའི་གཏམ་སྨྲ་བ་ཡིན་ཏེ། གཞུང་ལས། རྫུན་དུ་སྨྲ་བ་ནི། ... དེས་གོ་ཞིང་རིག་པ་སྟེ་ཡན་ལག་ལྔའོ། །གཞན་དག་དབྱེ་ཕྱིར་ཕྲ་མ་ཡིན། །དེ་ལ་ཚིག་རྩུབ་གང་ཞེ་ན། ... ཡིད་དུ་མི་འོང་ཚིག་སྨྲ་ཡིན། །དེ་ལ་འཁྱལ་པ་གང་ཞེ་ན། ... འབྲེལ་མེད་སྨྲ་བ་འཁྱལ་པ་ཡིན། །ཞེས་གསུངས་པའི་ཕྱིར་རོ།།

༦༨༽ དྲི་བ། བརྣབ་སེམས་དང་གནོད་སེམས་གཉིས་ལ་ངོས་འཛིན་ཇི་ལྟར་བྱེད་དགོས་སམ།

དྲིས་ལན། བརྣབ་སེམས་ནི། གཞན་གྱི་ནོར་དང་ལོངས་སྤྱོད་ལ་མཆོག་ཏུ་ཆགས་པའི་སེམས་ཡིན། གནོད་སེམས་ནི། སེམས་ཅན་རྣམས་ལ་སྡང་སེམས་ཀྱིས་བརྡེག་པ་དང་འཆིང་བ་སོགས་ཀྱི་གནོད་པ་བྱེད་པའི་སེམས་ཡིན་ཏེ། གཞུང་ལས། དེ་ལ་བརྣབ་སེམས་གང་ཞེ་ན། །གཞན་གྱི་ནོར་དང་ལོངས་སྤྱོད་ལ། །མཆོག་ཏུ་མངོན་པར་ཆགས་པ་ཡིན། །གནོད་སེམས་ཞེས་བྱ་གང་ཞེ་ན། །སེམས་ཅན་རྣམས་ལ་སྡང་བ་ཡིས། །བརྡེག་དང་འཆིང་དང་གནོད་པ་སྟེ། །དེ་དག་སེམས་ཅན་ལ་བྱེད་པའོ། །ཞེས་གསུངས་པའི་ཕྱིར་རོ།།

༦༩༽ དྲི་བ། མི་དགེ་བ་བཅུ་པོ་སོ་སོའི་ནང་ནས་ལས་ལྕི་ཤོས་སུ་འགྱུར་བའི་དཔེ་རྣམས་གང་ཡིན་ནམ།

དྲིས་ལན། མི་དགེ་བ་བཅུའི་ནང་ནས་ལྕི་ཤོས་ནི། ཕ་ཡིན་ལ་རང་སངས་རྒྱས་ཀྱང་ཡིན་པ་གསོད་པ། དཀོན་མཆོག་གི་དཀོར་འཕྲོག་པ། མ་ཡིན་ལ་དགྲ་བཅོམ་མ་ཡང་ཡིན་པ་ལ་འཁྲིག་པ་སྤྱོད་པ། དེ་བཞིན་གཤེགས་པ་ལ་སྐུར་བ་འདེབས་པ། དགེ་འདུན་གྱི་དབྱེན་བྱེད་པ། འཕགས་པ་ལ་ཚིག་རྩུབ་སྨྲ་བ། ཆོས་ཉན་མཁན་རྣམས་གཡེང་དུ་འཇུག་པ། སྒྲུབ་པ་པོའི་རྙེད་པ་འཕྲོག་པར་སེམས་པ། མཚམས་མེད་བྱེད་པར་སེམས་པ། ལྟ་བ་མཆོག་ཏུ་འཛིན་པ་བཅས་ཡིན་ཏེ། གཞུང་ལས། དེ་དག་ལ་ལྕི་བ་ནི། ཕ་ཡང་ཡིན། རང་སངས་རྒྱས་ཀྱང་ཡིན་པ་བསད་ན་སྲོག་གཅོད་ཀྱི་ནང་ན་ལྕི། ... ལྟ་བ་མཆོག་ཏུ་འཛིན་པ་ནི་ལོག་ལྟའི་ནང་ནས་མ་རུངས་པ་སྟེ་ལྕི་ཤོས་སོ། །ཞེས་གསུངས་པའི་ཕྱིར་རོ།།

༧༠༽ དྲི་བ། སློབ་དཔོན་ཀླུ་སྒྲུབ་ཀྱི་གསུང་ལྟར་ན། དགེ་བ་དང་མི་དགེ་བའི་ལས་གང་ཡང་རུང་བ་ཞིག་ལས་ཆེན་པོར་འགྱུར་བའི་རྒྱུ་རྣམ་པ་བཞི་གང་དག་ཡིན་ནམ།

དྲིས་ལན། ལས་ཆེན་པོར་འགྱུར་བའི་རྒྱུ་བཞི་ནི། ༡) རྒྱུན་དུ་སྤྱོད་པ། ༢) ཉོན་མོངས་དྲག་པོས་སྤྱོད་པ། ༣) སྟོབས་བཞིས་མི་བཤགས་པ། ༤) ཡོན་ཏན་ལྡན་པའམ་གཙོ་བོའི་གཞི་ལས་བྱུང་བ་བཅས་ཡིན་ཏེ། གཞུང་ལས། སློབ་དཔོན་ཆེན་པོ་ཀླུ་གྲུབ་ཀྱིས། རྟག་དང་མངོན་པར་ཞེན་དང་གཉེན་པོ་མེད། །ཡོན་ཏན་གཙོ་ལྡན་བཞི་ལས་བྱུང་བའི་ལས། །དགེ་དང་མི་དགེ་རྣམ་ལྔ་ཆེན་པོ་སྟེ། །ཞེས་སོ། །ཞེས་གསུངས་པའི་ཕྱིར་རོ།།

༧༡༽ དྲི་བ། མི་དགེ་བ་བཅུ་པོ་རྣམས་ཉོན་མོངས་དུག་གསུམ་གང་གིས་མཐར་ཕྱིན་པར་བྱེད་པ་ཡིན་ནམ།

དྲིས་ལན། མཛོད་ཀྱི་གཞུང་ལྟར་ན། ཞེ་སྡང་གིས་སྲོག་གཅོད་པ་དང་། གནོད་སེམས། ཚིག་རྩུབ་གསུམ་མཐར་ཕྱིན་པར་བྱེད། འདོད་ཆགས་ཀྱིས་ལོག་གཡེམ་དང་། བརྣབ་སེམས། མ་བྱིན་ལེན་གསུམ་མཐར་ཕྱིན་པར་བྱེད། གཏི་མུག་གིས་ལོག་ལྟ་མཐར་ཕྱིན་པར་བྱེད། ལྷག་མ་རྫུན་དང་། ཕྲ་མ། ངག་འཁྱལ་གསུམ་ནི་དུག་གསུམ་ཀས་མཐར་ཕྱིན་པར་བྱེད་དེ། གཞུང་ལས། མཛོད་ལས། གསོད་དང་གནོད་སེམས་ཚིག་རྩུབ་ནི། །ཞེ་སྡང་གིས་ནི་མཐར་ཕྱིན་བྱེད། །ལོག་གཡེམ་བརྣབ་སེམས་མ་བྱིན་ལེན། །ཆགས་པ་ཡིས་ནི་མཐར་ཕྱིན་བྱེད། །ལོག་པར་ལྟ་བ་གཏི་མུག་གིས། །ལྷག་མ་གསུམ་གྱིས་རྫོགས་པར་འདོད། །ཅེས་སོ། །ཞེས་གསུངས་པའི་ཕྱིར་རོ།།

༧༢༽ དྲི་བ། སྡོང་པོ་བཀོད་པའི་མདོ་ལྟར་ན། སྲོག་གཅོད་པའི་ལས་ཀྱི་རྣམ་སྨིན་གྱི་འབྲས་བུ་ལ་རིགས་གཉིས་ཡོད་པ་དེ་གང་དང་གང་ཡིན་ནམ།

དྲིས་ལན། རིགས་གཉིས་ནི། ༡) རྣམ་སྨིན་གྱི་འབྲས་བུ་སེམས་ཅན་དམྱལ་བ་དང་། བྱོལ་སོང་། གཤིན་རྗེའི་འཇིག་རྟེན་བཅས་ངན་སོང་གསུམ་དུ་སྐྱེ་བ་དང་། ༢) རྒྱུ་མཐུན་གྱི་འབྲས་བུ་མིར་སྐྱེས་ཀྱང་ཚེ་ཐུང་ཞིང་ནད་མང་བར་འགྱུར་བ་བཅས་ཡིན་ཏེ། གཞུང་ལས། སྲོག་གཅོད་པས་ནི་སེམས་ཅན་དམྱལ་བར་འཁྲིད་དོ། །བྱོལ་སོང་གི་སྐྱེ་གནས་སུ་འཁྲིད་དོ། །གཤིན་རྗེའི་འཇིག་རྟེན་དུ་འཁྲིད་དོ། །དེ་ནས་ཇི་སྟེ་མིར་སྐྱེས་ན་ཡང་རྣམ་པར་སྨིན་པ་གཉིས་མངོན་པར་སྒྲུབ་པ་ནི། འདི་ལྟ་སྟེ། ཚེ་ཐུང་བ་དང་ནད་མང་བའོ། །ཞེས་གསུངས་པའི་ཕྱིར་རོ།།

༧༣༽ དྲི་བ། མིའི་ལུས་རྟེན་ཐོབ་ཀྱང་མ་བྱིན་པར་ལེན་པ་དང་། ལོག་པར་གཡེམ་པ། ཕྲ་མ་བཅས་ཀྱི་རྒྱུ་མཐུན་གྱི་འབྲས་བུ་གང་དག་མྱོང་དགོས་སམ།

དྲིས་ལན། མ་བྱིན་པར་ལེན་པས། ལོངས་སྤྱོད་ཆུང་ཞིང་། རང་གི་ལོངས་སྤྱོད་ཀྱང་གཞན་དང་ཐུན་མོང་དུ་འགྱུར་བ། ལོག་པར་གཡེམ་པས། ཆུང་མ་བློ་མི་བརྟན་པ་དང་། གཡོག་འཁོར་མི་བསྲུན་པར་འགྱུར་བ། ཕྲ་མས། གཡོག་འཁོར་མི་མཐུན་པ་དང་གཡོག་ངན་པ་འབྱུང་བར་འགྱུར་ཏེ། གཞུང་ལས། མ་བྱིན་པར་ལེན་པས་མིར་གྱུར་པའི་ཚེ་ལོངས་སྤྱོད་ཆུང་བ་དང་། ཐུན་མོང་གི་ལོངས་སྤྱོད་དུ་འགྱུར་རོ། །ལོག་པར་གཡེམ་པས་ནི། ལྷོད་པ་དང་བཅས་པའི་ཆུང་མ་དང་། གཡོག་འཁོར་མི་བསྲུན་པ། ... ཕྲ་མས་གཡོག་མི་མཐུན་པ་དང་། གཡོག་ངན་པ། ཞེས་གསུངས་པའི་ཕྱིར་རོ།།

༧༤༽ དྲི་བ། དྲན་པ་ཉེར་གཞག་གི་དོན་བསྡུས་པ་ལྟར་ན། ཉོན་མོངས་གང་གི་དབང་གིས་སྲོག་གཅོད་པའི་ལས་བྱས་ན་དམྱལ་བ་གང་དུ་སྐྱེ་བར་འགྱུར་རམ།

དྲིས་ལན། འདོད་ཆགས་དང་། གཏི་མུག འཇིགས་པ། ཞེ་སྡང་བཅས་ཀྱི་ཀུན་སློང་གིས་སྲོག་གཅོད་པའམ་གཞན་ལ་གསོད་དུ་བཅུག་ན་ཡང་གསོས་དམྱལ་བར་སྐྱེ་བར་འགྱུར་ཏེ། གཞུང་ལས། ཆགས་དང་གཏི་མུག་འཇིགས་དང་ཁྲོ། །མི་གང་མི་ནི་གསོད་པ་དང་། །གཞན་ཡང་བསྐྱེད་ནས་གསོད་བྱེད་པ། །དེ་དག་ངེས་པར་ཡང་གསོས་འགྲོ། །ཞེས་གསུངས་པའི་ཕྱིར་རོ།།

༧༥༽ དྲི་བ། གཞུང་འདིར་བསྟན་པ་ལྟར་ན། མནར་མེད་དམྱལ་བར་བསྐལ་པ་གཅིག་གི་རིང་ལ་འཚེད་དགོས་པའི་ལས་ལྕི་ཤོས་གང་དག་ཡིན་ནམ།

དྲིས་ལན། ཡོན་ཏན་ཆེ་བའི་གང་ཟག་ལ་གནོད་པ་དྲག་པོ་བྱས་པའམ། ཡང་ན་བླ་མ་དང་ཕ་མ་བསད་པའི་ལས་བྱས་ན་ངེས་པར་མནར་མེད་དམྱལ་བར་སྐྱེ་བར་འགྱུར་ཏེ། གཞུང་ལས། ཡོན་ཏན་དག་ནི་ཆེ་བ་ལ། །གནོད་པ་དྲག་པོ་བྱས་པ་འམ། །བླ་མ་ཕ་མ་བསད་བྱས་ན། །ངེས་པར་བསྐལ་པར་མནར་མེད་འཚེད། །ཅེས་གསུངས་པའི་ཕྱིར་རོ།།

༧༦༽ དྲི་བ། ལོག་གཡེམ་སྤྱོད་པའི་མི་ལ་རྣམ་སྨིན་གྱི་སྡུག་བསྔལ་ཇི་ལྟར་མྱོང་དགོས་པ་གསུངས་ཡོད་དམ།

དྲིས་ལན། ལོག་གཡེམ་སྤྱོད་མཁན་དེ་ཤལ་མ་ལིའི་ནགས་ཚལ་དུ་སྐྱེས་ནས། ལྕགས་ཀྱི་རྩེ་མོ་རྣོན་པོ་འབར་བ་ཅན་གྱི་སྡོང་པོ་ལ་ངུ་ཞིང་འཛེག་དགོས་པ་དང་། བུད་མེད་འཇིགས་སུ་རུང་ཞིང་མཆུ་རྣོན་ལུས་འབར་བ་ཅན་གྱིས་ཟ་བར་འགྱུར་ཏེ། གཞུང་ལས། བྱི་བོ་བྱེད་པ་ཤལ་མའི་ལི། །ལྕགས་ཀྱི་རྩེ་མོ་རྣོན་པོ་འབར། །སོར་ནི་བཅུ་དྲུག་ཡོད་པ་ལ། །ངུ་ཞིང་སྟོབས་ཀྱིས་འཛེགས་པར་འགྱུར། །བུད་མེད་ཤིན་ཏུ་འཇིགས་འཇིགས་ལྟ། །མཆུ་རྣོན་ལུས་ཆེར་འབར་བ་ཡིས། །གཞན་གྱི་བུད་མེད་འཕྲོག་པ་ལ། །འཇུས་ནས་ཟ་བ་ཁོ་ནར་འགྱུར། །ཞེས་གསུངས་པའི་ཕྱིར་རོ།།

༧༧༽ དྲི་བ། ཆོས་ཀྱི་ཁྲི་ལ་འཛེགས་ནས་ལམ་ལོག་པ་སྟོན་མཁན་ལ་འབྲས་བུ་གང་འདྲ་ཞིག་འབྱུང་བར་གསུངས་ཡོད་དམ།

དྲིས་ལན། མི་དེ་དག་སྤུ་གྲིའི་སོ་གཏམས་པའི་ལམ་དུ་འགྲོ་དགོས་པའི་སྡུག་བསྔལ་མྱོང་བར་འགྱུར་ཏེ། གཞུང་ལས། གང་ཞིག་ཆོས་ཀྱི་སྟེགས་འཛེག་ཅིང་། །ཡང་དག་མ་ཡིན་ལམ་སྨྲ་བའི། །མི་དེ་དག་ནི་སྤུ་གྲིའི་སོ། །གཏམས་པའི་ལམ་དུ་འགྲོ་བར་འགྱུར། །ཞེས་གསུངས་པའི་ཕྱིར་རོ།།

༧༨༽ དྲི་བ། སློབ་དཔོན་དཔའ་བོས་མཛད་པའི་སློབ་སྤྲིང་ལས་གྲང་དམྱལ་གྱི་སྡུག་བསྔལ་ཇི་ལྟར་བསྟན་ཡོད་དམ།

དྲིས་ལན། གྲང་དམྱལ་དུ་དཔེ་མེད་པའི་གྲང་ངར་གྱིས་རུས་པའི་ནང་དུ་ཐིམ་ནས་ལུས་འདར་ཞིང་གུམ་གུམ་པོར་འགྱུར་བ། ལུས་ལ་ཆུ་བུར་བརྒྱ་ཕྲག་བརྡོལ་བ་ལས་སྲོག་ཆགས་རལ་གྲི་ལྟ་བུས་གཙབས་ཏེ་ཞག་དང་ཆུ་སེར་རྐང་དང་བཅས་པ་འཛག་པ། དཀོས་ཐག་ཅིང་སོ་འཐམས་པ། མིག་དང་རྣ་བ་སོགས་གནོད་པས་གཟིར་ཏེ་ལུས་སེམས་ཀྱི་སྡུག་བསྔལ་དྲག་པོས་འོ་དོད་འབོད་དགོས་པར་བསྟན་ཏེ། གཞུང་ལས། ལྷགས་པ་དཔེ་མེད་རུས་པ་ལ་ཡང་ཐིམ་པ་ཡིས། །ལུས་སྦྲེབས་འདར་ཞིང་བསྒུར་ནས་གུམ་གུམ་པོར་འདུག་པ། །ཆུ་བུར་བརྒྱ་བྱུང་བརྡོལ་བ་ལས་སྐྱེས་སྲོག་ཆགས་ཀྱི། །རལ་གྲིས་དབད་ནས་ཞག་དང་ཆུ་སེར་རྐང་བཅས་འཛག །... གྲང་བའི་དམྱལ་བར་གནས་ཤིང་ཤིན་ཏུ་འོ་དོད་འབོད། །ཅེས་གསུངས། ཞེས་གསུངས་པའི་ཕྱིར་རོ།།

༧༩༽ དྲི་བ། བཤེས་སྤྲིང་ལས་དུད་འགྲོའི་སྐྱེ་གནས་སུ་སྡུག་བསྔལ་གཙོ་བོ་གང་དག་མྱོང་དགོས་པར་གསུངས་ཡོད་དམ།

དྲིས་ལན། དུད་འགྲོའི་སྐྱེ་གནས་སུ་བསད་པ་དང་། བཅིང་བ། བརྡེག་པ་སོགས་སྡུག་བསྔལ་སྣ་ཚོགས་མྱོང་དགོས་པ། གཅིག་ལ་གཅིག་ཟ་བ། མུ་ཏིག་དང་བལ་དང་ཤ་པགས་སོགས་ཀྱི་ཆེད་དུ་གསོད་པ། དབང་མེད་དུ་རྡོག་པས་བརྫི་བ་དང་ལྕག་གིས་བྲབ་པ་སོགས་ཀྱིས་བཀོལ་སྤྱོད་བྱེད་པའི་སྡུག་བསྔལ་མྱོང་དགོས་ཏེ། བཤེས་སྤྲིང་ལས། དུད་འགྲོའི་སྐྱེ་གནས་ན་ཡང་བསད་པ་དང་། །བཅིང་དང་བརྡེག་དང་སྡུག་བསྔལ་སྣ་ཚོགས་དང་། །ཞི་གྱུར་དགེ་བ་སྤངས་པ་རྣམས་ལ་ནི། །གཅིག་ལ་གཅིག་ཟ་ཤིན་ཏུ་མི་བཟད་པ། །ཁ་ཅིག་མུ་ཏིག་བལ་དང་རུས་པ་ཁྲག །ཤ་དང་པགས་པའི་ཆེད་དུ་ཤི་བར་འགྱུར། །དབང་མེད་གཞན་དག་རྡོག་པ་ལག་པ་དང་། །ལྕག་དང་ལྕགས་ཀྱུ་བཏབ་པས་བཏབ་སྟེ་བཀོལ། །ཞེས་གསུངས་པའི་ཕྱིར་རོ།།

༨༠༽ དྲི་བ། སློབ་སྤྲིང་ལས་གཤིན་རྗེའི་འཇིག་རྟེན་ནམ་ཡི་དྭགས་ཀྱི་སྡུག་བསྔལ་གཙོ་བོ་བཀྲེས་སྐོམ་གྱི་ཚུལ་ཇི་ལྟར་བསྟན་ཡོད་དམ།

དྲིས་ལན། ཡི་དྭགས་རྣམས་ནི་ཁ་ཁབ་ཀྱི་མིག་ཙམ་ལ་ལྟོ་བ་དཔག་ཚད་མང་པོ་ཡོད་པས་ཉམ་ཐག་ཅིང་། རྒྱ་མཚོའི་ཆུ་འཐུངས་ཀྱང་མགྲིན་པར་མི་འགྲོ་བར་མ་ཟད། རང་གི་ཁའི་དུགས་ཀྱིས་ཆུའི་ཐིགས་པ་ཙམ་ཡང་སྐམ་པར་འགྱུར་བའི་སྡུག་བསྔལ་མྱོང་དགོས་ཏེ། གཞུང་ལས། སློབ་སྤྲིང་ལས། ཁབ་མིག་ཙམ་གྱི་ཁ་ལ་དཔག་ཚད་མང་འཇིགས་པའི། །ལྟོ་ཅན་ཉམ་ཐག་རྒྱ་མཚོ་ཆེན་པོའི་ཆུ་འཐུངས་ཀྱང་། །མགུལ་ཕུག་ཡངས་པ་ཉིད་དུ་ཕྱིན་པར་མ་གྱུར་པས། །ཁ་ཡི་དུགས་ཀྱིས་ཆུ་ཡི་ཐིགས་པའང་བསྐམ་པར་འགྱུར། །ཞེས་གསུངས་པའི་ཕྱིར་རོ།།

༨༡༽ དྲི་བ། ཡི་དྭགས་རྣམས་ལ་སྣང་བ་ཕྱིན་ཅི་ལོག་ཏུ་འཆར་ཚུལ་གྱི་དཔེ་གང་དག་བཀོད་ཡོད་དམ།

དྲིས་ལན། ཡི་དྭགས་རྣམས་ལ་སྣང་བ་ཕྱིན་ཅི་ལོག་ཏུ་འཆར་བའི་དཔེ་ནི། ནགས་ཀླུང་ཉམས་དགའ་བ་དག་མེས་བསྲེགས་པར་སྣང་བ་དང་། གངས་རི་བྱེ་ཚན་གྱི་ཁུ་བ་ལྟར་སྣང་བ། ཆར་སྤྲིན་ལས་ལྕགས་མདའི་ཆར་འབབ་པ། ཟླ་བའི་འོད་ཟེར་ལྟ་བུ་བསིལ་བ་རྣམས་ཚ་བར་སྣང་བ་དང་། ཉི་མ་དང་མེ་ལྟ་བུ་ཚ་བ་རྣམས་གྲང་བར་སྣང་བ་བཅས་ཡིན་ཏེ། གཞུང་ལས། ནགས་ཀླུང་ཉམས་དགའ་བ་དག་ཏུ་ཕྱིན་ན་ནགས་ཚལ་མེས་བསྲེགས་པ་དང་། ... ཚ་བས་ཉེན་པའི་དུས་ཟླ་བའི་འོད་ལ་སོགས་པ་གཞན་ལ་བསིལ་བར་འགྱུར་བ་དེ་ཐམས་ཅད་དེ་ལ་ཚ་བར་འགྱུར་བ་དང་། གྲང་བའི་དུས་ཉི་མ་དང་མེ་ཡང་གྲང་བའི་རེག་པར་སྣང་བས། སློབ་སྤྲིང་ལས། འདི་ལ་སྣ་ཚོགས་འདི་ཀུན་ཕྱིན་ཅི་ལོག་ཏུ་སྣང་། །ཞེས་གསུངས་པའི་ཕྱིར་རོ།།

༨༢༽ དྲི་བ། ངན་སོང་གསུམ་ནས་ཐར་ན་ཡང་དལ་འབྱོར་གྱི་མི་ལུས་རྙེད་པར་དཀའ་བའི་ཚུལ་ཇི་ལྟར་གསུངས་ཡོད་དམ།

དྲིས་ལན། ངན་སོང་ནས་ཐར་ཡང་ལྐུགས་པ་དང་ཀླ་ཀློ་སོགས་སུ་སྐྱེས་ནས་ཡུན་རིང་པོར་དལ་འབྱོར་གྱི་མི་ལུས་མི་ཐོབ་པར་མ་ཟད། གལ་ཏེ་མིར་སྐྱེས་ཀྱང་ཀླ་ཀློ་ལྟ་བུ་སྤྱོད་པ་ངན་པ་ཅན་དུ་སྐྱེ་བའི་ཉེན་ཁ་ཡོད་པས་མི་ལུས་རྙེད་དཀའ་བར་གསུངས་ཏེ། གཞུང་ལས། ངན་སོང་ནས་འཐོན་ནས་ཀྱང་ལྐུགས་པ་དང་། ཀླ་ཀློ་ལ་སོགས་པར་སྐྱེས་ནས་ཡུན་རིང་པོར་དལ་འབྱོར་གྱི་མི་ལུས་མི་འཐོབ་སྟེ། དེར། རྒྱ་ལ་སྡིག་གནས་དམྱལ་བ་དག་ལས་ཐར་ན་ཡང་། །འཇིག་རྟེན་འགྲོ་བ་མཐའ་ཡས་བྱེ་བ་ཆེས་རྣམས་སུ། །མི་ཡི་དངོས་པོ་ཤིན་ཏུ་རྙེད་པར་དཀའ་བ་ཉིད། །གལ་ཏེ་ཀླ་ཀློ་དམྱལ་བའི་བསྲུངས་དང་སྤྱོད་མཚུངས་སམ། །ཞེས་གསུངས་པ་ཉིད་དོ། །ཞེས་གསུངས་པའི་ཕྱིར་རོ།།

༨༣༽ དྲི་བ། དགེ་བ་བཅུ་པོ་དེ་དག་གང་དང་གང་ཡིན་པ་དང་། དེ་དག་ཉམས་སུ་བླངས་པའི་ཕན་ཡོན་གཙོ་བོ་གང་ཡིན་ནམ།

དྲིས་ལན། དགེ་བ་བཅུ་ནི་ལུས་ཀྱི་དགེ་བ་གསུམ། ངག་གི་བཞི། ཡིད་ཀྱི་གསུམ་བཅས་ཡིན། དེ་དག་ཉམས་སུ་བླངས་པའི་ཕན་ཡོན་ནི་མངོན་པར་མཐོ་བ་དང་ངེས་པར་ལེགས་པ་ཐམས་ཅད་ཀྱི་རྒྱུར་འགྱུར་བ་ཡིན་ཏེ། གཞུང་ལས། དགེ་བ་བཅུ་པོ་འདི་དག་ནི་མངོན་པར་མཐོ་བ་དང་། ངེས་པར་ལེགས་པ་ཐམས་ཅད་ཀྱི་རྒྱུ་ཡིན་པས་ན་... འདི་ལ་དགེ་བ་བཅུ་གང་ཞེ་ན་ལུས་ཀྱི་ལས་ནི་རྣམ་པ་གསུམ་སྟེ། སྲོག་མི་གཅོད་པ་དང་། མ་བྱིན་པར་མི་ལེན་པ་དང་། འདོད་པས་ལོག་པར་མི་གཡེམ་པའོ། །ངག་གི་ལས་ནི་རྣམ་པ་བཞི་སྟེ། རྫུན་མི་སྨྲ་བ་དང་། ཕྲ་མ་མི་སྨྲ་བ་དང་། ཚིག་རྩུབ་མོ་མི་སྨྲ་བ་དང་། ཚིག་འཁྱལ་པ་མི་སྨྲ་བའོ། །ཡིད་ཀྱི་ལས་ནི་རྣམ་པ་གསུམ་སྟེ། བརྣབ་སེམས་སྤང་བ་དང་། གནོད་སེམས་སྤང་བ་དང་། ལོག་པར་ལྟ་བ་སྤང་བའོ། །ཞེས་གསུངས་པའི་ཕྱིར་རོ།།

༨༤༽ དྲི་བ། དགེ་བ་བཅུ་ལ་ངོས་འཛིན་བྱེད་སྟངས་སླ་ཤོས་དེ་གང་ཡིན་ནམ།

དྲིས་ལན། དགེ་བ་བཅུ་ནི་མི་དགེ་བ་བཅུ་པོ་སྤངས་པ་ཙམ་ལ་ངོས་འཛིན་དགོས་ཏེ། གཞུང་ལས། དེ་ཡང་མི་དགེ་བ་བཅུ་སྤངས་པ་ནི་དགེ་བ་བཅུ་ཡིན་པས་ཞེས་གསུངས་པའོ། །ཞེས་གསུངས་པའི་ཕྱིར་རོ།།

༨༥༽ དྲི་བ། དགེ་བའི་ལས་ལ་ངོས་འཛིན་བྱེད་ཚུལ་མི་འདྲ་བ་གཉིས་ཡོད་པ་དེ་དག་གང་དང་གང་ཡིན་ནམ།

དྲིས་ལན། རྣམ་པ་གཉིས་ནི། གཅིག་ནི་གནོད་པ་ལས་ཟློག་པའི་ཆ་ནས་མི་དགེ་བ་སྤོང་བ་ཙམ་ལ་བཞག་པ་དང་། གཅིག་ཤོས་ནི་ཕན་པ་སྒྲུབ་པའི་ཆ་ནས་སྦྱིན་སོགས་བསོད་ནམས་ཀྱི་ལས་ལ་བཞག་པ་ཡིན་ཏེ། གཞུང་ལས། དེ་དག་ནི་གནོད་པ་ལས་ཟློག་པའི་ཆ་ནས་ཡིན་ལ་ཕན་པ་སྒྲུབ་པའི་ཆ་ནས་བསོད་ནམས་སུ་ཉེ་བར་འགྲོ་བའི་འདུ་བྱེད་ནི། དབུ་མ་འཇུག་པར། སྦྱིན་སོགས་ཆོས་གསུམ་འདི་དག་ཕལ་མོ་ཆེ། །... བསོད་ནམས་ཞེས་བྱའི་ཚོགས་ཀྱང་དེ་དག་ཉིད། །ཅེས་གསུངས་པའི་ཕྱིར་རོ།།

༨༦༽ དྲི་བ། དབུ་མ་འཇུག་པ་ལས། ཐུབ་པས་ཆོས་གཞན་ལས་ཐོག་མར་སྦྱིན་པའི་གཏམ་མཛད་པའི་རྒྱུ་མཚན་གང་ཡིན་པར་གསུངས་སམ།

དྲིས་ལན། རྒྱུ་མཚན་ནི། འགྲོ་བ་ཀུན་བདེ་བ་འདོད་པ་དང་། བདེ་བ་དེ་ཡང་ལོངས་སྤྱོད་ལ་བརྟེན་དགོས་པ། ལོངས་སྤྱོད་ཀྱང་སྦྱིན་པ་ལས་འབྱུང་བར་མཁྱེན་ནས་ཐོག་མར་སྦྱིན་པའི་གཏམ་མཛད་པ་ཡིན་ཏེ། གཞུང་ལས། འགྲོ་བ་འདི་ཀུན་བདེ་བ་མངོན་འདོད་ཅིང་། །མི་རྣམས་བདེ་བའང་ལོངས་སྤྱོད་མེད་མིན་ལ། །ལོངས་སྤྱོད་ཀྱང་ནི་སྦྱིན་ལས་བྱུང་མཁྱེན་ནས། །ཐུབ་པས་དང་པོར་སྦྱིན་པའི་གཏམ་མཛད་དོ། །ཞེས་གསུངས་པའི་ཕྱིར་རོ།།

༨༧༽ དྲི་བ། མངོན་མཐོ་ཐོབ་པའི་རྒྱུ་གཙོ་བོ་དང་། ཡོན་ཏན་ཐམས་ཅད་ཀྱི་རྩ་བ་གང་ཡིན་པར་གསུངས་ཡོད་དམ།

དྲིས་ལན། མངོན་མཐོའི་རྒྱུ་གཙོ་བོ་ནི་ཚུལ་ཁྲིམས་ཡིན་པ་དང་། མཐོང་བ་དང་མ་མཐོང་བའི་ཡོན་ཏན་ཐམས་ཅད་ཀྱི་རྩ་བ་ནི་ཤེས་རབ་ཡིན་པར་གསུངས་ཏེ། གཞུང་ལས། མངོན་མཐོའི་རྒྱུ་ནི་ཚུལ་ཁྲིམས་ལས་གཞན་མེད། །ཅེས་ཚུལ་ཁྲིམས་དང་། ... མཐོང་དང་མ་མཐོང་ཡོན་ཏན་འདི། །ཀུན་གྱི་རྩ་བ་ཤེས་རབ་ཡིན། །ཞེས་གསུངས་པའི་ཕྱིར་རོ།།

༨༨༽ དྲི་བ། གཞུང་འདིར་ཁྱིམ་པའི་ཕྱོགས་ཀྱི་སྡོམ་པ་ལ་དབྱེ་ན་རིགས་གང་དག་ཡོད་པར་གསུངས་སམ།

དྲིས་ལན། ཁྱིམ་པའི་ཕྱོགས་ཀྱི་སྡོམ་པ་ལ་དགེ་བསྙེན་གྱི་སྡོམ་པ་རིགས་བརྒྱད་དུ་དབྱེ་ཡོད་དེ། ༡) གོ་མིའི་དགེ་བསྙེན། ༢) ཚངས་སྤྱོད་དགེ་བསྙེན། ༣) ཡོངས་རྫོགས་དགེ་བསྙེན། ༤) ཕལ་ཆེར་སྤྱོད་པའི་དགེ་བསྙེན། ༥) སྣ་འགའ་སྤྱོད་པའི་དགེ་བསྙེན། ༦) སྣ་གཅིག་སྤྱོད་པའི་དགེ་བསྙེན། ༧) སྐྱབས་སུ་འཛིན་པའི་དགེ་བསྙེན་བཅས་ཡིན་ཏེ། གཞུང་ལས། སྡོམ་བརྒྱད་ལས་གོ་མིའི་དགེ་བསྙེན། ཚངས་སྤྱོད་དགེ་བསྙེན། ཡོངས་རྫོགས་དགེ་བསྙེན། ཕལ་ཆེར་སྤྱོད་པའི་དགེ་བསྙེན། སྣ་འགའ་སྤྱོད་པའི་དགེ་བསྙེན། སྣ་གཅིག་སྤྱོད་པའི་དགེ་བསྙེན། སྐྱབས་སུ་འཛིན་པའི་དགེ་བསྙེན་བརྒྱད། དེ་དག་ལ་ཁྱིམ་པའི་ཕྱོགས་ཀྱི་སྡོམ་པ་ཞེས་གསུངས་སོ། །ཞེས་གསུངས་པའི་ཕྱིར་རོ།།

༨༩༽ དྲི་བ། སྐྱེས་བུ་ཆུང་ངུའི་ཆུང་ངུས་ཚུལ་ཁྲིམས་གང་ཞིག་ལ་བསླབ་པར་བྱ་དགོས་པ་དང་། དེའི་འབྲས་བུ་གང་ཡིན་ནམ།

དྲིས་ལན། སྐྱེས་བུ་ཆུང་ངུའི་ཆུང་ངུས་བསྙེན་གནས་ཡན་ལག་བརྒྱད་པའི་ཁྲིམས་ཀྱང་སྲུང་མི་ནུས་པས། བར་མའི་ཚུལ་ཁྲིམས་ལ་བསླབ་པར་བྱ་དགོས་ཤིང་། དེའི་འབྲས་བུ་ནི་མཐོ་རིས་སུ་སྐྱེ་བ་ཡིན་ཏེ། གཞུང་ལས། སྐྱེས་བུ་ཆུང་ངུའི་ཆུང་ངུས། ཡན་ལག་བརྒྱད་པའི་ཁྲིམས་ཙམ་ཡང་སྲུང་མི་ནུས། དེའི་ཚེ་བར་མའི་ཚུལ་ཁྲིམས་ཁོ་ན་ལ་སློབ་པར་བྱེད་ལ་དེས་མཐོ་རིས་སུ་འགྲོ་བ་ཡིན་ནོ། །ཞེས་གསུངས་པའི་ཕྱིར་རོ།།

༩༠༽ དྲི་བ། བར་མའི་ཚུལ་ཁྲིམས་ ཞེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། ཚུལ་ཁྲིམས་དེ་ནི་སྡོམ་པའི་ལས་སུ་ཡང་མི་གཏོགས་ལ་སྡོམ་པ་མ་ཡིན་པའི་ལས་སུ་ཡང་མི་གཏོགས་པས་ན་བར་མ་ཞེས་བརྗོད་པ་ཡིན་ཏེ། གཞུང་ལས། བར་མ་ཞེས་པའི་སྒྲ། སྡོམ་པ་དང་སྡོམ་མིན་གྱིས་ལས་གར་ཡང་བཞག་ཏུ་མེད་པས་བར་མ་ཞེས་བྱའོ། །ཞེས་གསུངས་པའི་ཕྱིར་རོ།།

༩༡༽ དྲི་བ། སྲོག་མི་གཅོད་པ་ཙམ་དང་། སྲོག་མི་གཅོད་པའི་སྡོམ་པ་གཉིས་ལ་ཁྱད་པར་གང་ཡོད་དམ།

དྲིས་ལན། སྲོག་མི་གཅོད་པ་ཙམ་ནི་བར་མའི་ཚུལ་ཁྲིམས་ཡིན་ལ། སྲོག་གཅོད་པ་སྤོང་བའི་བསམ་པ་ཡིད་ཀྱིས་བླངས་ཏེ་ལུས་ངག་གིས་དེ་ལས་ལྡོག་པ་ཡོངས་སུ་བླངས་ན་སྡོམ་པའི་ལས་སུ་འགྱུར་བའི་ཁྱད་པར་ཡོད་དེ། གཞུང་ལས། དེས་ན་སྲོག་མི་གཅོད་པ་ལ་སོགས་པ་ཙམ་གྱིས་དེ་འགྲུབ་ལ། སྲོག་གཅོད་པ་ཡིད་ཀྱིས་སྤངས་ཏེ། ལུས་ངག་གི་དེ་ལས་སླར་ལྡོག་པ་ཡོངས་སུ་བླངས་པས་ནི་སྡོམ་པའི་ལས་སུ་འགྱུར་ལ། ཞེས་གསུངས་པའི་ཕྱིར་རོ།།

༩༢༽ དྲི་བ། སོ་སོ་ཐར་པའི་སྡོམ་པ་ཐོབ་པ་ལ་ངེས་པར་དུ་ཚང་དགོས་པའི་ཆ་རྐྱེན་གཙོ་བོ་གང་ཡིན་ནམ།

དྲིས་ལན། སོ་སོ་ཐར་པའི་སྡོམ་པ་ཐོབ་པ་ལ་ངེས་པར་དུ་དཀོན་མཆོག་གསུམ་ལ་སྐྱབས་སུ་སོང་བ་སྔོན་དུ་འགྲོ་དགོས་ཏེ། སྐྱབས་སུ་མ་སོང་བའི་གང་ཟག་ལ་སྡོམ་པ་དེ་མི་སྐྱེ་བའི་ཕྱིར་ཏེ། གཞུང་ལས། དེ་ཡང་དཀོན་མཆོག་གསུམ་ལ་སྐྱབས་སུ་སོང་བ་ཁོ་ན་ལ་ཡོད་ཀྱིས། གཞན་ལ་མེད་པས། སྡོམ་པ་ཀུན་ལ་ཡོད་མེད་ཀྱི། །སྐྱབས་སུ་མ་སོང་བ་ལ་མེད། །ཅེས་གསུངས། ཞེས་གསུངས་པའི་ཕྱིར་རོ།།

༩༣༽ དྲི་བ། སྐྱེས་བུ་ཆུང་ངུའི་འབྲིང་དང་ཆེན་པོ་གཉིས་ཀྱིས་ཚུལ་ཁྲིམས་གང་དང་གང་ལ་བསླབ་དགོས་པ་ཡིན་ནམ།

དྲིས་ལན། སྐྱེས་བུ་ཆུང་ངུའི་འབྲིང་གིས་གསོ་སྦྱོང་གི་སྡོམ་པ་ལ་བསླབ་དགོས་པ་དང་། སྐྱེས་བུ་ཆུང་ངུའི་ཆེན་པོས་ཡོངས་རྫོགས་དང་། ཚངས་སྤྱོད། གོ་མིའི་དགེ་བསྙེན་གྱི་བར་དུ་བསླབ་དགོས་པ་ཡིན་ཏེ། གཞུང་ལས། སྐྱེས་བུ་ཆུང་ངུའི་འབྲིང་གི་དབང་དུ་མཛད་ནས། དང་པོར་གསོ་སྦྱོང་བྱིན་པར་བྱ། །དང་། སྐྱེས་བུ་ཆུང་ངུའི་ཆེན་པོའི་དབང་དུ་མཛད་ནས་ཡོངས་རྫོགས་ཚངས་སྤྱོད་གོ་མིའི་བར་བཤད་པ་ཡིན་ནོ། །ཞེས་གསུངས་པའི་ཕྱིར་རོ།།

༩༤༽ དྲི་བ། ཆོས་ལྡན་རབ་འབྱོར་གྱི་གསུང་ལྟར་ན། ལྷ་མ་ཡིན་གྱི་དབང་ཕྱུག་ཏུ་སྐྱེ་བའི་རྒྱུ་གང་ཡིན་ནམ།

དྲིས་ལན། གཡོ་སྒྱུ་སྤངས་ཤིང་སྡིག་པ་མ་བྱས་ལ། འཐབ་རྩོད་ལ་དགའ་ཞིང་སྦྱིན་པ་གཏོང་བ་དེ་ནི་ལྷ་མ་ཡིན་གྱི་དབང་ཕྱུག་ཏུ་སྐྱེ་བའི་རྒྱུ་ཡིན་ཏེ། གཞུང་ལས། རྟག་ཏུ་གཡོ་དང་སྒྱུ་སྤྱོད་ཅིང་། །སྡིག་པ་དག་ནི་མ་བྱས་ལ། །འཐབ་ལ་དགའ་ཞིང་སྦྱིན་བྱེད་པ། །དེ་ནི་ལྷ་མིན་དབང་ཕྱུག་འགྱུར། །ཞེས་གསུངས་པའི་ཕྱིར་རོ།།

༩༥༽ དྲི་བ། ཆོས་ལྡན་རབ་འབྱོར་གྱི་གསུང་ལྟར་ན། འདོད་ཁམས་ཀྱི་ལྷ་གནས་རིགས་དྲུག་ཏུ་སྐྱེ་བའི་རྒྱུ་རྣམས་གང་དང་གང་ཡིན་ནམ།

དྲིས་ལན། འདོད་ལྷ་རིགས་དྲུག་ཏུ་སྐྱེ་བའི་རྒྱུ་ནི། རྒྱལ་ཆེན་རིས་བཞི། བདག་བདེ་མི་འདོད་ཅིང་འཁོར་བའི་ལོངས་སྤྱོད་ལ་མི་དགའ་བ། སུམ་ཅུ་རྩ་གསུམ། ཕ་མ་དང་རིགས་རུས་ཀྱི་གཙོ་བོ་ལ་བཀུར་སྟི་བྱེད་པ་དང་། གཏོང་ཕོད་དང་བཟོད་པ་ལྡན་པ།འཐབ་བྲལ། རྩོད་པ་དང་འཐབ་མོ་ལ་མི་དགའ་ཞིང་དགེ་བ་ལ་བརྩོན་པ། དགའ་ལྡན། ཐོས་པ་མང་ཞིང་ཆོས་འཛིན་པ། ཤེས་རབ་དང་ལྡན་ཞིང་ཐར་པ་འདོད་པ། ཡོན་ཏན་ལ་དགའ་བ། འཕྲུལ་དགའ། རང་ཉིད་དུལ་བར་ཞུགས་ཤིང་གཞན་ལ་ཚུལ་ཁྲིམས་འབོགས་པ་ལ་སྤྲོ་བ་ཆེ་བ། གཞན་འཕྲུལ་དབང་བྱེད། སྦྱིན་པ་དང་། ཚུལ་ཁྲིམས། སྡོམ་པ་བཅས་ཀྱི་ཡོན་ཏན་ཕུལ་དུ་བྱུང་བ་བཅས་ཡིན་ཏེ། གཞུང་ལས། གང་ཞིག་བདག་བདེ་མེད་མི་འདོད་ཅིང་།... ཕུལ་བྱུང་ཡོན་ཏན་ལྷག་གྱུར་ཏེ། །ངེས་པར་གཞན་འཕྲུལ་དབང་བྱེད་འགྲོ། །ཞེས་གསུངས་པའི་ཕྱིར་རོ།།

༩༦༽ དྲི་བ། སངས་རྒྱས་ཀྱི་སྐུ་གཟུགས་བཞེངས་པའི་ཕན་ཡོན་གང་དག་ཡོད་པར་གསུངས་སམ།

དྲིས་ལན། མྱ་ངན་སེལ་བ་དང་། རྩོད་པ་ཞི་བ། མཐོང་ན་དགའ་བ། སྐལ་བ་བཟང་ཞིང་དཔལ་དང་ལྡན་པ། ལུས་སྟོབས་དང་གཟི་བརྗིད་ལྡན་པ། གཟུགས་མཛེས་པ། གསུང་རབ་ལ་མཁས་པ། དབང་པོ་ཐུལ་བ། བློ་དང་ལྡན་ཞིང་གཏོང་ཕོད་ཆེ་བ། སྐུ་གཟུགས་ཀྱི་རྡུལ་ཕྲན་ཇི་སྙེད་ཡོད་པ་དེ་སྙེད་ཀྱི་རྒྱལ་པོར་སྐྱེ་བ། ཏིང་ངེ་འཛིན་འགྲུབ་པ། མཐར་བྱང་ཆུབ་ཀྱི་གོ་འཕང་ཐོབ་པ་བཅས་ཀྱི་ཕན་ཡོན་ཡོད་དེ། གཞུང་ལས། དཔའ་བོས། སངས་རྒྱས་སྐུ་གཟུགས་བཞེངས་གསོལ་བ། །... དེ་དག་བྱང་ཆུབ་གོ་འཕང་ཐོབ། །ཅེས་གསུངས་པའི་ཕྱིར་རོ།།

༩༧༽ དྲི་བ། བསོད་ནམས་ཀྱི་འབྲས་བུ་ཡངས་པ་ཆེན་པོ་ལ་དཔེ་གང་དག་བཀོད་ཡོད་དམ།

དྲིས་ལན། བསོད་ནམས་ཀྱི་འབྲས་བུ་ཆེན་པོ་ལ་དཔེ་ནི། འཁོར་ལོས་སྒྱུར་བའི་རྒྱལ་པོར་གྱུར་པ། ཚངས་པའི་འཇིག་རྟེན་སྣང་བར་བྱེད་པ། ལྷའི་དབང་པོ་ལྟར་ལྷ་ཀླུ་སོགས་ཀྱིས་རྟག་ཏུ་མཆོད་པ་བཅས་ཡིན་ཏེ། གཞུང་ལས། མདོར་ན། གང་ཡང་འཁོར་ལོས་སྒྱུར་བ་མཆོག ... རྟག་ཏུ་ལྷ་དབང་མཆོད་བྱེད་པ། །དེ་ནི་བསོད་ནམས་རིན་པོ་ཆེ། །འབྲས་བུ་ཡངས་པ་ཆེན་པོ་ཡིན། །ཞེས་གསུངས་པའི་ཕྱིར་རོ།།

༩༨༽ དྲི་བ། སློབ་དཔོན་དབྱིག་གཉེན་གྱིས་མཐོ་རིས་ཀྱི་ཡོན་ཏན་བདུན་པོ་དེ་དག་གི་རྒྱུ་གང་དང་གང་ཡིན་པར་གསུངས་སམ།

དྲིས་ལན། མཐོ་རིས་ཀྱི་ཡོན་ཏན་བདུན་གྱི་རྒྱུ་ནི། ཚེ་རིང་བ་ནི། སྲོག་བསྐྱབས་པ་ལས་འབྱུང་། ནད་མེད་པ་ནི། ནད་པ་ལ་བསྙེན་བཀུར་བྱས་པ་དང་སྨན་སྦྱིན་པ་ལས་འབྱུང་། གཟུགས་བཟང་བ་ནི། ཁྲོ་བ་མེད་པ་དང་རྒྱན་སྦྱིན་པ་ལས་འབྱུང་། སྐལ་བ་བཟང་བ་ནི། ཕྲག་དོག་མེད་པ་ལས་འབྱུང་། རིགས་མཐོ་བ་ནི། དམ་པ་ལ་མཆོད་པ་དང་ང་རྒྱལ་སྤངས་པ་ལས་འབྱུང་། ལོངས་སྤྱོད་ཕུན་སུམ་ཚོགས་པ་ནི། སྦྱིན་པ་གཏོང་བ་དང་བརྐུ་བ་ལས་ལྡོག་པ་ལས་འབྱུང་། བློ་གྲོས་རྒྱ་ཆེ་བ་ནི། དགེ་སྡིག་གི་དོན་དྲི་བ་དང་ཆོས་ཀྱི་བསྟན་བཅོས་སྦྱིན་པ་ལས་འབྱུང་སྟེ། གཞུང་ལས། གསོད་སར་ཆུད་པ་ལེགས་བཏང་དང་། ... བློ་གྲོས་རྒྱ་ཆེན་ཐོབ་པར་འགྱུར། །ཞེས་སོ། །ཞེས་གསུངས་པའི་ཕྱིར་རོ།།

༩༩༽ དྲི་བ། མི་གཡོ་བའི་ལས་ཀྱི་རྒྱུ་དང་འབྲས་བུ་གང་ཡིན་ནམ།

དྲིས་ལན། མི་གཡོ་བའི་ལས་ཀྱི་རྒྱུ་ནི་བསམ་གཏན་བཞི་དང་གཟུགས་མེད་སྙོམས་འཇུག་བཞི་ཡིན་ལ། དེའི་འབྲས་བུ་ནི་གཟུགས་ཁམས་དང་གཟུགས་མེད་ཁམས་ཀྱི་ལྷ་རྣམས་སུ་སྐྱེ་བ་ཡིན་ཏེ། གཞུང་ལས། མི་གཡོ་བའི་ལས་ནི། རྒྱུ་བསམ་གཏན་རྣམས་དང་སྙོམས་འཇུག་བཞི། དེའི་འབྲས་བུ་ནི། ... འབྲས་བུ་བསམ་གཏན་པ་གཟུགས་ཁམས་ཀྱི་ལྷ་དང་། གཟུགས་མེད་ཀྱི་ལྷ་བཞིའོ། །ཞེས་གསུངས་པའི་ཕྱིར་རོ།།

༡༠༠༽ དྲི་བ། ཇོ་བོ་རྗེའི་གསུང་ལྟར་ན། ལས་ཀྱི་རྣམ་སྨིན་འབྱུང་བའི་དུས་ལ་དབྱེ་ན་རིགས་གང་དག་ཡོད་དམ།

དྲིས་ལན། ལས་ཀྱི་རྣམ་སྨིན་འབྱུང་བའི་དུས་ལ་དབྱེ་ན་བཞི་ཡོད་དེ། ༡) མཐོང་ཆོས་མྱོང་འགྱུར་ཏེ་ཚེ་འདི་ཉིད་ལ་སྨིན་པ། ༢) སྐྱེས་ནས་མྱོང་འགྱུར་ཏེ་སྐྱེ་བ་ཕྱི་མ་ལ་སྨིན་པ། ༣) ལན་གྲངས་གཞན་ལ་མྱོང་འགྱུར་ཏེ་སྐྱེ་བ་མང་པོ་བརྒྱུད་ནས་སྨིན་པ། ༤) མྱོང་བར་མ་ངེས་པ་སྟེ་ལས་གཞན་གྱིས་ཟིལ་གྱིས་གནོན་པ་བཅས་ཡིན་ཏེ། གཞུང་ལས། མཐོང་ལ་མྱོང་དང་སྐྱེས་ནས་མྱོང་། །གཞན་དུ་མྱོང་དང་མ་ངེས་པའི། ... དགེ་བའི་ལས་སྟོབས་ཆེ་བས་སྡིག་པ་ཟིལ་གྱིས་གནོན་པ་དང་། སྡིག་པ་སྟོབས་ཆེ་བས་དགེ་བ་ཟིལ་གྱིས་གནོན་པ་དག་གོ། །ཞེས་གསུངས་པའི་ཕྱིར་རོ།།

༡༠༡༽ དྲི་བ། འཁོར་བའི་ལས་དུ་མ་བསགས་པ་ལས་གང་ཞིག་ཐོག་མར་སྨིན་པར་འགྱུར་རམ།

དྲིས་ལན། ལས་ལྕི་བ་དང་། འཆི་ཀར་ཉེ་བ། གོམས་པ་ཆེ་བ། སྔོན་ལ་བྱས་པ་བཅས་ལས་རིམ་པ་བཞིན་སྔ་མ་སྔ་མ་དེ་ཐོག་མར་སྨིན་པར་འགྱུར་ཏེ། གཞུང་ལས། འཁོར་བའི་ལས་ནི་ལྕི་གང་དང་། །ཉེ་བ་གང་དང་གོམས་པ་གང་། །སྔོན་བྱས་གང་ཡིན་དེ་ལས་ནི། །སྔ་མ་སྔ་མ་རྣམ་སྨིན་འགྱུར། །ཞེས་གསུངས་པའི་ཕྱིར་རོ།།

༡༠༢༽ དྲི་བ། སྐྱེས་བུ་ཆུང་ངུའི་ལམ་གྱི་སྐབས་འདིར་དགེ་བ་སྒྲུབ་པ་དང་སྡིག་པ་སྤོང་བའི་སྤྱོད་པ་ཞེས་པ་དེ་གང་ལ་ངོས་འཛིན་དགོས་སམ།

དྲིས་ལན། དེ་ནི་དགེ་བའི་ལས་ལ་འཇུག་པ་དང་སྡིག་པའི་ལས་ལས་ལྡོག་པའི་སྤྱོད་པ་ལ་ངོས་འཛིན་དགོས་ཏེ། གཞུང་ལས། དགེ་སྡིག་འཇུག་ལྡོག་སྤྱོད་པ་སྟེ། །ཞེས་གསུངས་པའི་ཕྱིར་རོ།།

༡༠༣༽ དྲི་བ། སྐྱེས་བུ་ཆུང་ངུའི་གང་ཟག་གིས་དགེ་སྡིག་འཇུག་ལྡོག་གི་སྤྱོད་པ་ཉམས་སུ་ལེན་ཚུལ་ཇི་ལྟར་ཡིན་ནམ།

དྲིས་ལན། ལས་དང་འབྲས་བུ་བསམས་ནས་ངན་སོང་གི་སྡུག་བསྔལ་ལ་འཇིགས་ཏེ་དེའི་རྒྱུ་མི་དགེ་བའི་ལས་སྤོང་བ་དང་། མཐོ་རིས་ཀྱི་བདེ་བ་ལ་དགའ་ནས་དེར་སྐྱེ་བར་སྨོན་ཏེ་དེའི་རྒྱུ་དགེ་བའི་ལས་ལ་བརྩོན་པ་བྱེད་པ་ཡིན་ཏེ། གཞུང་ལས། ལས་དང་། དེའི་འབྲས་བུ་བསམས་པས་ངན་སོང་གསུམ་དུ་སྐྱེས་ན་སྡུག་བསྔལ་འབའ་ཞིག་གིས་མནར་བར་འགྱུར་བ་ཤེས། ... སྡིག་པ་སྤོང་། ... མཐོ་རིས་མཐོང་། དེའི་བདེ་བ་ཤེས་ནས། བདག་དེར་སྐྱེ་བར་སྨོན། དེའི་རྒྱུ་དགེ་བའི་རྩ་བ་ཡིན་པར་རིག་ནས་སྦྱིན་པ་ལ་སོགས་པ་བརྩོན་པར་བྱེད་པའོ། །ཞེས་གསུངས་པའི་ཕྱིར་རོ།།

༡༠༤༽ དྲི་བ། གཞུང་འདིར་སྐྱེས་བུ་ཆུང་ངུའི་ལམ་དང་འབྲེལ་བའི་ནོར་འཁྲུལ་གྱི་བསམ་བློ་གང་ཞིག་དགག་པ་མཛད་ཡོད་དམ།

དྲིས་ལན། མི་རྟག་པ་སྒོམ་པ་དང་འཁོར་བ་སྤྱིའི་ཉེས་དམིགས་སྒོམ་པ་ནི་སྐྱེས་བུ་ཆུང་ངུའི་ལམ་ཡིན་ནོ་སྙམ་པའི་བསམ་བློ་དེ་ནི་ནོར་འཁྲུལ་ཡིན་པར་གསུངས་ཏེ། གཞུང་ལས། འདི་ན་མི་རྟག་པ་སྒོམ་པ་དང་། འཁོར་བའི་ཉེས་དམིགས་སྒོམ་པ་སྐྱེས་བུ་ཆུང་ངུའི་ལམ་མོ་སྙམ་པ་ནི་མི་རིགས་ཏེ། ཞེས་གསུངས་པའི་ཕྱིར་རོ།།

༡༠༥༽ དྲི་བ། འཁོར་བའི་ཉེས་དམིགས་སྒོམ་པ་དེ་སྐྱེས་བུ་ཆུང་ངུའི་ལམ་གྱི་གཙོ་བོ་མ་ཡིན་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། འཁོར་བའི་ཉེས་དམིགས་སྒོམ་པ་ནི་འཁོར་བ་སྤྱི་ལས་ལྡོག་པའི་ཐབས་ཡིན་ལ། སྐྱེས་བུ་ཆུང་ངུའི་བློ་ནི་འཁོར་བ་སྤྱི་ལ་སྐྱོ་བ་སྐྱེས་པ་མ་ཡིན་པར། ངན་སོང་ལ་འཇིགས་ཤིང་མཐོ་རིས་ཀྱི་བདེ་བ་ཙམ་དོན་དུ་གཉེར་བ་ཡིན་པའི་ཕྱིར་རོ།། གཞུང་ལས། འདུས་བྱས་མི་རྟག་པ་དང་། ཟག་བཅས་ཐམས་ཅད་སྡུག་བསྔལ་དུ་ལྟ་བ་ནི་འཁོར་བ་ལས་ལྡོག་པར་བྱེད་པའི་ཐབས་ཀྱི་གཙོ་བོ་ཡིན་ལ། སྐྱེས་བུ་ཆུང་ངུའི་དུས་ནི། ངན་སོང་གསུམ་ལ་འཇིགས་པར་ཟད་ཀྱི། མཐོ་རིས་ནི་བདེ་བར་ཤེས་ནས་དེ་དོན་དུ་གཉེར་བ་སྟེ། འཁོར་བའི་བདེ་བ་ཙམ་དག་ལ། །རང་ཉིད་དོན་དུ་གཉེར་བྱེད་པ། །ཞེས་གསུངས་པའི་ཕྱིར་རོ། །ཞེས་གསུངས་པའི་ཕྱིར་རོ།།

༡༠༦༽ དྲི་བ། དེས་ན་སྐྱེས་བུ་ཆུང་ངུའི་ལམ་གྱི་ཉམས་ལེན་གྱི་སྙིང་པོ་གང་ཡིན་ནམ།

དྲིས་ལན། ཉམས་ལེན་གྱི་སྙིང་པོ་ནི། ལས་དང་འབྲས་བུ་ཡོད་པར་ཡིད་ཆེས་ནས། འབྲས་བུ་སྡུག་བསྔལ་སྐྱེད་པའི་རྒྱུ་མི་དགེ་བ་འདོར་བ་དང་། འབྲས་བུ་བདེ་བ་སྐྱེད་པའི་རྒྱུ་དགེ་བ་ལེན་པ་སྟེ་ལས་རྒྱུ་འབྲས་ཉིད་ཉམས་ལེན་དུ་བྱེད་པ་དེ་ཡིན་ཏེ། གཞུང་ལས། དེ་བས་ན་གང་ཟག་འདིས། ལས་དང་འབྲས་བུ་ཡོད་པར་ལྟས་པས། ལས་གང་ལས་འབྲས་བུ་གང་འབྱུང་བ་བསམ། དེས་རྣམ་སྨིན་སྡུག་བསྔལ་བསྐྱེད་པ་དེ་འདོར། བདེ་བ་བསྐྱེད་པ་དེ་ལེན་པས་ལས་རྒྱུ་འབྲས་ཉིད་ཉམས་ལེན་དུ་བྱེད་པ་ཡིན་ནོ། །ཞེས་གསུངས་པའི་ཕྱིར་རོ།།

༡༠༧༽ དྲི་བ། སྐྱེས་བུ་ཆུང་ངུའི་ལམ་གྱི་འབྲས་བུ་གང་ཡིན་ནམ།

དྲིས་ལན། འབྲས་བུ་ནི་མཐོ་རིས་ལྷ་དང་མིར་སྐྱེ་བ་གཉིས་ཡིན་ཏེ། གཞུང་ལས། འབྲས་བུ་མཐོ་རིས་ལྷ་མི་གཉིས། །ཞེས་གསུངས་པའི་ཕྱིར་རོ།།

༡༠༨༽ དྲི་བ། མཐོ་རིས་ཀྱི་ཡོན་ཏན་བདུན་པོ་དེ་དག་གང་དང་གང་ཡིན་ནམ།

དྲིས་ལན། མཐོ་རིས་ཀྱི་ཡོན་ཏན་བདུན་ནི། ཚེ་རིང་བ་དང་། ནད་མེད་པ། གཟུགས་བཟང་བ། སྐལ་བ་བཟང་བ། རིགས་མཐོ་བ། ནོར་ལོངས་སྤྱོད་དང་ལྡན་པ། ཤེས་རབ་ཆེ་བ་བཅས་ཡིན་ཏེ། གཞུང་ལས། ཡོན་ཏན་བདུན་ནི་སློབ་དཔོན་དབྱིག་གཉེན་གྱིས། ཚེ་རིང་དེ་བཞིན་ནད་མེད་དང་། །གཟུགས་དང་སྐལ་བ་བཟང་དང་རིགས། །ནོར་དང་ཤེས་རབ་དག་དང་བདུན། །ཡོན་ཏན་མདོ་སྡེ་དག་ལས་གསུངས། །ཞེས་སོ། །ཞེས་གསུངས་པའི་ཕྱིར་རོ།།

༡༠༩༽ དྲི་བ། མཐོ་རིས་ལྷ་དང་མིའི་སྐྱེ་གནས་གཉིས་ལས་གང་ཞིག་མཆོག་ཏུ་གྱུར་པ་ཡིན་པ་དང་། དེའི་རྒྱུ་མཚན་གང་ཡིན་ནམ།

དྲིས་ལན། མིར་གྱུར་པ་མཆོག་ཏུ་གྱུར་པ་ཡིན་ཏེ། རྒྱུ་མཚན་ནི་མིའི་ལུས་རྟེན་ཐོབ་ན་བྱང་ཆུབ་མཆོག་གི་ས་བོན་བསྐྲུན་ནུས་པས་ཡིད་བཞིན་ནོར་བུ་བས་ཀྱང་ལྷག་པ་དང་། དལ་འབྱོར་གྱི་རྟེན་ནི་ལྷ་ལས་ཀྱང་ལྷག་པར་བཞག་པའི་ཕྱིར་རོ།། གཞུང་ལས། མིར་གྱུར་པ་མཆོག་སྟེ། སློབ་སྤྲིངས་ལས། གང་ཞིག་ཐོབ་ནས་སྐྱེ་བའི་རྒྱ་མཚོ་མཐར་འབྱིན་ཅིང་། །བྱང་ཆུབ་མཆོག་གི་ས་བོན་དགེ་བའང་འདེབས་བྱེད་པ། །ཡིད་བཞིན་ནོར་བུ་བས་ཀྱང་ཡོན་ཏན་ལྷག་པ་ཡི། །མི་ཉིད་ཅེས་གསུངས་པ་དང་། དལ་འབྱོར་གྱི་རྟེན་ལ་ལྷ་ལས་ལྷག་པའི་ལུས་ཞེས་བཞག་པས་སོ། །ཞེས་གསུངས་པའི་ཕྱིར་རོ།།

༡༡༠༽ དྲི་བ། གཞུང་ཚིག་འདི་དག་གིས་ལམ་གྱི་སྐབས་གང་ཞིག་བསྡུས་ནས་བསྟན་པ་ཡིན་ནམ།

དྲིས་ལན། གཞུང་ཚིག་འདི་དག་གིས་སྐྱེས་བུ་ཆུང་ངུའི་ལམ་མདོར་བསྡུས་ནས་བསྟན་པ་སྟེ་ལམ་རིམ་གྱི་སྐབས་དང་པོ་རྫོགས་པ་ཡིན་ཏེ། གཞུང་ལས། སྐྱེས་བུ་ཆུང་ངུ་བསྡུས་པ་ཡིན། །དེ་དག་གིས་སྐྱེས་བུ་ཆུང་ངུའི་ལམ་མདོར་བསྡུས་ནས་བཤད་པ་སྟེ་སྐབས་དང་པོའོ།།  །།ཞེས་གསུངས་པའི་ཕྱིར་རོ།།

སྐྱེས་བུ་འབྲིང་གི་ལམ་རིམ།

---

༡༡༡༽ དྲི་བ། ཆོས་ལམ་དུ་འགྲོ་བ་ སྟེ་སྐྱེས་བུ་འབྲིང་གི་ལམ་གྱི་སྐབས་འདིར་བརྗོད་བྱ་གཙོ་བོ་གསུམ་གང་དང་གང་ཡིན་ནམ།

དྲིས་ལན། བརྗོད་བྱ་གཙོ་བོ་གསུམ་ནི། ༡༽ ལྟ་བ་བདག་མེད་རྟོགས་པ། ༢༽ སྒོམ་པ་འཁོར་བའི་ཉེས་དམིགས་ཤེས་པ། ༣༽ སྤྱོད་པ་བསླབ་པ་གསུམ་ལ་ཞུགས་པ་བཅས་ཡིན་ཏེ། གཞུང་ལས། གཉིས་པ་ཆོས་ལམ་དུ་འགྲོ་བ་ལ། ལྟ་བ་བདག་མེད་རྟོགས་པ། སྒོམ་པ་འཁོར་བའི་ཉེས་དམིགས་ཤེས་པ། སྤྱོད་པ་བསླབ་པ་གསུམ་ལ་ཞུགས་པ་གསུམ་ལས། ཞེས་གསུངས་པའི་ཕྱིར་རོ།།

༡༡༢༽ དྲི་བ། གཞུང་འདིར་བསྟན་པའི་མུ་སྟེགས་བྱེད་རྣམས་ཀྱིས་ཁས་ལེན་པའི་བདག་དེ་ལ་ཁྱད་ཆོས་གང་དག་ཡོད་དམ།

དྲིས་ལན། མུ་སྟེགས་བྱེད་རྣམས་ཀྱིས་ལུས་ཀྱི་ནང་ན་གནས་པའི་བདག་ཅེས་པ་ཞིག་ཡོད་པར་འདོད་ཅིང་། དེ་ལ་བྱེད་པ་པོ་དང་ཟ་བ་པོ་ཡིན་པ། རྟག་པ། གཅིག་པུ་ཡིན་པ་བཅས་ཀྱི་ཁྱད་ཆོས་ཡོད་པར་འདོད་དེ། གཞུང་ལས། མུ་སྟེགས་བྱེད་བློ་གྲོས་ངན་པ་ལོག་པར་རྟོག་པ་རྣམས་ཀྱིས། ལུས་ཀྱི་ཁོང་ན་བྱེད་པའི་བསྐྱེད་བདག་ཅེས་བྱ་བ་བྱེད་པ་པོ་དང་ཟ་བ་པོ་རྟག་པ་གཅིག་པུ་ཞིག་ཡོད་པར་བརྟགས་ནས། དེ་ལ་བདག་དང་། བདག་གི་དང་། སེམས་ཅན་དང་། སྲོག་དང་། སྐྱེ་བ་པོ་དང་། གསོ་བ་དང་། སྐྱེས་བུ་དང་། གང་ཟག་དང་། ཤེད་ལས་སྐྱེས་དང་། བྱེད་པ་པོ་དང་། ཚོར་བ་པོ་དང་། རྟག་པར་ལྟ་བའི་སྒྲར་འདོགས་ཏེ། ཞེས་གསུངས་པའི་ཕྱིར་རོ།།

༡༡༣༽ དྲི་བ། མུ་སྟེགས་བྱེད་རྣམས་ཀྱིས་བདག་རྟག་པ་གཅིག་པུ་ཞིག་ཡོད་པར་འདོད་པའི་རྒྱུ་མཚན་གང་བཀོད་ཡོད་དམ།

དྲིས་ལན། གལ་ཏེ་བདག་རྟག་པ་གཅིག་པུ་མེད་ན། ལས་བྱེད་པ་པོ་དང་འབྲས་བུ་མྱོང་བ་པོ་གཞན་དང་གཞན་དུ་འགྱུར་ཞིང་། གཅིག་བཅིངས་ལ་གཞན་ཞིག་གྲོལ་བ། དྲན་པ་དང་ངོ་ཤེས་པ་སོགས་མི་འཐད་པའི་ཉེས་པར་འགྱུར་བས་ན་བདག་རྟག་པ་གཅིག་པུ་ཡོད་པར་འདོད་དེ། གཞུང་ལས། གལ་ཏེ་བདག་རྟག་པ་དེ་གཅིག་མ་ཡིན་དུ་ཟིན་ན། བྱེད་པ་ཡང་གཞན། ཟ་བ་ཡང་གཞན་པས། གཞན་གྱིས་བྱས་པ་གཞན་གྱིས་མྱོང་བར་འགྱུར་ཞིང་། གཞན་བཅིངས་ལ་གཞན་གྲོལ་བ་ལ་སོགས་པའི་ཉེས་པར་འགྱུར་ཏེ། དེ་བས་ན་བདག་རྟག་པ་གཅིག་པུ་ཞིག་ཡོད་པར་འདོད་སྟེ། ཞེས་གསུངས་པའི་ཕྱིར་རོ།།

༡༡༤༽ དྲི་བ། བདག་ཏུ་སྨྲ་བའི་མུ་སྟེགས་པའི་ལུགས་མང་པོ་ཐ་དད་དུ་གྱུར་པ་དེ་དག་གི་འདོད་པའི་རྩ་བ་གང་ཡིན་ནམ།

དྲིས་ལན། འདོད་པའི་རྩ་བ་ནི། བདག་ཅེས་པ་ཟ་བ་པོ་དང་། རྟག་པའི་དངོས་པོ་ཡིན་ལ། བྱེད་པ་པོ་མ་ཡིན་པ། ཡོན་ཏན་དང་བྱ་བ་མེད་པ་ཞིག་ཏུ་བརྟགས་པ་དེ་ཡིན་ཏེ། གཞུང་ལས། དབུ་མ་འཇུག་པར། ཟ་པོ་རྟག་དངོས་བྱེད་པོ་མིན་པའི་བདག །ཡོན་ཏན་བྱ་མེད་མུ་སྟེགས་རྣམས་ཀྱིས་བརྟགས། །དེ་དབྱེ་ཅུང་ཟད་ཅུང་ཟད་ལ་བརྟེན་ནས། །མུ་སྟེགས་ཅན་མང་ལུགས་ནི་ཐ་དད་གྱུར། །ཞེས་མུ་སྟེགས་བདག་ཏུ་སྨྲ་བ་དག་གི་འདོད་པའི་རྩ་བ་དེ་ཡིན། ཞེས་གསུངས་པའི་ཕྱིར་རོ།།

༡༡༥༽ དྲི་བ། མུ་སྟེགས་པས་བརྟགས་པའི་བདག་དེ་ལ་ལྟ་ཚུལ་མི་འདྲ་བ་ཇི་ལྟར་ཡོད་པ་ཡིན་ནམ།

དྲིས་ལན། དེ་ལ་ངའོ་སྙམ་པའི་བདག་ཏུ་ལྟ་བ་དང་། བདག་གིར་ལྟ་བ། སེམས་ཅན་དུ་ལྟ་བ། གསོ་བ་པོར་ལྟ་བ། སྐྱེས་བུར་ལྟ་བ། གང་ཟག་ཏུ་ལྟ་བ། ཚོར་བ་པོར་ལྟ་བ། རྟག་པར་ལྟ་བ་བཅས་སུ་འཛིན་པ་ཡིན་ཏེ། གཞུང་ལས། དེ་ལ་ངའོ་སྙམ་དུ་འཛིན་པ་ནི་བདག་ཏུ་ལྟ་བའོ། །བདག་གིས་ཡོད་པར་འཛིན་པ་ནི་བདག་གིར་ལྟ་བའོ། །སེམས་ཅན་ལ་བདག་ཡིན་པར་འཛིན་ཅིང་སེམས་ཅན་གྱི་རྒྱུད་རྒྱུན་མི་འཆད་པར་འཛིན་པ་ནི་སེམས་ཅན་དུ་ལྟ་བའོ། །དེ་ཡོད་པར་བྱས་པར་འཛིན་པ་ནི་གསོ་བ་པོར་ལྟ་བའོ། །ཁོང་ན་སྐྱེས་བུ་རྩལ་དང་ལྡན་པ་ཞིག་ཡོད་པར་འཛིན་པ་ནི་སྐྱེས་བུར་ལྟ་བའོ། །ཡང་དང་ཡང་དུ་འགྲོ་བ་དག་ཏུ་འཛིན་པ་ནི་གང་ཟག་ཏུ་ལྟ་བའོ། །ལས་བྱས་པའི་འབྲས་བུ་ཡང་བདག་དེས་མྱོང་བར་འཛིན་པ་ནི་ཚོར་བ་པོར་ལྟ་བའོ། །བདག་དེ་ནི་ནམ་ཡང་མི་འཇིག་པར་འཛིན་པ་རྟག་པར་ལྟ་བའོ། །ཞེས་གསུངས་པའི་ཕྱིར་རོ།།

༡༡༦༽ དྲི་བ། བདག་རྟག་པ་ཞིག་ཡིན་ན་བྱེད་པ་པོ་དང་ཟ་བ་པོ་གཉིས་ཀར་འགྱུར་མི་རུང་བའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། རྟག་པའི་ངོ་བོ་ནི་མི་འགྱུར་བ་ཡིན་པས། བྱེད་པ་པོ་དང་ཟ་བ་པོ་ལྟ་བུའི་ཆོས་མི་མཐུན་པ་གཉིས་ཀྱི་ངོ་བོར་འགྱུར་མི་སྲིད་པའི་ཕྱིར་རོ།། གཞུང་ལས། དེ་ནི་དེ་ལྟར་མི་རུང་སྟེ། རྟག་པ་ནི་མི་འགྱུར་བས་བྱེད་པ་པོ་དང་ཟ་བ་པོ་ཆོས་མི་མཐུན་པ་གཉིས་སུ་འགྱུར་མི་སྲིད་དོ། །ཞེས་གསུངས་པའི་ཕྱིར་རོ།།

༡༡༧༽ དྲི་བ། བདག་རྟག་པ་གཅིག་པུ་ཡོད་པར་འདོད་པ་དེ་མངོན་སུམ་དང་འགལ་ཚུལ་ཇི་ལྟར་ཡིན་ནམ།

དྲིས་ལན། སེམས་ཅན་ཐམས་ཅད་ནི་སྐད་ཅིག་གིས་མི་རྟག་པར་འགྱུར་བ་མངོན་སུམ་དུ་མཐོང་རྒྱུ་ཡོད་ཀྱང་། བདག་རྟག་པ་གཅིག་པུ་ནི་སུས་ཀྱང་མཐོང་མ་མྱོང་བས་མངོན་སུམ་དང་འགལ་བ་ཡིན་ཏེ། གཞུང་ལས། སེམས་ཅན་ཐམས་ཅད་ནི་མི་རྟག་པར་མངོན་སུམ་དུ་སྣང་ལ། རྟག་པ་གཅིག་པུ་ནི་སུས་ཀྱང་མ་མཐོང་བས་མངོན་སུམ་དང་ཡང་འགལ་ལོ། །ཞེས་གསུངས་པའི་ཕྱིར་རོ།།

༡༡༨༽ དྲི་བ། གལ་ཏེ་བདག་དེ་ཕུང་པོ་ལྔ་དང་ངོ་བོ་གཅིག་ཡིན་པར་ཁས་བླངས་ན་སྐྱོན་གང་དག་འབྱུང་ངམ།

དྲིས་ལན། སྐྱོན་གཉིས་འབྱུང་སྟེ། གཅིག་ནི་བདག་ཀྱང་ཕུང་པོ་བཞིན་དུ་སྐད་ཅིག་མར་འགྱུར་བའམ། ཡང་ན་ཕུང་པོ་ཡང་བདག་བཞིན་དུ་རྟག་པར་ཐལ་བ་དང་། གཉིས་ནི་བདག་ཀྱང་ཕུང་པོ་བཞིན་དུ་མང་པོར་ཐལ་བས་གཅིག་པུར་འདོད་པ་དང་འགལ་བའི་སྐྱོན་འབྱུང་ངོ་།། གཞུང་ལས། ཅི་སྟེ་བདག་རྟག་པ་གཅིག་པུ་དེ་ཁོ་ན་ཕུང་པོ་ལྔ་ལས་གཞན་མ་ཡིན་ན་ནི་ཕུང་པོ་བཞིན་དུ་སྐད་ཅིག་མར་འགྱུར་ལ། ཡང་ན་ཕུང་པོ་ཡང་བདག་བཞིན་དུ་རྟག་པར་འགྱུར་རོ། །ཕུང་པོ་བཞིན་དུ་ཐ་དད་དུ་མར་འགྱུར་བས་གཅིག་ཏུ་མི་རུང་བའི་སྐྱོན་དུ་ཡང་འགྱུར་ཏེ། ཞེས་གསུངས་པའི་ཕྱིར་རོ།།

༡༡༩༽ དྲི་བ། མུ་སྟེགས་ཀྱི་བདག་འདོད་པ་དགག་པའི་ཁུངས་སུ་སློབ་དཔོན་གང་གི་གཞུང་གང་ཞིག་ལུང་དྲངས་ཡོད་དམ།

དྲིས་ལན། སློབ་དཔོན་ཆེན་པོ་ཀླུ་སྒྲུབ་ཀྱིས་མཛད་པའི་《བྱང་ཆུབ་སེམས་འགྲེལ་》ལུང་དྲངས་ཡོད་དེ། གཞུང་ལས། སློབ་དཔོན་ཆེན་པོ་ཀླུ་གྲུབ་ཀྱི་བྱང་ཆུབ་སེམས་འགྲེལ་དུ། མུ་སྟེགས་རྣམས་ཀྱིས་གང་བརྟགས་པའི། །བདག་དེ་རིགས་པས་དཔྱད་ན་འདིར། །ཕུང་པོ་ལས་ནི་གཞན་ཀུན་ཏུ། །སོགས་ཀྱིས་དགགས་པ་བཞིན་ནོ། །ཞེས་གསུངས་པའི་ཕྱིར་རོ།།

༡༢༠༽ དྲི་བ། སངས་རྒྱས་པ་ཐམས་ཅད་ཀྱིས་དགག་པར་བྱ་བའི་བདག་དེ་གང་ཡིན་ནམ།

དྲིས་ལན། སངས་རྒྱས་པ་ཐམས་ཅད་ཀྱིས་དགག་པར་བྱ་བའི་བདག་ནི་མུ་སྟེགས་པས་བརྟགས་པའི་བདག་དེ་ཡིན་ལ། ཆོས་ཀྱི་ཕྱག་རྒྱ་བཞིའི་ནང་གི་ཆོས་ཐམས་ཅད་སྟོང་ཞིང་བདག་མེད་པ་ཞེས་པས་ཀྱང་བདག་དེ་ཉིད་དགག་པ་ཡིན་ཏེ། གཞུང་ལས། སངས་རྒྱས་པ་ཐམས་ཅད་ཀྱིས་བཀག་པའི་བདག་ནི་དེ་ཡིན་ལ། དེས་ཕྱག་རྒྱ་བཞིར་ཆོས་ཐམས་ཅད་སྟོང་ཞིང་བདག་མེད་པ་ཞེས་འབྱུང་། ཞེས་གསུངས་པའི་ཕྱིར་རོ།།

༡༢༡༽ དྲི་བ། གནས་མ་བུ་པས་འདོད་པའི་བདག་དེ་མུ་སྟེགས་པའི་བདག་དང་མི་འདྲ་བའི་ཁྱད་པར་གང་ཡོད་དམ།

དྲིས་ལན། གནས་མ་བུ་པས་ཀྱང་མུ་སྟེགས་པས་བརྟགས་པའི་བདག་རྟག་པ་དེ་དགག་བྱའི་གཙོ་བོར་བྱེད་ལ། ཁོང་ཚོས་འདོད་པའི་བདག་ནི་ཕུང་པོ་དང་གཅིག་ཀྱང་མ་ཡིན་ལ་ཐ་དད་ཀྱང་མ་ཡིན་པར་བརྗོད་དུ་མེད་པའི་བདག་ཅིག་འདོད་པ་ཡིན་ཏེ། གཞུང་ལས། བདག་རྟག་པ་དེ་ནི་དེའི་ཡང་དགག་བྱའི་གཙོ་བོ་ཡིན་ལ། དེ་ཉིད་རང་གི། དེ་ཁོ་ན་ཉིད་དང་དེ་ཉིད་དང་གཞན་དུ་བརྗོད་དུ་མེད་པའི་བདག་ཅེས་བྱ་བ་ཞིག་འཇོག་པར་བྱེད་དོ། །ཞེས་གསུངས་པའི་ཕྱིར་རོ།།

༡༢༢༽ དྲི་བ། གནས་མ་བུ་པའི་ལུགས་དེ་ཇི་ལྟར་བྱུང་བ་ཡིན་ནམ།

དྲིས་ལན། སྔོན་རལ་པ་ཅན་དྲུག་ཅུས་སྟོན་པ་ལ་བདག་ཡོད་མེད་དྲིས་པའི་ཚེ། སྟོན་པས་དགོངས་པ་ལྡན་པའི་སྒོ་ནས་བརྗོད་དུ་མེད་པའི་བདག་ཡོད་པར་གསུངས་པས། སྔོན་བདག་ཏུ་ལྟ་བའི་བག་ཆགས་ཅན་དག་གིས་གསུང་དེའི་སྒྲ་ཇི་བཞིན་པ་བཟུང་ནས་ལུགས་དེ་བྱུང་བ་ཡིན་ཏེ། གཞུང་ལས། སྟོན་པས་དགོངས་པ་ཅན་གྱིས་དེ་ཁོ་ན་ཉིད་དང་དེ་ཉིད་དང་གཞན་དུ་བརྗོད་དུ་མེད་པའི་བདག་ཡོད་པར་གསུངས་པས་དེ་དག་མགུ་ནས་རབ་ཏུ་བྱུང་། གསུང་དེའི་ཕྱོགས་ལ་སྔོན་བདག་ཏུ་ལྟ་བ་ལ་བྱང་བའི་བག་ཆགས་ཅན་དག་མགུ་དེ་སྒྲ་ཇི་བཞིན་པར་བཟུང་ནས་དེ་སྐད་དུ་སྨྲ་བ་ཡིན་ནོ། །ཞེས་གསུངས་པའི་ཕྱིར་རོ།།

༡༢༣༽ དྲི་བ། སངས་རྒྱས་པའི་གྲུབ་མཐའ་སྨྲ་བ་རྣམས་ཀྱིས་ཐ་སྙད་དུ་བདག་ཁས་ལེན་ན། ཁོང་ཚོ་བདག་ཏུ་སྨྲ་བར་མི་འགྱུར་བའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། ཁོང་ཚོས་ཐ་སྙད་དུ་ལས་འབྲས་ཀྱི་རྟེན་དུ་བདག་ཁས་ལེན་པ་ཙམ་ཡིན་ལ། དོན་ལ་བདག་དེ་ལེགས་པར་ཤེས་ན་བདག་མེད་པ་ཉིད་ངེས་པར་འགྱུར་བས་བདག་ཏུ་སྨྲ་བར་མི་འགྱུར་ཏེ། གཞུང་ལས། བྱེ་བྲག་ཏུ་སྨྲ་བ་ནས་དབུ་མ་པའི་བར་ཐ་སྙད་དུ་ལས་འབྲས་ཀྱི་རྟེན་དུ་བྱུང་བའི་བདག་ཁས་ལེན་པས། དེ་དག་སྤྱི་དང་གནས་མ་བུ་པའི་འདོད་པ་དེ་ཙམ་གྱིས་བདག་ཁས་བླངས་པས་བདག་ཏུ་སྨྲ་བར་མི་འགྱུར་དོན་ལ་དེ་ལེགས་པར་ཤེས་ན་བདག་མེད་པ་ཉིད་ངེས་པར་འགྱུར་བས་སོ། །ཞེས་གསུངས་པའི་ཕྱིར་རོ།།

༡༢༤༽ དྲི་བ། མུ་སྟེགས་ཅན་གྱིས་བརྟགས་པའི་བདག་དེ་ཡོད་དམ་མེད།

དྲིས་ལན། བདག་དེ་ནི་ཐ་སྙད་དང་དོན་དམ་གཉིས་ཀར་མེད་དེ། དབུ་མ་འཇུག་པ་ལས་ཀྱང་དེ་ནི་སྒྱུ་མ་དང་སྨིག་རྒྱུ་ལྟར་འཇིག་རྟེན་ལས་ཀྱང་མེད་པ་ཉིད་དུ་གསུངས་པའི་ཕྱིར་རོ།། གཞུང་ལས། དེས་ན་མུ་སྟེགས་ཅན་གྱིས་བཏགས་པ་དེ་ཐ་སྙད་དང་དོན་གཉིས་ཀར་མེད་པས། དབུ་མ་འཇུག་པ་ལས། མི་ཤེས་གཉིད་ཀྱིས་རབ་བསྐྱོད་མུ་སྟེགས་ཅན། །རྣམས་ཀྱིས་བདག་ཉིད་ཇི་བཞིན་བརྟགས་པ་དང་། །སྒྱུ་མ་སྨིག་སྒྱུ་སོགས་ལ་བརྟགས་པ་གང་། །དེ་དག་འཇིག་རྟེན་ལས་ཀྱང་ཡོད་མིན་ཉིད། །ཅེས་སོ། །ཞེས་གསུངས་པའི་ཕྱིར་རོ།།

༡༢༥༽ དྲི་བ། འཇིག་ཚོགས་ལ་ལྟ་བ་ཞེས་པ་དེ་གང་ལ་ངོས་འཛིན་དགོས་སམ།

དྲིས་ལན། འཇིག་པའི་རང་བཞིན་ཅན་གྱི་ཕུང་པོ་ལྔའི་ཚོགས་པ་ལ་བདག་ཡོད་པར་ལྟ་བ་དེ་ལ་འཇིག་ཚོགས་ལ་ལྟ་བ་ཞེས་བྱ་སྟེ། གཞུང་ལས། བློ་གྲོས་མི་ཟད་པའི་མདོ་འགྲེལ་ལས། འཇིག་ཚོགས་ཞེས་བྱ་བ་ནི། གཟུགས་ལ་སོགས་པ་ལྔ་འཇིག་པའི་རང་བཞིན་ཅན་རྣམས་ཕུང་པོ་དང་ཚོགས་སུ་གྱུར་པ་ལ་བྱ་སྟེ། དེ་ལ་བདག་ཡོད་པར་ལྟ་བ་ནི་འཇིག་ཚོགས་ལ་ལྟ་བའོ། །ཞེས་གསུངས་པའི་ཕྱིར་རོ།།

༡༢༦༽ དྲི་བ། འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་པོ་དེ་ཇི་ལྟར་བགྲང་བ་ཡིན་ནམ།

དྲིས་ལན། ཕུང་པོ་ལྔ་པོ་རེ་རེ་ལ་ལྟ་ཚུལ་བཞི་རེ་སྦྱར་ནས་བགྲང་བ་ཡིན་ཏེ། དཔེར་ན་གཟུགས་ཀྱི་ཕུང་པོ་ལ་བདག་ཏུ་ལྟ་བ་དང་། བདག་གཟུགས་དང་ལྡན་པར་ལྟ་བ། གཟུགས་བདག་གི་ཡིན་པར་ལྟ་བ། གཟུགས་ལ་བདག་གནས་པར་ལྟ་བ་བཞི་ཡོད་པ་བཞིན་དུ། ཚོར་བ་སོགས་ཕུང་པོ་ལྷག་མ་བཞི་ལའང་དེ་བཞིན་དུ་སྦྱར་བས་ཉི་ཤུར་འགྱུར་ཏེ། གཞུང་ལས། ཉི་ཤུ་ཡང་གཟུགས་ལ་བདག་ཏུ་ལྟ་བ་དང་། བདག་གཟུགས་དང་ལྡན་པར་དང་། གཟུགས་བདག་གི་ཡིན་པ་དང་། གཟུགས་ལ་བདག་གནས་པར་ལྟ་བ་དང་། དེ་བཞིན་དུ་ཚོར་བ་ལ་བཞི། འདུ་ཤེས་དང་འདུ་བྱེད་དང་རྣམ་པར་ཤེས་པའི་ཕུང་པོ་ལ་བཞི་ཏེ་ཉི་ཤུའོ། །ཞེས་གསུངས་པའི་ཕྱིར་རོ།།

༡༢༧༽ དྲི་བ། འཇིག་ཚོགས་ལ་ལྟ་བ་དེ་ལ་ ལྷན་སྐྱེས་ ཞེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། དེ་ནི་གྲུབ་མཐའ་སོགས་ལ་བརྟེན་ནས་གསར་དུ་སྐྱེས་པ་མ་ཡིན་པར། ཐོག་མ་མེད་པ་ནས་གོམས་པའི་བག་ཆགས་ཀྱི་དབང་གིས་སྐྱེ་བ་ཐོབ་པ་ནས་བཟུང་ཡོད་པའི་ཕྱིར་ལྷན་སྐྱེས་ཞེས་བརྗོད་པ་ཡིན་ཏེ། གཞུང་ལས། དེ་ནི་ཐོག་མ་མེད་པའི་བག་ཆགས་ལས་བྱུང་བ་སྐྱེ་བས་ཐོབ་པའི་ཕྱིར་ལྷན་སྐྱེས་ཏེ། ཞེས་གསུངས་པའི་ཕྱིར་རོ།།

༡༢༨༽ དྲི་བ། བདག་མེད་པར་རྟོགས་པའི་ཡང་དག་པའི་ལྟ་བ་དེས་བདག་གི་དབྱེ་བ་གང་དག་དགག་པ་ཡིན་ནམ།

དྲིས་ལན། དེས་ནི་གྲུབ་མཐའ་ངན་པས་བརྟགས་པའི་གློ་བུར་བའི་བདག་དང་། སྐྱེ་བ་ནས་ཡོད་པའི་ལྷན་སྐྱེས་ཀྱི་བདག་གཉིས་ཀ་དགག་པ་ཡིན་ཏེ། གཞུང་ལས། གསུངས་པའི་བདག་ནི་གློ་བུར་བ་དང་ལྷན་སྐྱེས་གཉིས་ཀ་སྟེ། ཞེས་གསུངས་པའི་ཕྱིར་རོ།།

༡༢༩༽ དྲི་བ། འཇིག་ཚོགས་ལ་ལྟ་བ་སྤོང་བར་བྱེད་པའི་གཉེན་པོ་དེ་གང་ཡིན་པ་དང་། དོན་ལ་དེ་གང་ལ་གོ་དགོས་སམ།

དྲིས་ལན། འཇིག་ལྟ་སྤོང་བར་བྱེད་པ་ནི་ཡེ་ཤེས་ཀྱི་རྡོ་རྗེ་ཡིན་ལ། དོན་ལ་དེ་ནི་བར་ཆད་མེད་པའི་ལམ་ལ་གོ་དགོས་ཏེ། གཞུང་ལས། གྲོལ་བར་བྱེད་པ་དེ་ཁ་ཡེ་ཤེས་ཀྱི་རྡོ་རྗེའི་མིང་ཅན་ཏེ། དོན་ལ་བར་ཆད་མེད་པའི་ལམ་མོ། །ཞེས་གསུངས་པའི་ཕྱིར་རོ།།

༡༣༠༽ དྲི་བ། རྣམ་འགྲེལ་ལྟར་ན། འཁོར་བའི་རྒྱུ་གཙོ་བོ་འདོད་ཆགས་དེ་གང་ལས་སྐྱེ་བ་དང་། དེའི་གཉེན་པོ་གང་ཡིན་ནམ།

དྲིས་ལན། འཁོར་བའི་རྒྱུ་འདོད་ཆགས་ནི་བདག་དང་བདག་གིར་འཛིན་པ་ལས་སྐྱེ་བ་དང་། དེའི་གཉེན་པོ་ནི་བདག་མེད་པར་མཐོང་བའི་ཤེས་རབ་ཡིན་ཏེ། གཞུང་ལས། རྣམ་འགྲེལ་ལས། ... བདག་དང་བདག་གིར་འཛིན་བྱས་པ། །འདུས་བྱས་སྤྱོད་ཡུལ་ཅན་ཆགས་ནི། །རྒྱུ་ཡིན་དེ་ཡི་གནོད་བྱེད་ནི། །བདག་མེད་མཐོང་བ་འགལ་བ་ཡིན། །ཞེས་སོ། །ཞེས་གསུངས་པའི་ཕྱིར་རོ།།

༡༣༡༽ དྲི་བ། གཞུང་འདིར་བསྟན་པའི་བདག་མེད་སྒོམ་པའི་ཐབས་ཤེས་གཅིག་གང་ཡིན་ནམ།

དྲིས་ལན། ཐབས་ཤེས་ནི། ལུང་དང་རིགས་པས་དཔྱད་དེ་སྡུག་བསྔལ་དང་། དེའི་རྒྱུ། མི་རྟག་པ་སོགས་ཀྱི་རང་བཞིན་ལ་བརྟགས་པས། དེ་དག་ལ་རང་བཞིན་མེད་པར་གོ་ཞིང་། དེ་ཉིད་བདག་མེད་པའམ་སྟོང་པ་ཉིད་དུ་རྟོགས་པ་དེ་ཡིན་ཏེ། གཞུང་ལས། ལུང་དང་རིགས་པས་རྣམ་དཔྱད་པ། །སྡུག་བསྔལ་ཉིད་ཀྱི་ཁྱད་པར་གྱིས། །སྡུག་བསྔལ་རྒྱུ་དང་དེ་མི་རྟག །ལ་སོགས་རང་བཞིན་རྟོག་པར་མཛད། །ཅེས་... མི་རྟག་པ་དང་སྡུག་བསྔལ་ལ་སོགས་པར་གཏན་ལ་ཕབ་པ་ཉིད་ཀྱི་རང་བཞིན་མེད་པ་གོ་ལ། དེ་ཁ་བདག་མེད་པའམ་སྟོང་པ་ཉིད་ཡིན་པས་དེ་ཡང་དེའི་སྒོམ་པའི་ཚུལ་ཅིག་ཡིན་པ་དང་། ཞེས་གསུངས་པའི་ཕྱིར་རོ།།

༡༣༢༽ དྲི་བ། བྱང་ཆུབ་སེམས་འགྲེལ་ལས་མི་རྟག་པ་དང་སྟོང་པ་ཉིད་གཉིས་ཀྱི་འབྲེལ་བ་ཇི་ལྟར་བསྟན་ཡོད་དམ།

དྲིས་ལན། སེམས་ནི་སྐད་ཅིག་མའི་རང་བཞིན་ཏེ་མི་རྟག་པ་ཡིན་ལ། སེམས་མི་རྟག་པར་བཞེད་པ་དེ་ཉིད་ཀྱིས་སེམས་སྟོང་པ་ཉིད་དུ་ཡང་བཞེད་པ་ཡིན་པས། ཆོས་རྣམས་གནས་མེད་སྒྱུ་མ་དང་མཚུངས་པའི་སྟོང་པ་ཉིད་དུ་སྒོམ་དགོས་པར་བསྟན་ཏེ། གཞུང་ལས། བྱང་ཆུབ་སེམས་འགྲེལ་ལས། གང་གི་རྣམ་ཤེས་སྐད་ཅིག་མ། །དེ་ཡི་དེ་ནི་རྟག་མ་ཡིན། །... དེ་དག་སེམས་དེ་སྟོང་ཉིད་དུ། །ཅི་ཡི་ཕྱིར་ན་བཞེད་མི་འགྱུར། །དང་། དེ་ཕྱིར་ཆོས་རྣམས་ཀུན་གྱི་གཞི། །གནས་མེད་སྒྱུ་མ་དང་མཚུངས་པའི། །... སྟོང་པ་ཉིད་འདི་རྟག་ཏུ་སྒོམ། །ཞེས་གསུངས་པའི་ཕྱིར་རོ།།

༡༣༣༽ དྲི་བ། བདག་མེད་སྒོམ་པའི་སྐབས་ཀྱི་གོལ་ས་ཆེན་པོ་གང་ལ་ངོས་འཛིན་དགོས་སམ།

དྲིས་ལན། བདག་མེད་དོ་སྙམ་དུ་བསྒོམས་པ་དེ་ཉིད་བདག་སྒོམ་པར་འགྱུར་བ་ནི་བདག་མེད་སྒོམ་པའི་གོལ་ས་ཆེན་པོ་ཡིན་ཏེ། གཞུང་ལས། དེ་ལས་གཞན་བདག་མེད་སྙམ་སྒོམ་པ་ནི་བདག་སྒོམ་པ་སྟེ། བདག་མེད་ཀྱི་སྒོམ་གྱི་གོལ་ས་ཆེན་པོ་སྟེ། ལུང་འཕྲོར། སྐྱེ་མེད་ཅེས་དང་སྟོང་ཞེས་དང་། །བདག་མེད་ཅེས་པས་སྟོང་པ་ཉིད། །དམན་པའི་བདག་ཉིད་གང་སྒོམ་པ། །དེ་ནི་འདི་ན་བདག་སྒོམ་པའོ། །ཞེས་གསུངས། ཞེས་གསུངས་པའི་ཕྱིར་རོ།།

༡༣༤༽ དྲི་བ། བདག་མེད་དོ་སྙམ་པའི་རྟོག་པ་དེ་ཡང་དག་པའི་སྟོང་ཉིད་ཀྱི་སྒོམ་དུ་མི་འགྲོ་བའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། ཡང་དག་པའི་སྟོང་པ་ཉིད་ནི་དགེ་མི་དགེའི་རྣམ་རྟོག་ཐམས་ཅད་རྒྱུན་ཆད་པའི་མཚན་ཉིད་ཅན་ཡིན་ལ། བདག་མེད་དོ་སྙམ་པའི་སྒོམ་དེ་ནི་མེད་པར་རྟོག་པའི་རྣམ་རྟོག་ཙམ་ཡིན་པས་སྟོང་ཉིད་དུ་མི་འགྱུར་ཏེ། གཞུང་ལས། དགེ་དང་མི་དགེའི་རྣམ་རྟོག་ནི། །རྒྱུན་ཆད་པ་ཡི་མཚན་ཉིད་ཅན། །སངས་རྒྱས་རྣམས་ཀྱི་སྟོང་ཉིད་གསུངས། །... སྔར་གྱི་སྒོམ་པ་ནི་མེད་པར་རྟོག་པ་ཉིད་དུ་ཟད་པས་སོ། །དེ་ཉིད་དུ། རྣམ་རྟོག་མེད་པ་སྟོང་ཉིད་ཡིན། །གང་ལ་རྣམ་རྟོག་སྣང་ཡོད་པ། །དེ་ལ་སྟོང་ཉིད་ག་ལ་ཡོད། །ཅེས་སོ། །ཞེས་གསུངས་པའི་ཕྱིར་རོ།།

༡༣༥༽ དྲི་བ། བྱང་ཆུབ་སེམས་འགྲེལ་ལས་སྟོང་པ་ཉིད་སྒོམ་པའི་ཐབས་མཆོག་ཏུ་གྱུར་པ་གང་ཞིག་གསུངས་ཡོད་དམ།

དྲིས་ལན། སེམས་དམིགས་པ་དང་བྲལ་བར་བྱས་ཏེ་ནམ་མཁའི་ངོ་བོ་ལ་གནས་པར་བྱེད་པ་སྟེ། ནམ་མཁའ་ལྟར་སྒོམ་པ་དེ་ཉིད་སྟོང་པ་ཉིད་སྒོམ་པར་བཞེད་དེ། གཞུང་ལས། ཞར་ལ། དམིགས་པ་དང་ནི་བྲལ་བའི་སེམས། །ནམ་མཁའི་མཚན་ཉིད་ལ་གནས་ཏེ། །ནམ་མཁའ་སྒོམ་པར་བྱེད་པ་འདི། །སྟོང་པ་ཉིད་ནི་སྒོམ་པར་བཞེད། །ཅེས་གསུངས་པའི་ཕྱིར་རོ།།

༡༣༦༽ དྲི་བ། དམིགས་པ་དང་བྲལ་བའི་སྒོམ་དེ་ལ་དགག་པ་བྱེད་མཁན་རྣམས་ལ་རྩོམ་པ་པོས་སྐྱོན་གང་ཞིག་གསུངས་ཡོད་དམ།

དྲིས་ལན། དམིགས་མེད་ཀྱི་སྒོམ་དེ་སྟོང་ལྟ་ཧད་པོ་ཡིན་ནོ་སྙམ་ནས་དགག་པ་བྱེད་པ་དེ་ནི། གདུལ་བྱ་རྣམས་སངས་རྒྱས་ཀྱི་ལམ་ལས་གོལ་དུ་འཇུག་པའི་ཐབས་ལས་གཞན་མེད་པར་གསུངས་ཏེ། གཞུང་ལས། སྟོང་ལྟ་ཧད་པོའོ་སྙམ་ནས་དེ་དགག་པ་ལྷུར་ལེན་པ་ལས། སངས་རྒྱ་བའི་ལམ་ལས་གོལ་དུ་གཞུག་པའི་ཐབས་གཞན་ཅི་ཞིག་ཡོད། ཞེས་གསུངས་པའི་ཕྱིར་རོ།།

༡༣༧༽ དྲི་བ། ཇོ་བོ་རྗེའི་གསུང་ལྟར་ན། ཚད་མ་གཉིས་ཏེ་མངོན་སུམ་དང་རྗེས་དཔག་གིས་སྟོང་པ་ཉིད་རྟོགས་ཐུབ་བམ།

དྲིས་ལན། མི་ཐུབ་སྟེ། གལ་ཏེ་ཚད་མ་གཉིས་པོས་སྟོང་ཉིད་རྟོགས་ཐུབ་ན། མུ་སྟེགས་པ་དང་ཉན་ཐོས་རྣམས་ཀྱིས་ཀྱང་ཆོས་ཉིད་རྟོགས་པར་ཐལ་བའི་སྐྱོན་ཡོད་པས་སོ།། གཞུང་ལས། ཇོ་བོ་རྗེ་ལྷ་གཅིག་གིས། མངོན་སུམ་དང་ནི་རྗེས་སུ་དཔག །སངས་རྒྱས་པ་ཡིས་དེ་གཉིས་གཟུང་། །གཉིས་པོས་སྟོང་ཉིད་རྟོགས་སོ་ཞེས། །ཚུ་རོལ་མཐོང་བའི་རྨོངས་པ་སྨྲ། །མུ་སྟེགས་ཉན་ཐོས་རྣམས་ཀྱིས་ཀྱང་། །ཆོས་ཉིད་རྟོགས་པར་ཐལ་བར་འགྱུར། །ཞེས་གསུངས་པའི་ཕྱིར་རོ།།

༡༣༨༽ དྲི་བ། གལ་ཏེ་ཚད་མ་གཉིས་ཀྱིས་སྟོང་ཉིད་མི་རྟོགས་ན། མཁས་པ་རྣམས་ཀྱིས་རྟོག་གེའི་རིག་པ་སྤྱོད་པའི་དགོས་པ་གང་ཡིན་ནམ།

དྲིས་ལན། དགོས་པ་ནི་མུ་སྟེགས་པ་ལྟ་བུའི་ཕྱི་རོལ་པའི་རྒོལ་བ་རྣམས་ཟློག་པའི་ཕྱིར་མཁས་པ་རྣམས་ཀྱིས་མཛད་པ་ཡིན་ཏེ། གཞུང་ལས། མུ་སྟེགས་རྒོལ་བ་ཟློག་པའི་ཕྱིར། །མཁས་པ་རྣམས་ཀྱིས་བྱས་པ་ཡིན། །ཞེས་གསུངས་པའི་ཕྱིར་རོ།།

༡༣༩༽ དྲི་བ། བྱང་ཆུབ་སེམས་འགྲེལ་ལྟར་ན། སྟོང་པ་ཉིད་བསྒོམས་པ་དེས་ལས་འབྲས་དང་གཞན་དོན་སྤོང་བར་འགྱུར་རམ།

དྲིས་ལན། མི་འགྱུར་ཏེ། སྟོང་པ་ཉིད་བསྒོམས་པ་ལ་བརྟེན་ནས་གཞན་གྱི་དོན་ལ་དགའ་བའི་བློ་ངེས་པར་འབྱུང་བ་དང་། ཀུན་རྫོབ་དང་དོན་དམ་གཉིས་ནི་བྱས་པ་དང་མི་རྟག་པ་བཞིན་དུ་གཅིག་མེད་ན་གཅིག་མི་འབྱུང་བའི་འབྲེལ་བ་ཡིན་པས་སོ།། གཞུང་ལས། དེ་ལྟར་རྣལ་འབྱོར་པ་རྣམས་ཀྱིས། །སྟོང་པ་ཉིད་ནི་བསྒོམས་བྱས་ན། །ཞན་གྱི་དོན་ལ་དགའ་བའི་བློ། །འབྱུང་བ་ཉིད་དུ་ཐེ་ཚོམ་མེད། །ཅེས་པ་དང་། ཀུན་རྫོབ་ལས་ནི་ལོགས་ཤིག་ན། །དེ་ཉིད་ཉེ་བར་མི་དམིགས་སོ། །ཀུན་རྫོབ་སྟོང་པ་ཉིད་དུ་བཤད། །སྟོང་ཉིད་ཁོ་ན་ཀུན་རྫོབ་སྟེ། །བྱས་པ་དང་ནི་མི་རྟག་བཞིན། །མེད་ན་མི་འབྱུང་ངེས་ཕྱིར་རོ། །ཞེས་གསུངས་པས་སོ། །ཞེས་གསུངས་པའི་ཕྱིར་རོ།།

༡༤༠༽ དྲི་བ། རྩོམ་པ་པོ་མཆོག་གིས་དེང་དུས་ཀྱི་སྒོམ་པའི་སྐོར་གྱི་ནོར་འཁྲུལ་ཆེན་པོ་གང་ལ་གསུངས་ཡོད་དམ།

དྲིས་ལན། བདག་འཛིན་ལྷན་སྐྱེས་ཀྱི་གཉེན་པོ་བདག་མེད་མི་སྒོམ་པར། དུས་གསུམ་འགོག་པ་ལྟ་བུའི་ཡིད་བྱེད་སྒོམ་པ་ནི་དུད་འགྲོའི་སྐྱེ་གནས་ཀྱི་རྒྱུ་ཡིན་པ་དང་། སྟོང་ལྟ་ཧད་པོས་རྒྱུ་འབྲས་ཁྱད་དུ་གསོད་པ་ནི་ནོར་ས་ཆེན་པོ་ཡིན་པར་གསུངས་ཏེ། གཞུང་ལས། འཁོར་བའི་རྩ་བ་བདག་འཛིན་ལྷན་སྐྱེས་དང་། །དངོས་སུ་འགལ་བའི་བདག་མེད་མི་སྒོམ་པར། །དུས་གསུམ་འགོག་པ་ཡིད་བྱེད་ལྷུར་ལེན་པ། །སྒོམ་གྱི་གཟུགས་བརྙན་དུད་འགྲོའི་སྐྱེ་གནས་ཡིན། །དང་། སྟོང་ལྟ་ཧད་པོས་རྒྱུ་འབྲས་ཁྱད་དུ་གསོད། །ཅེས་སོགས་སྦྱར་བ་དག་ནོར་ས་ཆེན་པོར་འཁྱམས་པའོ། །ཞེས་གསུངས་པའི་ཕྱིར་རོ།།

༡༤༡༽ དྲི་བ། བདག་མེད་པ་གཏན་ལ་འབེབས་པའི་གདམས་ངག་གི་སྙིང་པོ་གང་ཡིན་ནམ།

དྲིས་ལན། གདམས་ངག་གི་སྙིང་པོ་ནི། ཐོག་མར་དགག་བྱ་བདག་གི་དབྱེ་བ་ཕྱེ་ནས། གྲུབ་མཐས་བརྟགས་པའི་ཀུན་བརྟགས་ཀྱི་བདག་དེ་རིགས་པས་དགག་པ་དང་། ལྷན་སྐྱེས་ཀྱི་བདག་འཛིན་དེ་ཞི་གནས་དང་ལྷག་མཐོང་གི་སྒོམ་གྱིས་འགོག་དགོས་པ་དེ་ཡིན་ཏེ། གཞུང་ལས། དེ་བས་ན་བདག་མེད་གཏན་ལ་འབེབས་པ་ལ་དགག་བྱ་བདག་གི་དབྱེ་བ་ཕྱེད་པར་གྱིས་ཤིག་ཅེས་གདམས་ལ་རང་ལུགས་རིགས་པས་གཏན་ལ་འབེབས་པའི་དགག་བྱ་ནི་དང་པོ་ཡིན་ལ། ཞི་གནས་དང་མཚུངས་ལྡན་གྱི་ལྷག་མཐོང་གིས་འགོག་པ་ནི་ཕྱི་མའོ། །ཞེས་གསུངས་པའི་ཕྱིར་རོ།།

༡༤༢༽ དྲི་བ། སྐྱེས་བུ་འབྲིང་གི་ལམ་གྱི་སྒོམ་བྱ་གཙོ་བོ་དེ་གང་ཡིན་ནམ།

དྲིས་ལན། སྒོམ་བྱ་གཙོ་བོ་ནི་འཁོར་བའི་ཉེས་དམིགས་སམ་སྐྱོན་ལ་བསམ་པ་དེ་ཡིན་ཏེ། གཞུང་ལས། ་་་་་་་་་་་་་ཉེས་དམིགས་སྒོམ། །ཞེས་པས་འཁོར་བའི་སྐྱོན་བསྟན། ཞེས་གསུངས་པའི་ཕྱིར་རོ།།

༡༤༣༽ དྲི་བ། འཁོར་བའི་ཉེས་དམིགས་སྒོམ་པ་ལ་ནང་གསེས་ཀྱི་དབྱེ་བ་བཞི་ཡོད་པ་དེ་དག་གང་དང་གང་ཡིན་ནམ།

དྲིས་ལན། དབྱེ་བ་བཞི་ནི། ༡༽ དལ་འབྱོར་རྙེད་དཀའ་བ་བསམ་པ། ༢༽ འཆི་བ་མི་རྟག་པ་སྒོམ་པ། ༣༽ འཁོར་བ་སྡུག་བསྔལ་དུ་ལྟ་བ། ༤༽ མྱང་འདས་ཀྱི་ཕན་ཡོན་ལ་འདུན་པ་བཅས་ཡིན་ཏེ། གཞུང་ལས། རྒྱས་པར་བཤད་པ་ལ། དལ་འབྱོར་རྙེད་དཀའ་བ་བསམ་པ། འཆི་བ་མི་རྟག་པ་སྒོམ་པ། འཁོར་བ་སྡུག་བསྔལ་དུ་ལྟ་བ། མྱང་འདས་ཀྱི་ཕན་ཡོན་ལ་འདུན་པའོ། །ཞེས་གསུངས་པའི་ཕྱིར་རོ།།

༡༤༤༽ དྲི་བ། དམ་པའི་ཆོས་སྒྲུབ་པའི་སྐལ་བ་མེད་པའི་མི་ཁོམ་པའི་གནས་བརྒྱད་པོ་དེ་དག་གང་ཡིན་ནམ།

དྲིས་ལན། མི་ཁོམ་པའི་གནས་བརྒྱད་ནི། དམྱལ་བ་དང་། དུད་འགྲོ། ཡི་དྭགས། མཐའ་འཁོབ། ལྷ་ཚེ་རིང་པོ། དབང་པོ་མ་ཚང་བ། ལོག་པར་ལྟ་བ། སངས་རྒྱས་མི་འབྱུང་བའི་བསྐལ་པར་སྐྱེས་པ་བཅས་ཡིན་ཏེ། གཞུང་ལས། མི་ཁོམ་པ་བརྒྱད་ནི། དམྱལ་བ་དང་། དུད་འགྲོ་དང་། ཡི་དྭགས་དང་། མཐའ་འཁོབ་ཏུ་སྐྱེས་པ་དང་། ལྷ་ཚེ་རིང་པོ་དང་། དབང་པོ་མ་ཚང་བ་དང་། ལོག་པར་ལྟ་བ་དང་། དེ་བཞིན་གཤེགས་པ་མི་འབྱུང་བར་སྐྱེས་པ་སྟེ། ཞེས་གསུངས་པའི་ཕྱིར་རོ།།

༡༤༥༽ དྲི་བ། དལ་བ་ ཞེས་པའི་དོན་གང་ཡིན་ནམ།

དྲིས་ལན། དལ་བ་ ཞེས་པ་ནི་མི་ཁོམ་པའི་གནས་བརྒྱད་པོ་དེ་དག་ལས་གྲོལ་ཏེ་དམ་པའི་ཆོས་བྱེད་པར་ཁོམ་པ་ལ་ཟེར་ཏེ། གཞུང་ལས། དེ་བརྒྱད་ལས་ཟློག་པ་ནི། དམ་པའི་ཆོས་བྱེད་པར་ཁོམ་པའི་ཕྱིར་དལ་བ་ཞེས་བྱའོ། །ཞེས་གསུངས་པའི་ཕྱིར་རོ།།

༡༤༦༽ དྲི་བ། འབྱོར་པ་བཅུ་པོ་དེ་དག་རང་གི་འབྱོར་པ་དང་གཞན་གྱི་འབྱོར་པའི་སྒོ་ནས་ཇི་ལྟར་ཕྱེ་ཡོད་དམ།

དྲིས་ལན། འབྱོར་པ་བཅུ་ནི། རང་གི་འབྱོར་པ་ལྔ་ནི། མིར་གྱུར་པ་དང་། ཡུལ་དབུས་སུ་སྐྱེས་པ། དབང་པོ་ཚང་བ། གནས་ལ་དད་པ། ལས་མཐའ་མ་ལོག་པ་བཅས་ཡིན། གཞན་གྱི་འབྱོར་པ་ལྔ་ནི། སངས་རྒྱས་འབྱུང་བ་དང་། དམ་པའི་ཆོས་སྟོན་པ། བསྟན་པ་གནས་པ། བསྟན་པ་ལ་ཞུགས་པ་ཡོད་པ། གཞན་ལ་སྙིང་བརྩེ་བ་ཡོད་པ་བཅས་ཡིན་ཏེ། གཞུང་ལས། དང་པོ་ལ་ལྔ་སྟེ། མིར་གྱུར་པ་དང་། ཡུལ་དབུས་སུ་སྐྱེས་པ་དང་། དབང་པོ་མ་ཚང་བ་མེད་པ་དང་། གནས་ལ་དད་པར་གྱུར་པ་དང་། ལས་ཀྱི་མཐའ་མ་ལོག་པའོ། ... གཞན་གྱི་འབྱོར་པ་ཡང་ལྔ་སྟེ། སངས་རྒྱས་རྣམས་འབྱུང་བ་དང་། དམ་པའི་ཆོས་སྟོན་པ་དང་། ཆོས་བསྟན་པ་རྣམས་གནས་པ་དང་། བསྟན་པ་ལ་ཞུགས་པ་དང་གཞན་གྱི་ཕྱིར་རྗེས་སུ་སྙིང་བརྩེ་བའོ། །ཞེས་གསུངས་པའི་ཕྱིར་རོ།།

༡༤༧༽ དྲི་བ། རང་གི་འབྱོར་པ་ལྔའི་ནང་ཚན་ གནས་ལ་དད་པ་ ཞེས་པའི་སྐབས་ཀྱི་ གནས་ དེས་གང་ལ་གོ་དགོས་པ་དང་། དེ་ལྟར་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། སྐབས་འདིའི་ གནས་ དེས་དམ་པའི་ཆོས་འདུལ་བ་ལ་གོ་དགོས་ཏེ། རྒྱུ་མཚན་ནི་འདུལ་བ་ནི་འཇིག་རྟེན་དང་འཇིག་རྟེན་ལས་འདས་པའི་ཆོས་ཐམས་ཅད་སྐྱེ་བའི་གཞི་རྟེན་ཡིན་པའི་ཕྱིར་རོ། །གཞུང་ལས། དེ་ལ་གནས་ཞེས་པ་དམ་པའི་ཆོས་འདུལ་བ་སྟེ། དེ་ནི་འཇིག་རྟེན་དང་འཇིག་རྟེན་ལས་འདས་པའི་ཆོས་ཐམས་ཅད་སྐྱེ་བའི་གནས་ཡིན་པའི་ཕྱིར་རོ། །དེ་བས་ན་དེ་ལ་དད་པ་ནི་གནས་ལ་དད་པའོ། །ཞེས་གསུངས་པའི་ཕྱིར་རོ།།

༡༤༨༽ དྲི་བ། འདུ་བྱེད་ཐམས་ཅད་ལ་ཁྱབ་པའི་མི་རྟག་པ་ལ་རྣམ་པ་གཉིས་ཡོད་པ་དེ་དག་གང་དང་གང་ཡིན་ནམ།

དྲིས་ལན། མི་རྟག་པ་ལ་རྣམ་པ་གཉིས་ཡོད་དེ། ༡༽ འཇིག་པའི་མི་རྟག་པ་སྟེ་མཐར་འཇིག་པར་འགྱུར་བ་དང་། ༢༽ སྐད་ཅིག་མའི་མི་རྟག་པ་སྟེ་སྐད་ཅིག་རེ་རེར་མི་སྡོད་པར་འཇིག་པ་བཅས་ཡིན་ཏེ། གཞུང་ལས། མི་རྟག་པ་རྣམ་པ་གཉིས་ནི། འཇིག་པའི་མི་རྟག་པ་དང་། སྐད་ཅིག་མས་འཇོམས་པའི་མི་རྟག་པའོ། །དང་པོ་མཐར་མེད་པར་འགྱུར་བ་སྟེ།...གཉིས་པ་སྐད་ཅིག་རེར་ཡང་མི་སྡོད་པར་འཇིག་པའོ། །ཞེས་གསུངས་པའི་ཕྱིར་རོ།།

༡༤༩༽ དྲི་བ། བྱེ་བྲག་ཏུ་སྨྲ་བའི་ལུགས་ལ་དངོས་པོ་ཞིག་འཇིག་པའི་ཚུལ་ཇི་ལྟར་འདོད་དམ།

དྲིས་ལན། ཁོང་ཚོའི་ལུགས་ལ་དངོས་པོ་ཞིག་སྐད་ཅིག་དང་པོར་སྐྱེ་བ་དང་། བར་དུ་གནས་པ། མཐའ་མ་ལ་འཇིག་པའི་རྐྱེན་ཞིག་གིས་འཇིག་པར་འདོད་དེ། གཞུང་ལས། བྱེ་བྲག་སྨྲ་བ་...དེ་དག་གི་གྲུབ་པའི་མཐའ་ལ་ཅི་མྱུར་ཡང་སྐད་ཅིག་དང་པོ་ལ་སྐྱེ། བར་དུ་གནས། མཐའ་མ་འཇིག་རྐྱེན་གྱིས་འཇིག་པར་བཤད་པ་ཡིན་ལ། ཞེས་གསུངས་པའི་ཕྱིར་རོ།།

༡༥༠༽ དྲི་བ། མདོ་སྡེ་པ་སོགས་ཀྱིས་སྐད་ཅིག་མའི་མི་རྟག་པ་ཇི་ལྟར་འདོད་པ་དང་། དེ་ལ་གནས་པའི་སྐད་ཅིག་ཡོད་པར་ཁས་ལེན་ནམ།

དྲིས་ལན། ཁོང་ཚོའི་ལུགས་ལ་དངོས་པོའི་སྐྱེ་བ་དེ་ཉིད་འཇིག་པའི་རྐྱེན་ཡིན་པས་སྐྱེ་བ་དང་འཇིག་པ་དུས་མཉམ་པ་དང་། དངོས་པོ་རྣམས་སྐད་ཅིག་ཙམ་ལས་མི་སྡོད་པས་གནས་པའི་སྐད་ཅིག་ཡོད་པར་མི་འདོད་དེ། གཞུང་ལས། མདོ་སྡེ་པ་...དེའི་གྲུབ་མཐའ་ལ་སྐྱེ་བ་ཁོ་ན་དེའི་འཇིག་རྐྱེན་ཡིན་པས་སྐྱེ་བཞིན་པ་དང་འཇིག་བཞིན་པ་དུས་མཉམ་པས་དངོས་པོ་སྐད་ཅིག་རེ་ལས་མི་སྡོད་པས་གནས་པའི་སྐད་ཅིག་ལ་སོགས་པ་མེད་ཀྱི། ཞེས་གསུངས་པའི་ཕྱིར་རོ།།

༡༥༡༽ དྲི་བ། འདུས་བྱས་ཐམས་ཅད་འཇིག་པའི་རང་བཞིན་དུ་མཐོང་ནས་འཆི་བ་མི་རྟག་པ་སྒོམ་པའི་ཚེ་དོན་གནད་གསུམ་པོ་གང་ལ་བསམ་དགོས་སམ།

དྲིས་ལན། བསམ་བྱ་དོན་གནད་གསུམ་ནི། ༡) བདག་འཆི་བ་ངེས་པ། ༢) འཆི་བའི་དུས་ནམ་ཡིན་ངེས་པ་མེད་པ། ༣) འཆི་བའི་ཚེ་དམ་པའི་ཆོས་ལས་གཞན་གང་གིས་ཀྱང་ཕན་པ་མེད་པ་བཅས་ཡིན་ཏེ། གཞུང་ལས། བདག་འཆི་ངེས། འཆི་བ་ཡང་དུས་བཏབ་མེད། འཆི་བ་ལ་ཆོས་མིན་པ་གང་གིས་ཀྱང་ཕན་པ་མེད་སྙམ་སྒོམ་པའོ། །འདི་ནི་འཇིག་པའི་ཉེས་དམིགས་སྒོམ་པའོ། །ཞེས་གསུངས་པའི་ཕྱིར་རོ།།

༡༥༢༽ དྲི་བ། འཁོར་བ་སྡུག་བསྔལ་དུ་ལྟ་བ་ལ་ནང་གསེས་ཀྱི་དབྱེ་བ་བདུན་ཡོད་པ་དེ་དག་གང་དང་གང་ཡིན་ནམ།

དྲིས་ལན། དབྱེ་བ་བདུན་ནི། ༡༽ འདུ་བྱེད་ཐམས་ཅད་སྡུག་བསྔལ་བར་རྟོག་པ། ༢༽ སྐད་ཅིག་ཀྱང་སྲིད་པར་སྐྱེ་བར་མི་འདོད་པ། ༣༽ རྟག་ཏུ་འཇིགས་པར་ལྟ་བ། ༤༽ རྟག་ཏུ་ཡིད་མི་རྟོན་པ། ༥༽ ཕུང་པོ་རྣམས་གསོད་མཁན་ལྟ་བུར་འདུ་ཤེས་པ། ༦༽ ཁམས་རྣམས་སྦྲུལ་གདུག་པ་ལྟ་བུར་འདུ་ཤེས་པ། ༧༽ སྐྱེ་མཆེད་རྣམས་གྲོང་སྟོང་པ་ལྟ་བུར་འདུ་ཤེས་པ་བཅས་ཡིན་ཏེ། གཞུང་ལས། འདུ་བྱེད་ཐམས་ཅད་སྡུག་བསྔལ་བར་རྟོག་པ་དང་། སྐད་ཅིག་ཀྱང་སྲིད་པར་སྐྱེ་བར་མི་འདོད་པ་དང་། རྟག་ཏུ་འཇིགས་པར་ལྟ་བ་དང་། རྟག་ཏུ་ཡིད་མི་རྟོན་པ་དང་། ཕུང་པོ་རྣམས་གསོད་པར་འདུ་ཤེས་པ་དང་། ཁམས་རྣམས་སྦྲུལ་གདུག་པ་ལྟ་བུར་འདུ་ཤེས་པ་དང་། སྐྱེ་མཆེད་རྣམས་གྲོང་སྟོང་པ་ལྟ་བུར་འདུ་ཤེས་པ་སྟེ། ཞེས་གསུངས་པའི་ཕྱིར་རོ།།

༡༥༣༽ དྲི་བ། འདུ་བྱེད་ཐམས་ཅད་སྡུག་བསྔལ་བར་རྟོག་པ་ ཞེས་པ་དེས་སྡུག་བསྔལ་གྱི་དབྱེ་བ་གང་དག་ལ་གོ་དགོས་སམ།

དྲིས་ལན། དེས་ཟག་བཅས་ཀྱི་ཕུང་པོ་ཐམས་ཅད་སྡུག་བསྔལ་གྱི་སྡུག་བསྔལ་དང་། འགྱུར་བའི་སྡུག་བསྔལ། ཁྱབ་པ་འདུ་བྱེད་ཀྱི་སྡུག་བསྔལ་གསུམ་གྱི་རང་བཞིན་དུ་རྟོགས་པ་ལ་གོ་དགོས་ཏེ། གཞུང་ལས། ཟག་བཅས་ཐམས་ཅད་སྡུག་བསྔལ་གྱི་སྡུག་བསྔལ་དང་། འགྱུར་བའི་སྡུག་བསྔལ་དང་། འདུ་བྱེད་ཀྱི་སྡུག་བསྔལ་བར་རྟོགས་པའོ། །ཞེས་གསུངས་པའི་ཕྱིར་རོ།།

༡༥༤༽ དྲི་བ། སྲིད་པར་སྐད་ཅིག་ཙམ་ཡང་སྐྱེ་བར་མི་འདོད་པ་ ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི་ཁམས་གསུམ་འཁོར་བ་ཐམས་ཅད་སྐྱེ་རྒ་ན་འཆི་སོགས་ཀྱི་སྡུག་བསྔལ་གྱིས་ཁྱབ་པར་མཐོང་ནས། དེ་དག་ཏུ་སྐྱེ་བ་ལེན་པར་མི་འདོད་ཅིང་མི་འཚོལ་བ་ལ་ཟེར་ཏེ། གཞུང་ལས། ཁམས་གསུམ་པོ་ཐམས་ཅད་རྟག་ཏུ་འདུ་ཤེས་དང་རྗེས་སུ་འགྲོ་ཞིང་དེས་ཁྱབ་པར་མཐོང་། དེ་དག་ཏུ་སྐྱེ་རྒ་ན་འཆི་ལ་སོགས་པའི་སྡུག་བསྔལ་འབྱུང་བར་མཐོང་ནས་དེ་དག་ཏུ་སྐྱེ་བ་མི་འདོད་ཅིང་སྐྱེ་བ་མི་འཚོལ་བའོ། །ཞེས་གསུངས་པའི་ཕྱིར་རོ།།

༡༥༥༽ དྲི་བ། སྲིད་པ་ལ་རྟག་ཏུ་འཇིགས་པར་ལྟ་དགོས་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། སྲིད་པ་ནི་སྡུག་བསྔལ་གྱི་སྡུག་བསྔལ་དང་ལྡན་པར་མ་ཟད། ཉོན་མོངས་པ་མཐའ་དག་འབྱུང་བའི་གནས་ཡིན་པར་མཐོང་བའི་ཕྱིར་རོ།། གཞུང་ལས། སྲིད་པ་ལ་སྡུག་བསྔལ་གྱི་སྡུག་བསྔལ་ལྡན་པ་དང་ཉོན་མོངས་པ་འབྱུང་བའི་གནས་ཡིན་པར་མཐོང་བའོ། །ཞེས་གསུངས་པའི་ཕྱིར་རོ།།

༡༥༦༽ དྲི་བ། སྲིད་པ་ལ་རྟག་ཏུ་ཡིད་མི་རྟོན་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། སྲིད་པའི་ནང་གི་བདེ་བ་ཐང་ཅིག་པ་རྣམས་ཀྱང་མཐར་སྡུག་བསྔལ་དུ་འགྱུར་བའི་ཕྱིར་རྟག་ཏུ་ཡིད་རྟོན་བྱ་རུང་མ་ཡིན་ཏེ། གཞུང་ལས། སྲིད་པ་ལ་ཐང་ཅིག་བདེ་བ་རྣམས་ཀྱང་ཕྱིས་སྡུག་བསྔལ་དང་ལྡན་པའི་ཕྱིར་རྟག་ཏུ་ཡིད་མི་རྟོན་པའོ། །ཞེས་གསུངས་པའི་ཕྱིར་རོ།།

༡༥༧༽ དྲི་བ། ཕུང་པོ་དང་། ཁམས། སྐྱེ་མཆེད་རྣམས་ལ་འདུ་ཤེས་ཇི་ལྟར་བསྐྱེད་དགོས་པ་དང་། དེ་ལྟར་བསྐྱེད་པའི་རྒྱུ་མཚན་གང་ཡིན་ནམ།

དྲིས་ལན། ཕུང་པོ་རྣམས་གཤེད་མ་ལྟར་འདུ་ཤེས་དགོས་ཏེ། རྒྱུ་མཚན་ནི་ཕུང་པོ་ལ་བདག་ཏུ་དམིགས་ན་སྐྱེ་རྒ་ན་འཆིའི་སྡུག་བསྔལ་སྐྱེད་པའི་ཕྱིར་རོ།། ཁམས་རྣམས་སྦྲུལ་གདུག་པ་ལྟར་འདུ་ཤེས་དགོས་ཏེ། རྒྱུ་མཚན་ནི་དབང་པོའི་ཁམས་ལ་བརྟེན་ནས་ཡུལ་གྱི་ཁམས་ལ་དམིགས་ན་འདོད་ཆགས་སོགས་ཀྱི་ཉོན་མོངས་འབྱུང་བའི་ཕྱིར་རོ།། སྐྱེ་མཆེད་རྣམས་གྲོང་སྟོང་པ་ལྟར་འདུ་ཤེས་དགོས་ཏེ། རྒྱུ་མཚན་ནི་སྐྱེ་མཆེད་རྣམས་བདག་དང་བདག་གིར་གྲུབ་པས་སྟོང་པའི་ཕྱིར་རོ།། གཞུང་ལས། དཔེར་ན་གཤེད་མས་གསོད་ཅིང་སྡུག་བསྔལ་སྐྱེད་པར་བྱེད་པ་དེ་བཞིན་དུ། ཕུང་པོ་ལ་བདག་ཏུ་དམིགས་ན་ཡང་སྐྱེ་རྒ་ན་འཆིའི་སྡུག་བསྔལ་སྐྱེ་བར་མཐོང་བས་སོ། །... ཇི་ལྟར་སྦྲུལ་གདུག་པས་གཟུང་ན་སྡུག་བསྔལ་དང་ཉོན་མོངས་པ་སྐྱེ་བ་དེ་བཞིན་དུ་མིག་ལ་སོགས་པའི་ཁམས་ལ་བརྟེན་ནས་གཟུགས་ལ་སོགས་པའི་ཁམས་ལ་དམིགས་ནས་འདོད་ཆགས་དང་ཞེ་སྡང་ལ་སོགས་པའི་ཉོན་མོངས་པ་འབྱུང་བར་ཁོང་དུ་ཚུད་པའོ། །... ཇི་ལྟར་གྲོང་སྟོང་པ་ན་སྐྱེ་བོ་དག་རྒྱུ་བ་མི་གནས་པས་སྟོང་པ་དེ་བཞིན་དུ་སྐྱེ་མཆེད་བཅུ་གཉིས་ཀྱང་མིག་དང་གཟུགས་ལྟ་བུ་ཙམ་དུ་ཟད་ཀྱི་བདག་དང་བདག་གིར་མེད་པར་རྟོགས་པས་སོ། །ཞེས་གསུངས་པའི་ཕྱིར་རོ།།

༡༥༨༽ དྲི་བ། འཁོར་བའི་ཉེས་དམིགས་ལ་བསམས་ནས་སྐྱོ་བ་སྐྱེས་པ་ལས་བློ་སྐྱེད་གང་ཞིག་འབྱུང་ངམ།

དྲིས་ལན། འཁོར་བ་ལ་སྐྱོ་བ་སྐྱེས་པ་ལས་ཞི་བ་མྱ་ངན་ལས་འདས་པ་འཚོལ་བའི་བློ་སྐྱེ་བར་འགྱུར་ཏེ། གཞུང་ལས། དེས་འཁོར་བ་ལ་སྐྱོ་ན་ཞི་བ་ཚོལ་བའི་བློ་སྐྱེ་ལ། ཞི་བ་ནི་མྱ་ངན་ལས་འདས་པ་ཡིན་ཏེ། ཞེས་གསུངས་པའི་ཕྱིར་རོ།།

༡༥༩༽ དྲི་བ། མྱ་ངན་ལས་འདས་པ་ལ་གནས་དང་སྐྱབས་སུ་འདུ་ཤེས་པ་བསྐྱེད་དགོས་པའི་རྒྱུ་མཚན་གང་ཡིན་ནམ།

དྲིས་ལན། མྱ་ངན་ལས་འདས་པ་ནི་རྣམ་པར་གྲོལ་བའི་བདེ་བ་ཐམས་ཅད་ཀྱི་རྟེན་ཡིན་པར་མཐོང་བས་གནས་ སུ་འདུ་ཤེས་པ་བསྐྱེད་དགོས། དེ་ཉིད་འཁོར་བ་ལས་བརྒལ་ཞིང་སྡུག་བསྔལ་ཐམས་ཅད་སྤངས་པའི་གོ་འཕང་ཡིན་པར་མཐོང་བས་སྐྱབས་སུ་འདུ་ཤེས་པ་བསྐྱེད་དགོས་ཏེ། གཞུང་ལས། མྱ་ངན་ལས་འདས་པ་དེ་ལ་རྣམ་པར་གྲོལ་བའི་བདེ་བ་ཐམས་ཅད་ཀྱི་རྟེན་དུ་ལྟ་བས་མྱ་ངན་ལས་འདས་པ་ལ་གནས་སུ་འདུ་ཤེས་པ་དང་། དེ་ཉིད་འཁོར་བ་ལས་བརྒལ་ཞིང་སྡུག་བསྔལ་ཐམས་ཅད་སྤངས་པར་ལྟ་བས་ན་སྐྱབས་སུ་འདུ་ཤེས་པའོ། །ཞེས་གསུངས་པའི་ཕྱིར་རོ།།

༡༦༠༽ དྲི་བ། ཐར་པའི་ཕན་ཡོན་བསམས་པ་དེས་འབྲས་བུ་གང་ཞིག་ཏུ་འཁྲིད་པར་བྱེད་དམ།

དྲིས་ལན། ཐར་པའི་ཕན་ཡོན་བསམས་པ་དེས་དམན་པའི་ཐེག་པ་སྟེ་ཉན་ཐོས་སམ་རང་སངས་རྒྱས་ཀྱི་བྱང་ཆུབ་ཏུ་སེམས་བསྐྱེད་པར་བྱེད་པ་ཡིན་ཏེ། གཞུང་ལས། དེ་ནི་ཐར་པའི་ཕན་ཡོན་བསམ་པ་སྟེ། དེས་དམན་པའི་ཉན་ཐོས་སམ་རང་སངས་རྒྱས་ཀྱི་བྱང་ཆུབ་ཏུ་སེམས་བསྐྱེད་པར་བྱེད་དོ། །ཞེས་གསུངས་པའི་ཕྱིར་རོ།།

༡༦༡༽ དྲི་བ། འཁོར་བའི་ཉེས་དམིགས་སྒོམ་པའི་སྐབས་འདིར་ཐར་པའི་ཕན་ཡོན་བསྟན་པའི་དགོས་པ་གང་ཡིན་ནམ།

དྲིས་ལན། དགོས་པ་ནི། འཁོར་བའི་ཉེས་དམིགས་སུ་མཐོང་ན་དེའི་ལྡོག་ཕྱོགས་ཐར་པའི་ཕན་ཡོན་ཡང་མི་མཐོང་ཐབས་མེད་དུ་འགྱུར་བས། ཉེས་དམིགས་སྒོམ་པའི་གཞུང་གིས་ཞར་ལ་བསྟན་པ་ཡིན་ཏེ། གཞུང་ལས། འཁོར་བ་ལ་ཉེས་དམིགས་སུ་མཐོང་ན་ཐར་པའི་ཕན་ཡོན་མི་མཐོང་ཀ་མེད་སྙམ་དགོངས་ཏེ་འདི་ཉེས་དམིགས་སྒོམ་པའི་གཞུང་གིས་ཞར་ལ་བསྟན་ནོ། །ཞེས་གསུངས་པའི་ཕྱིར་རོ།།

༡༦༢༽ དྲི་བ། སྐྱེས་བུ་འབྲིང་གི་ལམ་གྱི་སྤྱོད་པ་གཙོ་བོ་གང་ཡིན་ནམ།

དྲིས་ལན། སྤྱོད་པ་གཙོ་བོ་ནི་མྱ་ངན་ལས་འདས་པ་ཐོབ་པའི་ཕྱིར་དུ་བསླབ་པ་གསུམ་ལ་སྤྱོད་པ་དེ་ཡིན་ཏེ། གཞུང་ལས། ངེས་འབྱུང་བསླབ་པ་གསུམ་སྤྱོད་པ། །ངེས་པར་འབྱུང་བ་ནི་མྱ་ངན་ལས་འདས་པ་སྟེ། དེའི་ཕྱིར་དུ་ཡིན་པས་ལྷག་པ་ཞེས་པའི་སྒྲས་བསྟན་ནོ། །ཞེས་གསུངས་པའི་ཕྱིར་རོ།།

༡༦༣༽ དྲི་བ། བསླབ་པ་གསུམ་ལ་ ལྷག་པའི་ ཞེས་པའི་ཁྱད་པར་སྦྱར་བའི་དོན་གང་ཡིན་པ་དང་། ལྷག་པའི་བསླབ་པ་གསུམ་སོ་སོའི་ངོ་བོ་གང་ཡིན་ནམ།

དྲིས་ལན། ལྷག་པའི་ ཞེས་པས་མྱ་ངན་ལས་འདས་པའི་དོན་དུ་ཉམས་སུ་ལེན་པ་ལ་གོ་དགོས། ལྷག་པའི་ཚུལ་ཁྲིམས་ནི། ལྷག་པའི་སེམས་ཏེ་ཏིང་ངེ་འཛིན་གྱི་དབང་དུ་བྱས་པའི་ཚུལ་ཁྲིམས་ཀྱི་བསླབ་པ། ལྷག་པའི་སེམས་ནི། ལྷག་པའི་ཤེས་རབ་ཀྱི་དབང་དུ་བྱས་པའི་ཏིང་ངེ་འཛིན་གྱི་བསླབ་པ། ལྷག་པའི་ཤེས་རབ་ནི། ཉོན་མོངས་པ་སྤོང་བའི་དབང་དུ་བྱས་པའི་ཡེ་ཤེས་དང་མཐོང་བའི་བསླབ་པ་བཅས་ཡིན་ཏེ། གཞུང་ལས། བསླབ་པ་གསུམ་ནི། ལྷག་པའི་སེམས་ཀྱི་དབང་དུ་བྱས་པའི་ཚུལ་ཁྲིམས་ཀྱི་བསླབ་པ་གང་ཡིན་པ་དེ་ནི་ལྷག་པའི་ཚུལ་ཁྲིམས་ཀྱི་བསླབ་པ། ལྷག་པའི་ཤེས་རབ་ཀྱི་དབང་དུ་བྱས་པའི་སེམས་ཀྱི་ཏིང་ངེ་འཛིན་གང་ཡིན་པ་དེ་ནི་ལྷག་པའི་སེམས་ཀྱི་བསླབ་པ། ཉོན་མོངས་པ་སྤོང་བའི་དབང་དུ་བྱས་པའི་ཡེ་ཤེས་དང་། མཐོང་བ་གང་ཡིན་པ་དེ་ནི་ལྷག་པའི་ཤེས་རབ་ཀྱི་བསླབ་པའོ། །ཞེས་གསུངས་པའི་ཕྱིར་རོ།།

༡༦༤༽ དྲི་བ། གཞུང་འདིར་ལྷག་པའི་སེམས་ཀྱི་བསླབ་པའི་གཙོ་བོར་བསམ་གཏན་རྣམས་བསྟན་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། བསམ་གཏན་ལ་བརྟེན་ན་བདེན་པ་མངོན་པར་རྟོགས་ཤིང་སྐྱོན་མེད་ཀྱི་ལམ་ལ་འཇུག་པར་འགྱུར་བའི་ཕྱིར་རོ།། གཞུང་ལས། འདིར་བསམ་གཏན་རྣམས་ལ་དང་པོར་བརྟེན་ན་དང་པོ་ཁོ་ན་བདེན་པ་མངོན་པར་རྟོགས་ཤིང་སྐྱོན་མེད་ལ་འཇུག་པར་འགྱུར་གྱི།...དེའི་ཕྱིར་བསམ་གཏན་རྣམས་གཙོ་བོར་བྱས་ཏེ་ལྷག་པའི་སེམས་ཀྱི་བསླབ་པ་བསྟན་ནོ། །ཞེས་གསུངས་པའི་ཕྱིར་རོ།།

༡༦༥༽ དྲི་བ། ལམ་གྱི་ཉམས་ལེན་ལ་བསླབ་པ་གསུམ་ཁོ་ནར་བསྡུས་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་གསུམ་ཡོད་དེ། ༡༽ ཚུལ་ཁྲིམས་ནི་ཏིང་ངེ་འཛིན་གྱི་གནས་སམ་རྟེན་གྱི་དོན་དུ་ཡིན། ༢༽ ཏིང་ངེ་འཛིན་ནི་ཡེ་ཤེས་ཀྱི་རྟེན་གྱི་དོན་དུ་ཡིན། ༣༽ ཤེས་རབ་ནི་ཉོན་མོངས་སྤོང་བའི་བྱ་བ་བྱེད་པའི་དོན་དུ་ཡིན་ཏེ། གཞུང་ལས། ཅིའི་ཕྱིར་བསླབ་པ་གསུམ་ཁོ་ན་གཟུང་ཞེ་ན། ཏིང་ངེ་འཛིན་གྱི་གནས་ཀྱི་དོན་དང་། ཡེ་ཤེས་ཀྱི་རྟེན་གྱི་དོན་དང་། བྱ་བ་བྱས་པའི་དོན་གྱི་ཕྱིར་ཏེ།...དེས་ནི་རང་དོན་མཐར་ཕྱིན་པ་སྟེ། ཉོན་མོངས་པ་སྤོང་བ་དེ་ནི་བྱ་བའི་མཆོག་ཡིན་ཏེ། དེའི་གོང་དུ་བྱ་བ་གཞན་མེད་པའི་ཕྱིར་རོ། །ཞེས་གསུངས་པའི་ཕྱིར་རོ།།

༡༦༦༽ དྲི་བ། བསླབ་པ་གསུམ་རྒྱུ་འབྲས་ཀྱི་ཚུལ་དུ་གོ་རིམ་ངེས་པར་གནས་ཚུལ་ཇི་ལྟར་ཡིན་ནམ།

དྲིས་ལན། ཚུལ་ཁྲིམས་དག་ན་འགྱོད་པ་མེད་པ་དང་། དེ་ལས་དགའ་བ་དང་བདེ་བ་སྐྱེས་ཏེ་སེམས་མཉམ་པར་འཇོག་པའི་ཏིང་ངེ་འཛིན་སྐྱེ། ཏིང་ངེ་འཛིན་ལ་བརྟེན་ནས་ཆོས་ཀྱི་གནས་ལུགས་ཡང་དག་པར་མཐོང་བའི་ཤེས་རབ་སྐྱེ། དེ་ལས་འཁོར་བ་ལ་སྐྱོ་བ་སྐྱེས་ཏེ་འདོད་ཆགས་དང་བྲལ་ནས་རྣམ་པར་གྲོལ་བར་འགྱུར་བའི་ཕྱིར་རོ།།གཞུང་ལས། ཚུལ་ཁྲིམས་རྣམ་པར་དག་པས་ནི་འགྱོད་པ་མེད་པར་བྱེད་དོ། །... བདེ་བར་གྱུར་པའི་སེམས་མཉམ་པར་འཇོག་གོ། །སེམས་མཉམ་པར་བཞག་ན་ཡང་དག་པ་ཇི་ལྟ་བ་བཞིན་དུ་རབ་ཏུ་མཐོང་ངོ་། །... འདོད་ཆགས་དང་བྲལ་ན་རྣམ་པར་གྲོལ་བར་འགྱུར་རོ། །ཞེས་གསུངས་པའི་ཕྱིར་རོ།།

༡༦༧༽ དྲི་བ། ལྷག་པའི་ཤེས་རབ་ཀྱིས་ལྷག་པའི་སེམས་བསྐྱེད་པའི་ཚུལ་ཡོད་དམ་མེད།

དྲིས་ལན། ཡོད་དེ། དཔེར་ན་བསམ་གཏན་གྱི་དངོས་གཞི་མ་ཐོབ་པའི་འཕགས་པ་ཉན་ཐོས་རྣམས་ཀྱིས། སྒོམ་པས་སྤང་བྱའི་ཉོན་མོངས་སྤོང་བའི་ཕྱིར་བྱང་ཆུབ་ཀྱི་ཡན་ལག་སྒོམ་པའི་ཚེ། ཤེས་རབ་ཀྱི་བསླབ་པ་དེས་ཏིང་ངེ་འཛིན་གྱི་བསླབ་པ་སྐྱེད་པར་བྱེད་པའི་ཕྱིར་རོ།། གཞུང་ལས། ལྷག་པའི་ཤེས་རབ་ཀྱིས་ལྷག་པའི་སེམས་བསྐྱེད་པ་ཡོད་དམ་མེད་ཞེ་ན་ཡོད་དེ། འཕགས་པ་ཉན་ཐོས་བཞི་མཐོང་བ་བསམ་གཏན་གྱི་དངོས་གཞི་མ་ཐོབ་པ་... ཤེས་རབ་ཀྱི་བསླབ་པ་དེས་སེམས་ཀྱི་བསླབ་པ་སྐྱེད་པར་བྱེད་དོ། །ཞེས་གསུངས་པའི་ཕྱིར་རོ།།

༡༦༨༽ དྲི་བ། ལྷག་པ་ཚུལ་ཁྲིམས་ཀྱི་བསླབ་པ་ལ་ཉམས་སུ་ལེན་དགོས་པའི་ཆོས་དྲུག་པོ་དེ་དག་གང་དང་གང་ཡིན་ནམ།

དྲིས་ལན། ཆོས་དྲུག་པོ་ནི། ༡༽ རབ་ཏུ་བྱུང་བ། ༢༽ ཚུལ་ཁྲིམས་ཀྱི་སྡོམ་པ། ༣༽ དབང་པོའི་སྡོམ་པ། ༤༽ ཟས་ཀྱི་ཚོད་རིག་པ། ༥༽ ནམ་གྱི་ཆ་སྟོད་སྨད་ལ་མི་ཉལ་བར་བརྩོན་པ། ༦༽ ཤེས་བཞིན་དུ་སྤྱོད་པ་བཅས་ཡིན་ཏེ། གཞུང་ལས། ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང་། ཚུལ་ཁྲིམས་ཀྱི་སྡོམ་པ་དང་། དབང་པོའི་སྡོམ་པ་དང་། ཟས་ཀྱི་ཚོད་རིག་པ་དང་། ནམ་གྱི་ཆ་སྟོད་དང་ཆ་སྨད་ལ་མི་ཉལ་བར་རྗེས་སུ་བརྩོན་པ་ཉིད་དང་། ཤེས་བཞིན་དུ་སྤྱོད་པ་ཉིད་དོ། །ཞེས་གསུངས་པའི་ཕྱིར་རོ།།

༡༦༩༽ དྲི་བ། གཞུང་འདིར་ རབ་ཏུ་བྱུང་བ་ ལ་ངོས་འཛིན་ཇི་ལྟར་མཛད་ཡོད་དམ།

དྲིས་ལན། ཁྱིམ་ནས་ཁྱིམ་མེད་པར་ཆོས་འདུལ་བའི་བསྟན་པ་ལ་ཞུགས་ཏེ། གསོལ་བཞིའི་ལས་ཀྱིས་བསྙེན་པར་རྫོགས་པའི་དགེ་སློང་གི་སྡོམ་པ་ཡང་དག་པར་བླངས་པ་ལ་ངོས་འཛིན་མཛད་ཡོད་དེ། གཞུང་ལས། དང་པོ་རབ་ཏུ་བྱུང་བ་ནི། ཁྱིམ་ནས་ཁྱིམ་མེད་པར་ལེགས་པར་གསུངས་པའི་ཆོས་འདུལ་བ་ལས་གསོལ་བ་དང་། བཞིའི་ལས་ཀྱིས་བསྙེན་པར་རྫོགས་པ་དགེ་སྦྱོང་གི་ཚུལ་ཁྲིམས་ཡང་དག་པར་བླངས་པའོ། །ཞེས་གསུངས་པའི་ཕྱིར་རོ།།

༡༧༠༽ དྲི་བ། ཚུལ་ཁྲིམས་ཀྱི་སྡོམ་པ་ལ་ཡན་ལག་དྲུག་ཚང་དགོས་པ་དེ་དག་གང་དང་གང་ཡིན་ནམ།

དྲིས་ལན། ཡན་ལག་དྲུག་ནི། ༡༽ ཚུལ་ཁྲིམས་དང་ལྡན་པར་གནས་པ། ༢༽ སོ་སོ་ཐར་པའི་སྡོམ་པས་བསྡམས་པ། ༣༽ ཆོ་ག་ཕུན་སུམ་ཚོགས་པ། ༤༽ སྤྱོད་ཡུལ་ཕུན་སུམ་ཚོགས་པ། ༥༽ ཁ་ན་མ་ཐོ་བ་ཕྲ་མོ་ལའང་འཇིགས་པར་ལྟ་བ། ༦༽ བསླབ་པའི་གཞི་རྣམས་ཡང་དག་པར་བླངས་ཏེ་སློབ་པ་བཅས་ཡིན་ཏེ། གཞུང་ལས། གཉིས་པ་ཚུལ་ཁྲིམས་ཀྱི་སྡོམ་པ་ནི། ཡན་ལག་དྲུག་དང་ལྡན་པ་སྟེ།... བསླབ་པའི་གཞི་རྣམས་ཡང་དག་པར་བླངས་ཤིང་སློབ་པར་བྱེད་པའོ། །ཞེས་གསུངས་པའི་ཕྱིར་རོ།།

༡༧༡༽ དྲི་བ། ཡན་ལག་དང་པོ་ ཚུལ་ཁྲིམས་དང་ལྡན་པར་གནས་པ་ ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི་བསླབ་པའི་གཞི་ཇི་ལྟར་བླངས་པ་བཞིན་དུ་ལུས་ངག་གི་ལས་ཀྱི་མཐའ་མ་ལོག་པར་བྱས་ཏེ། སྡོམ་པ་མ་ཉམས་པ་དང་སྐྱོན་མེད་པར་སྲུང་བ་ལ་ཟེར་ཏེ། གཞུང་ལས། དང་པོ་ནི། བསླབ་པའི་གཞི་ཇི་ལྟར་བླངས་པ་དག་ལ་ལུས་ཀྱི་ལས་ཀྱི་མཐའ་མ་ལོག་པ་དང་། ངག་གི་ལས་ཀྱི་མཐའ་མ་ལོག་པར་འགྱུར་ཞིང་མ་ཉམས་པར་བྱེད་པ་དང་། སྐྱོན་མེད་པར་བྱེད་པའོ། །ཞེས་གསུངས་པའི་ཕྱིར་རོ།།

༡༧༢༽ དྲི་བ། སྐབས་འདིར་ སོ་སོ་ཐར་པའི་སྡོམ་པ་ ཞེས་པས་གཙོ་བོར་གང་ལ་གོ་དགོས་སམ།

དྲིས་ལན། སྤྱིར་སོ་ཐར་སྡེ་བདུན་ལ་གོ་དགོས་ཀྱང་། སྐབས་འདིར་གཙོ་བོར་དགེ་སློང་གི་སྡོམ་པ་ལ་གོ་དགོས་ཏེ། གཞུང་ལས། གཉིས་པ་ནི། སྡེ་ཚན་བདུན་པོ་དག་གི་ཚུལ་ཁྲིམས་ནི་སོ་སོ་ཐར་པའི་སྡོམ་པ་ཞེས་བྱ། དེ་ལས་འདིར་དགེ་སློང་ངོ་། །ཞེས་གསུངས་པའི་ཕྱིར་རོ།།

༡༧༣༽ དྲི་བ། ཆོ་ག་ཕུན་སུམ་ཚོགས་པ་ ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི་རང་གི་སྤྱོད་ལམ་དང་། བྱ་བ། དགེ་བའི་སྦྱོར་བ་རྣམས་འཇིག་རྟེན་དང་མཐུན་ཞིང་མི་འགལ་བ་དང་། དེ་བཞིན་དུ་འདུལ་བ་དང་མཐུན་ཞིང་མི་འགལ་བའི་ཆོ་ག་དང་ལྡན་པ་ལ་ཟེར་ཏེ། གཞུང་ལས། གསུམ་པ་ནི། སྤྱོད་ལམ་དང་། འཕྲལ་གྱི་བྱ་བ་དང་། དགེ་བའི་ཕྱོགས་ཀྱི་སྦྱོར་བ་ལ་བརྟེན་པ་འཇིག་རྟེན་དང་རྗེས་སུ་མཐུན་ཞིང་། འཇིག་རྟེན་དང་མི་འགལ་བ་དང་། འདུལ་བ་དང་རྗེས་སུ་མཐུན་ཞིང་འདུལ་བ་དང་མི་འགལ་བ་ཆོ་ག་དང་ལྡན་པ་ཡིན་ནོ། །ཞེས་གསུངས་པའི་ཕྱིར་རོ།།

༡༧༤༽ དྲི་བ། སྤྱོད་ལམ་གྱི་ཆོ་ག་ཕུན་སུམ་ཚོགས་པ་ཞེས་པ་དེ་ཇི་ལྟར་བསྒྲུབ་དགོས་སམ།

དྲིས་ལན། འགྲོ་འཆག་ཉལ་འདུག་གི་སྤྱོད་ལམ་རྣམས་འཇིག་རྟེན་པ་དང་། འཕགས་པ། སྐྱེས་བུ་དམ་པ། ཆོས་མཐུན་པ། འདུལ་བ་འཛིན་པ་རྣམས་ཀྱིས་སྨད་པར་མི་འགྱུར་བའི་ཚུལ་གྱིས་བསྒྲུབ་དགོས་ཏེ། གཞུང་ལས། སྤྱོད་ལམ་ནི་གང་དུ་འཆག་པར་བྱ་བ་དང་ཇི་ལྟར་འཆག་པར་བྱེད་པ་དེར།...འདུལ་བ་ལ་སློབ་པ་རྣམས་ཀྱིས་སྨད་ཅིང་བཅུང་བར་མི་འགྱུར་བ་དེ་ལྟར་འཆག་པར་བྱེད་དོ། །འཆག་པ་ཇི་ལྟ་བ་བཞིན་དུ་འགྲེང་བ་དང་འདུག་པ་དང་ཉལ་བ་ལ་ཡང་རིག་པར་བྱའོ། །ཞེས་གསུངས་པའི་ཕྱིར་རོ།།

༡༧༥༽ དྲི་བ། འཕྲལ་གྱི་བྱ་བ་ ཞེས་པའི་དཔེར་མཚོན་གང་དག་བཀོད་ཡོད་དམ།

དྲིས་ལན། དཔེར་མཚོན་ནི། ཆོས་གོས་བགོ་བ། བཤང་གཅི་བྱེད་པ། ཆུ་འཐུང་བ། སོ་ཤིང་བཟའ་བ། གྲོང་དུ་འཇུག་པ། བསོད་སྙོམས་སྒྲུབ་པ། བཟའ་བཏུང་བྱེད་པ། ལྷུང་བཟེད་དང་རྐང་པ་བཀྲུ་བ། མལ་སྟན་བཤམ་པ་དང་བསྡུ་བ་སོགས་ཡིན་ཏེ། གཞུང་ལས། འཕྲལ་གྱི་བྱ་བ་ནི་ཆོས་གོས་བགོ་བ་དང་། བཤང་བ་དང་། གཅི་བ་དང་། ཆུ་བཏུང་བ་དང་། སོ་ཤིང་བཟའ་བ་དང་། གྲོང་དུ་འཇུག་པ་དང་། བསོད་སྙོམས་སྒྲུབ་པ་དང་། བཟའ་བ་དང་། ལྷུང་བཟེད་བཀྲུ་ཞིང་བཞག་པ་དང་། རྐང་པ་བཀྲུ་བ་དང་། མལ་དང་སྟན་བཤམ་པ་དང་། དེ་དག་ཉིད་བསྡུ་བ་དང་། ལྷུང་བཟེད་ཀྱི་ལས་དང་། ཆོས་གོས་ཀྱི་ལས་དང་། ཅུང་ཟད་དེ་ལྟ་བུ་དང་མཐུན་པ་གང་ཡིན་པའོ། །ཞེས་གསུངས་པའི་ཕྱིར་རོ།།

༡༧༦༽ དྲི་བ། ཆོ་ག་ཕུན་སུམ་ཚོགས་པ་ བསྒྲུབ་པའི་ཕྱིར་འཕྲལ་གྱི་བྱ་བ་རྣམས་སྤྱོད་སྐབས་གཞི་རྩའི་ལམ་སྟོན་གང་ཞིག་ལ་བརྟེན་དགོས་སམ།

དྲིས་ལན། བྱ་བ་དེ་དག་སྤྱོད་སྐབས་འཇིག་རྟེན་པ་དང་། འདུལ་བ་འཛིན་པ། དམ་པ་རྣམས། ཡང་དག་པར་སོང་བ་རྣམས། ཆོས་མཐུན་པ་རྣམས་དང་རྩོད་པར་མི་འགྱུར་ཞིང་ཁོང་ཚོས་སྨད་པར་མི་འགྱུར་བའི་ཚུལ་གྱིས་སྤྱད་དགོས་ཏེ། གཞུང་ལས། གང་གིས་འཇིག་རྟེན་པ་རྣམས་དང་རྩོད་པར་མི་འགྱུར་ཞིང་སྨད་པར་མི་འགྱུར་བ་དང་། འདུལ་བ་འཛིན་པ་རྣམས་དང་འདུལ་བ་ལ་སློབ་པ་རྣམས་ཀྱིས་སྨད་པར་མི་འགྱུར་བ་དང་། དམ་པ་རྣམས་དང་། ཡང་དག་པར་སོང་བ་རྣམས་དང་། ཆོས་མཐུན་པ་རྣམས་ཀྱིས་སྨད་པར་མི་འགྱུར་བ་དེ་ལྟར་ཤེས་པར་བྱའོ། །ཞེས་གསུངས་པའི་ཕྱིར་རོ།།

༡༧༧༽ དྲི་བ། དགེ་བའི་ཕྱོགས་ཀྱི་སྦྱོར་བ་ ཞེས་པའི་དཔེ་རྣམས་གང་ཡིན་ནམ།

དྲིས་ལན། དཔེ་རྣམས་ནི། ཁ་འདོན་བྱེད་པ། བླ་མ་ལ་ཕྱག་འཚལ་བ། ནད་གཡོག་བྱེད་པ། ལུང་འབོགས་པ། ཆོས་ཉན་པ། ཚངས་པ་མཚུངས་པར་སྤྱོད་པ་རྣམས་ལ་ཞབས་ཏོག་ཞུ་བ། གཞན་དགེ་བའི་ལམ་ལ་འགོད་པ། ཆོས་སྟོན་པ། སྒོམ་སྒྲུབ་བྱེད་པ་སོགས་ཡིན་ཏེ། གཞུང་ལས། དགེ་བའི་ཕྱོགས་ཀྱི་སྦྱོར་བ་ནི། ཁ་དོན་བྱ་བ་དང་། བླ་མ་རྣམས་ལ་འདུད་པ་དང་།... གཞན་ཡང་དེ་ལྟ་བུ་དང་མཐུན་པའི་ཆོས་གང་ཡིན་པ་སྟེ། ཞེས་གསུངས་པའི་ཕྱིར་རོ།།

༡༧༨༽ དྲི་བ། དགེ་སློང་གིས་སྤང་དགོས་པའི་སྤྱོད་ཡུལ་མ་ཡིན་པ་ལྔ་པོ་དེ་དག་གང་དང་གང་ཡིན་ནམ།

དྲིས་ལན། སྤྱོད་ཡུལ་མ་ཡིན་པ་ལྔ་ནི། བཤན་པའི་གནས་དང་། སྨད་འཚོང་མའི་གནས། ཆང་འཚོང་མའི་གནས། རྒྱལ་པོའི་ཕོ་བྲང་། གདོལ་པའི་ཁྱིམ་བཅས་ཡིན་ཏེ། གཞུང་ལས། བཞི་པ་ནི། དགེ་སློང་གི་སྤྱོད་ཡུལ་མ་ཡིན་པ་ལྔ་སྟེ། བཤན་པའི་གནས་དང་། སྨད་འཚོང་མའི། ཆང་འཚོང་མའི། རྒྱལ་པོའི་ཕོ་བྲང་། གདོལ་པའི་ཁྱིམ་སྟེ། དེ་དག་དེ་བཞིན་གཤེགས་པས་སྨད་པ་སྤྱོད་ཡུལ་མ་ཡིན་པའོ། །ཞེས་གསུངས་པའི་ཕྱིར་རོ།།

༡༧༩༽ དྲི་བ། གང་ཟག་ཅིག་གིས་ཁ་ན་མ་ཐོ་བ་ཕྲ་མོ་ལའང་འཇིགས་པར་ལྟ་དགོས་པའི་རྒྱུ་མཚན་གང་དག་བཀོད་ཡོད་དམ།

དྲིས་ལན། རྒྱུ་མཚན་ནི། ལྟུང་བ་བྱུང་ན་མ་ཐོབ་པ་ཐོབ་པ་དང་མ་རྟོགས་པ་རྟོགས་པའི་སྐལ་བ་མེད་པར་འགྱུར་བ། ངན་སོང་དུ་འགྲོ་བ། བདག་ཉིད་དང་སྟོན་པ། ལྷ། ཚངས་པ་མཚུངས་པར་སྤྱོད་པ་རྣམས་ཀྱིས་སྨད་པར་འགྱུར་བ། ཕྱོགས་ཀུན་ཏུ་སྡིག་ཅན་དུ་གྲགས་པ་ངན་པ་འབྱུང་བ་བཅས་ལ་འཇིགས་པའི་ཕྱིར་རོ།། གཞུང་ལས། བདག་ལྟུང་བ་བྱུང་བ་འདིའི་རྒྱུས་མ་ཐོབ་པ་ཐོབ་པར་བྱ་བ་དང་།...ཕྱོགས་དང་ཕྱོགས་མཚམས་རྣམས་སུ་བདག་སྡིག་པ་ཅན་དུ་གྲགས་པ་ངན་པ་གྲགས་པར་གྱུར་ན་མི་རུང་ངོ་སྙམ་ནས། དེ་དེའི་རྒྱུར་གྱུར་པ་ཚེ་འདི་དང་ཚེ་ཕྱི་མ་ལ་མི་འདོད་པར་འགྱུར་བའི་ཆོས་དེ་དག་ལ་འཇིགས་པར་ལྟ་ཞིང་། ཞེས་གསུངས་པའི་ཕྱིར་རོ།།

༡༨༠༽ དྲི་བ། ཁ་ན་མ་ཐོ་བ་ལ་འཇིགས་པར་ལྟ་བ་དེའི་དོན་དངོས་ཀྱི་ཉམས་ལེན་ཇི་ལྟར་ཡིན་ནམ།

དྲིས་ལན། དོན་དངོས་ཀྱི་ཉམས་ལེན་ནི། རང་གི་སྲོག་གི་ཕྱིར་དུའང་བསླབ་པའི་གཞི་ཕྲ་མོ་ལ་བསམ་བཞིན་དུ་འདའ་བར་མི་བྱེད་པ་དང་། གལ་ཏེ་བརྗེད་ངས་ཀྱིས་ལྟུང་བ་བྱུང་ན་ཡང་མྱུར་དུ་ཆོས་བཞིན་དུ་བཤགས་པ་བྱེད་པ་དེ་ཡིན་ཏེ། གཞུང་ལས། དེས་ན་སྲོག་གི་ཕྱིར་ཡང་བསླབ་པའི་གཞི་ཕྲ་བ་དེ་དག་ལ་བསམ་བཞིན་དུ་ལྟུང་བ་འབྱིན་པར་མི་བྱེད་དོ། །རྒྱ་ལ་རྒྱ་ལམ་ན་བརྗེད་ངེས་པས་ལྟུང་བ་བྱུང་བ་ན་ཡང་མྱུར་བ་མྱུར་བ་ཁོ་ནར་ཆོས་བཞིན་དུ་ཕྱིར་འཆོས་པར་བྱེད་ཅིང་སློང་བར་བྱེད་པའོ། །ཞེས་གསུངས་པའི་ཕྱིར་རོ།།

༡༨༡༽ དྲི་བ། རབ་ཏུ་བྱུང་བ་ཞིག་གིས་བསླབ་པའི་གཞི་ཐམས་ཅད་ཇི་ལྟར་ཤེས་པར་བྱས་ནས་ཉམས་སུ་ལེན་དགོས་སམ།

དྲིས་ལན། བསླབ་པའི་གཞི་ཁ་ཅིག་ནི་བསྙེན་པར་རྫོགས་པའི་ཚེ་ཐོས་པ་དང་། ལྷག་མ་རྣམས་ནི་ཟླ་བ་ཕྱེད་རེ་བཞིན་སོ་སོ་ཐར་པའི་མདོ་འདོན་པ་དང་། མཁན་པོ་སློབ་དཔོན་སོགས་ལས་ཐོས་ཏེ་ཐམས་ཅད་ལ་བསླབ་པར་དམ་བཅའ་བ་དང་། གལ་ཏེ་མི་མཁས་ན་མཁས་པ་རྣམས་ལས་བྱེ་བྲག་ཏུ་བཤད་པ་ནོད་དེ་ལྷག་ཆད་མེད་པར་བསླབ་པར་བྱེད་དགོས་ཏེ། གཞུང་ལས། སྔོན་སོ་སོ་ཐར་པའི་སྡོམ་པ་ཡང་དག་པར་ལེན་པ་...དེ་ལས་གཞན་པ་བསླབ་པའི་གཞི་ལྷག་མ་སོ་སོ་ཐར་པའི་མདོ་ལས་གསུངས་པ་ཉིས་བརྒྱ་ལྔ་བཅུ་པོ་དག་ཀྱང་...ཐོས་ནས་ཐམས་ཅད་ལ་བསླབ་པར་བྱའོ། །...གལ་ཏེ་བསླབ་གཞི་རྣམས་ལ་མི་མཁས་ཤིང་བློ་བྱང་བར་མ་གྱུར་པ་དེ་དག་ནི་...བྱེ་བྲག་ཏུ་བཤད་པ་ལ་མཁས་པས་ཡང་དག་པར་ལེན་པར་བྱེད་དོ། །ཞེས་གསུངས་པའི་ཕྱིར་རོ།།

༡༨༢༽ དྲི་བ། ཚུལ་ཁྲིམས་ཀྱི་སྡོམ་པའི་ཡན་ལག་དྲུག་པོ་དེ་དག་མཚན་ཉིད་གསུམ་གྱི་སྒོ་ནས་ཇི་ལྟར་བསྡུས་ཡོད་དམ།

དྲིས་ལན། དེ་དག་མཚན་ཉིད་གསུམ་དུ་བསྡུས་པ་ནི། ༡༽ ཆུད་མི་ཟ་བའི་མཚན་ཉིད། ཚུལ་ཁྲིམས་དང་ལྡན་པར་གནས་པ། ༢༽ རང་བཞིན་གྱི་མཚན་ཉིད། སོ་སོ་ཐར་པའི་སྡོམ་པས་བསྡམས་པ། ༣༽ ཡོན་ཏན་གྱི་མཚན་ཉིད། ཆོ་ག་ཕུན་སུམ་ཚོགས་པ་སོགས་ཡན་ལག་ལྷག་མ་བཞི་པོ་བཅས་ཡིན་ཏེ། གཞུང་ལས། དེ་དག་གསུམ་དུ་འདུ་སྟེ། ཚུལ་ཁྲིམས་དང་ལྡན་པར་གནས་པ་ཆུད་མི་ཟ་བའི་མཚན་ཉིད་དོ། །སོ་སོ་ཐར་པའི་སྡོམ་པས་བསྡམས་པ་རང་བཞིན་གྱི་མཚན་ཉིད། ཆོ་ག་ཕུན་སུམ་ཚོགས་པ་སོགས་བཞིས་ཡོན་ཏན་གྱི་མཚན་ཉིད། ཞེས་གསུངས་པའི་ཕྱིར་རོ།།

༡༨༣༽ དྲི་བ། ཡོན་ཏན་གྱི་མཚན་ཉིད་ ཅན་གྱི་བསླབ་བྱ་རྣམས་ཉམས་སུ་བླངས་ན་ཡོན་ཏན་གང་དག་འཐོབ་བམ།

དྲིས་ལན། ཡོན་ཏན་རྣམ་པ་གཉིས་འཐོབ་སྟེ། ཆོ་ག་དང་སྤྱོད་ཡུལ་ཕུན་སུམ་ཚོགས་པ་ལ་བརྟེན་ནས་གཞན་དག་དད་པར་འགྱུར་བ་སྟེ་གཞན་གྱི་དབང་གིས་བྱུང་བའི་ཡོན་ཏན་དང་། ཁ་ན་མ་ཐོ་བ་ལ་འཇིགས་པ་དང་བསླབ་གཞི་ལ་སློབ་པ་ལ་བརྟེན་ནས་ངན་སོང་དུ་མི་ལྟུང་ཞིང་མངོན་མཐོ་ཐོབ་པའི་སྐལ་བ་ཡོད་པར་འགྱུར་བ་སྟེ་བདག་གི་དབང་གིས་བྱུང་བའི་ཡོན་ཏན་བཅས་འཐོབ་བོ།། གཞུང་ལས། དེའི་ཆོ་ག་དང་སྤྱོད་ཡུལ་ཕུན་སུམ་ཚོགས་པ་གཉིས་ཀྱིས་གཞན་གྱིས་མཐོང་ན་མ་དད་པ་རྣམས་ཀྱང་དད་པར་འགྱུར།...གཞན་གྱི་དབང་གིས་བྱུང་བའི་ཡོན་ཏན་དང་། རྗེས་སུ་བསྔགས་པ་ཐོབ་བོ། །ཁ་ན་མ་ཐོ་བ་ལ་འཇིགས་པ་དང་། བསླབ་གཞི་ལ་ཡང་དག་པར་སློབ་པ་གཉིས་ཀྱིས་ངན་སོང་དུ་མི་ལྟུང་བདེ་འགྲོར་སྐྱེ།...བདག་གི་དབང་གིས་བྱུང་བ་དང་། རྗེས་སུ་བསྔགས་པའི་ཡོན་ཏན་ནོ། །ཞེས་གསུངས་པའི་ཕྱིར་རོ།།

༡༨༤༽ དྲི་བ། དབང་པོ་སྡོམ་པ་ ཞེས་པའི་ཉམས་ལེན་གྱི་གནད་དོན་གང་ཡིན་ནམ།

དྲིས་ལན། ཉམས་ལེན་གྱི་གནད་དོན་ནི། ཚུལ་ཁྲིམས་ལ་བརྟེན་ནས་དྲན་པ་དང་ཤེས་བཞིན་གྱིས་རང་གི་སེམས་བསྲུངས་ཏེ། མིག་གིས་གཟུགས་མཐོང་བ་སོགས་དབང་པོ་དྲུག་གིས་ཡུལ་དྲུག་ལ་སྤྱོད་པའི་ཚེ། ཡུལ་གྱི་མཚན་མ་དང་མངོན་རྟགས་ལ་མི་འཛིན་པར་སྡིག་པ་མི་དགེ་བའི་ཆོས་མི་སྐྱེ་བའི་ཆེད་དུ་དབང་པོ་རྣམས་སྲུང་ཞིང་སྡོམ་པར་བྱེད་པ་དེ་ཡིན་ཏེ། གཞུང་ལས། དབང་པོ་སྡོམ་པ་ནི། ཚུལ་ཁྲིམས་ཀྱི་སྡོམ་པ།...དེས་མིག་གིས་གཟུགས་མཐོང་བ་ན་མཚན་མར་མི་འཛིན། མངོན་རྟགས་སུ་མི་འཛིན་ལ།...མིག་གི་དབང་པོས་ཀྱང་སྡོམ་པ་སྒྲུབ་པར་བྱེད་པ་དང་། དེ་བཞིན་རྣ་བས་སྒྲ། སྣས་དྲི། ལྕེས་རོ། ལུས་ཀྱིས་རེག་བྱ། ཡིད་ཀྱིས་ཆོས་ལའང་འདྲའོ། །ཞེས་གསུངས་པའི་ཕྱིར་རོ།།

༡༨༥༽ དྲི་བ། དྲན་པ་ཀུན་ཏུ་སྲུང་བ་ ཞེས་པ་དེ་ཇི་ལྟར་བསྒྲུབ་དགོས་སམ།

དྲིས་ལན། ཐོས་བསམ་སྒོམ་གསུམ་གྱི་དབང་གིས་དྲན་པ་ཐོབ་པ་དེ་ཉིད་མི་བརྗེད་པ་དང་། མི་ཉམས་པ། ཆུད་མི་ཟ་བའི་ཕྱིར་དུ། ཐོས་བསམ་སྒོམ་གསུམ་ལ་དུས་སུ་རྒྱུན་དུ་གོམས་པར་བྱེད་པ་དེ་ཡིན་ཏེ། གཞུང་ལས། ཇི་ལྟར་དྲན་པ་ཀུན་ཏུ་སྲུང་བ་ནི། ཐོས་པ་གཟུང་བ་དང་། བསམ་པ་དང་། ཡང་དང་ཡང་དུ་བསྒོམ་པར་གྱུར་ནས་ཐོས་བསམ་སྒོམ་པའི་དབང་གིས་དྲན་པ་ཐོབ་པ་དེ་ཉིད་མི་བརྗེད་པར་བྱ་བ་དང་།...སྦྱོར་བ་གཏོང་བར་ཡང་མི་འགྱུར་རོ། །ཞེས་གསུངས་པའི་ཕྱིར་རོ།།

༡༨༦༽ དྲི་བ། དྲན་པ་ལ་རྟག་འགྲུས་བྱེད་པ་ ཞེས་པའི་དོན་གང་ཡིན་པ་དང་། དེའི་འབྲས་བུ་གང་ཡིན་ནམ།

དྲིས་ལན། དེའི་དོན་ནི་དྲན་པ་དེ་ཉིད་རྒྱུན་དུ་གུས་པས་སྦྱོར་བ་ལ་ཟེར། དེའི་འབྲས་བུ་ནི་དྲན་པ་སྟོབས་དང་ལྡན་པར་གྱུར་ནས་སྐྱེ་མཆེད་དྲུག་གི་ཡུལ་རྣམས་ཟིལ་གྱིས་གནོན་པར་ནུས་པར་འགྱུར་བ་དེ་ཡིན་ཏེ། གཞུང་ལས། དྲན་པ་ལ་རྟག་འགྲུས་ནི། དྲན་པ་དེ་ཉིད་ལ་རྒྱུན་དུ་བྱེད་པ་གང་ཡིན་པ་དེ་ནི་རྟག་སྦྱོར་ཞེས་བྱའོ། །དེ་ལ་འགྲུས་པར་བྱེད་པ་ནི་གུས་སྦྱོར་རོ། །... སྟོབས་དང་ལྡན་པའི་དོན་ཡང་། གཟུགས་སོགས་སྐྱེ་མཆེད་དྲུག་རྣམས་ཟིལ་གྱིས་གནོན་པར་ནུས་ཤིང་མཐུ་ཡོད་པར་འགྱུར་བའོ། །ཞེས་གསུངས་པའི་ཕྱིར་རོ།།

༡༨༧༽ དྲི་བ། དྲན་པས་ཡིད་ཀུན་ཏུ་བསྲུངས་པ་ ཞེས་པ་དེ་ཇི་ལྟར་བསྒྲུབ་དགོས་སམ།

དྲིས་ལན། དབང་ཤེས་ཀྱི་མཇུག་ཏུ་རྣམ་པར་རྟོག་པའི་ཡིད་ཤེས་སྐྱེ་ལ། ཡིད་ཤེས་དེས་ཡུལ་སྡུག་མི་སྡུག་ལ་བརྟེན་ནས་ཆགས་སྡང་སོགས་ཀྱི་ཉོན་མོངས་སློང་བར་བྱེད་པས། དྲན་པ་བསྟེན་ནས་ཚུལ་བཞིན་མ་ཡིན་པའི་རྣམ་རྟོག་དེ་ལས་ཡིད་བསྲུང་དགོས་ཏེ། གཞུང་ལས། ཉན་ས་ལས། ... རྣམ་པར་རྟོག་པར་བྱེད་པ་ཡིད་ཀྱི་རྣམ་པར་ཤེས་པ་དེས་གཟུགས་ཀྱི་རང་བཞིན་སྡུག་པ་དག་ལ་ནི་ཀུན་ཏུ་ཆགས་པར་བྱེད། མི་སྡུག་པ་དག་ལ་ནི་ཁོང་ཁྲོ་བར་བྱེད་པས་ན། དྲན་པ་དེ་ཉིད་ཀྱི་དབང་དུ་བྱས་ཏེ་ཅི་ནས་ཀྱང་ཀུན་ནས་ཉོན་མོངས་པ་དེ་འབྱུང་བར་མི་འགྱུར་བར་...དེ་ལས་ཡིད་དེ་ཀུན་དུ་བསྲུང་བར་བྱེད་དོ། །ཞེས་གསུངས་པའི་ཕྱིར་རོ།།

༡༨༨༽ དྲི་བ། ཟས་ཀྱི་ཚོད་རིག་པ་ ཞེས་པའི་སྐབས་སུ་ཟས་བཟའ་བའི་དགོས་པ་ཡང་དག་པ་རྣམས་གང་ཡིན་ནམ།

དྲིས་ལན། དགོས་པ་ཡང་དག་པ་ནི། ལུས་གནས་པ་དང་། བཀྲེས་པ་བསལ་བ། ཚངས་པར་སྤྱོད་པ་ལ་ཕན་པ། ཚོར་བ་རྙིང་པ་སྤང་ཞིང་གསར་པ་མི་སྐྱེད་པ། འཚོ་ཞིང་སྟོབས་དང་བདེ་བ་དང་ལྡན་པ། ཁ་ན་མ་ཐོ་བ་མེད་པ། བདེ་བ་ལ་རེག་པར་གནས་པ་བཅས་ཀྱི་ཆེད་དུ་ཡིན་ཏེ། གཞུང་ལས། འདི་ལྟ་སྟེ་ལུས་འདི་གནས་པར་བྱ་བ་དང་། བཀྲེས་པ་བསལ་བར་བྱ་བ་དང་། ཚངས་པར་སྤྱད་པ་ལ་ཕན་པར་བྱ་བ་དང་།...བདེ་བ་ལ་རེག་པར་གནས་པར་ཡང་འགྱུར་རོ་སྙམ་དུ་སེམས་པ་ཡིན་ནོ། །ཞེས་གསུངས་པའི་ཕྱིར་རོ།།

༡༨༩༽ དྲི་བ། ཟས་ལ་སོ་སོར་བརྟགས་ནས་བཟའ་བའི་ཚེ་དེའི་ཉེས་དམིགས་གང་དག་ལ་བསམ་དགོས་སམ།

དྲིས་ལན། ཉེས་དམིགས་ནི་ཟས་ཡོངས་སུ་སྤྱོད་པའི་རྒྱུ་ལས་བྱུང་བ་དང་། ཡོངས་སུ་འཇུ་བའི་རྒྱུ་ལས་བྱུང་བ། ཡོངས་སུ་ཚོལ་བའི་རྒྱུ་ལས་བྱུང་བ་བཅས་ལ་བསམ་དགོས་ཏེ། གཞུང་ལས། ཉེས་དམིགས་ཀྱང་ཡོངས་སུ་སྤྱོད་པའི་རྒྱུ་ལས་བྱུང་བ་དང་། ཡོངས་སུ་འཇུ་བའི་རྒྱུ་ལས་བྱུང་བ་དང་། ཡོངས་སུ་ཚོལ་བའི་རྒྱུ་ལས་བྱུང་བའོ། །ཞེས་གསུངས་པའི་ཕྱིར་རོ།།

༡༩༠༽ དྲི་བ། ནམ་གྱི་ཆ་སྟོད་དང་ཆ་སྨད་ལ་མི་ཉལ་བར་རྗེས་སུ་བརྩོན་པ་ ཞེས་པའི་ཉམས་ལེན་གྱི་གོ་རིམ་གང་ཡིན་ནམ།

དྲིས་ལན། ཉིན་མོ་དང་། མཚན་མོའི་ཐུན་དང་པོ། མཚན་མོའི་ཐུན་མཐའ་མ་བཅས་ལ་འཆག་པ་དང་འདུག་པའི་སྒོ་ནས་སྒྲིབ་པ་རྣམས་ལས་སེམས་སྦྱོང་བ་དང་། མཚན་མོའི་ཐུན་དབུས་མ་ལ་གློ་གཡས་པ་ཕབ་ནས་དྲན་ཤེས་བཞིན་དང་ལྡང་བའི་འདུ་ཤེས་ཀྱིས་ཉལ་བར་བྱེད་པ་དེ་ཡིན་ཏེ། གཞུང་ལས། ཉིན་མོ་འཆག་པ་དང་འདུག་པ་དག་གིས་སྒྲིབ་པར་འགྱུར་བའི་ཆོས་རྣམས་ལས་སེམས་ཡོངས་སུ་སྦྱོང་བའོ། །དེ་བཞིན་མཚན་མོའི་ཐུན་དང་པོ་ལ་ཡང་... དེ་མཚན་མོའི་ཐུན་མཐའ་མ་ལ་ཡང་མྱུར་བ་མྱུར་བ་ཁོ་ནར་སད་པར་བྱས་ནས་འཆག་པ་དང་འདུག་པ་དག་གིས་སྒྲིབ་པར་འགྱུར་བའི་ཆོས་རྣམས་ལ་སེམས་ཡོངས་སུ་སྦྱོང་བར་བྱེད་པ་ཡིན་ནོ། །ཞེས་གསུངས་པའི་ཕྱིར་རོ།།

༡༩༡༽ དྲི་བ། ཤེས་བཞིན་དུ་སྤྱོད་པ་ ཞེས་པ་གང་ལ་གོ་དགོས་སམ།

དྲིས་ལན། དེ་ནི་འགྲོ་བ་དང་། ལྡོག་པ། བལྟ་བ། བཟའ་བ། སྨྲ་བ་སོགས་ཀྱི་བྱ་བ་ཐམས་ཅད་ཀྱི་སྐབས་སུ་དྲན་པ་དང་བག་ཡོད་པས་ཡོངས་སུ་ཟིན་པའི་སྒོ་ནས་སྤྱོད་པ་ལ་གོ་དགོས་ཏེ། གཞུང་ལས། ལ་ལར་འགྲོ་བ་དང་ལྡོག་པ་ལ་ཤེས་བཞིན་དུ་སྤྱོད་པར་བྱེད་པ་དང་།...ལས་གང་རྩོམ་ཡང་ལས་དེ་ཉིད་ལ་དྲན་པ་ཉེ་བར་བཞག་ཅིང་བག་ཡོད་པར་སྤྱོད་པ་ལས། དེ་དྲན་པས་ཡོངས་སུ་ཟིན་ཅིང་བག་ཡོད་པས་ཀྱང་ཡོངས་སུ་ཟིན་པས་སྤྱོད་དེ། ཞེས་གསུངས་པའི་ཕྱིར་རོ།།

༡༩༢༽ དྲི་བ། ཤེས་བཞིན་དུ་སྤྱོད་པའི་བསླབ་པ་ཉམས་སུ་བླངས་ན་ཕན་ཡོན་གང་དག་འཐོབ་བམ།

དྲིས་ལན། ཕན་ཡོན་ནི། ཚེ་འདིར། ཁ་ན་མ་ཐོ་བ་དང་། ལྟུང་བ། འགྱོད་པ། ཡིད་ལ་གཅགས་པ་བཅས་མེད་པར་འགྱུར་བ། ཚེ་ཕྱི་མར། ངན་སོང་དུ་མི་སྐྱེ་བ། ལམ་གྱི་ཡོན་ཏན། མ་ཐོབ་པ་ཐོབ་པར་བྱེད་པའི་ཚོགས་ཀྱི་རྒྱུ་དང་ཐབས་སུ་འགྱུར་བ་བཅས་ཡིན་ཏེ། གཞུང་ལས། དེས་ཚེ་འདི་ལ་ཁ་ན་མ་ཐོ་བ་མེད་པ་དང་། ལྟུང་བ་མེད་པ་དང་། འགྱོད་པ་མེད་པ་དང་། ཡིད་ལ་གཅགས་པ་མེད་པ་དང་། རྗེས་སུ་གདུང་བ་མེད་པར་གྱུར་པ་དང་། ཚེ་ཕྱི་མ་ལ་ཡང་ཁ་ན་མ་ཐོ་བ་མེད་ཅིང་ལུས་ཞིག་སྟེ་ཤི་བའི་འོག་ཏུ་ངན་སོང་དང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་མི་འགྱུར་བ་དང་། མ་ཐོབ་པ་ཐོབ་པར་བྱས་པ་ཚོགས་ཀྱི་རྒྱུ་འམ་ཐབས་སུ་འགྱུར་བ་ཡིན་ནོ། །ཞེས་གསུངས་པའི་ཕྱིར་རོ།།

༡༩༣༽ དྲི་བ། ཡན་ལག་དྲུག་དང་ལྡན་པའི་ཚུལ་ཁྲིམས་དེ་ལ་མིང་གང་ཞིག་བཏགས་ཡོད་དམ།

དྲིས་ལན། དེ་ལ་ཚུལ་ཁྲིམས་ཀྱི་ཚོགས་སམ་ཚུལ་ཁྲིམས་ཀྱི་ཕུང་པོ་ཞེས་བཏགས་ཡོད་དེ། གཞུང་ལས། དེ་ལྟར་ཡན་ལག་དྲུག་པའི་ཚུལ་ཁྲིམས་ནི་ཚུལ་ཁྲིམས་ཀྱི་ཚོགས་སམ་ཚུལ་ཁྲིམས་ཀྱི་ཕུང་པོ་ཞེས་བྱ། ཞེས་གསུངས་པའི་ཕྱིར་རོ།།

༡༩༤༽ དྲི་བ། ཚུལ་ཁྲིམས་ཀྱི་ཕུང་པོ་ཡོངས་སུ་རྫོགས་པ་ ཞེས་པ་དེ་གང་འདྲ་ཞིག་ལ་ཟེར་རམ།

དྲིས་ལན། ཚུལ་ཁྲིམས་བླངས་པ་ནས་བཟུང་རྣམ་པར་གྲོལ་བའི་ཡེ་ཤེས་མ་ཐོབ་ཀྱི་བར་དུ་ཉམས་པ་དང་གོད་པ་མེད་པར་མཐར་ཕྱིན་ཏེ། ཟག་པ་མེད་པའི་ཚུལ་ཁྲིམས་ཀྱི་ངོ་བོར་གྱུར་པ་དེ་ལ་ཚུལ་ཁྲིམས་ཀྱི་ཕུང་པོ་ཡོངས་སུ་རྫོགས་པ་ཞེས་ཟེར་ཏེ། གཞུང་ལས། དང་པོར་ཚུལ་ཁྲིམས་ཡང་དག་པར་བླངས་པ་ནས་བརྩམས་ཏེ། ཐ་མ་རྣམ་པར་གྲོལ་བའི་ཡེ་ཤེས་ལ་ཐུག་གི་བར་དུ་རྡུལ་ཙམ་ཡང་ཉམས་པ་དང་གོད་པ་མེད་པའོ། །དེ་ལྟར་ཉམས་པ་དང་གོད་པ་མེད་པས་ཚུལ་ཁྲིམས་མཐར་ཕྱིན་ཏེ་ཟག་པ་མེད་པའི་ཚུལ་ཁྲིམས་ཀྱི་མཚན་ཉིད་དུ་གྱུར་པ་ནི་ཚུལ་ཁྲིམས་ཀྱི་ཕུང་པོ་ཡོངས་སུ་རྫོགས་པ་ཞེས་བྱའོ། །ཞེས་གསུངས་པའི་ཕྱིར་རོ།།

༡༩༥༽ དྲི་བ། ཉན་ཐོས་ཀྱི་ས་ལས་གསུངས་པའི་དགེ་སྦྱོང་གི་རྒྱན་ལྔ་པོ་དེ་དག་གང་དང་གང་ཡིན་ནམ།

དྲིས་ལན། དགེ་སྦྱོང་གི་རྒྱན་ལྔ་ནི། ༡༽ དགེ་བའི་བཤེས་གཉེན་ལ་བརྟེན་པ། ༢༽ དམ་པའི་ཆོས་ཉན་པ། ༣༽ ཐོས་པའི་དོན་ལ་སེམས་པ། ༤༽ ཆོས་སྒྲུབ་པ་ལ་བར་ཆད་མེད་པ། ༥༽ གཏོང་བ་སྟེ་སྦྱིན་པ་གཏོང་བ་བཅས་ཡིན་ཏེ། གཞུང་ལས། ཉན་ས་ལས། དེ་བཞིན་དགེ་བའི་བཤེས་གཉེན་དང་། །དམ་ཆོས་ཉན་དང་སེམས་པ་དང་། །བར་ཆད་མེད་དང་གཏོང་བ་དང་། །དགེ་སྦྱོང་རྒྱན་ནི་མཐའ་མ་ཡིན། །ཞེས་གསུངས་པའི་ཕྱིར་རོ།།

༡༩༦༽ དྲི་བ། དམ་པའི་ཆོས་ཉན་པ་ ཞེས་པ་དེ་ལ་གོ་རིམ་གྱི་དབྱེ་བ་ལྔ་ཡོད་པ་དེ་དག་གང་ཡིན་ནམ།

དྲིས་ལན། དབྱེ་བ་ལྔ་ནི། བརྗོད་བྱ་ངོས་བཟུང་ནས་བསྟན་པ་དང་། དེ་རྒྱས་པར་བཤད་པ། དཔེ་དང་རྒྱུ་མཚན་གྱིས་གསལ་བར་བྱས་པ། ནང་གསེས་ཀྱི་དབྱེ་བས་རྣམ་པར་ཕྱེ་བ། དོན་སྙིང་བསྡུས་ནས་ཡང་དག་པར་བཤད་པ་བཅས་ཡིན་ཏེ། གཞུང་ལས། སངས་རྒྱས་དང་སངས་རྒྱས་ཀྱི་ཉན་ཐོས་དམ་པ་རྣམས་དང་།...བསྟན་པ་དང་བཤད་པ་དང་གསལ་བར་བྱས་པ་དང་། རྣམ་པར་ཕྱེ་བ་དང་ཡང་དག་པར་བཤད་པ་ཡིན་ནོ། །ཞེས་གསུངས་པའི་ཕྱིར་རོ།།

༡༩༧༽ དྲི་བ། སངས་རྒྱས་ཀྱིས་བཤད་པའི་ཆོས་དེ་གསུང་རབ་ཡན་ལག་བཅུ་གཉིས་སུ་དབྱེ་བ་དེ་དག་གང་དང་གང་ཡིན་ནམ།

དྲིས་ལན། གསུང་རབ་ཡན་ལག་བཅུ་གཉིས་ནི། མདོའི་སྡེ། དབྱངས་ཀྱིས་བསྙད་པའི་སྡེ། ལུང་བསྟན་པའི་སྡེ། ཚིགས་སུ་བཅད་པའི་སྡེ། ཆེད་དུ་བརྗོད་པའི་སྡེ། གླེང་གཞི། རྟོགས་པ་བརྗོད་པའི་སྡེ། དེ་ལྟ་བུ་བྱུང་བའི་སྡེ། སྐྱེས་པ་རབས་ཀྱི་སྡེ། ཤིན་ཏུ་རྒྱས་པའི་སྡེ། རྨད་དུ་བྱུང་བའི་ཆོས་ཀྱི་སྡེ། གཏན་ལ་དབབ་པར་བསྟན་པའི་སྡེ་བཅས་ཡིན་ཏེ། གཞུང་ལས། དེ་ལས་སངས་རྒྱས་ཀྱིས་བཤད་པ་ནི། གསུང་རབས་ཡན་ལག་བཅུ་གཉིས་ཏེ། མདོའི་སྡེ་དང་། དབྱངས་ཀྱིས་བསྙད་པའི་སྡེ་དང་། ལུང་བསྟན་པའི་སྡེ་དང་། ཚིགས་སུ་བཅད་པའི་སྡེ་དང་། ཆེད་དུ་བརྗོད་པའི་སྡེ་དང་། གླེང་གཞི་དང་། རྟོགས་པ་བརྗོད་པའི་སྡེ་དང་།དེ་ལྟ་བུ་བྱུང་བའི་སྡེ་དང་། སྐྱེས་པ་རབ་ཀྱི་སྡེ་དང་།ཤིན་ཏུ་རྒྱས་པའི་སྡེ་དང་། རྨད་དུ་བྱུང་བའི་ཆོས་ཀྱི་སྡེ་དང་། གཏན་ལ་དབབ་པར་བསྟན་པའི་སྡེ་དག་གོ། །ཞེས་གསུངས་པའི་ཕྱིར་རོ།།

༡༩༨༽ དྲི་བ། གསུང་རབ་ཡན་ལག་བཅུ་གཉིས་པོ་དེ་སྡེ་སྣོད་གསུམ་དུ་ཇི་ལྟར་བསྡུས་ཡོད་དམ།

དྲིས་ལན། གླེང་གཞི་ནི་འདུལ་བའི་སྡེ་སྣོད་དང་། གཏན་ལ་དབབ་པའི་སྡེ་ནི་མངོན་པའི་སྡེ་སྣོད། ལྷག་མ་རྣམས་ནི་མདོ་སྡེའི་སྡེ་སྣོད་དུ་བསྡུས་ཡོད་དེ། གཞུང་ལས། དེ་ལས་གླེང་གཞི་ནི། འདུལ་བ། གཏན་ལ་དབབ་པའི་སྡེ་ནི་མངོན་པ། གཞན་རྣམས་མདོ་སྡེའོ། །ཞེས་གསུངས་པའི་ཕྱིར་རོ།།

༡༩༩༽ དྲི་བ། ཆོས་ཀྱི་དོན་ལ་སེམས་པ་ལ་རྣམ་པ་གཉིས་ཡོད་པ་དེ་དག་གང་ཡིན་ནམ།

དྲིས་ལན། རྣམ་པ་གཉིས་ནི། ཆོས་རྣམས་བགྲང་བའི་ཚུལ་གྱིས་སེམས་པ་དང་། ཡོན་ཏན་དང་སྐྱོན་གཞལ་ཞིང་བརྟག་པའི་ཚུལ་གྱིས་སེམས་པ་གཉིས་ཡིན་ཏེ། གཞུང་ལས། དེ་ཡང་བགྲང་བའི་རྣམ་པས་ཆོས་རྣམས་ལ་བགྲང་བའི་ཚུལ་གྱིས་སེམས་པ་དང་། གཞལ་བའི་རྣམ་པས་ཡོན་ཏན་དང་སྐྱོན་ཉེ་བར་བརྟག་པའི་ཚུལ་གྱིས་སེམས་པར་བྱེད་པ་གཉིས་སོ། །ཞེས་གསུངས་པའི་ཕྱིར་རོ།།

༢༠༠༽ དྲི་བ། ཆོས་ཀྱི་དོན་ལ་སེམས་པའི་སྐབས་སུ་བཀོལ་རྒྱུའི་རིགས་པ་བཞི་པོ་དེ་དག་གང་དང་གང་ཡིན་ནམ།

དྲིས་ལན། རིགས་པ་བཞི་ནི། ༡༽ ལྟོས་པའི་རིགས་པ། ༢༽ བྱ་བ་བྱེད་པའི་རིགས་པ། ༣༽ འཐད་པ་སྒྲུབ་པའི་རིགས་པ། ༤༽ ཆོས་ཉིད་ཀྱི་རིགས་པ་བཅས་ཡིན་ཏེ། གཞུང་ལས། རིགས་པ་ཡང་བཞིར་གསུངས་ཏེ། ལྟོས་པའི་རིགས་པ་དང་། བྱ་བ་བྱེད་པའི་རིགས་པ་དང་། འཐད་པ་སྒྲུབ་པའི་རིགས་པ་དང་། ཆོས་ཉིད་ཀྱི་རིགས་པའོ། །ཞེས་གསུངས་པའི་ཕྱིར་རོ།།

༢༠༡༽ དྲི་བ། ལྟོས་པའི་རིགས་པ་ལ་ནང་གསེས་ཀྱི་དབྱེ་བ་གཉིས་ཡོད་པ་དེ་དག་གང་ཡིན་ནམ།

དྲིས་ལན། དབྱེ་བ་གཉིས་ནི། ༡) སྐྱེ་བ་ལ་ལྟོས་པ་སྟེ་དངོས་པོ་རྣམས་རང་གི་རྒྱུ་རྐྱེན་ལ་ལྟོས་ནས་སྐྱེ་བ་དང་། ༢) གདགས་པ་ལ་ལྟོས་པ་སྟེ་དངོས་པོའི་ཐ་སྙད་རྣམས་མིང་ཚིག་ཡི་གེ་སོགས་ལ་ལྟོས་ནས་བཏགས་པ་ཡིན་ཏེ། གཞུང་ལས། དང་པོ་ལ་སྐྱེ་བ་ལ་ལྟོས་པ་དང་། གདགས་པའི་ལྟོས་པ་གཉིས་ཀྱི་སྔ་མ་ནི། རྒྱུ་གང་དང་རྐྱེན་གང་དག་གིས་ཕུང་པོ་རྣམས་སྐྱེ་བ་འགྱུར་བའི་ཕུང་པོའི་སྐྱེ་བ་དེ་ནི་རྒྱུ་དང་རྐྱེན་དེ་དག་ལ་ལྟོས་པ་ཡིན་ནོ། །མིང་ཚིག་ཡི་གེའི་ཚོགས་གང་དག་གི་ཕུང་པོ་སོགས་གདགས་པར་འགྱུར་བའི་ཕུང་པོའི་གདགས་པ་དེ་ནི་མིང་ཚིག་ཡི་གེའི་ཚོགས་དེ་དག་ལ་ལྟོས་པ་ཡིན་ནོ། །ཞེས་གསུངས་པའི་ཕྱིར་རོ།།

༢༠༢༽ དྲི་བ། བྱ་བ་བྱེད་པའི་རིགས་པ་ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི་དངོས་པོ་རྣམས་རང་རང་གི་བྱ་བ་ངེས་ཅན་ཞིག་བྱེད་པའི་ནུས་པ་དང་ལྡན་པ་སྟེ། དཔེར་ན་མིག་གིས་གཟུགས་ལྟ་བའི་བྱ་བ་བྱེད་པ་ལྟ་བུ་ཡིན་ཏེ། གཞུང་ལས། བྱ་བ་བྱེད་པའི་རིགས་པ་ནི། ཕུང་པོ་རང་གི་རྒྱུ་དང་རྐྱེན་གྱིས་བསྐྱེད་པ་གང་ཡིན་པ་རྣམས་ནི་རང་གི་བྱ་བ་བྱེད་པ་དེ་དང་དེ་དག་ལ་སྦྱོར་བར་བྱེད་པ་སྟེ། མིག་གིས་གཟུགས་ལྟ་བར་བྱེད་པ་ལྟ་བུའོ། །ཞེས་གསུངས་པའི་ཕྱིར་རོ།།

༢༠༣༽ དྲི་བ། འཐད་པ་སྒྲུབ་པའི་རིགས་པ་ཞེས་པ་དེ་གང་ལ་ཟེར་བ་དང་། དེས་ཤེས་བྱ་རིགས་གསུམ་ཇི་ལྟར་འཇལ་བར་བྱེད་དམ།

དྲིས་ལན། དེ་ནི་ཚད་མ་གསུམ་སྟེ་ཡིད་ཆེས་པའི་ལུང་དང་། མངོན་སུམ། རྗེས་དཔག་བཅས་ཀྱིས་གནས་ལུགས་འཚོལ་བ་ལ་ཟེར། དེས་མངོན་གྱུར་མངོན་སུམ་གྱིས་འཇལ་བ་དང་། ལྐོག་གྱུར་རྗེས་དཔག་གིས་འཇལ་བ། ཤིན་ཏུ་ལྐོག་གྱུར་ལུང་ཚད་མས་འཇལ་བར་བྱེད་དེ། གཞུང་ལས། འཐད་པ་སྒྲུབ་པའི་རིགས་པ་ནི་ཚད་མ་གསུམ་པོ་འདི་ལྟ་སྟེ། ཡིད་ཆེས་པའི་ལུང་དང་། མངོན་སུམ་དང་རྗེས་སུ་དཔག་པ་དག་གིས་ཡོངས་སུ་ཚོལ་བར་བྱེད་དེ།...རྣམ་འགྲེལ་ལས། མངོན་དུ་གྱུར་པ་མངོན་སུམ་གྱི་གཞལ་བ་དང་། ལྐོག་ཏུ་གྱུར་པ་དངོས་པོ་སྟོབས་ཤུགས་ཀྱི་རིགས་པས་དང་། ཤིན་ཏུ་ལྐོག་ཏུ་གྱུར་པ་ནི་ལུང་ཚད་མས་གཞལ་བར་གསུངས་སོ། །ཞེས་གསུངས་པའི་ཕྱིར་རོ།།

༢༠༤༽ དྲི་བ། ཆོས་ཉིད་ཀྱི་རིགས་པ་ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི་དངོས་པོ་རྣམས་ཀྱི་གཤིས་སམ་ངོ་བོ་ཉིད་དེ་ལྟ་བུར་གྲུབ་པས་རྒྱུ་མཚན་གཞན་གྱིས་སྒྲུབ་མི་དགོས་པའི་རིགས་པ་སྟེ། དཔེར་ན་སའི་མཚན་ཉིད་སྲ་བ་ལྟ་བུ་ཡིན་ཏེ། གཞུང་ལས། ཆོས་ཉིད་ཀྱི་རིགས་པ་ནི། དེ་དག་གི་ངོ་བོ་ཉིད་དེ་ལྟ་བུ་ཡིན་པས་ཆོས་ཉིད་དོ། །དེ་དག་ཁོ་ན་ཡིན་པ་དེ་ཉིད་འདིར་རིགས་པ་དང་། སྦྱོར་བ་དང་ཐབས་ཏེ་སའི་མཚན་ཉིད་སྲ་བ་ཞེས་པ་ལྟ་བུའོ། །ཞེས་གསུངས་པའི་ཕྱིར་རོ།།

༢༠༥༽ དྲི་བ། ཆོས་སྒྲུབ་པ་ལ་བར་ཆད་དུ་འགྱུར་བའི་བདུད་ཀྱི་ལས་ལ་དཔེ་གང་དག་བཀོད་ཡོད་དམ།

དྲིས་ལན། དཔེ་ནི། ཆོས་ལ་དད་པ་སྐྱེས་ཀྱང་འདོད་པ་ལ་ཆགས་ནས་ལྡོག་པ། དབང་པོ་སྡོམ་པའི་ཚེ་ཡུལ་ལ་མཚན་མར་འཛིན་པ། ཟས་ཀྱི་ཚོད་ཟིན་པའི་ཚེ་རོའི་ཁྱད་པར་ལ་ཆགས་པ། མི་ཉལ་བར་བརྩོན་པའི་ཚེ་གཉིད་ཀྱི་བདེ་བ་ལ་ཆགས་པ། ཤེས་བཞིན་དུ་སྤྱོད་པའི་ཚེ་མི་སྡུག་པའི་ཡུལ་ལ་ཚུལ་མིན་ཡིད་བྱེད་སྐྱེ་བ་དང་འདུ་འཛི་དང་སྡིག་གྲོགས་ལ་མོས་པ་སྐྱེ་བ་བཅས་ཡིན་ཏེ། གཞུང་ལས། འདོད་པ་ལ་ཆགས་པའི་དབང་དུ་གྱུར་ནས་ལྡོག་པ་ནི་བདུད་ཀྱི་ལས་སོ། །... འདུ་འཛི་མང་པོའི་ནང་དུ་འགྲོ་ཞིང་སྡིག་པའི་གྲོགས་པོ་མི་དགེ་བའི་ལས་བྱེད་པ་རྣམས་མཐོང་ནས་མོས་པ་སྐྱེ་བ་ནི་བདུད་ཀྱི་ལས་སོ་ཞེས་པ་རྣམས་ལས་ཟློག་པའོ། །ཞེས་གསུངས་པའི་ཕྱིར་རོ།།

༢༠༦༽ དྲི་བ། གཏོང་བ་སྤེལ་བ་ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི། སེམས་རྒྱན་དུ་གྱུར་པ་དང་། ཡོ་བྱད་དུ་གྱུར་པ། རྣལ་འབྱོར་གྱི་ཚོགས་སུ་གྱུར་པ། དོན་གྱི་མཆོག་འཐོབ་པ་བཅས་ཀྱི་ཕྱིར་དུ་ཁ་ན་མ་ཐོ་བ་མེད་པའི་སྦྱིན་པ་གཏོང་བ་ལ་ཟེར་ཏེ། གཞུང་ལས། གཏོང་བ་སྤེལ་བ་གང་ཞེ་ན། སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་གྱི་མཆོག་ཐོབ་པར་བྱ་བའི་ཕྱིར་ཁ་ན་མ་ཐོ་བ་མེད་པའི་སྦྱིན་པ་སྦྱིན་པར་བྱེད་པ་གང་ཡིན་པའོ། །ཞེས་གསུངས་པའི་ཕྱིར་རོ།།

༢༠༧༽ དྲི་བ། ཉན་ཐོས་ཀྱི་ས་ལས་གསུངས་པའི་དགེ་སྦྱོང་གི་རྒྱན་ཞེས་པའི་ཡོན་ཏན་བཅུ་བདུན་པོ་དེ་དག་གང་དང་གང་ཡིན་ནམ།

དྲིས་ལན། དགེ་སྦྱོང་གི་རྒྱན་ནི། དད་པ་དང་ལྡན་པ། གཡོ་མེད་པ། ནད་ཉུང་བ། བརྩོན་འགྲུས་ལྡན་པ། ཤེས་རབ་རྣོ་བ། འདོད་ཆུང་བ། ཆོག་ཤེས་པ། གསོ་སླ་བ། དགང་སླ་བ། སྦྱངས་པའི་ཡོན་ཏན་དང་ལྡན་པ། མཛེས་པ། དྲོད་རིག་པ། སྐྱེས་བུ་དམ་པའི་ཆོས་ལ་མཁས་པ། མཁས་པའི་རྟགས་ཅན། བཟོད་པ་ལྡན་པ། དེས་པ། གྱ་ནོམ་པ་བཅས་བཅུ་བདུན་ཡིན་ཏེ། གཞུང་ལས། ཉན་སར། དད་ལྡན་གཡོ་མེད་ནད་ཉུང་དང་། །བརྩོན་འགྲུས་ཤེས་རབ་འདོད་ཆུང་དང་། །ཆོག་ཤེས་གསོ་སླ་དགང་སླ་དང་། །སྦྱངས་དང་མཛེས་དང་དྲོད་རིག་དང་། །སྐྱེས་བུ་དམ་ཆོས་མཁས་རྟགས་དང་། །བཟོད་དང་དེས་དང་གྱ་ནོམ་ཡིན། །ཞེས་གསུངས་པའི་ཕྱིར་རོ།།

༢༠༨༽ དྲི་བ། དགེ་སྦྱོང་གི་རྒྱན་དང་པོ་དད་པ་དང་ལྡན་པ་ཞེས་པའི་ཁྱད་ཆོས་རྣམས་གང་ཡིན་ནམ།

དྲིས་ལན། ཁྱད་ཆོས་ནི། དད་པ་དང་། ངེས་པར་རྟོག་པ། མོས་པ། དགེ་བའི་ཆོས་ལ་འདུན་པ་བཅས་མང་བ་དང་། སྟོན་པ་དང་ཆོས་ལ་ཐེ་ཚོམ་མེད་ཅིང་བཀུར་སྟི་དང་བསྙེན་བཀུར་བྱེད་པ་དང་། དེ་བཞིན་དུ་ཚངས་པ་མཚུངས་པར་སྤྱོད་པ་དང་། བསླབ་པ། གདམས་ངག་སོགས་ལའང་དེ་བཞིན་དུ་བྱེད་པ་ཡིན་ཏེ། གཞུང་ལས། དད་པ་དང་ལྡན་པ་ནི། དད་པ་མང་བ་དང་། ངེས་པར་རྟོག་པ་མང་བ་དང་། མོས་པ་མང་བ་དང་། དགེ་བའི་ཆོས་རྣམས་ལ་འདུན་པ་ཡིན་ཞིང་།...ཏིང་ངེ་འཛིན་ལ་དེ་བཞིན་ནོ། །ཞེས་གསུངས་པའི་ཕྱིར་རོ།།

༢༠༩༽ དྲི་བ། གཡོ་མེད་པ་ཞེས་པ་དང་ནད་ཉུང་བ་ཞེས་པའི་དོན་གང་ཡིན་ནམ།

དྲིས་ལན། གཡོ་མེད་པ་ནི། རྒྱུད་དྲང་པོ་ཡིན་ཞིང་སྟོན་པ་དང་ཚངས་པ་མཚུངས་པར་སྤྱོད་པ་རྣམས་ལ་རང་ཉིད་ཇི་ལྟ་བ་བཞིན་དུ་སྨྲ་བ་ལ་ཟེར་རོ།། ནད་ཉུང་བ་ནི། ནད་མེད་པའི་རང་བཞིན་ཅན་ཡིན་ཞིང་ཕོ་བའི་དྲོད་སྙོམས་པས་ཟས་བདེ་བར་འཇུ་བ་ལ་ཟེར་ཏེ། གཞུང་ལས། གཡོ་མེད་པ་ནི། དྲང་པོ་དང་དྲང་པོའི་རང་བཞིན་ཅན་ཡིན་ཞིང་...བདག་ཉིད་ཇི་ལྟ་བ་བཞིན་དུ་སྨྲ་བར་བྱེད་པ་ཡིན་ནོ། །ནད་ཉུང་བ་ནི། ནད་མེད་པའི་རང་བཞིན་ཡིན་ཞིང་།...ལེགས་པར་བདེ་བར་འཇུ་བར་འགྱུར་རོ། །ཞེས་གསུངས་པའི་ཕྱིར་རོ།།

༢༡༠༽ དྲི་བ། དགེ་སྦྱོང་གི་རྒྱན་བརྩོན་འགྲུས་དང་ཤེས་རབ་རྣོ་བ་གཉིས་ཀྱི་ཁྱད་ཆོས་གང་དག་ཡིན་ནམ།

དྲིས་ལན། བརྩོན་འགྲུས་ཀྱི་ཁྱད་ཆོས་ནི། དགེ་བའི་ཆོས་ལ་མཐུ་དང་ལྡན་པ། ཕ་རོལ་གནོན་པ། བརྟན་ཞིང་བརྩོན་པ་མི་གཏོང་བ། ཚངས་པ་མཚུངས་པར་སྤྱོད་པ་རྣམས་ལ་ལུས་ཀྱིས་ཞབས་ཏོག་བྱེད་པ་ལ་མཁས་ཤིང་ལེ་ལོ་མེད་པ་བཅས་ཡིན། ཤེས་རབ་རྣོ་བ་ཡི་ཁྱད་ཆོས་ནི། ལྡོབ་སྐྱེན་པ། དྲན་པ་དང་བློ་ལྡན་པ། དབང་པོ་མི་རྟུལ་ཞིང་དིག་ལྐུག་མིན་པ། ལེགས་བཤད་དང་ཉེས་བཤད་ཀྱི་དོན་ཤེས་པ། ལྷན་སྐྱེས་དང་སྦྱོར་བྱུང་གི་བློ་དང་ལྡན་པ་བཅས་ཡིན་ཏེ། གཞུང་ལས། བརྩོན་འགྲུས་གང་ཞེ་ན། ... ལེ་ལོ་མེད་པ་དང་སྒྲུབ་ཕོད་པའོ། །ཤེས་རབ་རྣོ་བ་ནི། ... སྦྱོར་བ་ལ་བྱུང་བའི་བློ་དང་ཡང་ལྡན་པ་ཡིན་ནོ། །ཞེས་གསུངས་པའི་ཕྱིར་རོ།།

༢༡༡༽ དྲི་བ། དགེ་སྦྱོང་གི་རྒྱན་འདོད་པ་ཆུང་བ་ཞེས་པའི་དོན་གཙོ་བོ་གང་ཡིན་ནམ།

དྲིས་ལན། དེའི་དོན་གཙོ་བོ་ནི། འདོད་པ་ཆུང་བ་སོགས་ཀྱི་ཡོན་ཏན་དང་ལྡན་ཡང་། རང་ལ་ཡོན་ཏན་དེ་དག་ཡོད་པར་གཞན་གྱིས་ཤེས་པའི་ཆེད་དུ་མི་ཚོལ་བ་དེ་ཡིན་ཏེ། གཞུང་ལས། འདོད་པ་ཆུང་བ་ནི། འདོད་པ་ཆུང་བ་ལ་སོགས་པའི་ཡོན་ཏན་དང་ལྡན་ཡང་བདག་འདོད་པ་ཆུང་བའི་ཡོན་ཏན་འདི་ལྟ་བུ་དང་ལྡན་པར་གཞན་གྱིས་ཤེས་པར་བྱའོ་སྙམ་གཞན་གྱི་ཤེས་པ་ཀུན་ཏུ་མི་ཚོལ་བ་ཡིན་ནོ། །ཞེས་གསུངས་པའི་ཕྱིར་རོ།།

༢༡༢༽ དྲི་བ། ཆོག་ཤེས་པ་ཞེས་པའི་ཡོན་ཏན་དེ་གཞི་གང་དག་གི་སྟེང་དུ་ཇི་ལྟར་ཉམས་སུ་ལེན་དགོས་སམ།

དྲིས་ལན། དེ་ནི་ཆོས་གོས་དང་། བསོད་སྙོམས། མལ་ཆ་དང་སྟན་བཅས་ངན་ངོན་ཙམ་གྱིས་ཀྱང་དགའ་ཞིང་ཆོག་ཤེས་པ་དང་། དེ་ལས་བཟང་བ་མ་རྙེད་ཀྱང་གདུང་བར་མི་བྱེད་ལ། རྙེད་ན་ཡང་ཆགས་ཞེན་མེད་པར་ལོངས་སྤྱོད་པ་སྟེ། གཞུང་ལས། ཆོག་ཤེས་པ་ནི། ཆོས་གོས་དང་བསོད་སྙོམས་དང་མལ་ཆ་དང་སྟན་ངན་ངོན་ཙམ་གྱིས་དགའ་ཞིང་ཆོག་ཤེས་པ་དང་།...བསོད་སྙོམས་དང་མལ་ཆ་དང་སྟན་ལ་ཡང་དེ་བཞིན་བྱའོ། །ཞེས་གསུངས་པའི་ཕྱིར་རོ།།

༢༡༣༽ དྲི་བ། གསོ་སླ་བ་ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི་རང་ཉིད་གཅིག་པུ་འཚོ་བ་ལས་གཞན་ཁྱེའུ་ལྟ་བུ་གསོ་མི་དགོས་པས། སྦྱིན་བདག་རྣམས་ཀྱིས་ཀྱང་གསོ་དཀའོ་སྙམ་དུ་མི་སེམས་པ་ལ་ཟེར་ཏེ། གཞུང་ལས། གསོ་སླ་བ་ནི། བདག་གཅིག་པུ་གསོ་བར་བྱེད་ཀྱི་ཕ་རོལ་པོ་གང་དག་གི་དོན་དུ་དེས་རིམ་གྲོ་བྱ་མི་དགོས་པ་འདི་ལྟ་སྟེ། ཁྱེའུ་འམ་མི་གཞན་གང་ཡང་རུང་བ་དག་གསོ་མི་དགོས་པ་དང་། དེ་ལ་སྦྱིན་པ་པོ་དང་སྦྱིན་བདག་དག་གསོ་དཀའོ་སྙམ་དུ་མི་སེམས་པའོ། །ཞེས་གསུངས་པའི་ཕྱིར་རོ།།

༢༡༤༽ དྲི་བ། དགེ་སྦྱོང་གི་རྒྱན་དགང་སླ་བ་ཞེས་པ་གང་ལ་གོ་དགོས་སམ།

དྲིས་ལན། དེ་ནི་ཟས་སོགས་ཆུང་ངུ་ཙམ་དང་ངན་པ་ཙམ་གྱིས་ཀྱང་འཚོ་ཐུབ་ཅིང་དགང་སླ་བ་ལ་གོ་དགོས་ཏེ།གཞུང་ལས། དགང་སླ་བ་ནི། ཆུང་ངུས་ཀྱང་འཚོ་བར་འགྱུར་ལ། ངན་པས་ཀྱང་འཚོ་བར་འགྱུར་བ་ཡིན་ནོ། །ཞེས་གསུངས་པའི་ཕྱིར་རོ།།

༢༡༥༽ དྲི་བ། སྦྱངས་པའི་ཡོན་ཏན་ཞེས་པ་ལ་ནང་གསེས་ཀྱི་དབྱེ་བ་བཅུ་གསུམ་ཡོད་པ་དེ་དག་གང་དང་གང་ཡིན་ནམ།

དྲིས་ལན། སྦྱངས་པའི་ཡོན་ཏན་བཅུ་གསུམ་ནི། ༡) རྙེད་པས་ཆོག་ཤེས་པའི་བསོད་སྙོམས་པ། ༢) ཐར་གྱི་སློང་བའི་བསོད་སྙོམས་པ། ༣) སྟན་གཅིག་པ། ༤) ཟས་ཕྱིས་མི་ལེན་པ། ༥) ཆོས་གོས་གསུམ་པ། ༦) ཕྱིང་པ་བ། ༧) ཕྱག་དར་ཁྲོད་པ། ༨) དགོན་པ་བ། ༩) ཤིང་དྲུང་པ། ༡༠) བླ་གབ་མེད་པ། ༡༡)དུར་ཁྲོད་པ། ༡༢) ཙོག་པུ་པ། ༡༣) གཞི་ཇི་བཞིན་པ་བཅས་ཡིན་ཏེ། གཞུང་ལས། སྦྱངས་པའི་ཡོན་ཏན་ནི།...རྙེད་པས་ཆོག་ཤེས་པའི་བསོད་སྙོམས་དང་། ཐར་གྱི་སློང་བའི་བསོད་སྙོམས་པ་དང་། སྟན་གཅིག་པ་དང་། ཟས་ཕྱིས་མི་ལེན་པ་དང་། ཆོས་གོས་གསུམ་པ་དང་། ཕྱིང་པ་བ་དང་། ཕྱག་དར་ཁྲོད་པ་དང་། དགོན་པ་བ་དང་། ཤིང་དྲུང་པ་དང་། བླ་གབ་མེད་པ་དང་། དུར་ཁྲོད་པ་དང་། ཙོག་པུ་པ་དང་། གཞི་ཇི་བཞིན་པའོ། །ཞེས་གསུངས་པའི་ཕྱིར་རོ།།

༢༡༦༽ དྲི་བ། རྙེད་པས་ཆོག་ཤེས་པའི་བསོད་སྙོམས་པ་ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི་འདྲིས་པའི་ཁྱིམ་ནས་ཅི་ཐོབ་པ་དང་ཅི་རྙེད་པ་ཙམ་ལ་ཆོག་ཤེས་ནས་ཟ་བ་ལ་ཟེར་ཏེ།གཞུང་ལས། དང་པོ་ནི། འདྲིས་པའི་ཁྱིམ་ནས་ཅི་ཐོབ་པ་དང་ཅི་རྙེད་པ་ཙམ་ཟ་བར་བྱེད་པའོ། །ཞེས་གསུངས་པའི་ཕྱིར་རོ།།

༢༡༧༽ དྲི་བ། ཐར་གྱི་སློང་བའི་བསོད་སྙོམས་པ་ཞེས་པ་གང་ལ་གོ་དགོས་སམ།

དྲིས་ལན། དེ་ནི་ཁྱིམ་ཚང་རྣམས་སུ་རིམ་པ་བཞིན་བརྒྱུད་ནས་བསོད་སྙོམས་ཅི་ཐོབ་པ་དེ་ཟ་བ་ལས་བཟའ་བཏུང་བཟང་པོ་ཐོབ་པའི་རེ་བས་ཁྱིམ་ཚང་འདམ་ནས་མི་འགྲོ་བ་ལ་གོ་དགོས་ཏེ། གཞུང་ལས། གཉིས་པ་། ཁྱིམ་རྣམས་སུ་ཁང་ཁྱིམ་ནས་ཁང་ཁྱིམ་དུ་བླངས་ཤིང་བརྒྱུས་ཏེ་བསོད་སྙོམས་ཅི་ཐོབ་པ་དང་ཅི་རྙེད་པ་ཟ་བར་བྱེད་ཀྱི། བདག་གིས་འདི་ནས་བཟའ་བ་དང་བཅའ་བ་བཟང་པོ་ཅི་ཙམ་འདོད་པ་ཐོབ་པར་འགྱུར་རོ་སྙམ་ནས་མགོ་འཕངས་བསྟུག་སྟེ་ཁྱིམ་རྣམས་སུ་མི་འགྲོ་བ་གང་ཡིན་པའོ། །ཞེས་གསུངས་པའི་ཕྱིར་རོ།།

༢༡༨༽ དྲི་བ། སྟན་གཅིག་པ་ཞེས་པའི་ཉམས་ལེན་གང་ཡིན་ནམ།

དྲིས་ལན། དེ་ནི་སྟན་གཅིག་གི་སྟེང་དུ་འདུག་ནས་ཟས་ཅི་ཙམ་ཟ་བ་དེ་ཙམ་ཟ་བ་ལས། སྟན་ལས་ལངས་རྗེས་སླར་ཡང་མི་ཟ་བའི་ཉམས་ལེན་ཡིན་ཏེ། གཞུང་ལས། གསུམ་པ་། སྟན་གཅིག་ལ་འདུག་ནས་ཅི་ཙམ་ཟ་བ་དེ་ཙམ་ཟ་བར་བྱེད་ཀྱི་སྟན་དེ་ལས་ལང་ནས་ཟ་བར་མི་བྱེད་པའོ། །ཞེས་གསུངས་པའི་ཕྱིར་རོ།།

༢༡༩༽ དྲི་བ། ཟས་ཕྱིས་མི་ལེན་པ་ ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི། ཟས་ཟ་བར་འདུག་ནས་རང་ལ་འཚོ་ངེས་ཀྱི་ཟས་ཐམས་ཅད་ཐོག་མར་བླངས་ཚར་རྗེས་ཟ་བར་རྩོམ་པ་ལས། བཟའ་བཞིན་དུ་སླར་ཡང་ཟས་ལྷག་པ་མི་ལེན་པ་ལ་ཟེར་ཏེ། གཞུང་ལས། བཞི་པ་། ཟས་ཀྱི་ཕྱིར་འདུག་ནས་ཇི་སྲིད་དུ་ཇི་ཙམ་གྱིས་བདག་འཚོ་བར་ཤེས་པའི་ཟས་ཐམས་ཅད་མ་ནོས་པ་དེ་སྲིད་དུ་ཟ་བར་མི་བྱེད་ཅིང་། གང་ལས་བདག་གི་ཟས་ཀྱི་བྱ་བ་དེ་ལས་ལྷག་པ་མེད་དོ་སྙམ་དུ་ཤེས་པར་འགྱུར་བ་དེའི་འོག་ཏུ་ཐམས་ཅད་བླངས་ནས་ཟ་བར་རྩོམ་པའོ། །ཞེས་གསུངས་པའི་ཕྱིར་རོ།།

༢༢༠༽ དྲི་བ། ཆོས་གོས་གསུམ་པ་ཞེས་པ་དང་། ཕྱིང་པ་བ་ཞེས་པ་གཉིས་ཀྱི་དོན་གང་ཡིན་ནམ།

དྲིས་ལན། ཆོས་གོས་གསུམ་པ་ནི། སྣམ་སྦྱར་དང་། བླ་གོས། མཐང་གོས་བཅས་ཆོས་གོས་གསུམ་ཁོ་ནས་འཚོ་ཞིང་དེ་ལས་ལྷག་པའི་གོས་གཞན་མི་འཆང་བ་ཡིན། ཕྱིང་པ་བ་ནི། ཆོས་གོས་སོགས་གོས་གང་འཆང་བ་ཐམས་ཅད་བལ་ལས་བྱས་པ་ཤ་སྟག་འཆང་བ་ལས་རས་སོགས་གཞན་མི་འཆང་བ་ཡིན་ཏེ། གཞུང་ལས། ལྔ་པ་། ཆོས་གོས་གསུམ་པོ་སྣམ་སྦྱར་དང་། བླ་གོས་དང་མཐང་གོས་ཀྱིས་འཚོ་བར་བྱེད་ཅིང་། ཆོས་གོས་གསུམ་ལས་ལྷག་པའི་གོས་གཞན་མི་འཆང་བ་ཡིན་ནོ། །དྲུག་པ་ནི། ཆོས་གོས་གསུམ་མམ་གོས་ལྷག་གང་ཅུང་ཟད་འཆང་བ་དེ་དག་ཐམས་ཅད་བལ་ལས་བྱས་པ་ཤ་སྟག་འཆང་གི་གཞན་མ་ཡིན་པའོ། །ཞེས་གསུངས་པའི་ཕྱིར་རོ།།

༢༢༡༽ དྲི་བ། ཕྱག་དར་ཁྲོད་པ་ཞེས་པའི་ཉམས་ལེན་གང་ཡིན་ནམ།

དྲིས་ལན། དེ་ནི་གཞན་གྱིས་བོར་བའི་གོས་རྙིང་མི་གཙང་བ་རྣམས་ལས་རྙིང་རལ་མིན་པ་རྣམས་བླངས་ཏེ། བཀྲུས་ཤིང་དྲུབས་ནས་ཁ་དོག་བསྒྱུར་ཏེ་འཆང་བ་ལ་ཟེར་ཏེ། གཞུང་ལས། བདུན་པ་། གཞན་དག་གིས་ལམ་པོ་ཆེ་འམ་ལམ་སྲང་ངམ་བཞི་མདོ་འམ་ལམ་ཀའམ་ལམ་གོལ་བར་བོར་བ་དང་སྤངས་པ་དང་བཏང་བའི་གོས་...ཐ་གི་བ་བླངས་ཏེ་བཀྲུས་དྲུབས་ཏེ་ཁ་དོག་བསྒྱུར་ཞིང་འཆང་བའོ། །ཞེས་གསུངས་པའི་ཕྱིར་རོ།།

༢༢༢༽ དྲི་བ། དགོན་པ་བ་དང་། ཤིང་དྲུང་པ། བླ་གབ་མེད་པ་གསུམ་གྱི་ཉམས་ལེན་ལ་ཁྱད་པར་གང་ཡོད་དམ།

དྲིས་ལན། དགོན་པ་བ་ནི། གྲོང་ལས་དབེན་པའི་དགོན་པ་དང་ནགས་འདབ་སོགས་སུ་གནས་པ། ཤིང་དྲུང་པ་ནི། ཤིང་གི་དྲུང་དུ་གནས་འཆའ་བ། བླ་གབ་མེད་པ་ནི། སྟེང་དུ་མ་བཀབ་ཅིང་མ་གཡོགས་པའི་ཕྱོགས་ཏེ་གནམ་འོག་ཏུ་གནས་འཆའ་བ་ཡིན་ཏེ། གཞུང་ལས། བརྒྱད་པ་ནི། གྲོང་དང་གྲོང་བརྡལ་ལས་དབེན་པའི་གནས་མལ་དགོན་པ་དང་ནགས་འདབ་དང་། བས་མཐའ་གང་ཡིན་པ་དག་ཏུ་གནས་པར་བྱེད་པའོ། །དགུ་པ་། ཤིང་དྲུང་དུ་གནས་འཆའ་ཞིང་ཤིང་དྲུང་ལ་བརྟེན་པའོ། །བཅུ་པ་། མ་བཀབ་པ་དང་མ་གཡོགས་པའི་ཕྱོགས་བླ་གབ་མེད་པར་གནས་འཆའ་བར་བྱེད་པའོ། །ཞེས་གསུངས་པའི་ཕྱིར་རོ།།

༢༢༣༽ དྲི་བ། དུར་ཁྲོད་པ་དང་། ཙོག་པུ་པ། གཞི་ཇི་བཞིན་པ་གསུམ་གྱི་ཉམས་ལེན་གང་ཡིན་ནམ།

དྲིས་ལན། དུར་ཁྲོད་པ་ནི། མི་རོ་འདོར་སའི་དུར་ཁྲོད་དུ་གནས་འཆའ་བ། ཙོག་པུ་པ་ནི། ཙོག་པུར་འདུག་སྟེ་དུས་འདའ་བ་ལས་རྒྱབ་སོགས་མི་བརྟེན་པ། གཞི་ཇི་བཞིན་པ་ནི། རྩྭ་དང་ལོ་མའི་སྟན་ཐོག་མར་ཇི་ལྟར་བཏིང་བ་དེ་ཁོ་ནའི་སྟེང་དུ་མལ་འཆའ་བ་ལས་ཡང་དང་ཡང་དུ་མི་བརྗེ་མི་འཆོས་པ་བཅས་ཡིན་ཏེ། གཞུང་ལས། བཅུ་གཅིག་པ་། གང་དུ་སྐྱེ་བོའི་ཚོགས་ཤིའོ་ཅོག་འདོར་བའི་དུར་ཁྲོད་དུ་གནས་འཆའ་བར་བྱེད་པའོ། །བཅུ་གཉིས་པ། ཁྲི་འམ་ཁྲིའུ་འམ་རྩྭ་བཏིང་བའི་སྟེང་དུ་ཙོག་པུར་འདུག་སྟེ་...རྒྱབ་བམ་གློས་མི་བརྟེན་པའོ། །བཅུ་གསུམ་པ་། ...ཡང་དང་ཡང་དུ་མི་བརྗེ་མི་འཆོས་པའོ། །ཞེས་གསུངས་པའི་ཕྱིར་རོ།།

༢༢༤༽ དྲི་བ། གཞུང་འདིར་སྦྱངས་པའི་ཡོན་ཏན་ཞེས་བརྗོད་པའི་རྒྱུ་མཚན་དེ་དཔེ་གང་གི་སྒོ་ནས་ཇི་ལྟར་བཀྲལ་ཡོད་དམ།

དྲིས་ལན། རྒྱུ་མཚན་ནི། དཔེར་ན་མ་སྦྱངས་པའི་བལ་འཛིངས་པ་ལྟར་ལས་སུ་མི་རུང་བ་བཞིན་དུ། བསོད་སྙོམས་དང་ཆོས་གོས་སོགས་ལ་སེམས་ཞེན་པའི་གང་ཟག་གི་སེམས་ཀྱང་ཚངས་པར་སྤྱོད་པའི་ལས་སུ་མི་རུང་ལ། སྦྱངས་པའི་ཡོན་ཏན་དེ་དག་གིས་སེམས་དེ་ཉིད་རྣམ་པར་སྦྱངས་ནས་དྲང་པོ་དང་། མཉེན་པོ། ལས་སུ་རུང་བ་བཅས་སུ་བསྒྱུར་ཏེ་ཚངས་པར་སྤྱོད་པ་ལ་གནས་པར་བྱེད་པས་ན་སྦྱངས་པའི་ཡོན་ཏན་ཞེས་བྱ་སྟེ།གཞུང་ལས། ཅིའི་ཕྱིར་དེ་དག་ལ་སྦྱངས་པའི་ཡོན་ཏན་ཞེས་བྱ་ཞེ་ན། དཔེར་ན་བལ་ལམ་ཤིང་བལ་ནི་གང་གི་ཚེ་མ་བསལ་མ་ཤིག་མ་སྨལ་བ་དེའི་ཚེ་ན་འཛིངས་ཤིང་མི་འཇོམ་མི་ཡང་ལ། འདི་ལྟ་སྟེ་སྐུད་པར་བཀལ་བའམ་འདའ་བར་བྱ་བའི་ལས་སུ་མི་རུང་ངོ་། །དེ་བཞིན་དུ་འདི་ན་ལ་ལ་བསོད་སྙོམས་ལ་ཆགས་པས་བསོད་སྙོམས་ལ་སེམས་ཞེན་ཅིང་ཀུན་ཏུ་ཞེན་པ་དང་། ཆོས་གོས་ལ་ཆགས་པས་ཆོས་གོས་ལ་སེམས་ཞེན་ཅིང་ཀུན་ཏུ་ཞེན་པ་དང་། གནས་མལ་ལ་ཆགས་པས་གནས་མལ་ལ་སེམས་ཞེན་ཅིང་ཀུན་ཏུ་ཞེན་པ་དེ། སྦྱངས་པའི་ཡོན་ཏན་དེ་དག་གིས་འདི་ལྟ་སྟེ་ཚངས་པར་སྤྱོད་པ་ལ་གནས་པར་བྱ་བའི་ཕྱིར་སེམས་རྣམ་པར་སྦྱོང་བར་བྱེད། དྲང་པོར་བྱེད། མཉེན་པར་བྱེད། ལས་སུ་རུང་བར་བྱེད། གནས་པར་བྱེད། བཏུབ་པར་བྱེད། རུང་བར་བྱེད་པས་ན་དེའི་ཕྱིར་སྦྱངས་པའི་ཡོན་ཏན་ཞེས་བྱའོ། །ཞེས་གསུངས་པའི་ཕྱིར་རོ།།

༢༢༥༽ དྲི་བ། བསོད་སྙོམས་སམ་ཟས་ལ་ཆགས་པའི་བར་ཆད་རྣམ་པ་གཉིས་གང་ཡིན་པ་དང་། དེ་དག་སྤོང་བའི་ཐབས་སྦྱངས་པའི་ཡོན་ཏན་གང་དག་ཡིན་ནམ།

དྲིས་ལན། ཟས་ལ་ཆགས་པའི་བར་ཆད་ནི་ཟས་བཟང་པོ་ལ་ཆགས་པ་དང་ཟས་མང་པོ་ལ་ཆགས་པ་གཉིས་ཡིན། དེ་དག་སྤོང་བའི་ཐབས་ནི། ཟས་བཟང་པོ་ལ་ཆགས་པ་སྤོང་བའི་ཕྱིར་བསོད་སྙོམས་པ་དང་། ཟས་མང་པོ་ལ་ཆགས་པ་སྤོང་བའི་ཕྱིར་སྟན་གཅིག་པ་དང་ཕྱིས་མི་ལེན་པའི་ཉམས་ལེན་ཡིན་ཏེ། གཞུང་ལས། དེ་ལ་བསོད་སྙོམས་ལ་ཆགས་པ་ནི་བར་ཆད་རྣམ་པ་གཉིས་ཡིན་ཏེ། ཟས་བཟང་པོ་ལ་ཆགས་པ་དང་། ཟས་མང་པོ་ལ་ཆགས་པའོ། །དེའི་ཕྱིར་ཟས་བཟང་པོ་ལ་ཆགས་པ་སྤང་བའི་ཕྱིར་བསོད་སྙོམས་པའོ། །ཟས་མང་པོ་ལ་ཆགས་པ་སྤང་བའི་ཕྱིར་སྟན་གཅིག་པ་དང་ཕྱིས་མི་ལེན་པའོ། །ཞེས་གསུངས་པའི་ཕྱིར་རོ།།

༢༢༦༽ དྲི་བ། ཆོས་གོས་ལ་ཆགས་པའི་བར་ཆད་རྣམ་པ་གསུམ་གང་ཡིན་པ་དང་། དེ་དག་སྤོང་བྱེད་ཀྱི་སྦྱངས་པའི་ཡོན་ཏན་གང་དག་ཡིན་ནམ།

དྲིས་ལན། ཆོས་གོས་ལ་ཆགས་པའི་བར་ཆད་ནི་ཆོས་གོས་མང་པོ་དང་། འཇམ་ཞིང་རེག་ན་བདེ་བ། བཟང་པོ་བཅས་ལ་ཆགས་པ་གསུམ་ཡིན། དེ་དག་སྤོང་བྱེད་ནི། ཆོས་གོས་མང་པོ་ལ་ཆགས་པ་སྤོང་བའི་ཕྱིར་ཆོས་གོས་གསུམ་པ། འཇམ་ཞིང་བདེ་བ་ལ་ཆགས་པ་སྤོང་བའི་ཕྱིར་ཕྱིང་པ་བ། བཟང་པོ་ལ་ཆགས་པ་སྤོང་བའི་ཕྱིར་ཕྱག་དར་ཁྲོད་པའི་ཉམས་ལེན་ཡིན་ཏེ། གཞུང་ལས། དེ་ལ་ཆོས་གོས་ལ་ཆགས་པ་ནི་བར་ཆད་རྣམ་པ་གསུམ་ཡིན་ཏེ། ཆོས་གོས་མང་པོ་ལ་ཆགས་པ་དང་། འཇམ་ཞིང་རེག་ན་བདེ་བ་ལ་ཆགས་པ་དང་། བཟང་པོ་ལ་ཆགས་པའོ། །དེ་ལ་ཆོས་གོས་མང་པོ་ལ་ཆགས་པ་སྤང་བའི་ཕྱིར་ཆོས་གོས་གསུམ་པ་ཡིན་ནོ། །ཆོས་གོས་འཇམ་ཞིང་རེག་ན་བདེ་བ་ལ་ཆགས་པ་སྤང་བའི་ཕྱིར་ཕྱིང་བ་པ་ཡིན་ནོ། །ཆོས་གོས་བཟང་པོ་ལ་ཆགས་པ་སྤང་པའི་ཕྱིར་ཕྱག་དར་ཁྲོད་པ་ཡིན་ནོ། །ཞེས་གསུངས་པའི་ཕྱིར་རོ།།

༢༢༧༽ དྲི་བ། གནས་མལ་ལ་ཆགས་པའི་བར་ཆད་རྣམ་པ་བཞི་གང་དང་གང་ཡིན་ནམ།

དྲིས་ལན། གནས་མལ་ལ་ཆགས་པའི་བར་ཆད་བཞི་ནི། ༡༽ འདུ་འཛི་ལ་ཆགས་པ། ༢༽ གནས་ངེས་ཅན་ལ་ཆགས་པ། ༣༽ གློས་འབེབས་པ་དང་ཉལ་བའི་བདེ་བ་ལ་ཆགས་པ། ༤༽ སྟན་དང་གདིང་བ་དང་དགབ་པ་བཟང་པོ་ལ་ཆགས་པ་བཅས་ཡིན་ཏེ། གཞུང་ལས། གནས་མལ་ལ་ཆགས་པ་ནི་བར་ཆད་རྣམ་པ་བཞི་ཡིན་ཏེ། འདི་ལྟ་སྟེ་འདུ་འཛི་ལ་ཆགས་པ་དང་། གནས་ལ་ཆགས་པ་དང་། གློས་འབེབས་པའི་བདེ་བ་དང་ཉལ་བའི་བདེ་བ་ལ་ཆགས་པ་དང་། སྟན་དང་གདིང་བ་དང་དགབ་པ་ལ་ཆགས་པའོ། །ཞེས་གསུངས་པའི་ཕྱིར་རོ།།

༢༢༨༽ དྲི་བ། གནས་མལ་ལ་ཆགས་པའི་བར་ཆད་བཞི་པོ་དེ་དག་སྤོང་བའི་ཐབས་སྦྱངས་པའི་ཡོན་ཏན་གང་དག་ཡིན་ནམ།

དྲིས་ལན། དེ་དག་སྤོང་བའི་ཐབས་ནི། འདུ་འཛི་ལ་ཆགས་པ་སྤང་བའི་ཕྱིར་དགོན་པ་བ། གནས་ལ་ཆགས་པ་སྤང་བའི་ཕྱིར་ཤིང་དྲུང་པ་དང་བླ་གབ་མེད་པ་དང་དུར་ཁྲོད་པ། གློས་འབེབས་པ་དང་ཉལ་བའི་བདེ་བ་སྤང་བའི་ཕྱིར་ཙོག་པུ་བ། སྟན་དང་གདིང་བ་སོགས་ལ་ཆགས་པ་སྤང་བའི་ཕྱིར་གཞི་ཇི་བཞིན་པའི་ཉམས་ལེན་ཡིན་ཏེ། གཞུང་ལས། དེ་ལ་འདུ་འཛི་ལ་ཆགས་པ་སྤང་བའི་ཕྱིར་དགོན་པ་པ་ཡིན་ནོ། །གནས་ལ་ཆགས་པ་སྤང་བའི་ཕྱིར་ཤིང་དྲུང་པ་དང་བླ་གབ་མེད་པ་དང་། དུར་ཁྲོད་པ་ཡིན།... གློས་འབེབས་པའི་བདེ་བ་དང་ཉལ་བའི་བདེ་བ་སྤང་བའི་ཕྱིར་ཙོག་པུ་བ་ཡིན་ནོ། །སྟན་དང་གདིང་བ་དགབ་པ་ལ་ཆགས་པ་སྤང་བའི་ཕྱིར་གཞི་ཇི་བཞིན་པའོ། །ཞེས་གསུངས་པའི་ཕྱིར་རོ།།

༢༢༩༽ དྲི་བ། དུར་ཁྲོད་པའི་ཉམས་ལེན་གྱིས་གནས་ལ་ཆགས་པ་སྤོང་བ་ལས་གཞན་ཆགས་པ་གང་ཞིག་སྤོང་བར་བྱེད་དམ།

དྲིས་ལན། དུར་ཁྲོད་པའི་ཉམས་ལེན་གྱིས་འཁྲིག་པ་ལ་ཆགས་པ་ཡང་སྤོང་བར་བྱེད་དེ། གཞུང་ལས། དུར་ཁྲོད་པ་ནི་འཁྲིག་པ་ལ་ཆགས་པ་སྤང་བའི་ཕྱིར་ཡང་ཡིན་ནོ། །ཞེས་གསུངས་པའི་ཕྱིར་རོ།།

༢༣༠༽ དྲི་བ། དགེ་སྦྱོང་གི་རྒྱན་མཛེས་པ་ཞེས་པ་དེ་གང་ལ་གོ་དགོས་སམ།

དྲིས་ལན། དེ་ནི་འགྲོ་བ་དང་། ལྡོག་པ། ལྟ་བ། ལག་པ་བསྐུམ་བརྐྱང་བྱེད་པ། ཆོས་གོས་དང་ལྷུང་བཟེད་འཆང་བ་སོགས་ཀྱི་སྤྱོད་ལམ་ཐམས་ཅད་ཡིད་དུ་འོང་ཞིང་མཛེས་པར་བྱེད་པ་ལ་གོ་དགོས་ཏེ། གཞུང་ལས། མཛེས་པ་ནི། མཛེས་པར་འགྲོ་བ་དང་ལྡོག་པ་དང་ཅུང་ཟད་ལྟ་བ་དང་། རྣམ་པར་ལྟ་བ་དང་། བསྐུམ་པ་དང་། བརྐྱང་བ་དང་། སྣམ་སྦྱར་དང་། ཆོས་གོས་དང་ལྷུང་བཟེད་འཆང་བ་དང་ལྡན་པ་ཡིན་ནོ། །ཞེས་གསུངས་པའི་ཕྱིར་རོ།།

༢༣༡༽ དྲི་བ། དྲོད་རིག་པ་ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི། དད་ལྡན་གྱི་ཁྱིམ་བདག་རྣམས་ཀྱིས་ཆོས་གོས་དང་བསོད་སྙོམས་སོགས་ཡོ་བྱད་ཐམས་ཅད་ཕུལ་བའི་ཚེ། རང་ལ་དགོས་ངེས་ཀྱི་ཚོད་ཤེས་པའི་སྒོ་ནས་བླང་བ་ལ་ཟེར་ཏེ། གཞུང་ལས། དྲོད་རིག་པ་ནི། འདི་ན་བྲམ་ཟེ་དང་ཁྱིམ་བདག་དད་པ་རྣམས་ཀྱིས། འདི་ལྟ་སྟེ་ཆོས་གོས་དང་བསོད་སྙོམས་དང་མལ་ཆ་དང་སྟན་དང་། ནད་ཀྱི་གསོས་སྨན་དང་། ཡོ་བྱད་ཐམས་ཅད་ཀྱིས་ལེགས་པར་མགྲོན་དུ་གཉེར་བ་ན་དེ་ལ་བླང་བའི་ཚོད་ཤེས་པ་ཡིན་ནོ། །ཞེས་གསུངས་པའི་ཕྱིར་རོ།།

༢༣༢༽ དྲི་བ། སྐྱེས་བུ་དམ་པའི་ཆོས་དང་ལྡན་པ་ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི། གལ་ཏེ་རང་ཉིད་རིགས་རུས་མཐོ་བ་དང་། འབྱོར་པ་ཆེ་བ། གཟུགས་བཟང་བ། མང་དུ་ཐོས་པ་སོགས་ཀྱི་ཡོན་ཏན་དང་ལྡན་ཡང་། དེ་ལ་བརྟེན་ནས་ང་རྒྱལ་གྱིས་བདག་ལ་བསྟོད་པ་དང་གཞན་ལ་སྨོད་པར་མི་བྱེད་པར། ཆོས་དང་མཐུན་པའི་སྒྲུབ་པ་ཁོ་ན་ལ་གཞོལ་བ་དེ་ཡིན་ཏེ། གཞུང་ལས། རིགས་མཐོན་པོ་ལས་རབ་ཏུ་བྱུང་བའམ།...དེས་བདག་ལ་བསྟོད་པར་མི་བྱེད་ཅིང་གཞན་ལ་སྨོད་པར་མི་བྱེད་ལ་ཆོས་དང་རྗེས་སུ་མཐུན་པའི་ཆོས་བསྒྲུབ་པར་བྱ་བ་ཁོ་ན་བདེན་པར་རིག་ནས་ཆོས་དང་རྗེས་སུ་མཐུན་པའི་ཆོས་ལ་ཞུགས་པ་ཡིན་ནོ། །ཞེས་གསུངས་པའི་ཕྱིར་རོ།།

༢༣༣༽ དྲི་བ། གཞུང་འདིར་མཁས་པ་དང་བྱིས་པའི་ཁྱད་པར་གང་གི་སྒོ་ནས་འབྱེད་དགོས་པར་གསུངས་སམ།

དྲིས་ལན། ཁྱད་པར་ནི་ལས་ཀྱི་མཚན་ཉིད་དེ་སེམས་པ་དང་། བརྗོད་པ། བྱེད་པ་གསུམ་གྱི་སྒོ་ནས་འབྱེད་དགོས་ཏེ། བྱིས་པ་ནི་ཉེས་པར་སེམས་པ་དང་། ཉེས་པར་སྨྲ་བ། ཉེས་པར་བྱེད་པ་ཡིན་ལ། མཁས་པ་ནི་དེ་ལས་ལྡོག་སྟེ་ལེགས་པར་སེམས་པ་དང་། ལེགས་པར་སྨྲ་བ། ལེགས་པར་བྱེད་པ་ཡིན་པའི་ཕྱིར་རོ།། གཞུང་ལས། མཁས་པའི་རྟགས་ནི། ལས་ཀྱི་མཚན་ཉིད་ཀྱིས་བྱིས་པ་ཡིན་ལ། ལས་ཀྱི་མཚན་ཉིད་ཀྱིས་མཁས་པ་ཡིན་ཏེ། དེ་ཡང་ཇི་ལྟར་ཞེ་ན། བྱིས་པ་ནི་ཉེས་པར་བསམ་པ་སེམས་པ་དང་། ཉེས་པར་སྨྲ་བ་བརྗོད་པ་དང་། ཉེས་པར་བྱས་པའི་ལས་བྱེད་པ་ཡིན་གྱི། མཁས་པ་ནི་ལེགས་པར་བསམ་པ་སེམས་པ་དང་། ལེགས་པར་སྨྲ་བ་བརྗོད་པ་དང་། ལེགས་པར་བྱ་བའི་ལས་བྱེད་པ་ཡིན་ནོ། །ཞེས་གསུངས་པའི་ཕྱིར་རོ།།

༢༣༤༽ དྲི་བ། བཟོད་པ་ཆེ་བ་ཞེས་པའི་ཡོན་ཏན་དེ་ལ་བཟོད་པར་བྱ་བའི་ཡུལ་གང་དག་ཡོད་པར་གསུངས་སམ།

དྲིས་ལན། བཟོད་པར་བྱ་བའི་ཡུལ་ནི། ༡༽ གཞན་གྱི་གནོད་པ། གཤེ་བ་དང་། ཁྲོ་བ། བརྡེག་པ། འཚང་འདྲུ་བ་རྣམས་ལ་ཕྱིར་ལན་མི་སློག་པ། ༢༽ རང་བྱུང་གི་སྡུག་བསྔལ། གྲང་བ་དང་། ཚ་བ། བཀྲེས་སྐོམ། སྦྲང་བུ་སོགས་ཀྱི་རེག་པ་རྣམས་བཟོད་པ། ༣༽ ཚིག་ངན་པ། གཞན་གྱིས་ངན་དུ་བརྗོད་པ་དང་ཚིག་ངན་པ་རྣམས་བཟོད་པ། ༤༽ ལུས་ཀྱི་ཚོར་བ། ལུས་ཀྱི་ཚོར་བ་སྡུག་བསྔལ་མི་བཟད་ཅིང་སྲོག་འཕྲོག་པ་ལྟ་བུ་དག་ཀྱང་བཟོད་ཅིང་དང་དུ་ལེན་པ་བཅས་ཡིན་ཏེ། གཞུང་ལས། བཟོད་པ་ཆེ་བ་ནི། གཤེ་ཡང་ཕྱིར་མི་གཤེ་བ་དང་། ཁྲོས་ཀྱང་ཕྱིར་མི་ཁྲོ་བ་དང་། བརྡེག་ཀྱང་ཕྱིར་མི་བརྡེག་པ་དང་། འཚང་དྲུས་ཀྱང་ཕྱིར་འཚང་མི་འདྲུ་ཞིང་།...ལུས་ཀྱི་ཚོར་བ་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བ་སྲོག་འཕྲོག་པར་བྱེད་པ་དག་ཀྱང་བཟོད་ཅིང་དང་དུ་ལེན་པའི་རང་བཞིན་ཅན་ནོ། །ཞེས་གསུངས་པའི་ཕྱིར་རོ།།

༢༣༥༽ དྲི་བ། དགེ་སྦྱོང་གི་རྒྱན་དེས་པ་ཆེ་བ་ཞེས་པ་དེ་ཆོས་དྲུག་དང་ལྡན་དགོས་པ་གསུངས་པ་དེ་དག་གང་ཡིན་ནམ།

དྲིས་ལན། ཆོས་དྲུག་པོ་ནི། སྟོན་པ་དང་ཚངས་པ་མཚུངས་པར་སྤྱོད་པ་རྣམས་ལ་བྱམས་པའི་ལུས་ངག་ཡིད་གསུམ་གྱི་ལས་དང་ལྡན་པ་དང་། རྙེད་པ་ཐུན་མོང་དུ་ལོངས་སྤྱོད་པ། ཚུལ་ཁྲིམས་མཐུན་པར་ཞུགས་པ། ལྟ་བ་མཐུན་པར་ཞུགས་པ་བཅས་ཡིན་ཏེ། གཞུང་ལས། སྟོན་པ་དང་ཚངས་པ་མཚུངས་པར་སྤྱོད་པ་མཁས་པ་རྣམས་ལ་བྱམས་པའི་ལུས་ཀྱི་ལས་དང་ལྡན་པ་དང་། བྱམས་པའི་ངག་གི་ལས་དང་ལྡན་པ་དང་། བྱམས་པའི་ཡིད་ཀྱི་ལས་དང་ལྡན་པ་དང་། ཆོས་དང་ལྡན་ཞིང་ཆོས་ཀྱིས་ཐོབ་པའི་རྙེད་པ་...ཐུན་མོང་དུ་ཡོངས་སུ་ལོངས་སྤྱོད་པར་བྱེད་ཅིང་ཟས་མི་བསྲི་བ་དང་། ཚུལ་ཁྲིམས་མཐུན་པར་ཞུགས་པ་དང་། ལྟ་བ་མཐུན་པར་ཞུགས་པ་ཡིན་ཏེ། ཞེས་གསུངས་པའི་ཕྱིར་རོ།།

༢༣༦༽ དྲི་བ། ཆོས་དྲུག་པོ་དེ་དག་དང་ལྡན་པའི་གང་ཟག་དེའི་ཁྱད་ཆོས་གང་འདྲ་ཞིག་ཡིན་པར་གསུངས་སམ།

དྲིས་ལན། གང་ཟག་དེ་ནི་གཞན་དང་འགྲོགས་ན་བདེ་ཞིང་རྩོད་པ་མེད་པའི་རང་བཞིན་ཅན་ཡིན་པས། ཚངས་པ་མཚུངས་པར་སྤྱོད་པ་རྣམས་ཀྱང་དེ་དང་ལྷན་ཅིག་ཏུ་གནས་པར་དགའ་བ་ཡིན་ཏེ། གཞུང་ལས། དེ་ཡང་དག་པར་དགའ་བར་འགྱུར་བ། སྡུག་པར་བྱེད་པ། བླ་མར་བྱེད་པ། རྩོད་པ་མེད་པར་བྱེད་པའི་ཆོས་དྲུག་པོ་དེ་དག་དང་ལྡན་པས་འགྲོགས་ན་བདེ་ཞིང་རྣམ་པར་ཐོ་འཚམ་པ་མེད་པའི་རང་བཞིན་ཅན་ཡིན་ལ། ཚངས་པ་མཚུངས་པར་སྤྱོད་པ་མཁས་པ་རྣམས་ཀྱང་དེ་དང་ལྷན་ཅིག་གནས་པར་དགའ་བ་ཡིན་ནོ། །ཞེས་གསུངས་པའི་ཕྱིར་རོ།།

༢༣༧༽ དྲི་བ། དགེ་སྦྱོང་གི་རྒྱན་གྱ་ནོམ་པ་ཞེས་པའི་ཁྱད་ཆོས་རྣམས་གང་ཡིན་ནམ།

དྲིས་ལན། ཁྱད་ཆོས་རྣམས་ནི། ཁྲོ་གཉེར་མེད་པ། བཞིན་གྱི་མདོག་གསལ་བ། འཛུམ་སྔོན་ལ་སྟོན་པ། གསོང་པོར་སྨྲ་བ། དགའ་བར་སྨྲ་བ། སྡུག་པའི་ངང་ཚུལ་ཅན། རྒྱུད་རབ་ཏུ་དང་བ་བཅས་ཡིན་ཏེ། གཞུང་ལས། གྱ་ནོམ་པ་ནི། ཁྲོ་གཉེར་མེད་པ་དང་། བཞིན་གྱི་མདོག་གསལ་བ་དང་། འཛུམ་པ་སྔར་གཏོང་བ་དང་། གསོང་པོར་སྨྲ་བ་དང་། དགའ་བར་སྨྲ་བ་དང་། སྡུག་པའི་ངང་ཚུལ་ཅན་དང་། རྒྱུད་རབ་ཏུ་དང་བའོ། །ཞེས་གསུངས་པའི་ཕྱིར་རོ།།

༢༣༨༽ དྲི་བ། དགེ་སྦྱོང་གི་རྒྱན་དང་ལྡན་པའི་གང་ཟག་དེས་འཇིག་རྟེན་གྱི་འདོད་ཡོན་གང་དག་མི་འདོད་པ་ཡིན་ནམ།

དྲིས་ལན། གང་ཟག་དེ་ནི་ཆོས་འདོད་པ་ལས་རྙེད་པ་དང་། བཀུར་སྟི། སྙན་པའི་གྲགས་པ་བཅས་མི་འདོད་པ་ཡིན་ཏེ། གཞུང་ལས། དད་པ་ནས་གྱ་ནོམ་པའི་བར་གྱི་ཆོས་དེ་དག་དང་ལྡན་པས་ཆོས་འདོད་པ་དང་། རྙེད་པ་དང་བཀུར་སྟི་དང་སྙན་པའི་སྒྲའི་ཚོགས་མི་འདོད་པ་ཡིན་ཞིང་། ཞེས་གསུངས་པའི་ཕྱིར་རོ།།

༢༣༩༽ དྲི་བ། གང་ཟག་དེ་ལ་སྒྲོ་སྐུར་གྱི་ལོག་ལྟ་མེད་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། ཁོང་གིས་ཆོས་མེད་པ་ལ་ཡོད་པར་སྒྲོ་འདོགས་པར་མི་བྱེད་པ་དང་། ཡོད་པའི་ཆོས་ལ་མེད་པར་སྐུར་པ་འདེབས་པར་མི་བྱེད་པས་སོ།། གཞུང་ལས། སྒྲོ་འདོགས་པ་དང་སྐུར་པ་འདེབས་པའི་ལོག་པའི་ལྟ་བ་དང་མི་ལྡན་ཏེ། དེ་མེད་པའི་ཆོས་ལ་སྒྲོ་འདོགས་པར་མི་བྱེད་ཅིང་ཡོད་པའི་ཆོས་ལ་སྐུར་པ་འདེབས་པར་མི་བྱེད་པས་སོ། །ཞེས་གསུངས་པའི་ཕྱིར་རོ།།

༢༤༠༽ དྲི་བ། ཉོན་མོངས་སྤོང་བ་དང་ཡེ་ཤེས་སྦྱོང་བའི་ཆེད་དུ་འགྲོགས་པའི་ཚོགས་པ་གང་ཞིག་སྤོང་བ་དང་གང་ཞིག་བསྟེན་དགོས་སམ།

དྲིས་ལན། ཁྱིམ་པ་དང་རབ་བྱུང་གི་འདུ་འཛི་ཉོན་མོངས་འཕེལ་བའི་རྒྱུ་རྣམས་སྤོང་དགོས་པ་དང་། འཕགས་པ་རྣམས་དང་ལྷན་ཅིག་འགྲོགས་པའི་ཚོགས་པ་ཡེ་ཤེས་སྦྱོང་བར་བྱེད་པ་རྣམས་བསྟེན་དགོས་ཏེ། གཞུང་ལས། ཁྱིམ་ན་གནས་པ་དང་རབ་ཏུ་བྱུང་བ་རྣམས་དང་འགྲོགས་པའི་འདུ་འཛི་ཉོན་མོངས་པ་འཕེལ་བར་འགྱུར་བ་ཡོངས་སུ་སྤོང་བར་བྱེད་པ་དང་། འཕགས་པ་རྣམས་དང་ལྷན་ཅིག་འགྲོགས་པའི་ཚོགས་པ་ཡེ་ཤེས་རྣམ་པར་སྦྱོང་བར་འགྱུར་བར་བྱེད་པ་དང་། ཞེས་གསུངས་པའི་ཕྱིར་རོ།།

༢༤༡༽ དྲི་བ། དགེ་སྦྱོང་གི་རྒྱན་ལྡན་གྱི་གང་ཟག་དེས་རང་གཞན་གྱི་ཉེས་པའི་སྐབས་དང་འཁྲུལ་པ་ལ་ལྟ་སྟངས་ཇི་ལྟར་འཛིན་དགོས་སམ།

དྲིས་ལན། རང་ཉིད་ཀྱི་ཉེས་པའི་སྐབས་དང་འཁྲུལ་པ་ཚོལ་ཞིང་སྡིག་པ་འཆགས་དགོས་པ་དང་། གཞན་གྱི་ཉེས་པའི་སྐབས་དང་འཁྲུལ་པ་ལ་ལྷུག་པར་འཇོག་སྟེ་བཟོད་སྒོམ་བྱེད་དགོས་ཏེ། གཞུང་ལས། བདག་ཉིད་ཀྱི་ཉེས་པའི་སྐབས་དང་འཁྲུལ་པ་ཚོལ་ཞིང་དགེ་བ་མི་སྤྱོམས་ལ་སྡིག་པ་འཆགས་པར་བྱེད་པ་དང་། གཞན་དག་གི་ཉེས་པའི་སྐབས་དང་འཁྲུལ་པ་ལ་ལྷུག་པར་འཇོག་པ་དང་། ཞེས་གསུངས་པའི་ཕྱིར་རོ།།

༢༤༢༽ དྲི་བ། སངས་རྒྱས་ཀྱི་མཐུ་བསམ་གྱིས་མི་ཁྱབ་པ་དང་བསྟན་པ་ཟབ་མོ་རང་གི་བློ་ཡུལ་ལས་འགོངས་པ་དག་ལ་ལྟ་སྟངས་ཇི་ལྟར་འཛིན་དགོས་སམ།

དྲིས་ལན། འདི་ནི་དེ་བཞིན་གཤེགས་པ་རྣམས་ཀྱིས་མཁྱེན་པ་ཡིན་གྱི་བདག་གིས་ནི་མ་ཡིན་ནོ་སྙམ་དུ་རིག་ནས། དེ་ལ་མོས་ཤིང་དད་པ་བྱེད་པ་ལས་སྤོང་བར་མི་བྱ་སྟེ། གཞུང་ལས། སངས་རྒྱས་རྣམས་དང་སངས་རྒྱས་ཉན་ཐོས་རྣམས་ཀྱི་མཐུ་བསམ་གྱིས་མི་ཁྱབ་པ་དང་། ཟབ་མོ་བསྟན་པ་དག་ལ། འདི་ནི་དེ་བཞིན་གཤེགས་པ་རྣམས་ཀྱིས་མཁྱེན་ཅིང་གཟིགས་པ་ཡིན་གྱི་བདག་གིས་ནི་མ་ཡིན་ནོ་སྙམ་དུ་རིག་ནས་དེ་ལ་མོས་པར་བྱེད་ཅིང་སྤོང་བར་མི་བྱེད་པ་དང་། ཞེས་གསུངས་པའི་ཕྱིར་རོ།།

༢༤༣༽ དྲི་བ། ཡོན་ཏན་དེ་དག་དང་ལྡན་པའི་སྤྱོད་པ་དེ་ལ་མིང་གང་ཞིག་བཏགས་ཡོད་དམ།

དྲིས་ལན། སྤྱོད་པ་དེ་ལ་དགེ་སྦྱོང་གི་རྒྱན་གྱིས་མཛེས་པ་ཞེས་དང་། ཐོས་པ་དང་བསམ་པ་དང་ལྡན་པ། ཞི་གནས་ཀྱི་ཚོགས་བསག་ཅིང་སྲུང་བ་ཞེས་བྱ་སྟེ། གཞུང་ལས། དེ་ཡོན་ཏན་དེ་དག་དང་ལྡན་ཞིང་དེ་ལྟར་སྤྱོད། དེ་ལྟར་བསླབ་པ་ན་དགེ་སྦྱོང་གི་རྒྱན་གྱིས་མཛེས་པ་ཡིན་ནོ། །དེ་ནི་ཐོས་དང་བསམ་ལྡན་པས་ཞེས་པ་སྟེ། ཞི་གནས་ཀྱི་ཚོགས་བསག་ཅིང་སྲུང་བ་ཞེས་ཀྱང་བྱའོ། །ཞེས་གསུངས་པའི་ཕྱིར་རོ།།

༢༤༤༽ དྲི་བ། ཇོ་བོ་རྗེའི་གསུང་ལུང་དྲངས་ནས་ཐོས་བསམ་གྱི་སྙིང་པོ་བསམ་གཏན་ལ་སྦྱོར་བའི་ཚུལ་ལ་རྣམ་པ་གཉིས་ཡོད་པ་གང་དང་གང་ཡིན་ནམ།

དྲིས་ལན། རྣམ་པ་གཉིས་ནི། གཅིག་ནི་ཀློག་པ་ཐོས་བསམ་གྱིས་སྡེ་སྣོད་གསུམ་ལ་མཁས་པར་སྦྱངས་ནས་སྒོམ་པ་དང་། གཉིས་པ་ནི་ཚེ་ཐུང་ཞིང་ཤེས་བྱ་མང་བས་ངང་པས་ཆུ་ལས་འོ་མ་ལེན་པ་ལྟར་རང་གི་ཉམས་ལེན་གྱི་སྙིང་པོར་གྱུར་པའི་གདམས་ངག་ལ་ཐོས་བསམ་བྱས་ཏེ་བསྒོམ་པ་བཅས་ཡིན་ཏེ། གཞུང་ལས། ཀློག་པས་སྡེ་སྣོད་འཛིན་པའི་གྲངས་སུ་ཆུད་པ་འམ། ཇོ་བོ་རྗེ་ལྷ་གཅིག་གིས། ཚེ་ནི་ཡུན་ཐུང་ཤེས་བྱའི་རྣམ་པ་མང་། །ཚེ་ཡི་ཚད་ཀྱང་ཇི་ཙམ་མི་ཤེས་པས། །ངང་པས་ཆུ་ལས་འོ་མ་ལེན་པ་ལྟར། །རང་གི་འདོད་པ་དང་དུ་བླང་བར་གྱིས། །ཞེས་པས། ཡང་ན་རྣལ་འབྱོར་སྒོམ་པའི་གདམས་ངག་ལ་ཐོས་བསམ་བྱས་ཏེ་བསྒོམ་པར་བྱའོ། །ཞེས་གསུངས་པའི་ཕྱིར་རོ།།

༢༤༥༽ དྲི་བ། གཞུང་འདིར་གདམས་ངག་ཉུང་ངུ་ལ་བརྟེན་པ་དང་བསྟན་བཅོས་ཆེན་པོ་ལ་སྦྱང་བ་བྱེད་པ་གཉིས་ཀྱི་ཐད་ལ་རྩོད་པ་ཇི་ལྟར་བྱུང་ཚུལ་བསྟན་ཡོད་དམ།

དྲིས་ལན། ལ་ལས་གདམས་ངག་ཙམ་གྱིས་ཆོག་ན་བསྟན་བཅོས་ཆེན་པོ་རྣམས་དོན་མེད་དུ་ཐལ་བར་འདོད་པ་དང་། དེ་ལ་ལན་དུ་གལ་ཏེ་བསྟན་བཅོས་ཆེན་པོ་ལ་སྦྱང་བ་ངེས་པར་དགོས་ན་པཎ་གྲུབ་རྣམས་ཀྱིས་གསུངས་པའི་གདམས་ངག་ཉུང་ངུ་རྣམས་དོན་མེད་དུ་ཐལ་བར་འགྱུར་ཞེས་རྩོད་པ་བྱུང་ཚུལ་བསྟན་ཡོད་དེ།གཞུང་ལས། འདིར་ཁ་ཅིག་གདམས་ངག་ཙམ་གྱིས་ཆོག་ན་བསྟན་བཅོས་ཆེན་པོ་རྣམས་དོན་མེད་པས་དེ་དག་བསྟན་ནས་ཅི་བྱ་ཞེས་ཟེར་ལ། དེ་ནི་འདྲ་སྟེ་བསྟན་བཅོས་ཆེན་པོ་ལ་སྦྱང་ངེས་པར་དགོས་ན་པན་གྲུབ་རྣམས་ཀྱིས་རྣལ་འབྱོར་སྒོམ་པའི་གདམས་ངག་ཉུང་ངུ་གསུངས་པ་དོན་མེད་པས་དེ་དག་བསྟན་ནས་ཅི་བྱའོ། །ཞེས་གསུངས་པའི་ཕྱིར་རོ།།

༢༤༦༽ དྲི་བ། གདུལ་བྱའི་བློ་དང་བསྟུན་ནས་ཐོས་བསམ་སྒོམ་གསུམ་ལ་ཇི་ལྟར་བསླབ་དགོས་པ་ཡིན་ནམ།

དྲིས་ལན། གདུལ་བྱ་བློ་རྒྱ་ཆེ་ཞིང་སྤྲོས་པར་དགའ་བ་རྣམས་ཀྱིས་ལུང་རྒྱས་པ་ལ་ཐོས་བསམ་བྱ་དགོས་པ་དང་། གདུལ་བྱ་བློ་སྡུས་པ་སྤྲོས་པར་མི་དགའ་ཞིང་མི་བཟོད་པ་རྣམས་ཀྱིས་ཐོས་པ་མདོར་བསྡུས་ཏེ་སྒོམ་པ་གཙོ་བོར་བསྟེན་དགོས་ཏེ། གཞུང་ལས། གདུལ་བྱ་སྤྲོས་ན་མགུ་ལ། སྤྲོས་ཏེ་བཤད་པ་བཟོད་པ་ནི། ལུང་རྒྱས་པ་ལ་ཐོས་བསམ་བྱེད་ཅིང་དེའི་དབང་དུ་མཛད་དེ། །ཐོས་པས་དོན་མ་ཡིན་པ་སྤོང་སོགས་ཐོས་པ་བསྔགས་སོ། །ཡང་དག་འཇོག་ལ་མོས་ཤིང་། ཉུང་ངུ་ལས་མི་བཟོད་པ་དེ་དག་གི་དབང་དུ་མཛད་ནས། ཐོས་པ་མང་པོ་ཐོས་པ་མིན། །... ཐོས་པ་སྨད་དེ་སྒོམ་པ་བསྔགས་སོ། །ཞེས་གསུངས་པའི་ཕྱིར་རོ།།

༢༤༧༽ དྲི་བ། ཐོས་པ་ཙམ་གྱིས་མི་ཆོག་པར་སྒོམ་པ་གལ་ཆེ་བའི་ཚུལ་དེ་དཔེ་གང་གི་སྒོ་ནས་བསྟན་ཡོད་དམ།

དྲིས་ལན། དཔེ་རྨུས་ལོང་སྟེ་མིག་མེད་པའི་རི་མོ་མཁན་གྱིས་སྐྱེ་བོ་མང་པོ་དགའ་བར་བྱས་ཀྱང་རང་གིས་སྐད་ཅིག་ཙམ་ཡང་མཐོང་མི་ནུས་པ་བཞིན་དུ། མ་བསྒོམས་པའི་ཆོས་ཀྱང་དེ་དང་འདྲ་བར་བསྟན་ཡོད་དེ།གཞུང་ལས། ཕལ་ཆེན་ལས། ཇི་ལྟར་རྨུས་ལོང་རི་མོ་མཁན། །ཚོང་འདུས་དབུས་སུ་ཕྱིན་བྱས་ནས། །སྐྱེ་བོ་མང་པོ་དགའ་བྱས་ཀྱང་། །རང་གིས་སྐད་ཅིག་མཐོང་བ་མེད། །མ་བསྒོམས་ཆོས་ཀྱང་དེ་དང་འདྲ། །ཞེས་སོགས། ཞེས་གསུངས་པའི་ཕྱིར་རོ།།

༢༤༨༽ དྲི་བ། སྤྱོད་འཇུག་ལྟར་ན། ཉོན་མོངས་རྣམ་པར་འཇོམས་པའི་ཐབས་ཀྱི་གོ་རིམ་གང་ཡིན་ནམ།

དྲིས་ལན། ཐོག་མར་འཇིག་རྟེན་ལ་ཆགས་པ་མེད་པའི་སྒོ་ནས་ཞི་གནས་བཙལ་དགོས་ཤིང་། ཞི་གནས་དེ་དང་ལྡན་པའི་ལྷག་མཐོང་གིས་ཉོན་མོངས་འཇོམས་པའི་ཐབས་ཀྱི་གོ་རིམ་ཡིན་ཏེ། གཞུང་ལས། སྤྱོད་འཇུག་ལས། ཞི་གནས་རབ་ཏུ་ལྡན་པའི་ལྷག་མཐོང་གིས། །ཉོན་མོངས་རྣམ་པར་འཇོམས་པ་ཤེས་བྱས་ནས། །ཐོག་མར་ཞི་གནས་བཙལ་བྱ་དེ་ཡང་ནི། །འཇིག་རྟེན་ཆགས་པ་མེད་ལ་མངོན་དགས་འགྲུབ། །ཅེས་འབྱུང་བ་ཡིན་ཏེ། ཞེས་གསུངས་པའི་ཕྱིར་རོ།།

༢༤༩༽ དྲི་བ། གདུལ་བྱའི་བློ་དང་བསྟུན་ནས་ཆོས་རྒྱས་བསྡུས་སུ་སྟོན་པ་དེ་དཔེ་གང་ཞིག་གི་སྒོ་ནས་བསྟན་ཡོད་དམ།

དྲིས་ལན། ཤེར་ཕྱིན་གྱི་གཞུང་ལ་གདུལ་བྱའི་བློ་དང་བསྟུན་ནས་རྒྱས་བསྡུས་སྣ་ཚོགས་སུ་ཡོད་པ་དེ་དང་འདྲ་བར་བསྟན་ཡོད་དེ། གཞུང་ལས། མདོར་བསྡུས་ན་ཤེར་ཕྱིན་རྒྱས་བསྡུས་སུ་འཇོག་པ་བཞིན་ནོ། །ཞེས་གསུངས་པའི་ཕྱིར་རོ།།

༢༥༠༽ དྲི་བ། ཐོས་པ་གཙོ་བོར་འཛིན་པ་དང་སྒོམ་པ་གཙོ་བོར་འཛིན་པ་ཕྱོགས་གཅིག་ཁོ་ན་ཤེས་པས་གཞན་ཁྱད་དུ་གསོད་པ་ལ་ཉེས་དམིགས་གང་ཡོད་དམ།

དྲིས་ལན། དེ་ནི་ཆོས་སྤོང་བའི་ལས་གསོག་པའི་རྒྱུ་ཡིན་པས་སྤང་དགོས་ཏེ།
གཞུང་ལས། དེས་ན་ཕྱོགས་གཅིག་ངོ་ཤེས་ཀྱིས་གཞན་ཁྱད་དུ་གསོད་པ་ནི་ཆོས་སྤོང་བའི་ལས་གསོག་པའི་རྒྱུ་ཡིན་པས་སྤང་བར་བྱའོ། །ཞེས་གསུངས་པའི་ཕྱིར་རོ།།

༢༥༡༽ དྲི་བ། གང་ཟག་རྒྱ་ཆེར་སྦྱངས་པ་དང་གདམས་ངག་གཙོ་བོར་འཛིན་པ་གཉིས་ཀས་ཐོས་བསམ་བྱས་པའི་མཐར་ཅི་ཞིག་བྱ་དགོས་སམ།

དྲིས་ལན། གང་ཟག་གཉིས་ཀས་བླ་མ་ལས་རྣལ་འབྱོར་སྒོམ་པའི་གདམས་ངག་ནོས་ཏེ། རི་ཁྲོད་དམ་དགོན་པ་ལྟ་བུའི་གནས་དབེན་པར་ཕྱིན་ནས་ཐོས་པའི་དོན་ལ་སྒོམ་དགོས་ཏེ། གཞུང་ལས། དེས་ན་གང་ཟག་གཉིས་ཀས་བླ་མ་ལས་རྣལ་འབྱོར་སྒོམ་པའི་གདམས་ངག་ནོས་ནས། ཐོས་པའི་དོན་དེ་ཉིད་རི་ཁྲོད་དམ་དགོན་པ་དབེན་པར་ཕྱིན་ཏེ་སྒོམ་དགོས། ཞེས་གསུངས་པའི་ཕྱིར་རོ།།

༢༥༢༽ དྲི་བ། གལ་ཏེ་ཐོས་བསམ་ཙམ་བྱས་ནས་མ་བསྒོམས་ན་སྐྱོན་གང་ཡོད་པ་དང་། ཆོས་ལམ་དུ་འགྲོ་བ་ལ་གནད་གང་ཞིག་ཚང་དགོས་སམ།

དྲིས་ལན། གལ་ཏེ་མ་བསྒོམས་ན་ཐོས་པ་དེ་ཉོན་མོངས་པའི་གཉེན་པོར་མི་འགྲོ་ཞིང་ཆོས་ལམ་དུ་སོང་བ་མིན་པའི་སྐྱོན་ཡོད། དེས་ན་ཆོས་ལམ་དུ་འགྲོ་བ་ནི་སྒོམ་པ་ཁོ་ན་ལ་རག་ལས་པ་ཡིན་ཏེ། གཞུང་ལས། མ་སྒོམ་ན་ཐོས་པ་དེ་ཉོན་མོངས་པའི་གཉེན་པོར་མི་འགྲོ། ཉོན་མོངས་པའི་གཉེན་པོར་མ་སོང་ན་ཆོས་ལམ་དུ་མ་སོང་བ་ཡིན། དེས་ན་ཆོས་ལམ་དུ་འགྲོ་བ་ནི་སྒོམ་པ་ཁོ་ན་ལ་རག་ལས་པས། ཞེས་གསུངས་པའི་ཕྱིར་རོ།།

༢༥༣༽ དྲི་བ། གནས་དབེན་པར་སྒོམ་པ་པོ་ཞིག་གིས་ཉིན་མཚན་གྱི་དུས་ཚོད་ཇི་ལྟར་སྤྱད་དགོས་སམ།

དྲིས་ལན། ཉིན་མོ་དང་མཚན་མོའི་ཐུན་དང་པོ་དང་ཐུན་མཐའ་མ་བཅས་ལ་འཆག་པ་དང་འདུག་པའི་སྒོམ་གྱིས་དུས་འདའ་བར་བྱེད་པ་དང་། མཚན་མོའི་ཐུན་བར་པ་ལ་གློ་གཡས་པ་ཕབ་སྟེ་ཉལ་བར་བྱེད་དགོས་ཏེ།གཞུང་ལས། ...གནས་དབེན་པར་སྤྱོད་ལམ་འཆག་པ་དང་འདུག་པ་དག་གིས་འདའ་བར་བྱེད་ཅིང་། མཚན་མོའི་ཐུན་དང་པོ་ལ་དེ་ཉིད་དང་། ཐུན་བར་པ་ལ་གློ་གཡས་པ་ཕབ་སྟེ་ཉལ་བར་བྱེད་པ་དང་། ཐུན་མཐའ་མ་ལ་མྱུར་བ་མྱུར་བར་ལངས་ཏེ་འཆག་པ་དང་འདུག་པ་དག་གིས་འདའ་བར་བྱེད་པའོ། །ཞེས་གསུངས་པའི་ཕྱིར་རོ།།

༢༥༤༽ དྲི་བ། གཞུང་འདིར་སྒོམ་པའི་སྐབས་སུ་འདུག་སྟངས་ཡང་དག་པ་དེ་ཇི་ལྟར་ཡིན་པར་གསུངས་སམ།

དྲིས་ལན། གནས་དབེན་པར་སངས་རྒྱས་ཀྱིས་རྗེས་སུ་གནང་བའི་སྟན་གྱི་སྟེང་དུ་སྐྱིལ་མོ་ཀྲུང་བཅས་ཏེ་ལུས་དྲང་པོར་བསྲངས་ནས་དྲན་པ་ཕྱོགས་སུ་བཞག་སྟེ་འདུག་དགོས་ཏེ། གཞུང་ལས། དེ་ལ་འདུག་པ་ནི་གནས་ཕུན་སུམ་ཚོགས་པ་དེ་ཉིད་དུ་སངས་རྒྱས་ཀྱིས་རྗེས་སུ་གནང་བའི་ཁྲི་འམ་རྩྭ་བཏིང་བའི་སྟེང་དུ་སྐྱིལ་མོ་ཀྲུང་བཅས་ཏེ་ལུས་དྲང་པོར་བསྲངས་ནས་དྲན་པ་ཕྱོགས་པར་བཞག་སྟེ་འདུག་པར་བྱེད་པའོ། །ཞེས་གསུངས་པའི་ཕྱིར་རོ།།

༢༥༥༽ དྲི་བ། སྐྱིལ་མོ་ཀྲུང་བཅས་ཏེ་འདུག་པའི་དགོས་པ་རྒྱུ་མཚན་ལྔ་ཡོད་པ་དེ་དག་གང་དང་གང་ཡིན་ནམ།

དྲིས་ལན། དགོས་པ་རྒྱུ་མཚན་ལྔ་ནི། ༡༽ ལུས་ལེགས་པར་སྒྲིམས་པས་ཤིན་ཏུ་སྦྱངས་པ་མྱུར་དུ་སྐྱེ་བ།༢༽ སྤྱོད་ལམ་དེས་དུས་ཡུན་རིང་པོར་འདའ་ནུས་ཤིང་ལུས་མི་ངལ་བ། ༣༽ སྤྱོད་ལམ་དེ་མུ་སྟེགས་སོགས་དང་ཐུན་མོང་མ་ཡིན་པ། ༤༽ གཞན་གྱིས་སྤྱོད་ལམ་དེ་མཐོང་ན་དད་པ་སྐྱེ་བ། ༥༽ སྤྱོད་ལམ་དེ་སངས་རྒྱས་དང་ཉན་ཐོས་རྣམས་ཀྱིས་རྗེས་སུ་གནང་ཞིང་བསྟེན་པ་ཡིན་པའི་ཕྱིར་རོ།། གཞུང་ལས། རྒྱུ་རྣམ་པ་ལྔ་ཡང་དག་པར་རྗེས་སུ་མཐོང་བ་སྟེ། ལུས་ལེགས་པར་སྒྲིམས་ན་སྤྱོད་ལམ་ཤིན་ཏུ་སྦྱངས་པ་སྐྱེ་བ་དང་རྗེས་སུ་མཐུན་པ་ཡིན་པའི་ཕྱིར་མྱུར་བ་མྱུར་བ་ཁོ་ནར་ཤིན་ཏུ་སྦྱངས་པ་སྐྱེ་བར་འགྱུར་བ། དེ་བཞིན་དུ་འདུག་པས་དུས་ཡུན་རིང་པོར་འདའ་བར་བྱེད་ནུས་ཤིང་སྤྱོད་ལམ་དེས་ལུས་ཤིན་ཏུ་ངལ་བར་མི་འགྱུར་བ་དང་། སྤྱོད་ལམ་དེ་ནི་གཞན་མུ་སྟེགས་དང་ཕས་ཀྱི་རྒོལ་བ་དག་དང་ཐུན་མོང་མ་ཡིན་པ་དང་། གཞན་དག་གིས་སྤྱོད་ལམ་དེས་འདུག་པར་མཐོང་ན་ཤིན་ཏུ་དད་པ་སྐྱེ་བར་འགྱུར་བ་དང་། སྤྱོད་ལམ་དེ་ནི་སངས་རྒྱས་རྣམས་དང་སངས་རྒྱས་ཀྱི་ཉན་ཐོས་རྣམས་ཀྱིས་རྗེས་སུ་གནང་ཞིང་བསྟེན་པ་ཡིན་པའི་ཕྱིར་རོ། །ཞེས་གསུངས་པའི་ཕྱིར་རོ།།

༢༥༦༽ དྲི་བ། ལུས་དྲང་པོར་བསྲངས་པ་ཞེས་པའི་དོན་གང་ཡིན་པ་དང་། དེའི་ཕན་ཡོན་གང་ཡིན་ནམ།

དྲིས་ལན། དེའི་དོན་ནི་ལུས་དྲང་པོར་བསྲངས་པ་དང་སེམས་ལ་གཡོ་སྒྱུ་མེད་པར་དྲང་པོར་བཞག་པ་ཡིན། དེའི་ཕན་ཡོན་ནི་ལུས་དྲང་པོས་རྨུགས་པ་དང་གཉིད་སེལ་བ་དང་། སེམས་དྲང་པོས་ཕྱི་རོལ་གྱི་གཡེང་བ་སེལ་བ་ཡིན་ཏེ། གཞུང་ལས། ལུས་དྲང་པོ་ནི། ལུས་གསལ་བར་སྲོང་སྟེ་བཞག་པ་དང་། སེམས་ལ་གཡོ་མེད་ཅིང་ཚུལ་འཆོས་པ་མེད་པར་དྲང་པོར་གཞག་པའོ། །དེ་ལ་ལུས་དྲང་པོས་ཟིན་པས་ནི་རྨུགས་པ་དང་གཉིད་ཀྱི་སེམས་ཡང་དག་པར་བླངས་ཏེ་གནས་པར་མི་བྱེད་དོ། །སེམས་ལ་གཡོ་མེད་ཅིང་ཚུལ་འཆོས་པ་མེད་པས་ནི་ཕྱི་རོལ་དུ་རྣམ་པར་གཡེང་བ་ཡང་དག་པར་བླངས་ཏེ་གནས་པར་མི་བྱེད་དོ། །ཞེས་གསུངས་པའི་ཕྱིར་རོ།།

༢༥༧༽ དྲི་བ། དྲན་པ་ཕྱོགས་པར་བཞག་པ་ཞེས་པའི་དོན་ལ་རྣམ་པ་གཉིས་ཡོད་པ་དེ་དག་གང་ཡིན་ནམ།

དྲིས་ལན། རྣམ་པ་གཉིས་ནི། ༡༽ ཚུལ་བཞིན་ཡིད་བྱེད་དང་ལྡན་པའི་དྲན་པ་དེ་ནག་པོའི་ཕྱོགས་ཐམས་ཅད་ལས་ཕྱིར་ཕྱོགས་པས་ན་དྲན་པ་ཕྱོགས་པ་ཞེས་བྱ། ༢༽ ཏིང་ངེ་འཛིན་གྱི་མཚན་མ་སོགས་མཉམ་པར་བཞག་པའི་ས་པའི་དམིགས་པ་ཐམས་ཅད་ལ་ཕྱོགས་པའམ་གཏོད་པས་ན་དྲན་པ་ཕྱོགས་པ་ཞེས་བྱ་སྟེ། གཞུང་ལས། དྲན་པ་ཕྱོགས་པར་གཞག་པ་ནི། ཚུལ་བཞིན་ཡིད་ལ་བྱེད་པ་དང་མཚུངས་པར་ལྡན་པའི་དྲན་པ་ནི་ནག་པོའི་ཕྱོགས་ཐམས་ཅད་ལས་ཕྱིར་ཕྱོགས་ཤིང་མི་མཐུན་པ་ཡིན་པའི་ཕྱིར་དྲན་པ་ཕྱོགས་པ་ཞེས་བྱའོ། །གཞན་ཡང་ཏིང་ངེ་འཛིན་གྱི་མཚན་མ་ལ་དམིགས་པ་དང་། གཟུགས་བརྙན་གྱི་མཚན་མ་ལ་དམིགས་པའི་དྲན་པ་ནི་མཉམ་པར་གཞག་པའི་ས་པའི་དམིགས་པ་ཐམས་ཅད་ལ་ཕྱོགས་པ་ཡིན་པའི་ཕྱིར་ཡང་དྲན་པ་ཕྱོགས་པ་ཞེས་བྱའོ། །ཞེས་གསུངས་པའི་ཕྱིར་རོ།།

༢༥༨༽ དྲི་བ། དབེན་པ་ཕུན་སུམ་ཚོགས་པ་ལ་ལུས་དབེན་པ་དང་སེམས་དབེན་པ་གཉིས་ཡོད་པ་དེ་དག་གང་ལ་ངོས་འཛིན་དགོས་སམ།

དྲིས་ལན། ལུས་དབེན་པ་ནི། ཁྱིམ་པ་དང་རབ་བྱུང་གི་འདུ་འཛི་དང་བྲལ་ནས་གནས་པ་ལ་ཟེར། སེམས་དབེན་པ་ནི། ཉོན་མོངས་ཅན་དང་ལུང་མ་བསྟན་གྱི་ཡིད་བྱེད་སྤངས་ཏེ། ཏིང་ངེ་འཛིན་གྱི་ཚོགས་དང་འབྲེལ་བའི་ཡིད་ལ་བྱེད་པ་སྒོམ་པ་ལ་ཟེར་ཏེ། གཞུང་ལས། དེ་ཀ་དབེན་པ་ཕུན་སུམ་ཚོགས་པ་སྟེ། ལུས་དབེན་པ་ནི་ཁྱིམ་ན་གནས་པ་དང་རབ་ཏུ་བྱུང་བ་རྣམས་དང་ལྷན་ཅིག་ན་མི་གནས་པ་གང་ཡིན་པའོ། །སེམས་དབེན་པ་ནི། ཉོན་མོངས་པ་ཅན་དང་ལུང་དུ་མ་བསྟན་པའི་ཡིད་ལ་བྱེད་པ་སྤངས་ཏེ། མཉམ་པར་བཞག་པའི་ས་པ་འམ། ཏིང་ངེ་འཛིན་གྱི་ཚོགས་ཀྱི་སྦྱོར་བ་ལས་བྱུང་བའི་ཡིད་ལ་བྱེད་པ་དགའ་བའི་དོན་དང་ལྡན་པ་སྒོམ་པར་བྱེད་པའོ། །ཞེས་གསུངས་པའི་ཕྱིར་རོ།།

༢༥༩༽ དྲི་བ། གཞུང་འདིར་ཏིང་ངེ་འཛིན་གྱི་ངོ་བོ་དེ་ལ་ཁྱད་ཆོས་ལྔ་ཡོད་པ་གང་དང་གང་གསུངས་ཡོད་དམ།

དྲིས་ལན། ཁྱད་ཆོས་ལྔ་ནི། ༡༽ ཡང་དང་ཡང་དུ་རྗེས་སུ་དྲན་པ། ༢༽ ཆ་མཐུན་པ་ལ་དམིགས་པ། ༣༽ རྒྱུན་ཆགས་པ། ༤༽ ཁ་ན་མ་ཐོ་བ་མེད་པ། ༥༽ དགའ་བ་དང་ལྡན་པའི་སེམས་ཀྱི་རྒྱུན་ཡིན་པར་གསུངས་ཏེ། གཞུང་ལས། ཏིང་ངེ་འཛིན་གང་ལ་ཟེར་ན། ཡང་དང་ཡང་དུ་རྗེས་སུ་དྲན་པ་དང་། ཆ་མཐུན་པ་ལ་དམིགས་པ་དང་། རྒྱུན་དང་། ཁ་ན་མ་ཐོ་བ་མེད་པ་དང་། དགའ་བ་དང་ལྡན་པའི་སེམས་ཀྱི་རྒྱུན་གང་ཡིན་པ་སྟེ། དེ་ནི་ཏིང་ངེ་འཛིན་ཅེས་བྱའོ། །ཞེས་གསུངས་པའི་ཕྱིར་རོ།།

༢༦༠༽ དྲི་བ། ཏིང་ངེ་འཛིན་གྱི་ཁྱད་ཆོས་ཡང་དང་ཡང་དུ་རྗེས་སུ་དྲན་པ་ཞེས་པ་དང་། ཆ་དང་མཐུན་པ་ལ་དམིགས་པ་ཞེས་པ་གཉིས་ཀྱི་དོན་གང་ཡིན་ནམ།

དྲིས་ལན། ཡང་དང་ཡང་དུ་རྗེས་སུ་དྲན་པ་ནི། བླ་མ་ལས་ཐོས་པའི་གདམས་ངག་གི་དམིགས་རྟེན་ལ་རྒྱུན་དང་ལྡན་པའི་དྲན་པས་རྗེས་སུ་འཇུག་ཅིང་ཉེ་བར་གཏོད་པ་ལ་ཟེར། ཆ་དང་མཐུན་པ་ལ་དམིགས་པ་ནི། མཉམ་པར་བཞག་པའི་དམིགས་པ་རྣམས་ཤེས་བྱའི་དངོས་པོའི་གཟུགས་བརྙན་ཡིན་པས་དེ་ལྟར་བརྗོད་པ་ཡིན་ཏེ། གཞུང་ལས། ཡང་དང་ཡང་དུ་རྗེས་སུ་དྲན་པར་བྱེད་པ་ནི།...རྗེས་སུ་འཇུག་ཅིང་ཉེ་བར་གཏོད་པར་བྱེད་པའོ། །ཆ་དང་མཐུན་པ་ལ་དམིགས་པ་ནི།...དེའི་ཕྱིར་ཆ་དང་མཐུན་པ་ཞེས་བྱའོ། །ཞེས་གསུངས་པའི་ཕྱིར་རོ།།

༢༦༡༽ དྲི་བ། ཏིང་ངེ་འཛིན་ལ་རྒྱུན་གྱི་ཁྱད་ཆོས་ཇི་ལྟར་ཚང་དགོས་སམ།

དྲིས་ལན། དམིགས་པ་དེ་ལ་དྲན་པ་རྣམ་པར་གཡེང་བ་མེད་པར་བར་དུ་ཆད་པ་མེད་པའི་རྒྱུན་ཆགས་སུ་རྟག་ཏུ་གུས་པས་འཇུག་དགོས་ཏེ། གཞུང་ལས། རྒྱུན་གང་ཞེ་ན། དམིགས་པ་དེས་དྲན་པ་རྣམ་པར་གཡེང་བ་མེད་པའི་རྣམ་པ་དང་བར་དུ་ཆད་པ་མེད་པ་དང་། རྒྱུན་ཆགས་པ་དང་། རྟག་ཏུ་གུས་པར་འཇུག་པའོ། །ཞེས་གསུངས་པའི་ཕྱིར་རོ།།

༢༦༢༽ དྲི་བ། ཞི་གནས་ཀྱི་སེམས་གནས་པ་རྣམ་པ་དགུ་པོ་དེ་དག་གང་དང་གང་ཡིན་ནམ།

དྲིས་ལན། སེམས་གནས་པ་དགུ་ནི། ༡) འཇོག་པ། ༢) ཡང་དག་པར་འཇོག་པ། ༣) བསྡུས་ཏེ་འཇོག་པ། ༤) ཉེ་བར་འཇོག་པ། ༥) དུལ་བར་བྱེད་པ། ༦) ཞི་བར་བྱེད་པ། ༧) ཉེ་བར་ཞི་བར་བྱེད་པ། ༨) རྒྱུད་གཅིག་ཏུ་བྱེད་པ། ༩) ཏིང་ངེ་འཛིན་དུ་བྱེད་པ་བཅས་ཡིན་ཏེ། གཞུང་ལས། དེ་ལ་སེམས་གནས་པ་རྣམ་པ་དགུ་གང་ཞེ་ན། འདི་ལ་དགེ་སློང་སེམས་ནང་ཁོ་ནར་འཇོག་པ་དང་། ཡང་དག་པར་འཇོག་པར་བྱེད་པ་དང་། བསྡུས་ཏེ་འཇོག་པར་བྱེད་པ་དང་། ཉེ་བར་འཇོག་པར་བྱེད་པ་དང་། དུལ་བར་བྱེད་པ་དང་། ཞི་བར་བྱེད་པ་དང་། ཉེ་བར་ཞི་བར་བྱེད་པ་དང་། རྒྱུད་གཅིག་ཏུ་བྱེད་པ་དང་། ཏིང་ངེ་འཛིན་དུ་བྱེད་པའོ། །ཞེས་གསུངས་པའི་ཕྱིར་རོ།།

༢༦༣༽ དྲི་བ། སེམས་གནས་པ་དགུ་པོ་དེ་དག་སྟོབས་དྲུག་གི་སྒོ་ནས་ཇི་ལྟར་འགྲུབ་པ་ཡིན་ནམ།

དྲིས་ལན། སྟོབས་དྲུག་གིས་འགྲུབ་ཚུལ་ནི། ཐོས་པ་དང་བསམ་པའི་སྟོབས་ཀྱིས་གནས་པ་དང་པོ་དང་གཉིས་པ་འགྲུབ། དྲན་པའི་སྟོབས་ཀྱིས་གནས་པ་གསུམ་པ་དང་བཞི་པ་འགྲུབ། ཤེས་བཞིན་གྱི་སྟོབས་ཀྱིས་གནས་པ་ལྔ་པ་དང་དྲུག་པ་འགྲུབ། བརྩོན་འགྲུས་ཀྱི་སྟོབས་ཀྱིས་གནས་པ་བདུན་པ་དང་བརྒྱད་པ་འགྲུབ། ཡོངས་སུ་འདྲིས་པའི་སྟོབས་ཀྱིས་གནས་པ་དགུ་པ་འགྲུབ་སྟེ། གཞུང་ལས། དེ་ལ་སྟོབས་རྣམ་པ་དྲུག་གིས་ནི་སེམས་གནས་པ་རྣམ་པ་དགུ་པོ་དག་འགྲུབ་སྟེ།...ཡོངས་སུ་འདྲིས་པའི་སྟོབས་ཀྱིས་ནི་ཏིང་ངེ་འཛིན་དུ་བྱེད་དོ། །ཞེས་གསུངས་པའི་ཕྱིར་རོ།།

༢༦༤༽ དྲི་བ། སེམས་གནས་པ་དགུ་པོ་དེ་དག་ལ་ཡིད་ལ་བྱེད་པ་བཞི་པོ་ཇི་ལྟར་སྦྱར་དགོས་སམ།

དྲིས་ལན། ཡིད་བྱེད་བཞི་སྦྱར་ཚུལ་ནི། གནས་པ་དང་པོ་དང་གཉིས་པ་ལ་སྒྲིམས་ཏེ་འཇུག་པའི་ཡིད་ལ་བྱེད་པ། གནས་པ་གསུམ་པ་ནས་བདུན་པའི་བར་ལ་བར་དུ་ཆད་ཅིང་འཇུག་པའི་ཡིད་ལ་བྱེད་པ། གནས་པ་བརྒྱད་པ་ལ་བར་དུ་ཆད་པ་མེད་པར་འཇུག་པའི་ཡིད་ལ་བྱེད་པ། གནས་པ་དགུ་པ་ལ་ལྷུན་གྱིས་གྲུབ་པར་འཇུག་པའི་ཡིད་ལ་བྱེད་པ་བཅས་ཡིན་ཏེ། གཞུང་ལས། དེ་ལ་འཇོག་པར་བྱེད་པ་དང་ཡང་དག་པར་འཇོག་པར་བྱེད་པ་ལ་ནི་སྒྲིམས་ཏེ་འཇུག་པའི་ཡིད་ལ་བྱེད་པ་ཡོད་ལ། བསྡུས་ཏེ་འཇོག་པ། ཉེར་འཇོག །འདུལ་བྱེད། ཞི་བྱེད། ཉེ་བར་ཞི་བྱེད་ལ་བར་དུ་ཆད་ཅིང་འཇུག་པའི་ཡིད་ལ་བྱེད་པ་ཡོད། རྒྱུད་གཅིག་ཏུ་བྱེད་པ་ལ་ནི། བར་དུ་ཆད་པ་མེད་པར་འཇུག་པའི་ཡིད་ལ་བྱེད་པ་ཡོད། ཏིང་ངེ་འཛིན་དུ་བྱེད་པ་ལ་ནི། ལྷུན་གྱིས་གྲུབ་པར་འཇུག་པའི་ཡིད་ལ་བྱེད་པ་ཡོད་དེ། དེ་ལྟར་ཡིད་ལ་བྱེད་པ་བཞི་དང་ལྡན་ནོ། །ཞེས་གསུངས་པའི་ཕྱིར་རོ།།

༢༦༥༽ དྲི་བ། ལྷག་མཐོང་གི་སྐབས་སུ་ཞི་གནས་ལ་བརྟེན་ནས་ཆོས་ལ་དཔྱོད་པའི་ཚུལ་ལ་བྱ་བ་རྣམ་པ་བཞི་གང་དག་ཡོད་དམ།

དྲིས་ལན། བྱ་བ་རྣམ་པ་བཞི་ནི། ཆོས་རྣམས་རྣམ་པར་འབྱེད་པར་བྱེད་པ་དང་། རབ་ཏུ་རྣམ་པར་འབྱེད་པ། ཡོངས་སུ་རྟོག་པར་བྱེད་པ། ཡོངས་སུ་དཔྱོད་པར་བྱེད་པ་བཅས་ཡིན་ཏེ། གཞུང་ལས། དགེ་སློང་ནང་གི་སེམས་ཀྱི་ཞི་གནས་ལ་བརྟེན་ནས་ཆོས་རྣམས་རྣམ་པར་འབྱེད་པར་བྱེད་པ་དང་། རབ་ཏུ་རྣམ་པར་འབྱེད་པ་དང་། ཡོངས་སུ་རྟོག་པར་བྱེད་པ་དང་། ཡོངས་སུ་དཔྱོད་པར་བྱེད་པའོ། །ཞེས་གསུངས་པའི་ཕྱིར་རོ།།

༢༦༦༽ དྲི་བ། ལྷག་མཐོང་ལ་སྒོ་གསུམ་གྱི་སྒོ་ནས་དབྱེ་བ་དེ་དག་གང་དང་གང་ཡིན་ནམ།

དྲིས་ལན། སྒོ་གསུམ་གྱི་དབྱེ་བ་ནི། ༡༽ མཚན་མ་ཙམ་གྱིས་རྗེས་སུ་ཞུགས་པའི་ལྷག་མཐོང་། ༢༽ ཡོངས་སུ་འཚོལ་བའི་རྗེས་སུ་ཞུགས་པའི་ལྷག་མཐོང་། ༣༽ ཡོངས་སུ་འཚོལ་བ་ལ་སོ་སོར་རྟོག་པའི་རྗེས་སུ་ཞུགས་པའི་ལྷག་མཐོང་བཅས་ཡིན་ཏེ། གཞུང་ལས། སྒོ་གསུམ་གང་ཞེ་ན། མཚན་མ་ཙམ་གྱིས་རྗེས་སུ་ཞུགས་པའི་ལྷག་མཐོང་དང་། ཡོངས་སུ་འཚོལ་བའི་རྗེས་སུ་ཞུགས་པ་དང་། ཡོངས་སུ་འཚོལ་བ་ལ་སོ་སོར་རྟོག་པའི་རྗེས་སུ་ཞུགས་པའོ། །ཞེས་གསུངས་པའི་ཕྱིར་རོ།།

༢༦༧༽ དྲི་བ། ལྷག་མཐོང་གི་སྒོ་གསུམ་པོ་དེ་དག་སོ་སོའི་དོན་གང་ཡིན་ནམ།

དྲིས་ལན། མཚན་མ་ཙམ་གྱིས་རྗེས་སུ་ཞུགས་པ་ནི། ཐོས་པའི་ཆོས་སམ་གདམས་ངག་དེ་ཉིད་མཉམ་གཞག་གི་ངང་ནས་ཡིད་ལ་བྱེད་པ་ཙམ་ལས། སེམས་པ་དང་རྟོག་པ་སོགས་ཀྱི་དཔྱད་པ་མི་བྱེད་པའོ། །ཡོངས་སུ་འཚོལ་བའི་རྗེས་སུ་ཞུགས་པ་ནི། དམིགས་པའི་དོན་དེ་ལ་སེམས་པ་དང་། རྟོག་པ། འཇལ་བ། ཉེ་བར་རྟོག་པ་བཅས་ཀྱིས་དཔྱད་པ་བྱེད་པའོ། །སོ་སོར་རྟོག་པའི་རྗེས་སུ་ཞུགས་པ་ནི། བསམས་ཤིང་བརྟགས་ནས་མཉམ་གཞག་གི་ངང་དུ་ཇི་ལྟ་བ་བཞིན་དུ་སོ་སོར་རྟོག་པར་བྱེད་པའོ། །གཞུང་ལས། དང་པོ་གང་གིས་ཐོས་པ་གཟུང་བའི་ཆོས་སམ་གདམས་ངག་ལ་མཉམ་པར་གཞག་པའི་ས་པའི་ཡིད་ལ་བྱེད་པས་ཡིད་ལ་བྱེད་ཅིང་སེམས་པར་མི་བྱེད། ཉེ་བར་རྟོག་པར་མི་བྱེད་པའོ། །གཉིས་པ། གང་གི་ཚེ་སེམས་པར་བྱེད། རྟོག་པར་བྱེད། འཇལ་བར་བྱེད། ཉེ་བར་རྟོག་པར་བྱེད་པའོ། །གསུམ་པ། གང་གི་ཚེ་བསམས་ཤིང་བརྟགས་ལ་གཞལ་ཞིང་ཉེ་བར་བརྟགས་ནས་ཇི་ཙམ་མཉམ་པར་གཞག་པ་དེ་བཞིན་དུ་སོ་སོར་རྟོག་པར་བྱེད་པའོ། །ཞེས་གསུངས་པའི་ཕྱིར་རོ།།

༢༦༨༽ དྲི་བ། ལྷག་མཐོང་གི་དམིགས་པའི་གཞི་རྣམ་པ་དྲུག་པོ་དེ་དག་གང་དང་གང་ཡིན་ནམ།

དྲིས་ལན། དམིགས་པའི་གཞི་རྣམ་པ་དྲུག་ནི། དོན་དང་། དངོས་པོ། མཚན་ཉིད། ཕྱོགས། དུས། རིགས་པ་བཅས་ཡིན་ཏེ། གཞུང་ལས། གཞི་རྣམ་པ་དྲུག་ལ་དམིགས་པ་གང་ཞེ་ན། དོན་དང་། དངོས་པོ་དང་། མཚན་ཉིད་དང་། ཕྱོགས་དང་། དུས་དང་། རིགས་པ་ཡོངས་སུ་ཚོལ་བར་བྱེད་ཅིང་ཡོངས་སུ་བཙལ་ནས་ཀྱང་དེ་དག་ལ་སོ་སོར་རྟོག་པར་བྱེད་དོ། །ཞེས་གསུངས་པའི་ཕྱིར་རོ།།

༢༦༩༽ དྲི་བ། གཞི་རྣམ་པ་དྲུག་པོ་སོ་སོའི་དོན་ལ་ངོས་འཛིན་ཇི་ལྟར་བྱ་དགོས་སམ།

དྲིས་ལན། དོན་ནི། དཔྱད་བྱའི་དོན་གྱི་ངོ་བོ། དངོས་པོ་ནི། ནང་དང་ཕྱི་རོལ་གྱི་དངོས་པོ། མཚན་ཉིད་ནི། རང་གི་མཚན་ཉིད་དང་སྤྱིའི་མཚན་ཉིད། ཕྱོགས་ནི། སྐྱོན་གྱི་ཆ་ནག་པོའི་ཕྱོགས་དང་ཡོན་ཏན་གྱི་ཆ་དཀར་པོའི་ཕྱོགས། དུས་ནི། འདས་པ་དང་མ་འོངས་པ་དང་ད་ལྟར་བྱུང་བའི་དུས་གསུམ། རིགས་པ་ནི། སྔར་བཤད་པའི་རིགས་པ་བཞི་པོ་དག་ཡིན་ཏེ། གཞུང་ལས། དང་པོ་འདིའི་དོན་ནི་འདི་ཡིན་ནོ་ཞེས་པ། གཉིས་པ་དངོས་པོ་རྣམ་པ་གཉིས་ཏེ་ནང་གི་དང་ཕྱི་རོལ་གྱིའོ། །གསུམ་པ་རང་གི་མཚན་ཉིད་དང་། སྤྱིའི་མཚན་ཉིད་དོ། །བཞི་པ། ནག་པོའི་ཕྱོགས་དང་དཀར་པོའི་ཕྱོགས་སོ། །... ལྔ་པ་དུས་རྣམ་པ་གསུམ་པོ་འདས་པ་དང་། མ་འོངས་པ་དང་། ད་ལྟར་བྱུང་བའི་དུས་ཏེ། ... དྲུག་པ་སྔར་བཤད་པའི་རིགས་པ་བཞི་པོ་དག་གོ། །ཞེས་གསུངས་པའི་ཕྱིར་རོ།།

༢༧༠༽ དྲི་བ། ལྷག་མཐོང་གི་གཞི་དེ་རྣམ་པ་དྲུག་ཏུ་བཞག་པའི་དགོས་པ་རྒྱུ་མཚན་གང་ཡིན་ནམ།

དྲིས་ལན། དགོས་པ་རྒྱུ་མཚན་ནི། རྟོགས་པ་རྣམ་པ་གསུམ་སྟེ་དོན་རྟོགས་པ་དང་། དངོས་པོའི་མཐའ་རྟོགས་པ། ཡང་དག་པ་ཇི་ལྟ་བ་བཞིན་དུ་རྟོགས་པ་བཅས་ཀྱི་དབང་དུ་བྱས་པའི་ཕྱིར་རོ། །གཞུང་ལས། ཅིའི་ཕྱིར་གཞི་རྣམ་པ་དྲུག་ཏུ་གཞག་ཅེ་ན། རྟོགས་པ་རྣམ་པ་གསུམ་གྱི་དབང་དུ་བྱས་པའི་ཕྱིར་ཏེ། རྟོགས་པ་རྣམ་པ་གསུམ་ནི། དོན་རྟོགས་པ་དང་། དངོས་པོའི་མཐའ་རྟོགས་པ་དང་། ཡང་དག་པ་ཇི་ལྟ་བ་བཞིན་དུ་རྟོགས་པའོ། །ཞེས་གསུངས་པའི་ཕྱིར་རོ།།

༢༧༡༽ དྲི་བ། རྟོགས་པ་རྣམ་པ་གསུམ་པོ་དེ་དག་གཞི་རྣམ་པ་དྲུག་གི་སྒོ་ནས་ཇི་ལྟར་འཐོབ་པ་ཡིན་ནམ།

དྲིས་ལན།  གཞི་དང་པོ་དོན་ཡོངས་སུ་ཚོལ་བས་ནི་དོན་རྟོགས་པ་འཐོབ། གཞི་གཉིས་པ་དངོས་པོ་དང་། གཞི་གསུམ་པ་རང་གི་མཚན་ཉིད་ཡོངས་སུ་ཚོལ་བས་ནི་དངོས་པོའི་མཐའ་རྟོགས་པ་འཐོབ། སྤྱིའི་མཚན་ཉིད་དང་། ཕྱོགས། དུས། རིགས་པ་བཅས་ཡོངས་སུ་ཚོལ་བས་ནི་ཡང་དག་པ་ཇི་ལྟ་བ་བཞིན་དུ་རྟོགས་པ་འཐོབ་པ་ཡིན་ཏེ། གཞུང་ལས། དེ་ལ་དོན་ཡོངས་སུ་རྟོགས་པ་ནི། སྨྲས་པའི་དོན་རྟོགས་པ་ཡིན་ནོ། །དངོས་པོ་དང་རང་གི་མཚན་ཉིད་འཚོལ་བས་ནི་དངོས་པོའི་མཐའ་རྟོགས་པ་ཡིན་ནོ། །སྤྱིའི་མཚན་ཉིད་དང་ཕྱོགས་དུས་རིགས་པ་ཡོངས་སུ་ཚོལ་བ་ནི་ཡང་དག་པ་ཇི་ལྟ་བ་བཞིན་དུ་རྟོགས་པ་ཡིན་ནོ། །ཞེས་གསུངས་པའི་ཕྱིར་རོ།།

༢༧༢༽ དྲི་བ། ཞི་གནས་དང་ལྷག་མཐོང་གཉིས་ཟུང་དུ་འབྲེལ་ནས་སྒོམ་དགོས་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། ཞི་གནས་མེད་ན་ལྷག་མཐོང་མི་སྐྱེ་བ་དང་། ལྷག་མཐོང་མེད་ན་ཉོན་མོངས་སྤོང་མི་ནུས་པས་ན། ཐོག་མར་ཞི་གནས་བསྒྲུབས་ནས་དེ་ལ་བརྟེན་ནས་ལྷག་མཐོང་བསྐྱེད་དེ་བདེན་པ་མངོན་པར་རྟོགས་པའི་ཕྱིར་རོ། །གཞུང་ལས། ཞི་མ་གནས་ན་ལྷག་མི་མཐོང་། ལྷག་མ་མཐོང་ན་ཉོན་མོངས་སྤངས་པར་མི་ནུས་པས་ཞི་གནས་སྐྱེས་ནས་ལྷག་མཐོང་ལ་འཇུག་ཅིང་ལྷག་མཐོང་ཤར་ནས་བདེན་པ་རྣམས་མངོན་པར་རྟོགས་པར་བྱ་བའི་ཕྱིར་ཆ་མཐུན་པ་འམ་རྗེས་སུ་མཐུན་པའི་དམིགས་པ་ལ་སེམས་ཉེ་བར་གཏོད་པར་བྱེད་དོ། །ཞེས་གསུངས་པའི་ཕྱིར་རོ།།

༢༧༣༽ དྲི་བ། རང་རྒྱུད་ཀྱི་ཉོན་མོངས་གཙོ་བོ་འདོད་ཆགས་དང་། ཞེ་སྡང་། གཏི་མུག ང་རྒྱལ་བཅས་ལ་གཉེན་པོའི་དམིགས་པ་གང་དག་ལ་སེམས་གཏད་དགོས་སམ།

དྲིས་ལན། འདོད་ཆགས་སྤྱད་པ་ལ་མི་སྡུག་པ་བསྒོམ། ཞེ་སྡང་སྤྱད་པ་ལ་བྱམས་པ་བསྒོམ། གཏི་མུག་སྤྱད་པ་ལ་རྟེན་ཅིང་འབྲེལ་བར་འབྱུང་བ་བསྒོམ། ང་རྒྱལ་སྤྱད་པ་ལ་ཁམས་རབ་ཏུ་དབྱེ་བ་བསྒོམ་དགོས་ཏེ། གཞུང་ལས། དགེ་སློང་རྣལ་འབྱོར་པ་རྣལ་འབྱོར་སྤྱོད་པ་དེ་འདོད་ཆགས་སྤྱད་པ་ཁོ་ན་ཞིག་ཡིན་ན་ནི་མི་སྡུག་པ་ལ་སེམས་ཉེ་བར་གཏོད་པར་བྱེད་དོ། །ཞེ་སྡང་སྤྱད་པ་ཞིག་ཡིན་ན་ནི་བྱམས་པ་ལའོ། །གཏི་མུག་སྤྱད་པ་ཞིག་ཡིན་ན་ནི་རྐྱེན་འདི་པ་ཉིད་ཀྱི་རྟེན་ཅིང་འབྲེལ་བར་འབྱུང་བ་ལའོ། །ང་རྒྱལ་སྤྱད་པ་ཞིག་ཡིན་ན་ནི་ཁམས་རབ་ཏུ་དབྱེ་བ་ལ་སེམས་གཏོད་པར་བྱེད་དོ་ཞེས་དང་། ཞེས་གསུངས་པའི་ཕྱིར་རོ།།

༢༧༤༽ དྲི་བ། རྣམ་པར་རྟོག་པ་མང་བ་དང་། ཕུང་པོ། རྒྱུ། རྐྱེན་བཅས་ལ་རྨོངས་པའི་གང་ཟག་རྣམས་ཀྱིས་གཉེན་པོ་གང་ལ་བསྟེན་དགོས་སམ།

དྲིས་ལན། རྣམ་པར་རྟོག་པ་སྤྱད་པ་ཡིན་ན་དབུགས་འབྱུང་རྔུབ་དྲན་པ་ལ་སེམས་གཏད། ཕུང་པོ་དང་བདག་སོགས་ལ་རྨོངས་ན་ཕུང་པོ་ལ་མཁས་པ་ལ་སེམས་གཏད། རྒྱུ་ལ་རྨོངས་ན་ཁམས་ལ་མཁས་པ་ལ་སེམས་གཏད། རྐྱེན་ལ་རྨོངས་ན་སྐྱེ་མཆེད་ལ་མཁས་པ་ལ་སེམས་གཏད་དགོས་ཏེ། གཞུང་ལས། རྣམ་པར་རྟོག་པ་སྤྱད་པ་ཁོ་ན་ཞིག་ཡིན་ན་ནི་དབུགས་བརྔུབ་པ་དང་དབུགས་དབྱུང་བ་དྲན་པ་ལ་སེམས་ཉེ་བར་གཏོད་པ་དང་།...གང་ཟག་གི་དངོས་པོ་ལ་ཀུན་དུ་རྨོངས་པ་ཞིག་ཡིན་ན་ནི་ཕུང་པོ་ལ་མཁས་པ་ལ་སེམས་ཉེ་བར་གཏོད་པར་བྱེད་དོ། །རྒྱུ་ལ་ཀུན་དུ་རྨོངས་པ་ཞིག་ཡིན་ན་ནི་ཁམས་ལ་མཁས་པ་ལའོ། །རྐྱེན་ལ་ཀུན་དུ་རྨོངས་པ་ཞིག་ཡིན་ན་ནི་སྐྱེ་མཆེད་ལ་མཁས་པ་ལའོ། །ཞེས་གསུངས་པའི་ཕྱིར་རོ།།

༢༧༥༽ དྲི་བ། འདོད་ཁམས་དང་གཟུགས་ཁམས་ཀྱི་འདོད་ཆགས་དང་བྲལ་བར་འདོད་པའི་གང་ཟག་གིས་དམིགས་པ་གང་ལ་སེམས་གཏད་དགོས་སམ།

དྲིས་ལན། འདོད་ཁམས་ཀྱི་འདོད་ཆགས་དང་བྲལ་བར་འདོད་ན་འདོད་པའི་ཁམས་ཀྱི་རགས་པ་དང་གཟུགས་ཁམས་ཀྱི་ཞི་བ་ལ་སེམས་གཏད། གཟུགས་ཁམས་ཀྱི་འདོད་ཆགས་དང་བྲལ་བར་འདོད་ན་གཟུགས་ཁམས་ཀྱི་རགས་པ་དང་གཟུགས་མེད་ཁམས་ཀྱི་ཞི་བ་ལ་སེམས་གཏད་དགོས་ཏེ། གཞུང་ལས། འདོད་པའི་ཁམས་ཀྱི་འདོད་ཆགས་དང་བྲལ་བར་འདོད་པ་ཞིག་ཡིན་ན་ནི་འདོད་པ་རྣམས་ཀྱི་རགས་པ་ཉིད་དང་། གཟུགས་རྣམས་ཀྱི་ཞི་བ་ཉིད་ལའོ། །གཟུགས་རྣམས་ལས་འདོད་ཆགས་དང་བྲལ་བར་འདོད་པ་ཞིག་ཡིན་ན་ནི། གཟུགས་རྣམས་ཀྱི་རགས་པ་ཉིད་དང་། གཟུགས་མེད་པ་རྣམས་ཀྱི་ཞི་བ་ཉིད་ལ་སེམས་གཏོད་པར་བྱེད་དོ། །ཞེས་གསུངས་པའི་ཕྱིར་རོ།།

༢༧༦༽ དྲི་བ། འཇིག་ཚོགས་ལས་རྣམ་པར་གྲོལ་བར་འདོད་པའི་གང་ཟག་གིས་དམིགས་པ་གང་ལ་སེམས་གཏད་དགོས་སམ།

དྲིས་ལན། གང་ཟག་དེས་བདེན་པ་བཞི་སྟེ་སྡུག་བསྔལ་གྱི་བདེན་པ་དང་། ཀུན་འབྱུང་གི་བདེན་པ། འགོག་པའི་བདེན་པ། ལམ་གྱི་བདེན་པ་བཅས་ལ་སེམས་ཉེ་བར་གཏད་དགོས་ཏེ། གཞུང་ལས། འཇིག་ཚོགས་ཐམས་ཅད་ལས་སྐྱོབ་པར་འདོད་ཅིང་རྣམ་པར་གྲོལ་བར་འདོད་པ་ཞིག་ཡིན་ན་ནི་བདེན་པ་སྡུག་བསྔལ་དང་། བདེན་པ་ཀུན་འབྱུང་བ་དང་། བདེན་པ་འགོག་པ་དང་། བདེན་པ་ལམ་ལ་སེམས་ཉེ་བར་གཏོད་པར་བྱེད་དོ། །ཞེས་གསུངས་པའི་ཕྱིར་རོ།།

༢༧༧༽ དྲི་བ། མི་སྡུག་པ་ལ་དབྱེ་ན་རྣམ་པ་དྲུག་ཡོད་པ་དེ་དག་གང་དང་གང་ཡིན་ནམ།

དྲིས་ལན། མི་སྡུག་པའི་དབྱེ་བ་དྲུག་ནི། ༡༽ མི་གཙང་བའི་མི་སྡུག་པ། ༢༽ སྡུག་བསྔལ་གྱི་མི་སྡུག་པ། ༣༽ ངན་པའི་མི་སྡུག་པ། ༤༽ ལྟོས་པའི་མི་སྡུག་པ། ༥༽ ཉོན་མོངས་པའི་མི་སྡུག་པ། ༦༽ རབ་ཏུ་འཇིག་པའི་མི་སྡུག་པ་བཅས་ཡིན་ཏེ། གཞུང་ལས། དེ་ལས་མི་སྡུག་པ་ནི་རྣམ་པ་དྲུག་སྟེ། མི་གཙང་བའི་མི་སྡུག་པ་དང་། སྡུག་བསྔལ་གྱི། ངན་པའི། ལྟོས་པའི། ཉོན་མོངས་པའི། རབ་ཏུ་འཇིག་པའི་མི་སྡུག་པའོ། །ཞེས་གསུངས་པའི་ཕྱིར་རོ།།

༢༧༨༽ དྲི་བ། མི་གཙང་བའི་མི་སྡུག་པ་ལ་ནང་ལ་བརྟེན་པ་དང་ཕྱི་རོལ་ལ་བརྟེན་པ་གཉིས་སུ་དབྱེ་ཡོད་པ་དེ་དག་གི་དོན་གང་ཡིན་ནམ།

དྲིས་ལན། ནང་ལ་བརྟེན་པ་ནི། རང་གི་ལུས་འདི་སྐྲ་ལ་སོགས་པ་མི་གཙང་བའི་རྫས་སོ་དྲུག་གི་རང་བཞིན་དུ་ཤེས་པ་ལ་ཟེར། ཕྱི་རོལ་ལ་བརྟེན་པ་ནི། གཞན་གྱི་རོ་རྣམ་པར་བསྔོས་པ་སོགས་འདུ་ཤེས་དགུའམ་ཀེང་རུས་སུ་ལྟ་བ་ལ་ཟེར་ཏེ། གཞུང་ལས། དང་པོ་ནང་ལ་བརྟེན་པ་དང་ཕྱི་རོལ་ལ་བརྟེན་པ་གཉིས་ཀྱི་ནང་ལ་བརྟེན་པ་ནི། ལུས་འདི་སྐྲ་ལ་སོགས་པ་མི་གཙང་བའི་རྫས་སོ་དྲུག་ཏུ་ཤེས་པར་བྱ་བ་ཡིན་ལ། ཕྱི་མ་ནི་རྣམ་པར་བསྔོས་པ་སོགས་འདུ་ཤེས་དགུ་འམ་ཀེང་རུས་སུ་ལྟ་བ་གང་ཡིན་པའོ། །ཞེས་གསུངས་པའི་ཕྱིར་རོ།།

༢༧༩༽ དྲི་བ། གཞུང་འདིར་འདོད་ཆགས་ལ་རྣམ་པ་ལྔ་ཡོད་པ་གང་དང་གང་ཡིན་ནམ།

དྲིས་ལན། འདོད་ཆགས་རྣམ་པ་ལྔ་ནི། ༡༽ འདོད་པའི་འདོད་ཆགས། (ནང་གི་འདོད་ཡོན་སྤྱི་ལ་འདུན་པ།) ༢༽ འཁྲིག་པའི་འདོད་ཆགས། (ཕྱི་རོལ་གྱི་འཁྲིག་པ་ལ་འདུན་པ།) ༣༽ ཡུལ་གྱི་འདོད་ཆགས། (ཡུལ་ལ་འདུན་པ།) ༤༽ གཟུགས་ཀྱི་འདོད་ཆགས། (གཟུགས་ལ་འདུན་པ།) ༥༽ འཇིག་ཚོགས་ཀྱི་འདོད་ཆགས། (རང་གི་ཕུང་པོ་ལ་འདུན་པ།) བཅས་ཡིན་ཏེ། གཞུང་ལས། འདོད་ཆགས་ནི་ལྔ་སྟེ། ནང་གི་འདོད་པ་རྣམས་ནི་འདོད་པ་ལ་འདུན་པའི་འདོད་ཆགས་དང་། ཕྱི་རོལ་གྱི་འདོད་པ་རྣམས་ཀྱིས་འཁྲིག་པ་ལ་འདུན་པ་ནི་འཁྲིག་པའི་འདོད་ཆགས་དང་། ཡུལ་ལ་འདུན་པ་ཡུལ་གྱི་འདོད་ཆགས་དང་། གཟུགས་ལ་འདུན་པ་གཟུགས་ཀྱི་འདོད་ཆགས་དང་། འཇིག་ཚོགས་ལ་འདུན་པ་འཇིག་ཚོགས་ཀྱི་འདོད་ཆགས་སོ། །ཞེས་གསུངས་པའི་ཕྱིར་རོ།།

༢༨༠༽ དྲི་བ། མི་སྡུག་པ་རྣམ་པ་དྲུག་ལ་དམིགས་པའི་དགོས་པ་གང་ཡིན་ནམ།

དྲིས་ལན། དགོས་པ་ནི་འདོད་ཆགས་རྣམ་པ་ལྔ་པོ་དེ་དག་སྤོང་བ་དང་། བསལ་བ། མ་འོངས་པར་མི་འབྱུང་བར་བྱ་བའི་ཕྱིར་ཡིན་ཏེ། གཞུང་ལས། འདོད་ཆགས་རྣམ་པ་ལྔ་པོ་དེ་དག་སྤང་བ་དང་བསལ་བ་དང་། ཀུན་མི་འབྱུང་བར་བྱ་བའི་ཕྱིར་མི་སྡུག་པ་རྣམ་པ་དྲུག་ལ་དམིགས་པ་ཡིན་ནོ། །ཞེས་གསུངས་པའི་ཕྱིར་རོ།།

༢༨༡༽ དྲི་བ། འཁྲིག་པ་དང་། ཡུལ། གཟུགས་བཅས་ལ་ཆགས་པའི་གཉེན་པོ་གཙོ་བོ་ནི་མི་སྡུག་པའི་སྒོམ་གང་དག་ཡིན་ནམ།

དྲིས་ལན། གཉེན་པོ་གཙོ་བོ་ནི་མི་གཙང་བའི་མི་སྡུག་པ་དང་། རབ་ཏུ་འཇིག་པའི་མི་སྡུག་པ་གཉིས་ཡིན་ཏེ། རྒྱུ་མཚན་ནི། ཆགས་ཡུལ་གྱི་ལུས་སོགས་ཀྱི་རང་བཞིན་མི་གཙང་བ་དང་མཐར་འཇིག་པའི་རང་བཞིན་ཅན་དུ་བསྒོམས་པས། ཡུལ་དེ་ལ་མཛེས་སྡུག་ཏུ་འཛིན་པའི་བློ་ལོག་ནས་ཆགས་པ་སྐྱེ་བའི་གཞི་མེད་པར་བཟོ་བའི་ཕྱིར་རོ། །གཞུང་ལས། འཁྲིག་པའི་འདོད་ཆགས་དང་། ཡུལ་གྱི་འདོད་ཆགས། གཟུགས་ཀྱི་འདོད་ཆགས་བཅས་འདོད་ཆགས་འདི་གསུམ་ནི་གཙོ་བོ་ཕྱི་རོལ་གྱི་ཡུལ་མཛེས་ཤིང་ཡིད་དུ་འོང་བ་ལ་བརྟེན་ནས་སྐྱེ་བ་ཡིན་པས། དེ་དག་གི་གཉེན་པོ་དངོས་སུ་འགྲོ་བ་ནི། མི་གཙང་བའི་མི་སྡུག་པ།...རབ་ཏུ་འཇིག་པའི་མི་སྡུག་པ། འགྲོ་ཚུལ། ཆགས་ཡུལ་དུ་གྱུར་པའི་གཟུགས་སོགས་དེ་དག་ནི་སྐད་ཅིག་ཀྱང་མི་སྡོད་པར་རྟག་ཏུ་འགྱུར་ཞིང་མཐར་ངེས་པར་དུ་འཇིག་པའི་རང་བཞིན་ཅན་དུ་བསྒོམས་པས། དེ་ལ་བརྟན་ཅིང་རྟག་པར་བཟུང་ནས་ཆགས་པ་སྐྱེ་བའི་བློ་དེ་ལྡོག་པར་བྱེད། ཅེས་གསུངས་པའི་ཕྱིར་རོ།།

༢༨༢༽ དྲི་བ། འདོད་ཡོན་སྤྱི་ལ་ཆགས་པའི་གཉེན་པོ་ནུས་ལྡན་གང་དག་ཡིན་ནམ།

དྲིས་ལན། གཉེན་པོ་ནི་སྡུག་བསྔལ་གྱི་མི་སྡུག་པ་དང་། ལྟོས་པའི་མི་སྡུག་པ་གཉིས་ཡིན་ཏེ། རྒྱུ་མཚན་ནི་འདོད་ཡོན་རྣམས་སྡུག་བསྔལ་གྱི་རྒྱུ་ཁོ་ན་ཡིན་པ་དང་རྒྱུ་རྐྱེན་ལ་ལྟོས་པས་རང་དབང་མེད་པར་བསྒོམས་པས། དེ་དག་ལ་བདེ་བར་འཛིན་པའི་བློ་ལོག་ནས་ཞེན་པ་ཆུང་དུ་འགྲོ་བའི་ཕྱིར་རོ། །གཞུང་ལས། སྡུག་བསྔལ་གྱི་མི་སྡུག་པ། འགྲོ་ཚུལ། འདོད་ཡོན་རྣམས་ནི་གནས་སྐབས་བདེ་བ་ལྟར་སྣང་ཡང་། དེ་དག་འཚོལ་བ་དང་། བསྲུང་བ། འབྲལ་བའི་ཚེ་སྡུག་བསྔལ་གྱི་རྒྱུ་ཁོ་ན་ཡིན་པར་བསྒོམས་པས། བདེ་བར་འཛིན་པའི་བློ་ལོག་དེ་ལྡོག་ནས་དེ་ལ་ཞེན་པ་ཆུང་དུ་འགྲོ་བ་ཡིན། ལྟོས་པའི་མི་སྡུག་པ། འགྲོ་ཚུལ། འདོད་ཡོན་གྱི་བདེ་བ་རྣམས་ནི་རང་དབང་ཅན་ཞིག་མ་ཡིན་པར། རྒྱུ་རྐྱེན་མང་པོ་ལ་ལྟོས་ནས་བྱུང་བ་དང་། དེ་དག་ནི་རྟག་ཏུ་རང་གི་དབང་དུ་མི་གནས་པར་བསྒོམས་པས། དེ་དག་ལ་བློ་གཏད་རུང་བར་འཛིན་པའི་ཆགས་པ་དེ་སྤོང་བར་བྱེད། ཅེས་གསུངས་པའི་ཕྱིར་རོ།།

༢༨༣༽ དྲི་བ། འཇིག་ཚོགས་སམ་རང་གི་ཕུང་པོ་ལ་ཆགས་པའི་གཉེན་པོ་གཙོ་བོ་གང་དག་ཡིན་ནམ།

དྲིས་ལན། གཉེན་པོ་གཙོ་བོ་ནི་ཉོན་མོངས་པའི་མི་སྡུག་པ་དང་། ངན་པའི་མི་སྡུག་པ་གཉིས་ཡིན་ཏེ། རྒྱུ་མཚན་ནི། ཕུང་པོ་འདི་ཉིད་ཉོན་མོངས་ཐམས་ཅད་སྐྱེ་བའི་གཞི་རྟེན་དང་། མི་དགེ་བའི་ལས་ངན་པ་གསོག་པའི་རྟེན་ཡིན་པར་བསྒོམས་པས། ཕུང་པོ་ལ་ཆགས་པའི་བློ་ལྡོག་པར་བྱེད་པའི་ཕྱིར་རོ། །གཞུང་ལས། འཇིག་ཚོགས་ཀྱི་འདོད་ཆགས་འདི་ནི་རང་གི་ཕུང་པོ་ལྔ་ལ་ཆགས་པ་ཡིན་པས་...དེའི་གཉེན་པོ་གཙོ་བོ་ནི། ཉོན་མོངས་པའི་མི་སྡུག་པ། འགྲོ་ཚུལ། ཟག་བཅས་ཀྱི་ཕུང་པོ་ལྔ་པོ་འདི་ཉིད་ནི་ཉོན་མོངས་པ་ཐམས་ཅད་སྐྱེ་བའི་གཞི་རྟེན་ཡིན་པ་དང་།...ངན་པའི་མི་སྡུག་པ། འགྲོ་ཚུལ། ཕུང་པོ་འདི་ལ་བརྟེན་ནས་སྲོག་གཅོད་དང་མ་བྱིན་ལེན་སོགས་མི་དགེ་བའི་ལས་ངན་པ་སྣ་ཚོགས་གསོག་པའི་རྟེན་བྱེད་པ་བསམས་པས།...དེ་ལ་ཆགས་པའི་བློ་ལྡོག་པར་བྱེད་དོ།། ཞེས་གསུངས་པའི་ཕྱིར་རོ།།

༢༨༤༽ དྲི་བ། གཞུང་འདིར་བྱམས་པ་ཞེས་པ་ལ་ངོས་འཛིན་ཇི་ལྟར་མཛད་ཡོད་དམ།

དྲིས་ལན། བྱམས་པ་ནི། མཛའ་བཤེས་དང་། དགྲ་བོ། བར་མ་གསུམ་ལ་དམིགས་ཏེ། མཉམ་པར་བཞག་པའི་སེམས་ཀྱིས་ཕན་པའི་བསམ་པ་དང་བཅས་པའི་སྒོ་ནས་དེ་དག་ལ་བདེ་བ་ཆེ་འབྲིང་ཆུང་གསུམ་འགྲུབ་པར་ཤོག་ཅེས་མོས་པ་བྱེད་པ་དེ་ཡིན་ཏེ། གཞུང་ལས། བྱམས་པ་ནི་མཛའ་བཤེས་ཀྱི་ཕྱོགས་དང་དགྲ་བོའི་ཕྱོགས་དང་ཐ་མལ་བའི་ཕྱོགས་ལ་མཉམ་པར་གཞག་པའི་ས་པའི་ཕན་པའི་བསམ་པ་ཉེ་བར་གཞག་སྟེ། བདེ་བ་ཆུང་ངུ་དང་འབྲིང་དང་ཆེན་པོ་ཉེ་བར་སྒྲུབ་པའི་ཕྱིར་མོས་པ་གང་ཡིན་པའོ། །...དེ་ལྟར་ན་དམིགས་པ་གང་ཡིན་པ་དང་དམིགས་པར་བྱེད་པ་གང་ཡིན་པ་དེ་དག་གཅིག་ཏུ་བསྡུས་པ་ནི་བྱམས་པ་ཞེས་བྱའོ། །ཞེས་གསུངས་པའི་ཕྱིར་རོ།།

༢༨༥༽ དྲི་བ། བྱམས་པའི་སེམས་དང་ལྡན་པའི་ཁྱད་ཆོས་རྣམས་གང་ཡིན་ནམ།

དྲིས་ལན། བྱམས་པ་དང་ལྡན་པའི་སེམས་ནི་འཁོན་སེམས་མེད་པ་དང་། འགྲན་ཟླ་མེད་པ། གནོད་སེམས་མེད་པ། ཡངས་ཤིང་རྒྱ་ཆེ་བ། ཚད་མེད་པའི་མོས་པས་ཁྱབ་པ་བཅས་ཀྱི་ཁྱད་ཆོས་དང་ལྡན་པ་ཡིན་ཏེ། གཞུང་ལས། དེ་བས་ན་བྱམས་པ་དང་ལྡན་པའི་སེམས་ནི་འཁོན་མེད་པ་འགྲན་ཟླ་མེད་པ། གནོད་པ་མེད་པ། ཡངས་པ་དང་རྒྱ་ཆེན་པོར་གྱུར་པ་ཚད་མེད་པར་མོས་ཏེ་ཁྱབ་པར་བྱས་ནས་བསྒྲུབས་ཏེ་གནས་སོ། །ཞེས་གསུངས་པའི་ཕྱིར་རོ།།

༢༨༦༽ དྲི་བ། གཞུང་འདིར་སྙིང་རྗེ་དང་དགའ་བ་གཉིས་ལ་ངོས་འཛིན་ཇི་ལྟར་བྱེད་དགོས་སམ།

དྲིས་ལན། སྙིང་རྗེ་ནི། མཛའ་བཤེས་སོགས་སེམས་ཅན་སྡུག་བསྔལ་བ་ལ་དམིགས་ཏེ། དེ་དག་སྡུག་བསྔལ་དང་བྲལ་བར་འདོད་པའི་སེམས་ཡིན། དགའ་བ་ནི། སེམས་ཅན་བདེ་བ་དང་ལྡན་པ་ལ་དམིགས་ཏེ། དེ་དག་བདེ་བ་དེ་དང་མི་འབྲལ་བར་འདོད་པའི་སེམས་ཡིན་ཏེ། གཞུང་ལས། མཛའ་བཤེས་ཀྱི་ཕྱོགས་དང་དགྲ་བོའི་ཕྱོགས་དང་ཐ་མལ་པའི་ཕྱོགས་གང་ཡིན་པ་དེ་དག་ལས་སྡུག་བསྔལ་བར་གྱུར་པ་དེ་ནི་སྙིང་རྗེའི་དམིགས་པ་དེ་དང་བྲལ་བར་འདོད་པ་ནི་དམིགས་པར་བྱེད་པ་ཡིན་ནོ། །བདེ་བར་གྱུར་པ་ཡིན་པ་དེ་ནི་དགའ་བའི་དམིགས་པ་དེ་དང་མི་འབྲལ་བར་འདོད་པ་ནི་དམིགས་པར་བྱེད་པའོ། །ཞེས་གསུངས་པའི་ཕྱིར་རོ།།

༢༨༧༽ དྲི་བ། བྱམས་པ་སོགས་བསྒོམས་པའི་དགོས་པ་གཙོ་བོ་གང་ཡིན་ནམ།

དྲིས་ལན། དགོས་པ་གཙོ་བོ་ནི། གནོད་སེམས་སྤྱོད་པའི་གང་ཟག་རྣམས་ཀྱིས་བྱམས་པ་སོགས་བསྒོམས་ན། རང་རྒྱུད་ཀྱི་གནོད་སེམས་དེ་སྲབ་མོར་བྱེད་ཅིང་། གནོད་སེམས་ཀྱི་སྤྱོད་པ་ལས་སེམས་རྣམ་པར་སྦྱོང་བར་བྱེད་པ་ཡིན་ཏེ། གཞུང་ལས། དེ་བས་གང་ཟག་གནོད་སེམས་སྤྱད་པ་སེམས་ཅན་རྣམས་ལ་བྱམས་སོགས་སྒོམ་པར་བྱེད་ན་གནོད་སེམས་གང་ཡིན་པ་དེ་སྲབ་མོར་བྱེད་ཅིང་གནོད་སེམས་སྤྱད་པ་ལས་སེམས་རྣམ་པར་སྦྱོང་བར་བྱེད་དོ། །ཞེས་གསུངས་པའི་ཕྱིར་རོ།།

༢༨༨༽ དྲི་བ། རྐྱེན་འདི་པ་ཉིད་ཀྱིས་རྟེན་ཅིང་འབྲེལ་བར་འབྱུང་བ་ཞེས་པའི་དམིགས་པ་དེའི་དོན་གང་ཡིན་ནམ།

དྲིས་ལན། དེའི་དོན་ནི། དུས་གསུམ་དུ་ཆོས་རྣམས་ནི་འདུ་བྱེད་ཙམ་དང་། རྒྱུ་ཙམ། འབྲས་བུ་ཙམ་སྟེ། ཆོས་རྣམས་ཀྱིས་ཆོས་རྣམས་འདྲེན་པར་བྱེད་པ་ཙམ་ལས་དེ་དག་ལས་གཞན་པའི་བྱེད་པ་པོ་དང་ཚོར་བ་པོ་མེད་པར་རྟོགས་པ་དེ་ཡིན་ཏེ། གཞུང་ལས། རྐྱེན་འདི་པ་ཉིད་ཀྱིས་རྟེན་ཅིང་འབྲེལ་བར་འབྱུང་བ་ནི། དུས་གསུམ་དུ་འདི་ལྟ་སྟེ་ལྟོས་པ་ལ་སོགས་པའི་རིགས་པ་དང་ལྡན་པའི་འདུ་བྱེད་ཙམ་དང་། ཆོས་ཙམ་དང་། དངོས་པོ་ཙམ་དང་། རྒྱུ་ཙམ་དང་། འབྲས་བུ་ཙམ་གང་ཡིན་པ་སྟེ། ཆོས་རྣམས་ཁོ་ནས་ཆོས་རྣམས་འདྲེན་པར་བྱེད་པ་ཉིད་དུ་ཟད་ཀྱི། བྱེད་པ་པོ་དང་ཚོར་བ་པོ་ཉིད་མེད་པ་དེ་ནི་རྐྱེན་འདི་པ་ཉིད་ཀྱི་རྟེན་ཅིང་འབྲེལ་བར་འབྱུང་བའི་དམིགས་པ་སྟེ། ཞེས་གསུངས་པའི་ཕྱིར་རོ།།

༢༨༩༽ དྲི་བ། རྟེན་ཅིང་འབྲེལ་བར་འབྱུང་བའི་དམིགས་པ་དེ་བསྒོམས་པའི་དགོས་པ་གང་ཡིན་ནམ།

དྲིས་ལན། དགོས་པ་ནི། གཏི་མུག་ཆེ་བའི་གང་ཟག་གིས་དམིགས་པ་དེ་ཡིད་ལ་བྱས་ན། རང་རྒྱུད་ཀྱི་གཏི་མུག་སྲབ་མོར་བྱེད་ཅིང་གཏི་མུག་གི་སྤྱོད་པ་ལས་སེམས་རྣམ་པར་སྦྱོང་བར་བྱེད་པ་ཡིན་ཏེ། གཞུང་ལས། གང་ཟག་གཏི་མུག་སྤྱད་ཅིང་གཏི་མུག་ཆེ་བ་དམིགས་པ་དེ་ཡིད་ལ་བྱེད་ན། གཏི་མུག་སྲབ་མོར་བྱེད་ཅིང་གཏི་མུག་སྤྱད་པ་ལས་སེམས་རྣམ་པར་སྦྱོང་བར་བྱེད་དོ། །ཞེས་གསུངས་པའི་ཕྱིར་རོ།།

༢༩༠༽ དྲི་བ། གཞུང་འདིར་བསྟན་པའི་ཁམས་དྲུག་པོ་དེ་དག་གང་དང་གང་ཡིན་ནམ།

དྲིས་ལན། ཁམས་དྲུག་པོ་ནི། སའི་ཁམས་དང་། ཆུའི་ཁམས། མེའི་ཁམས། རླུང་གི་ཁམས། ནམ་མཁའི་ཁམས། རྣམ་པར་ཤེས་པའི་ཁམས་བཅས་ཡིན་ཏེ། གཞུང་ལས། ཁམས་དྲུག་པོ་འདི་ལྟ་སྟེ། སའི་ཁམས་དང་། ཆུའི། མེའི། རླུང་གི། ནམ་མཁའི། རྣམ་པར་ཤེས་པའི་ཁམས་སོ། །ཞེས་གསུངས་པའི་ཕྱིར་རོ།།

༢༩༡༽ དྲི་བ། འབྱུང་བ་བཞི་སྟེ་ས་དང་། ཆུ། མེ། རླུང་བཅས་ཀྱི་ཁམས་རྣམས་ཀྱི་ངོ་བོ་གང་ཡིན་པ་དང་། དེ་དག་ལ་ནང་དང་ཕྱིའི་དབྱེ་བ་ཇི་ལྟར་ཕྱེ་ཡོད་དམ།

དྲིས་ལན། སའི་ཁམས་ཀྱི་ངོ་བོ་ནི་སྲ་བའི་རང་བཞིན་ཅན་ཡིན། ཆུའི་ཁམས་ཀྱི་ངོ་བོ་ནི་གཤེར་ཞིང་རླན་པའི་རང་བཞིན་ཅན་ཡིན། མེའི་ཁམས་ཀྱི་ངོ་བོ་ནི་ཚ་ཞིང་དྲོ་བའི་རང་བཞིན་ཅན་ཡིན། རླུང་གི་ཁམས་ཀྱི་ངོ་བོ་ནི་ཡང་ཞིང་གཡོ་བའི་རང་བཞིན་ཅན་ཡིན། དེ་དག་རེ་རེ་ལའང་རང་གི་ལུས་ཀྱིས་ཟིན་པ་ནི་ནང་གི་ཁམས་དང་། ལུས་ཀྱིས་མ་ཟིན་པ་ནི་ཕྱི་རོལ་གྱི་ཁམས་ཞེས་དབྱེ་བ་གཉིས་སུ་ཕྱེ་ཡོད་དེ། གཞུང་ལས། དེ་ལ་ནང་གི་སའི་ཁམས་ནི།...སྲ་བ་དང་སྲ་བར་གྱུར་པ་ཡོད་པ་གང་ཡིན་པའོ། །ཕྱི་རོལ་གྱི་སའི་ཁམས་ནི།...སྲ་བ་དང་སྲ་བར་གྱུར་པ་ཡོད་པ་གང་ཡིན་པའོ། །དེ་བཞིན་དུ་...གཤེར་བ་དང་གཤེར་བར་གྱུར་པ་...ཆུའི་ཁམས་སོ། །ཚ་བ་དང་ཚ་བར་གྱུར་པ་...མེའི་ཁམས་སོ། །...ཡང་བ་ཉིད་དང་གཡོ་བ་ཉིད་ཡོད་པ་ཡིན་པ་རླུང་གི་ཁམས་སོ། །ཞེས་གསུངས་པའི་ཕྱིར་རོ།།

༢༩༢༽ དྲི་བ། ནམ་མཁའི་ཁམས་དང་རྣམ་པར་ཤེས་པའི་ཁམས་གཉིས་ལ་ངོས་འཛིན་ཇི་ལྟར་བྱ་དགོས་སམ།

དྲིས་ལན། ནམ་མཁའི་ཁམས་ནི། མིག་དང་། རྣ་བ། སྣ། ཁ། མགྲིན་པ་སོགས་ལུས་ཀྱི་ནང་གི་སྟོང་ཆ་རྣམས་ལ་ངོས་འཛིན་བྱ་དགོས། རྣམ་པར་ཤེས་པའི་ཁམས་ནི། མིག་གི་རྣམ་ཤེས་ནས་ཡིད་ཀྱི་རྣམ་ཤེས་ཀྱི་བར་རྣམ་ཤེས་ཚོགས་དྲུག་སྟེ་སེམས་དང་ཡིད་དང་རྣམ་ཤེས་ལ་ངོས་འཛིན་བྱ་དགོས་ཏེ། གཞུང་ལས། མིག །རྣ་བ། སྣ། ཁ། མགྲིན་པ་...དག་ནི་ནམ་མཁའི་ཁམས་སོ། །མིག་གི་རྣམ་པར་ཤེས་པ་དང་། རྣ་བ་དང་། སྣ་དང་ལྕེ་དང་ལུས་དང་ཡིད་ཀྱི་རྣམ་པར་ཤེས་པ་གང་ཡིན་པ། སེམས་དང་། ཡིད་དང་། རྣམ་པར་ཤེས་པ་ཡིན་ཏེ། དེ་ནི་རྣམ་པར་ཤེས་པའི་ཁམས་སོ། །ཞེས་གསུངས་པའི་ཕྱིར་རོ།།

༢༩༣༽ དྲི་བ། ཁམས་ཀྱི་རབ་ཏུ་དབྱེ་བ་འདི་དག་བསྒོམས་པའི་དགོས་པ་དང་ཕན་ཡོན་གང་ཡིན་ནམ།

དྲིས་ལན། དགོས་པ་ནི། ང་རྒྱལ་ཆེ་བའི་གང་ཟག་རྣམས་ཀྱི་གཉེན་པོར་འགྱུར་བ་དེ་ཡིན། ཕན་ཡོན་ནི། དེ་བསྒོམས་པས་ལུས་ལ་རིལ་པོར་འཛིན་པའི་འདུ་ཤེས་འཇིག་པ་དང་། མི་སྡུག་པའི་འདུ་ཤེས་སྐྱེ་བ། ཁེངས་པ་དང་ང་རྒྱལ་སྲབ་མོར་བྱེད་ཅིང་དེ་ལས་སེམས་རྣམ་པར་སྦྱོང་བར་བྱེད་པ་བཅས་ཡིན་ཏེ། གཞུང་ལས། དེ་ལ་གང་ཟག་ང་རྒྱལ་སྤྱད་པ་ཁམས་ཀྱི་རབ་ཏུ་དབྱེ་བ་དེ་དག་ཡིད་ལ་བྱེད་ན་ལུས་ལ་རིལ་པོར་འདུ་ཤེས་པ་རྣམ་པར་འཇིག་པར་བྱེད་ཅིང་མི་སྡུག་པའི་འདུ་ཤེས་ཀྱང་ཐོབ་པར་འགྱུར་ལ། དེས་ཁེངས་པར་ཡང་མི་འགྱུར་ཞིང་། ང་རྒྱལ་ཡང་སྲབ་མོར་བྱེད་ལ་ང་རྒྱལ་སྤྱད་པ་དེ་ལས་ཀྱང་སེམས་རྣམ་པར་སྦྱོང་བར་བྱེད་དོ། །ཞེས་གསུངས་པའི་ཕྱིར་རོ།།

༢༩༤༽ དྲི་བ། དབུགས་བརྔུབ་པ་དང་དབུགས་དབྱུང་བ་དྲན་པ་ ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི་དབུགས་འབྱུང་བ་དང་རྔུབ་པའི་དམིགས་པ་ལ་དྲན་པ་གཏད་པ་དེ་ཡིན་ཏེ། གཞུང་ལས། དབུགས་བརྔུབ་པ་དང་དབུགས་དབྱུང་བ་དྲན་པ་ནི། དབུགས་བརྔུབ་པ་དང་དབུགས་དབྱུང་བའི་དམིགས་པ་དྲན་པ་གང་ཡིན་པའོ། །ཞེས་གསུངས་པའི་ཕྱིར་རོ།།

༢༩༥༽ དྲི་བ། དབུགས་འབྱུང་རྔུབ་དྲན་པ་ལ་བརྟེན་ནས་ཡོངས་སུ་སྦྱོང་བའི་རིམ་པ་ལྔ་ཡོད་པ་དེ་དག་གང་དང་གང་ཡིན་ནམ།

དྲིས་ལན། ཡོངས་སུ་སྦྱོང་བའི་རིམ་པ་ལྔ་ནི། ༡༽ བགྲང་བས་ཡོངས་སུ་སྦྱངས་པ། ༢༽ ཕུང་པོ་ལ་འཇུག་པ། ༣༽ རྟེན་ཅིང་འབྲེལ་བར་འབྱུང་བ་ལ་འཇུག་པ། ༤༽ བདེན་པ་ལ་འཇུག་པ། ༥༽ རྣམ་པ་བཅུ་དྲུག་གིས་ཡོངས་སུ་སྦྱང་བ་བཅས་ཡིན་ཏེ། གཞུང་ལས། འདི་ལ་ཡོངས་སུ་སྦྱངས་པ་རྣམ་པ་ལྔ་སྟེ། བགྲང་བས་ཡོངས་སུ་སྦྱངས་པ་དང་། ཕུང་པོ་ལ་འཇུག་པ་དང་། རྟེན་ཅིང་འབྲེལ་བར་འབྱུང་བ་ལ་འཇུག་པ་དང་། བདེན་པ་ལ་འཇུག་པ་དང་། རྣམ་པ་བཅུ་དྲུག་གིས་ཡོངས་སུ་སྦྱང་བའོ། །ཞེས་གསུངས་པའི་ཕྱིར་རོ།།

༢༩༦༽ དྲི་བ། དབུགས་བགྲང་བས་ཡོངས་སུ་སྦྱོང་བའི་ཐབས་དེ་གང་ཟག་གང་འདྲ་ཞིག་གི་ཆེད་དུ་བསྟན་པ་དང་། དེའི་དགོས་པ་གང་ཡིན་ནམ།

དྲིས་ལན། ཐབས་དེ་ནི་དབང་པོ་རྟུལ་པོ་རྣམས་ཀྱི་ཆེད་དུ་བསྟན་པ་ཡིན། དགོས་པ་ནི་དེ་དག་གི་སེམས་མི་གཡེང་བར་གནས་པར་བྱེད་པ་དང་། བགྲང་བ་མེད་ན་སེམས་རྨུགས་པ་དང་གཉིད་དམ་ཕྱི་རོལ་དུ་གཡེང་བར་འགྱུར་བ་ལས་སྲུང་བའི་ཆེད་དུ་ཡིན་ཏེ། གཞུང་ལས། བགྲང་བས་ཡོངས་སུ་སྦྱང་བ་དེ་ཡང་དབང་པོ་རྟུལ་པོ་རྣམས་ལ་བསྟན་པ་ཡིན་ཏེ། དེ་ནི་དེ་དག་གི་སེམས་གནས་པར་བྱ་བ་དང་། སེམས་མངོན་པར་དགའ་བར་བྱ་བ་ལ་རྣམ་པར་མི་གཡེང་བའི་གནས་ཡིན་གྱི། གཞན་དུ་བགྲང་བ་མེད་ན་དེ་དག་གི་སེམས་རྨུགས་པ་དང་གཉིད་ཀྱིས་ཀུན་ནས་དཀྲིས་པའམ་སེམས་ཕྱི་རོལ་དུ་རྣམ་པར་གཡེང་བར་འགྱུར་བས་སོ། །ཞེས་གསུངས་པའི་ཕྱིར་རོ།།

༢༩༧༽ དྲི་བ། དབང་པོ་རྣོན་པོ་རྣམས་ཀྱིས་དབུགས་འབྱུང་རྔུབ་དྲན་པ་ཇི་ལྟར་བསྒོམ་དགོས་སམ།

དྲིས་ལན། དབང་པོ་རྣོན་པོ་རྣམས་ཀྱིས་བགྲང་བའི་སྦྱོར་བ་མི་བྱེད་པར། དབུགས་ཀྱི་དམིགས་པ་ལ་དྲན་པ་གཏད་དེ། དབུགས་གང་དུ་འཇུག་པ། ཇི་ལྟར་འཇུག་པ། གང་གི་ཚེ་འཇུག་པ་བཅས་ཐམས་ཅད་དྲན་པས་རྗེས་སུ་རྟོགས་པར་བྱེད་དགོས་ཏེ། གཞུང་ལས། དབང་པོ་རྣོན་པོ་...དེ་དག་ནི་བགྲང་བའི་སྦྱོར་བ་ལ་དགའ་ཞིང་འཇུག་པ་མ་ཡིན་ཏེ།...དེ་དག་ནི་དབུགས་བརྔུབ་དབུགས་དབྱུང་བའི་དམིགས་པ་ལ་དྲན་པ་ཉེ་བར་གཏད་པ། གང་དུ་འཇུག་པ་དང་། ཇི་ལྟར་འཇུག་པ་དང་། གང་གི་ཚེ་འཇུག་པ་དེ་དག་ཐམས་ཅད་དྲན་པ་ཉེ་བར་གཞག་པས་རྗེས་སུ་རྟོགས་པར་བྱེད། ཉེ་བར་ཤེས་པར་བྱེད་དེ་དེ་ལྟ་བུ་ནི་དེ་དག་གི་སྦྱོར་བ་ཡིན་ནོ། །ཞེས་གསུངས་པའི་ཕྱིར་རོ།།

༢༩༨༽ དྲི་བ། དབུགས་འབྱུང་རྔུབ་ཀྱི་དམིགས་པ་ལ་བརྟེན་ནས་ཕུང་པོ་ལྔ་ལ་ཇི་ལྟར་འཇུག་པར་བྱེད་དམ།

དྲིས་ལན། དབུགས་འབྱུང་རྔུབ་ཀྱི་རྟེན་ལུས་ནི་གཟུགས་ཀྱི་ཕུང་པོ་དང་། དེར་འཛིན་པའི་དྲན་པ་དང་འགྲོགས་པའི་མྱོང་བ་ནི་ཚོར་བའི་ཕུང་པོ། ཀུན་ཤེས་པར་བྱེད་པ་ནི་འདུ་ཤེས་ཀྱི་ཕུང་པོ། དྲན་པ་དང་སེམས་པ་དང་ཤེས་རབ་རྣམས་ནི་འདུ་བྱེད་ཀྱི་ཕུང་པོ། སེམས་དང་ཡིད་དང་རྣམ་ཤེས་ནི་རྣམ་ཤེས་ཀྱི་ཕུང་པོ་ཡིན་ནོ་ཞེས་འཇུག་པར་བྱེད་དེ། གཞུང་ལས། དབུགས་བརྔུབ་འབྱུང་གི་རྟེན་ལུས་ཡིད་ལ་བྱེད་པས་གཟུགས་ཀྱི་ཕུང་པོ་ལ་འཇུག་པ་...དྲན་པ་དང་མཚུངས་པར་ལྡན་པའི་མྱོང་བས་ནི་ཚོར་བ། ཀུན་ཤེས་པར་བྱེད་པ་གང་ཡིན་པ་དེ་ནི་འདུ་ཤེས། དྲན་པ་གང་ཡིན་པ་དེ་དང་སེམས་གང་ཡིན་པ་དང་། དེ་ལ་ཤེས་རབ་གང་ཡིན་པ་དེ་ནི་འདུ་བྱེད། སེམས་དང་ཡིད་དང་རྣམ་པར་ཤེས་པ་གང་ཡིན་པ་དེ་ནི་རྣམ་ཤེས་ཀྱི་ཕུང་པོ་ཡིན་ནོ་ཞེས་འཇུག་པར་བྱེད་དོ། །ཞེས་གསུངས་པའི་ཕྱིར་རོ།།

༢༩༩༽ དྲི་བ། ཕུང་པོ་ལྔ་ལ་བསམས་པ་ནས་རྟེན་ཅིང་འབྲེལ་བར་འབྱུང་བ་ལ་ཇི་ལྟར་འཇུག་པར་བྱེད་དམ།

དྲིས་ལན། ཕུང་པོ་ཙམ་མམ་འདུ་བྱེད་ཙམ་དུ་མཐོང་བའི་ཚེ། དབུགས་འབྱུང་རྔུབ་འདི་དག་གི་རྟེན་ནི་གང་ཡིན་དང་རྐྱེན་ནི་གང་ཡིན་ཞེས་ཚོལ་བར་བྱེད་ཅིང་། དབུགས་ནི་ལུས་སེམས་ལ་བརྟེན་པ་དང་། ལུས་སེམས་ནི་སྲོག་གི་དབང་པོ་དང་སྔོན་གྱི་འདུ་བྱེད་དང་མ་རིག་པ་བཅས་ལ་བརྟེན་པར་ཤེས་ཏེ། མ་རིག་པ་འགགས་ན་དེ་དག་འགག་པར་འགྱུར་རོ་སྙམ་དུ་རྟེན་འབྲེལ་ལ་འཇུག་པར་བྱེད་དེ། གཞུང་ལས། ...གང་གི་ཚེ་ཕུང་པོ་ཙམ། འདུ་བྱེད་ཙམ་དངོས་པོ་ཙམ་དུ་མཐོང་ཞིང་ཡོངས་སུ་ཤེས་པར་གྱུར་པ་དེའི་ཚེ། དེ་འདུ་བྱེད་དེ་དག་ཉིད་ཀྱི་རྟེན་ཅིང་འབྲེལ་བར་འབྱུང་བ་ལ་འཇུག་པར་བྱེད་དོ། །...དེས་ལུས་དང་སེམས་ཀྱི་རྐྱེན་གང་ཡིན་ཞེ་ན་སྲོག་གི་དབང་པོ་དེའི་རྐྱེན། སྔོན་གྱི་འདུ་བྱེད། དེའི་རྐྱེན་མ་རིག་པའོ་སྙམ་དུ་འཇུག་པར་བྱེད་ལ། མ་རིག་པ་འགགས་ན་དེ་དག་འགག་པར་འགྱུར་རོ་སྙམ་དུ་སེམས་ཏེ། ཞེས་གསུངས་པའི་ཕྱིར་རོ།།

༣༠༠༽ དྲི་བ། རྟེན་འབྲེལ་ལ་བསམས་པ་ནས་བདེན་པ་བཞི་ལ་འཇུག་ཚུལ་ཇི་ལྟར་ཡིན་ནམ།

དྲིས་ལན། འདུ་བྱེད་རྣམས་རྟེན་ཅིང་འབྲེལ་བར་འབྱུང་བ་ཡིན་པས་མི་རྟག་པ་དང་། གང་མི་རྟག་པ་དེ་སྡུག་བསྔལ་གྱི་རང་བཞིན་ཡིན་ནོ་ཞེས་སོགས་ཀྱི་སྒོ་ནས་བདེན་པ་བཞི་ལ་འཇུག་པར་བྱེད་དེ། གཞུང་ལས། དེ་དེ་ལྟར་རྟེན་ཅིང་འབྲེལ་བར་འབྱུང་བ་ལ་འཇུག་པ་ལན་མང་དུ་ཡོངས་སུ་སྦྱང་པ་བྱས་པས་འདུ་བྱེད་གང་དག་རྟེན་ཅིང་འབྲེལ་བར་འབྱུང་བ་དེ་དག་ནི་མི་རྟག་པ་ཡིན་ནོ། །གང་མི་རྟག་པ་དེ་ནས་སྡུག་བསྔལ་སོགས་བདེན་བཞི་ལ་ཞུགས་ནས་... ཞེས་གསུངས་པའི་ཕྱིར་རོ།།

༣༠༡༽ དྲི་བ། ཡོངས་སུ་སྦྱོང་བའི་རིམ་པ་མཐའ་མ་ རྣམ་པ་བཅུ་དྲུག་གིས་ཡོངས་སུ་སྦྱོང་བ་ ཞེས་པ་དེའི་དགོས་པ་གང་ཡིན་ནམ།

དྲིས་ལན། དགོས་པ་ནི། བདེན་པ་བཞི་ཡོངས་སུ་སྦྱང་བས་མཐོང་བས་སྤང་བྱའི་ཉོན་མོངས་རྣམས་སྤངས་ཟིན་ཀྱང་། སྒོམ་པས་སྤང་བར་བྱ་བའི་ཉོན་མོངས་པ་རྣམས་ལུས་པ་དེ་དག་སྤང་བའི་ཕྱིར་ཡིན་ཏེ། གཞུང་ལས། དེ་ལྟར་བདེན་པ་ཡོངས་སུ་སྦྱང་བ་བྱས་པས་དེའི་མཐོང་བས་སྤང་བར་བྱ་བའི་ཉོན་མོངས་པ་རྣམས་སྤངས་པ་ནསྒོམ་པས་སྤང་བར་བྱ་བ་རྣམས་ལུས་པས་དེ་དག་སྤང་བའི་ཕྱིར་རྣམ་པ་བཅུ་དྲུག་གིས་ཡོངས་སུ་སྦྱོང་བར་བྱེད་དོ། །ཞེས་གསུངས་པའི་ཕྱིར་རོ།།

༣༠༢༽ དྲི་བ། རྣམ་པ་བཅུ་དྲུག་གིས་ཡོངས་སུ་སྦྱོང་བ་ཞེས་པའི་རྣམ་པ་བཅུ་དྲུག་པོ་དེ་དག་གང་ཡིན་ནམ།

དྲིས་ལན། རྣམ་པ་བཅུ་དྲུག་ནི། དྲན་བཞིན་དུ་དབུགས་འབྱུང་རྔུབ་བྱེད་པ་དང་། དབུགས་རིང་བ་དང་ཐུང་བ་ཤེས་པ། ལུས་ཀྱི་ཐམས་ཅད་ཡང་དག་པར་མྱོང་བཞིན་དུ་འབྱུང་རྔུབ་བྱེད་པ། ལུས་ཀྱི་འདུ་བྱེད་དང་སེམས་ཀྱི་འདུ་བྱེད་ཤིན་ཏུ་སྦྱངས་ནས་འབྱུང་རྔུབ་བྱེད་པ། སེམས་རྣམ་པར་གྲོལ་བས་འབྱུང་རྔུབ་བྱེད་པ། འགོག་པར་རྗེས་སུ་ལྟ་བས་འབྱུང་རྔུབ་བྱེད་པ་བཅས་ཡིན་ཏེ། གཞུང་ལས། རྣམ་པ་བཅུ་དྲུག་གང་ཞེ་ན། འདི་ལྟ་སྟེ་དྲན་བཞིན་དུ་དབུགས་བརྔུབས་ན་དྲན་བཞིན་དུ་དབུགས་བརྔུབས་སོ་སྙམ་དུ་སློབ་པར་བྱེད་པ་དང་། དེ་བཞིན་དྲན་བཞིན་དུ་དབུགས་འབྱུང་བ་ལ་དང་། རིང་བ་དང་ཐུང་བ་དང་ལུས་ཀྱི་ཐམས་ཅད་ཡང་དག་པར་མྱོང་ཞིང་བརྔུབས་ན། དེ་ལྟར་བརྔུབས་སོ་དབྱུང་ངོ་སྙམ་པ་དང་། དེ་བཞིན་ལུས་ཀྱི་འདུ་བྱེད་ཤིན་ཏུ་སྦྱངས་ནས་དང་། སེམས་ཀྱི་འདུ་བྱེད་ཤིན་ཏུ་སྦྱངས་ནས་དང་། སེམས་རྣམ་པར་གྲོལ་བས་དང་། འགོག་པར་རྗེས་སུ་ལྟ་བས་དང་། དབུགས་བརྔུབས་སོ་དང་ཕྱུང་ངོ་སྙམ་པའོ། །ཞེས་གསུངས་པའི་ཕྱིར་རོ།།

༣༠༣༽ དྲི་བ། དེ་ལྟར་མཐོང་ལམ་དང་སྒོམ་ལམ་གྱིས་སྤང་བྱའི་ཉོན་མོངས་པ་རྣམས་སྤངས་པའི་འབྲས་བུ་གང་ཡིན་ནམ།

དྲིས་ལན། འབྲས་བུ་དགྲ་བཅོམ་པ་ཟག་པ་ཟད་པའི་གོ་འཕང་ཐོབ་པར་འགྱུར་ཏེ། གཞུང་ལས། དེ་ལྟར་མཐོང་བ་དང་སྒོམ་པས་སྤང་བར་བྱ་བའི་ཉོན་མོངས་པ་རྣམས་སྤངས་པ་ན་དགྲ་བཅོམ་པ་ཟག་པ་ཟད་པར་འགྱུར་རོ། །ཞེས་གསུངས་པའི་ཕྱིར་རོ།།

༣༠༤༽ དྲི་བ། དབུགས་འབྱུང་རྔུབ་དྲན་པའི་དམིགས་པ་འདི་ནི་གང་ཟག་གང་འདྲ་ཞིག་གི་སྤྱོད་པ་རྣམ་པར་སྦྱོང་བའི་ཐབས་སུ་གསུངས་ཡོད་དམ།

དྲིས་ལན། དམིགས་པ་འདི་ནི་རྣམ་པར་རྟོག་པ་ལ་གོམས་པའི་གང་ཟག་གི་སྤྱོད་པ་རྣམ་པར་སྦྱོང་བའི་ཐབས་སུ་གསུངས་ཡོད་དེ། གཞུང་ལས། ...དེ་ནི་གང་ཟག་རྣམ་པར་རྟོག་པ་སྤྱད་པའི་སྤྱད་པ་རྣམ་པར་སྦྱོང་བའི་དམིགས་པ་ཡིན་ནོ། །ཞེས་གསུངས་པའི་ཕྱིར་རོ།།

༣༠༥༽ དྲི་བ། རྣམ་རྟོག་མང་བའི་གང་ཟག་དེས་དབུགས་འབྱུང་རྔུབ་ཀྱི་དམིགས་པ་ཉམས་སུ་ལེན་པའི་ཚེ་རང་གི་སེམས་ཀྱི་རྣམ་གཡེང་ཞི་བར་བྱེད་པའི་ཐབས་གང་ཡིན་ནམ།

དྲིས་ལན། ཐབས་ནི་རྣམ་པར་གཡེང་བའི་སེམས་དེ་ཉིད་དམིགས་པ་ལ་དགའ་བ་བསྐྱེད་པའི་སྒོ་ནས་རབ་ཏུ་སྦྱོར་བར་བྱེད་པ་དེ་ཡིན་ཏེ། དེ་ལྟར་བྱས་ན་རྣམ་པར་རྟོག་པའི་འཁྲུག་པ་འབྱུང་བར་མི་འགྱུར་བའི་ཕྱིར་རོ།།གཞུང་ལས། ...ནང་གི་སོ་སོའི་དམིགས་པར་བྱ་བ་དང་བཅས་པ་རྣམ་པར་གཡེང་བ་དང་བཅས་པ་ཉེ་བ་དེ་ལ་དགའ་བ་བསྐྱེད་དེ་རབ་ཏུ་སྦྱོར་བར་བྱེད་ན། དེས་དེ་ལ་རབ་ཏུ་སྦྱོར་བར་བྱེད་པ་དེའི་རྣམ་པར་རྟོག་པ་ཀུན་ཏུ་འཁྲུག་པ་གང་ཡིན་པ་དེ་འབྱུང་བར་མི་འགྱུར་ཞིང་། ཞེས་གསུངས་པའི་ཕྱིར་རོ།།

༣༠༦༽ དྲི་བ། དེ་ལྟར་དམིགས་པ་ལ་དགའ་བ་བསྐྱེད་དེ་རབ་ཏུ་སྦྱོར་བར་བྱས་པའི་འབྲས་བུ་གང་ཞིག་འབྱུང་ངམ།

དྲིས་ལན། འབྲས་བུ་ནི་མྱུར་དུ་སེམས་དམིགས་པ་ལ་གནས་པ་དང་། མངོན་པར་དགའ་བ་ཡང་དག་པར་སྐྱེ་བར་འགྱུར་བ་དེ་ཡིན་ཏེ། གཞུང་ལས། ...མྱུར་བ་མྱུར་བར་དམིགས་པ་ལ་སེམས་ཀུན་དུ་གནས་པ་དང་མངོན་པར་དགའ་བ་ཡང་དག་པར་སྐྱེ་བར་འགྱུར་ཏེ། ཞེས་གསུངས་པའི་ཕྱིར་རོ།།

༣༠༧༽ དྲི་བ། ཕུང་པོ་ལ་མཁས་པ་ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི་ཕུང་པོ་ལྔ་པོ་སོ་སོའི་མཚན་ཉིད་དང་། རབ་ཏུ་དབྱེ་བ། བདག་ཉིད་ཐ་དད་པ། བདག་ཉིད་མང་པོ་ཡིན་པ་བཅས་ཤེས་ཤིང་། དེ་ལས་ལྷག་པའི་བདག་སོགས་མི་དམིགས་ཤིང་རྣམ་པར་མི་རྟོག་པ་ལ་ཟེར་ཏེ། གཞུང་ལས། ཕུང་པོ་ལ་མཁས་པ་ནི། ཕུང་པོ་ནི་ལྔ་སྟེ། ...དེ་དག་གི་མཚན་ཉིད་རབ་དབྱེ་བདག་ཉིད་ཐ་དད་པ་དང་བདག་ཉིད་མང་པོར་ཤེས་ཤིང་དེ་ལས་ལྷག་པ་མི་དམིགས་ཤིང་རྣམ་པར་རྟོག་པར་མི་བྱེད་པ་གང་ཡིན་པའོ། །ཞེས་གསུངས་པའི་ཕྱིར་རོ།།

༣༠༨༽ དྲི་བ། ཁམས་ལ་མཁས་པ་ ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི་ཁམས་བཅོ་བརྒྱད་པོ་དེ་དག་རང་རང་གི་ཁམས་དང་། ས་བོན། རིགས་བཅས་ལས་སྐྱེ་བ་དང་། འཇུག་པ། འབྱུང་བ་བཅས་ཤེས་ཤིང་། དགའ་བ་ལ་ངེས་པར་རྟོག་པར་བྱེད་པ་ལ་ཟེར་ཏེ། གཞུང་ལས། ཁམས་ལ་མཁས་པ་གང་ཞེ་ན། ...ཆོས་བཅོ་བརྒྱད་པོ་དེ་དག་རང་རང་གི་ཁམས་དང་རང་གི་ས་བོན་དང་རང་རང་གི་རིགས་ལས་སྐྱེ་བ་དང་འཇུག་པ་དང་། འབྱུང་བ་ཤེས་ཤིང་དགའ་བ་ལ་ངེས་པར་རྟོག་པ་གང་ཡིན་པའོ། །ཞེས་གསུངས་པའི་ཕྱིར་རོ།།

༣༠༩༽ དྲི་བ། སྐྱེ་མཆེད་ལ་མཁས་པ་ཞེས་པའི་སྐབས་སུ་རྣམ་ཤེས་ཚོགས་དྲུག་པོ་དེ་དག་རྐྱེན་གསུམ་ལས་འབྱུང་བར་གསུངས་པ་དེ་གང་དང་གང་ཡིན་ནམ།

དྲིས་ལན། རྐྱེན་གསུམ་ནི། ༡༽ བདག་པོའི་རྐྱེན་ཏེ་མིག་ལ་སོགས་པའི་དབང་པོ། ༢༽ དམིགས་པའི་རྐྱེན་ཏེ་གཟུགས་ལ་སོགས་པའི་ཡུལ། ༣༽ མཚུངས་པ་དེ་མ་ཐག་པའི་རྐྱེན་ཏེ་འགགས་མ་ཐག་པའི་ཡིད་བཅས་ཡིན་ཏེ། གཞུང་ལས། ཉན་སར། མིག་ནི་མིག་གི་རྣམ་པར་ཤེས་པ་མཚུངས་པར་ལྡན་པ་དང་བཅས་པ་སྐྱེ་བའི་བདག་པོའི་རྐྱེན་ཡིན་ནོ། །གཟུགས་རྣམས་ནི་དམིགས་པའི་རྐྱེན་ཡིན་ནོ། །འགགས་མ་ཐག་པའི་ཡིད་ནི་མཚུངས་པ་དེ་མ་ཐག་པའི་རྐྱེན་ཡིན་ནོ། །ཞེས་...དེ་ལྟར་རྐྱེན་གསུམ་ལས་རྣམ་པར་ཤེས་པའི་ཚོགས་དྲུག་པོ་མཚུངས་པར་ལྡན་པ་དང་བཅས་པ་རྣམས་འབྱུང་བར་འགྱུར་བ་ཡིན་ནོ། །ཞེས་གསུངས་པའི་ཕྱིར་རོ།།

༣༡༠༽ དྲི་བ། རྟེན་ཅིང་འབྲེལ་བར་འབྱུང་བ་ལ་མཁས་པ་ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི། རྟེན་འབྲེལ་ཡན་ལག་བཅུ་གཉིས་ཀྱི་སྒོ་ནས་འདུ་བྱེད་རྣམས་རྒྱུ་དང་རྐྱེན་ལས་སྐྱེས་ཤིང་འགག་པའི་ཕྱིར་མི་རྟག་པ་དང་། གང་མི་རྟག་པ་དེ་སྡུག་བསྔལ་གྱི་རང་བཞིན་ཡིན་པ་དང་། སྡུག་བསྔལ་བ་དེ་སྟོང་ཞིང་བདག་མེད་དུ་ཤེས་པ་ལ་ཟེར་ཏེ། གཞུང་ལས། ཆོས་རྣམས་ཁོ་ནས་ཆོས་རྣམས་མངོན་པར་སྐྱེད་པར་བྱེད་ཅིང་...དེ་དག་ཀྱང་རྒྱུ་ལས་བྱུང་བ་དང་། རྟེན་ཅིང་འབྲེལ་བར་འབྱུང་བའི་ཕྱིར་སྔོན་མ་བྱུང་བ་ལས་བྱུང་ནས་ཀྱང་འཇིག་པར་འགྱུར་བ་ཡིན་པས། དེའི་ཕྱིར་འདུ་བྱེད་དེ་དག་ནི་མི་རྟག་པ་ཡིན་ནོ། །གང་མི་རྟག་པ་དེ་ནི་སྡུག་བསྔལ་བའོ། །སྡུག་བསྔལ་བ་དང་རང་དབང་མེད་པ་དང་ཉམ་ཆུང་བ་དེ་དག་ནི་བདག་མེད་ཅིང་སྟོང་པའོ། །དེ་ལྟར་མི་རྟག་སྡུག་བསྔལ་སྟོང་བདག་མེད་པ་ཤེས་པ་དེ་ནི་རྟེན་འབྲེལ་ལ་མཁས་པའོ། །ཞེས་གསུངས་པའི་ཕྱིར་རོ།།

༣༡༡༽ དྲི་བ། གནས་དང་གནས་མ་ཡིན་པ་ལ་མཁས་པ་ ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི་རྟེན་འབྲེལ་གྱི་བྱེ་བྲག་སྟེ་ལས་རྒྱུ་འབྲས་ཀྱི་རྣམ་གཞག་ཤེས་པ་ལ་ཟེར། དེ་ཡང་དགེ་བའི་ལས་ཀྱིས་འབྲས་བུ་འདོད་པ་དང་། མི་དགེ་བའི་ལས་ཀྱིས་འབྲས་བུ་མི་འདོད་པ་འབྱུང་བར་ཤེས་པ་དེ་ཡིན་ཏེ། གཞུང་ལས། གནས་དང་གནས་མ་ཡིན་པ་ལ་མཁས་པ་ནི་རྟེན་འབྲེལ་གྱི་བྱེ་བྲག་སྟེ། དེ་ཡང་མི་འདྲ་བའི་རྒྱུ་ཤེས་པ་སྟེ། དགེ་བ་དང་མི་དགེ་བའི་ལས་ཀྱི་རྣམ་པར་སྨིན་པའི་འབྲས་བུ་ཡོད་དེ། དགེ་བའི་ལས་ཀྱི་རྣམ་པར་སྨིན་པའི་འབྲས་བུ་ནི་འདོད་པ་ཡིན་ནོ། །མི་དགེ་བའི་ལས་ཀྱི་རྣམ་པར་སྨིན་པའི་འབྲས་བུ་ནི་མི་འདོད་པ་ཡིན་ནོ། །ཞེས་ཤེས་པ་གང་ཡིན་པའོ། །ཞེས་གསུངས་པའི་ཕྱིར་རོ།།

༣༡༢༽ དྲི་བ། ཕུང་པོ་དང་། ཁམས། སྐྱེ་མཆེད། རྟེན་འབྲེལ། གནས་དང་གནས་མ་ཡིན་པ་བཅས་ལ་མཁས་པ་ལྔ་པོ་དེ་མཚན་ཉིད་གཉིས་སུ་ཇི་ལྟར་བསྡུས་ཡོད་དམ།

དྲིས་ལན། ཕུང་པོ་ལ་མཁས་པ་ནི་རང་གི་མཚན་ཉིད་ལ་མཁས་པ་ཡིན། ཁམས་དང་། སྐྱེ་མཆེད། རྟེན་འབྲེལ། གནས་དང་གནས་མ་ཡིན་པ་ལ་མཁས་པ་བཞི་ནི་ སྤྱིའི་མཚན་ཉིད་ལ་མཁས་པ་ཡིན་ཏེ། གཞུང་ལས། དེ་དག་ལྔ་ཡང་མདོར་བསྡུ་ན། རང་གི་མཚན་ཉིད་ལ་མཁས་པ་དང་། སྤྱིའི་མཚན་ཉིད་ལ་མཁས་པ་ཡིན་ཏེ། ཕུང་པོ་ལ་མཁས་པས་ནི་རང་གི་མཚན་ཉིད་ལ་མཁས་པ་བསྟན་ནོ། །ལྷག་མ་རྣམས་ཀྱིས་ནི་སྤྱིའི་མཚན་ཉིད་ལ་མཁས་པ་བསྟན་ནོ། །ཞེས་གསུངས་པའི་ཕྱིར་རོ།།

༣༡༣༽ དྲི་བ། ཞི་གནས་ཀྱི་སེམས་གནས་དགུ་པ་ཐོབ་ཅིང་ལྷག་མཐོང་གི་སྤྱོད་པ་དང་ལྡན་པའི་གང་ཟག་གིས་ཁམས་གོང་མའི་དངོས་གཞི་བསྐྱེད་པའི་ཆེད་དུ་ཡིད་ལ་བྱེད་པ་རྣམ་པ་བཞི་གང་དག་ལ་བརྩོན་པར་བྱ་དགོས་སམ།

དྲིས་ལན། ཡིད་ལ་བྱེད་པ་རྣམ་པ་བཞི་ནི། ༡༽ སེམས་ཀུན་དུ་གདུང་བར་འགྱུར་བའི་ཡིད་ལ་བྱེད་པ། ༢༽ སེམས་མངོན་པར་བརླན་པར་འགྱུར་བའི་ཡིད་ལ་བྱེད་པ། ༣༽ ཤིན་ཏུ་སྦྱངས་པ་སྐྱེད་པའི་ཡིད་ལ་བྱེད་པ། ༤༽ ཡེ་ཤེས་དང་མཐོང་བ་རྣམ་པར་སྦྱོང་བའི་ཡིད་ལ་བྱེད་པ་བཅས་ཡིན་ཏེ། གཞུང་ལས། ...ལས་དང་པོ་པས་ཡིད་ལ་བྱེད་པ་རྣམ་པ་བཞིས་རབ་ཏུ་བརྩོན་པར་བྱེད་དེ། བཞི་གང་ཞེ་ན། སེམས་ཀུན་དུ་གདུང་བར་འགྱུར་བའི་ཡིད་ལ་བྱེད་པ་དང་། སེམས་མངོན་པར་བརླན་པར་འགྱུར་བའི་ཡིད་ལ་བྱེད་པ་དང་། ཤིན་དུ་སྦྱངས་པ་སྐྱེད་པའི་ཡིད་ལ་བྱེད་པ་དང་། ཡེ་ཤེས་དང་མཐོང་བ་རྣམ་པར་སྦྱོང་བའི་ཡིད་ལ་བྱེད་པའོ། །ཞེས་སོ། །ཞེས་གསུངས་པའི་ཕྱིར་རོ།།

༣༡༤༽ དྲི་བ། ཡིད་ལ་བྱེད་པ་དང་པོ་གཉིས་ཏེ་ སེམས་ཀུན་ཏུ་གདུང་བར་འགྱུར་བ་ དང་ སེམས་མངོན་པར་བརླན་པར་འགྱུར་བ་ གཉིས་ཀྱི་དོན་གང་ཡིན་ནམ།

དྲིས་ལན། སེམས་ཀུན་ཏུ་གདུང་བར་འགྱུར་བ་ནི། འཁོར་བའི་ཉེས་དམིགས་ལྟ་བུ་ཀུན་ཏུ་སྐྱོ་བར་འགྱུར་བ་དང་མཐུན་པའི་ཆོས་རྣམས་ལ་སེམས་ཀུན་ཏུ་སྐྱོ་བར་བྱེད་པ་ཡིན། སེམས་མངོན་པར་བརླན་པར་འགྱུར་བ་ནི། ཐར་པའི་ཕན་ཡོན་ལྟ་བུ་མངོན་པར་དགའ་བར་འགྱུར་བ་དང་མཐུན་པའི་ཆོས་རྣམས་ལ་སེམས་མངོན་པར་དགའ་བར་བྱེད་པ་ཡིན་ཏེ། གཞུང་ལས། དང་པོ། ཀུན་ཏུ་སྐྱོ་བར་འགྱུར་བ་དང་། མཐུན་པའི་ཆོས་རྣམས་ལ་སེམས་ཀུན་ཏུ་སྐྱོ་བར་བྱེད་པ། གཉིས་པ། མངོན་པར་དགའ་བར་འགྱུར་བ་དང་མཐུན་པའི་ཆོས་རྣམས་ལ་སེམས་མངོན་པར་དགའ་བར་བྱེད་པ། ཞེས་གསུངས་པའི་ཕྱིར་རོ།།

༣༡༥༽ དྲི་བ། ཤིན་ཏུ་སྦྱངས་པ་སྐྱེད་པའི་ཡིད་ལ་བྱེད་པ་ཞེས་པའི་ཐབས་ལམ་གང་ཡིན་པ་དང་། དེའི་འབྲས་བུ་གང་ཡིན་ནམ།

དྲིས་ལན། ཐབས་ལམ་ནི། དུས་དུས་སུ་སྐྱོ་བ་དང་དགའ་བ་བསྒོམས་ནས་སེམས་ནང་དུ་ཞི་བར་བྱས་ཏེ་མཚན་མ་མེད་པ་དང་རྣམ་རྟོག་མེད་པ་ལ་ཉེ་བར་འཇོག་པའོ། འབྲས་བུ་ནི། ལུས་དང་སེམས་ཀྱི་གནས་ངན་ལེན་གྱི་གཉེན་པོར་གྱུར་པའི་ལུས་སེམས་ཤིན་ཏུ་སྦྱངས་པ་བསྐྱེད་པར་བྱེད་པ་དེ་ཡིན་ཏེ། གཞུང་ལས། གསུམ་པ། དུས་དུས་སུ་སྐྱོ་བར་འགྱུར་བ་དང་། དུས་དུས་སུ་དགའ་བར་འགྱུར་བ་དང་། སེམས་ནང་དུ་ཞི་བར་བྱེད་ཅིང་མཚན་མ་མེད་པ་དང་། རྣམ་པར་རྟོག་པ་མེད་པ་ལ་ཉེ་བར་འཇོག་པར་ཡང་བྱེད་ལ་དྲན་པ་རྩེ་གཅིག་པ་ལ་ཡང་འཇུག་པར་བྱེད་དེ། རྒྱུ་དེ་དང་རྐྱེན་དེས་དེའི་ལུས་དང་སེམས་ཀྱི་གནས་ངན་ལེན་གྱི་གཉེན་པོ་ལུས་དང་སེམས་རབ་ཏུ་སིམ་པར་བྱེད་པ་ལུས་ཤིན་ཏུ་སྦྱངས་པ་དང་སེམས་ཤིན་ཏུ་སྦྱངས་པ་བསྐྱེད་པར་བྱེད་པའོ། །ཞེས་གསུངས་པའི་ཕྱིར་རོ།།

༣༡༦༽ དྲི་བ། ཡེ་ཤེས་དང་མཐོང་བ་རྣམ་པར་སྦྱོང་བའི་ཡིད་ལ་བྱེད་པ་ ཞེས་པའི་ཉམས་ལེན་གང་ཡིན་ནམ།

དྲིས་ལན། དེ་ནི་ནང་གི་སེམས་ཞི་གནས་ལ་བརྟེན་ནས་སེམས་ནང་དུ་ཞི་བའི་ངང་ལས། དུས་དུས་སུ་ལྷག་པའི་ཤེས་རབ་སྟེ་ཆོས་རྣམ་པར་འབྱེད་པའི་ལྷག་མཐོང་ལ་ཡང་དང་ཡང་དུ་རྣལ་འབྱོར་དུ་བྱེད་པ་དེ་ཡིན་ཏེ། གཞུང་ལས། བཞི་པ། ནང་གི་སེམས་ཞི་གནས་དེ་ཉིད་ལ་བརྟེན་ནས་དེ་ལྟར་སེམས་ནང་དུ་ཡང་དག་པར་རབ་ཏུ་ཞི་བའི་ཡིད་ལ་བྱེད་པ་དེས། དུས་དུས་སུ་ལྷག་པའི་ཤེས་རབ་ཆོས་རྣམ་པར་འབྱེད་པ་ལ་ཡང་དང་ཡང་དུ་ཕྱིར་ཞིང་ཕྱིར་ཞིང་རྣལ་འབྱོར་དུ་བྱེད་པའོ། །ཞེས་གསུངས་པའི་ཕྱིར་རོ།།

༣༡༧༽ དྲི་བ། ཡིད་ལ་བྱེད་པ་བཞི་ལ་བརྟེན་ནས་སེམས་རྩེ་གཅིག་པ་དང་ཤིན་ཏུ་སྦྱངས་པ་འདྲེན་པའི་ཚུལ་ཇི་ལྟར་ཡིན་ནམ།

དྲིས་ལན། དེ་ནི་རྒྱུ་གཅིག་ནས་གཅིག་ཏུ་བརྒྱུད་པའི་ཚུལ་གྱིས་རགས་ཤིང་བརྟག་པར་སླ་བའི་སེམས་རྩེ་གཅིག་པ་དང་སེམས་དང་ལུས་ཤིན་ཏུ་སྦྱངས་པ་རིམ་གྱིས་འདྲེན་པར་བྱེད་པ་ཡིན་ཏེ། གཞུང་ལས། དེའི་སེམས་རྩེ་གཅིག་པ་ཉིད་དང་། སེམས་དང་ལུས་ཤིན་ཏུ་སྦྱངས་པ་དེ་ཉིད་མངོན་པར་འཕེལ་བ་ན། རྒྱུ་གཅིག་ནས་གཅིག་ཏུ་བརྒྱུད་དེ་ལེན་པའི་ཚུལ་གྱིས་རགས་ཤིང་བརྟག་པར་སླ་བའི་སེམས་རྩེ་གཅིག་པ་ཉིད་དང་། སེམས་དང་ལུས་ཤིན་ཏུ་སྦྱངས་པ་འདྲེན་པར་བྱེད་དེ། ཞེས་གསུངས་པའི་ཕྱིར་རོ།།

༣༡༨༽ དྲི་བ། སེམས་རྩེ་གཅིག་པ་དང་ཤིན་ཏུ་སྦྱངས་པ་སྐྱེ་བའི་སྔ་ལྟས་སུ་རྟགས་གང་ཞིག་འབྱུང་ངམ།

དྲིས་ལན། དེ་དག་སྐྱེ་བའི་སྔ་ལྟས་སུ་རང་གི་ཀླད་པ་ལ་ལྕི་བར་སྣང་བའི་ཚོར་བ་ཞིག་སྐྱེ་བར་འགྱུར་ཏེ། གཞུང་ལས། ཇི་ཙམ་ན་དེའི་རགས་ཤིང་བརྟག་པར་སླ་བའི་སེམས་རྩེ་གཅིག་པ་ཉིད་དང་། སེམས་དང་ལུས་ཤིན་ཏུ་སྦྱངས་པ་རིང་པོར་མི་ཐོགས་པར་སྐྱེ་བར་འགྱུར་བའི་སྔ་ལྟས་སུ་དེའི་ཀླད་པ་ལྕི་བར་སྣང་བ་སྐྱེ་བར་འགྱུར་ཏེ། ཞེས་གསུངས་པའི་ཕྱིར་རོ།།

༣༡༩༽ དྲི་བ། སེམས་ཤིན་ཏུ་སྦྱངས་པ་དང་ལུས་ཤིན་ཏུ་སྦྱངས་པ་གཉིས་ཀྱི་འབྱུང་ཚུལ་གོ་རིམ་ཇི་ལྟར་ཡིན་ནམ།

དྲིས་ལན། ཐོག་མར་སེམས་ཀྱི་གནས་ངན་ལེན་སྤངས་ཏེ་དེའི་གཉེན་པོ་ལས་སུ་རུང་བའི་སེམས་ཤིན་ཏུ་སྦྱངས་པ་སྐྱེ། དེ་སྐྱེས་པའི་མཐུས་འབྱུང་བ་ཆེན་པོའི་རླུང་ལུས་ལ་རྒྱུ་བ་ལས་ལུས་ཀྱི་གནས་ངན་ལེན་དང་བྲལ་ཏེ་ལུས་ཤིན་ཏུ་སྦྱངས་པ་སྐྱེ་བར་འགྱུར་ཏེ། གཞུང་ལས། ...སེམས་ཀྱི་གནས་ངན་ལེན་གང་ཡིན་པ་དེ་སྤོང་བར་འགྱུར་ཞིང་། དེའི་གཉེན་པོ་ལས་སུ་རུང་བ་དང་། སེམས་ཤིན་ཏུ་སྦྱངས་པ་སྐྱེ་བར་འགྱུར་རོ། །དེ་སྐྱེས་པས་ལུས་ཤིན་དུ་སྦྱངས་པ་སྐྱེ་བ་དང་མཐུན་པར་འབྱུང་བ་ཆེན་པོའི་རླུང་དག་ལུས་ལ་འབྱུང་བར་འགྱུར་ཏེ། དེ་དག་རྒྱུ་བའི་རྒྱུས་ནི་...ལུས་ཀྱི་གནས་ངན་ལེན་གང་ཡིན་པ་དེ་དང་འབྲལ་བར་འགྱུར་ཞིང་། ཞེས་གསུངས་པའི་ཕྱིར་རོ།།

༣༢༠༽ དྲི་བ། ཤིན་ཏུ་སྦྱངས་པ་ཐོག་མར་སྐྱེས་པའི་ཚེ་ཉམས་སྣང་གང་འདྲ་འབྱུང་བ་དང་། དེ་རྗེས་སུ་ཇི་ལྟར་འགྱུར་རམ།

དྲིས་ལན། ཐོག་མར་སེམས་དགའ་བ་དང་། ཤིན་ཏུ་ཉམས་བདེ་བ། མཆོག་ཏུ་དགའ་བ་དང་བཅས་པ་སྣང་བར་འགྱུར། དེའི་རྗེས་སུ་ཤིན་སྦྱངས་ཀྱི་ཤུགས་ཕྲ་བར་གྱུར་ནས་ལུས་གྲིབ་མ་ལྟར་ཡང་བར་འགྱུར་ཞིང་། སེམས་ཀྱི་དགའ་བ་དེ་ཡང་ཞི་ནས་ཞི་གནས་ཀྱི་རྣམ་པས་དམིགས་པ་ལ་འཇུག་པར་འགྱུར་ཏེ། གཞུང་ལས། དང་པོར་དེ་སྐྱེས་པར་འགྱུར་པ་དེའི་ཚེ་ན་སེམས་དགའ་བ་དང་སེམས་ཤིན་ཏུ་ཉམས་བདེ་བ་དང་། སེམས་མཆོག་ཏུ་དགའ་བ་དང་ལྡན་པ་ལ་དམིགས་པ་དང་། མངོན་པར་དགའ་བ་དང་བཅས་པ་ཡང་སྣང་བར་འགྱུར་རོ། །དེའི་འོག་ཏུ་ཤིན་ཏུ་སྦྱངས་པའི་ཤུགས་དང་པོ་སྐྱེས་པ་གང་ཡིན་པ་དེ་ཁད་ཀྱིས་ཤིན་ཏུ་ཕྲ་བར་འགྱུར་ཞིང་ལུས་ལ་ཤིན་ཏུ་སྦྱངས་པ་གྲིབ་མ་ལྟ་བུ་དང་ལྡན་པར་འགྱུར་རོ། །སེམས་དགའ་བ་གང་ཡིན་པ་དེ་སྤོང་བར་འགྱུར་ཞིང་སེམས་ཞི་གནས་ཀྱི་ཉེ་བར་བརྟན་ཞིང་རབ་ཏུ་ཞི་བའི་རྣམ་པས་དམིགས་པ་ལ་འཇུག་པར་འགྱུར་རོ། །ཞེས་གསུངས་པའི་ཕྱིར་རོ།།

༣༢༡༽ དྲི་བ། རྣལ་འབྱོར་པ་ཞིག་ལ་ལས་དང་པོ་པ་ཡིད་ལ་བྱེད་པ་དང་བཅས་པ་ཞེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། གང་ཟག་དེས་ཐོག་མ་ཉིད་དུ་གཟུགས་ཁམས་ན་སྤྱོད་པའི་མཉམ་པར་བཞག་པའི་ས་པའི་ཡིད་ལ་བྱེད་པ་ཆུང་ངུ་ཞིག་ཐོབ་པའི་ཕྱིར་དེ་ལྟར་བརྗོད་པ་ཡིན་ཏེ། གཞུང་ལས། དེའི་འོག་ཏུ་རྣལ་འབྱོར་པ་ལས་དང་པོ་པ་དེ་ཡིད་ལ་བྱེད་པ་དང་བཅས་པ་ཞེས་བྱ་བའི་གྲངས་སུ་འགྲོའོ། །དེ་ཅིའི་ཕྱིར་ཞེ་ན། དེས་དང་པོར་གཟུགས་ན་སྤྱོད་པ་མཉམ་པར་གཞག་པའི་ས་པའི་ཡིད་ལ་བྱེད་པ་ཆུང་ངུ་ཐོབ་པའི་ཕྱིར་ཏེ། དེས་ན་ཡིད་ལ་བྱེད་པ་དང་བཅས་པ་ཞེས་བྱའོ། །ཞེས་གསུངས་པའི་ཕྱིར་རོ།།

༣༢༢༽ དྲི་བ། ལས་དང་པོ་པ་ཡིད་ལ་བྱེད་པ་དང་བཅས་པའི་རྟགས་དང་མཚན་མ་རྣམས་གང་ཡིན་ནམ།

དྲིས་ལན། དེའི་རྟགས་རྣམས་ནི། གཟུགས་ཁམས་ཀྱི་སེམས་ཆུང་ངུ་ཐོབ་པ། ལུས་སེམས་ཤིན་ཏུ་སྦྱངས་པ་དང་སེམས་རྩེ་གཅིག་པ་ཆུང་ངུ་ཐོབ་པ། ཉོན་མོངས་སྦྱོང་བའི་དམིགས་པ་ལ་སྤྱོད་པའི་སྐལ་བ་དང་ནུས་པ་ཡོད་པ། སེམས་རྒྱུད་འཇམ་པར་འགྱུར་བ། ཡུལ་ལ་སྤྱོད་ཀྱང་ཉོན་མོངས་དྲག་པོ་མི་སྐྱེ་ཞིང་གཉེན་པོ་བརྩལ་བ་ཆུང་ངུས་སེལ་ནུས་པ། སྒོམ་པའི་ཚེ་ལུས་སེམས་ཤིན་ཏུ་སྦྱངས་པ་མྱུར་དུ་འབྱུང་བ། སྒྲིབ་པ་རྣམས་ཤས་ཆེར་མི་འབྱུང་བ། སྒོམ་གྲོལ་ནས་རྒྱུ་བའི་ཚེ་ནའང་ཤིན་སྦྱངས་ཁ་ཅིག་དང་ལྡན་པ་བཅས་ཡིན་ཏེ། གཞུང་ལས། ལས་དང་པོ་པ་ཡིད་ལ་བྱེད་པ་དང་བཅས་པ་དེའི་རྟགས་ནི་འདི་དག་ཡིན་ཏེ། དེས་གཟུགས་ན་སྤྱོད་པའི་སེམས་ཆུང་ངུ་ཐོབ་པ་དང་།...ལངས་ཏེ་རྒྱུ་བ་ན་ཡང་ལུས་དང་སེམས་ལ་ཤིན་ཏུ་སྦྱངས་པ་ཁ་ཅིག་དང་ལྡན་པར་འབྱུང་བ་དང་། དེ་ལྟ་བུ་དང་མཐུན་པ་དག་ནི་ཡིད་ལ་བྱེད་པ་དང་བཅས་པའི་རྟགས་དང་མཚན་མ་ཡོངས་སུ་བྱང་བ་དག་ཡིན་པར་རིག་པར་བྱའོ། །ཞེས་གསུངས་པའི་ཕྱིར་རོ།།

༣༢༣༽ དྲི་བ། ཡིད་ལ་བྱེད་པ་ཐོབ་པའི་རྣལ་འབྱོར་པས་གོང་དུ་བགྲོད་པའི་ལམ་གཉིས་ཡོད་པ་དེ་གང་དང་གང་ཡིན་ནམ།

དྲིས་ལན། བགྲོད་པའི་ལམ་གཉིས་ནི་འཇིག་རྟེན་པའི་ལམ་དང་། འཇིག་རྟེན་ལས་འདས་པའི་ལམ་གཉིས་ཡིན་ཏེ། གཞུང་ལས། དེ་ལྟར་ཡིད་ལ་བྱེད་པ་ཐོབ་པའི་རྣལ་འབྱོར་པ་སྤོང་བའི་དགའ་བ་ཆུང་ངུ་ལ་ཞུགས་པ་དེའི་གོང་དུ་བགྲོད་པར་བྱ་བ་ནི་གཉིས་ཁོ་ནར་ཟད་དེ། །གཉིས་གང་ཞེ་ན། འདི་ལྟ་སྟེ་འཇིག་རྟེན་པའི་དང་། འཇིག་རྟེན་ལས་འདས་པའོ། །ཞེས་གསུངས་པའི་ཕྱིར་རོ།།

༣༢༤༽ དྲི་བ། ཡིད་ལ་བྱེད་པ་དེ་ཉིད་ལ་ལན་མང་དུ་གོམས་པར་བྱས་པའི་འབྲས་བུ་ཇི་ལྟར་འབྱུང་བ་དང་། དེ་ལས་རྣལ་འབྱོར་པས་ཇི་ལྟར་སྦྱོར་བ་རྩོམ་པར་བྱེད་དམ།

དྲིས་ལན། དེ་ལ་ལན་མང་དུ་བྱས་པས་ཤིན་ཏུ་སྦྱངས་པ་དང་སེམས་རྩེ་གཅིག་པ་འཕེལ་ཞིང་རྒྱས་པར་འགྱུར་ལ། གང་གི་ཚེ་ཡིད་ལ་བྱེད་པ་བརྟན་ཅིང་དམིགས་པ་དག་པ་དང་ཞི་ལྷག་གི་མཚན་མ་ཡོངས་སུ་ཟིན་པར་གྱུར་པ་དེའི་ཚེ། རང་གིས་འདོད་པའི་འཇིག་རྟེན་པའམ་འཇིག་རྟེན་ལས་འདས་པའི་ལམ་གང་རུང་གི་སྦྱོར་བ་རྩོམ་པར་བྱེད་དེ། གཞུང་ལས། ཇི་ལྟ་ཇི་ལྟར་ལན་མང་དུ་བྱེད་པ་དེ་ལྟ་དེ་ལྟར་ཉིན་མཚན་དེ་དང་དེ་དག་འདས་པས་དེའི་ཤིན་ཏུ་སྦྱངས་པ་དང་། སེམས་རྩེ་གཅིག་པ་ཉིད་དེ་འཕེལ་ཞིང་རྒྱས་པ་དང་ཡངས་པར་འགྱུར་རོ། །གང་གི་ཚེ་...དེ་འཇིག་རྟེན་པའི་ལམ་མམ། འཇིག་རྟེན་ལས་འདས་པའི་ལམ་གང་གིས་འགྲོ་བར་འདོད་པ་དེ་ལ་སྦྱོར་བ་རྩོམ་པར་བྱེད་དོ། །ཞེས་གསུངས་པའི་ཕྱིར་རོ།།

༣༢༥༽ དྲི་བ། འདོད་པའི་འདོད་ཆགས་དང་བྲལ་བར་བྱེད་པའི་འཇིག་རྟེན་པའི་ལམ་ལ་ཡིད་ལ་བྱེད་པ་རྣམ་པ་བདུན་ཡོད་པ་དེ་དག་གང་དང་གང་ཡིན་ནམ།

དྲིས་ལན། ཡིད་ལ་བྱེད་པ་བདུན་ནི། ༡) མཚན་ཉིད་སོ་སོར་རིག་པ། ༢) མོས་པ་ལས་བྱུང་བ། ༣) རབ་ཏུ་དབེན་པ། ༤) དགའ་བ་སྡུད་པ། ༥) དཔྱོད་པ། ༦) སྦྱོར་བ་མཐར་ཐུག་པ། ༧) སྦྱོར་བ་མཐར་ཐུག་པའི་འབྲས་བུ་བཅས་ཀྱི་ཡིད་ལ་བྱེད་པ་ཡིན་ཏེ། གཞུང་ལས། དེ་ལ་འདོད་པའི་འདོད་ཆགས་དང་བྲལ་བའི་ཕྱིར་རབ་ཏུ་བརྩོན་པའི་རྣལ་འབྱོར་པ་ནི་ཡིད་ལ་བྱེད་པ་རྣམ་པ་བདུན་གྱིས་འདོད་པའི་འདོད་ཆགས་དང་བྲལ་བ་རྗེས་སུ་ཐོབ་བོ། །བདུན་གང་ཞེ་ན། མཚན་ཉིད་སོ་སོར་རིག་པ་དང་། མོས་པ་ལས་བྱུང་བ་དང་། རབ་ཏུ་དབེན་པ་དང་། དགའ་བ་སྡུད་པ་དང་། དཔྱོད་པའི་ཡིད་ལ་བྱེད་པ་དང་། སྦྱོར་བ་མཐར་ཐུག་པ་ཡིད་ལ་བྱེད་པ་དང་། སྦྱོར་བ་མཐར་ཐུག་པའི་འབྲས་བུ་ཡིད་ལ་བྱེད་པའོ། །ཞེས་གསུངས་པའི་ཕྱིར་རོ།།

༣༢༦༽ དྲི་བ། ཡིད་ལ་བྱེད་པ་དང་པོ་མཚན་ཉིད་སོ་སོར་རིག་པ་ཞེས་པས་མཚན་ཉིད་གང་དག་སོ་སོར་རིག་པར་བྱེད་པ་ཡིན་ནམ།

དྲིས་ལན། དེས་ནི་འདོད་པའི་ཁམས་རྣམས་ལ་རགས་པའི་མཚན་ཉིད་དུ་རིག་པ་དང་། བསམ་གཏན་དང་པོ་ལ་ཞི་བའི་མཚན་ཉིད་དུ་རིག་པར་བྱེད་པ་ཡིན་ཏེ། གཞུང་ལས། དེ་ལ་མཚན་ཉིད་སོ་སོར་རིག་པའི་ཡིད་ལ་བྱེད་པ་ནི། ཡིད་ལ་བྱེད་པ་གང་གིས་འདོད་པ་རྣམས་ལ་རགས་པའི་མཚན་ཉིད་དུ་སོ་སོར་རིག་པར་བྱེད་ཅིང་བསམ་གཏན་དང་པོ་ལ་ཞི་བའི་མཚན་ཉིད་དུ་སོ་སོར་རིག་པར་བྱེད་པའོ། །ཞེས་གསུངས་པའི་ཕྱིར་རོ།།

༣༢༧༽ དྲི་བ། མོས་པ་ལས་བྱུང་བའི་ཡིད་ལ་བྱེད་པ་ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི་ཐོས་བསམ་གྱི་དཔྱད་པ་ལས་ཡང་དག་པར་འདས་ཏེ། གཅིག་ཏུ་སྒོམ་པའི་རྣམ་པས་རགས་པ་དང་ཞི་བའི་མཚན་ཉིད་ལ་ཡང་དང་ཡང་དུ་ཞི་གནས་དང་ལྷག་མཐོང་གི་སྒོ་ནས་སྒོམ་པ་ལ་ཟེར་ཏེ།གཞུང་ལས། དེས་དེ་ལྟར་འདོད་པ་རྣམས་ཡོངས་སུ་ཤེས་ནས་བསམ་གཏན་དང་པོ་ཡོངས་སུ་ཚོལ་བ་དང་། ...གཅིག་ཏུ་སྒོམ་པའི་རྣམ་པས་མོས་པར་བྱེད།...དེ་ནི་མོས་པ་ལས་བྱུང་བའི་ཡིད་ལ་བྱེད་དོ་ཞེས་བྱའོ། །ཞེས་གསུངས་པའི་ཕྱིར་རོ།།

༣༢༨༽ དྲི་བ། ཡིད་ལ་བྱེད་པ་བདུན་པོའི་ནང་ནས་ཉོན་མོངས་སྤོང་བའི་ལམ་དངོས་ཐོག་མར་སྐྱེ་བའི་སྐབས་ཀྱི་ཡིད་ལ་བྱེད་པ་དེ་གང་ཡིན་ནམ།

དྲིས་ལན། དེ་ནི་ཡིད་ལ་བྱེད་པ་གསུམ་པ་རབ་ཏུ་དབེན་པ་ཡིད་ལ་བྱེད་པ་ཞེས་པ་དེ་ཡིན་ཏེ། གཞུང་ལས། དེ་ཀུན་དུ་རྟེན་ཅིང་གོམས་པར་བྱས་ལན་མང་དུ་བྱས་པའི་རྒྱུས་དང་པོ་ཁོ་ནར་ཉོན་མོངས་པ་སྤོང་བའི་ལམ་སྐྱེ་བར་འགྱུར་ཞིང་ཉོན་མོངས་པ་སྤོང་བའི་ལམ་ཡང་དག་པར་སྐྱེས་པ་གང་ཡིན་པ་དེ་དང་ལྡན་པའི་ཡིད་ལ་བྱེད་པ་དེ་ནི་རབ་ཏུ་དབེན་པ་ཡིད་ལ་བྱེད་པ་ཞེས་བྱའོ། །ཞེས་གསུངས་པའི་ཕྱིར་རོ།།

༣༢༩༽ དྲི་བ། དགའ་བ་སྡུད་པའི་ཡིད་ལ་བྱེད་པ་ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི། ཉོན་མོངས་སྤངས་པའི་རབ་ཏུ་དབེན་པའི་དགའ་བ་ལ་བརྟེན་ནས། རྨུགས་པ་དང་གཉིད་དང་རྒོད་པ་སོགས་སྤོང་བའི་ཕྱིར། དུས་དུས་སུ་དགའ་བ་དང་སྐྱོ་བའི་ཡིད་ལ་བྱེད་པ་སྤེལ་མ་བྱས་ནས་སྒོམ་པ་ལ་ཟེར་ཏེ། གཞུང་ལས། དེས་དང་པོར་འདོད་པ་ན་སྤྱོད་པའི་ཉོན་མོངས་པ་སྤང་བ་དང་།...འདི་ལྟ་སྟེ་རྨུགས་པ་དང་། གཉིད་དང་། རྒོད་པ་སྤང་བའི་ཕྱིར་དུས་དུས་སུ་རབ་ཏུ་དང་བར་འགྱུར་བའི་ཡིད་ལ་བྱེད་པས་ཡང་དག་པར་རབ་ཏུ་དགའ་བར་བྱེད་ཅིང་ཀུན་ཏུ་སྐྱོ་བར་འགྱུར་བའི་ཡིད་ལ་བྱེད་པས་ཀུན་ཏུ་སྐྱོ་བར་བྱེད་པ་དེ་ནི་དགའ་བ་སྡུད་པའི་ཡིད་ལ་བྱེད་པ་ཞེས་བྱའོ། །ཞེས་གསུངས་པའི་ཕྱིར་རོ།།

༣༣༠༽ དྲི་བ། ཡིད་ལ་བྱེད་པ་བདུན་པོའི་བྱེད་ལས་རྣམས་མདོར་བསྡུས་ན་གང་དག་ཡིན་ནམ།

དྲིས་ལན། བྱེད་ལས་རྣམས་ནི། མཚན་ཉིད་སོ་སོར་རིག་པས་སྤང་བྱ་དང་ཐོབ་བྱ་ཤེས་པར་བྱེད། མོས་པ་ལས་བྱུང་བས་སྦྱོར་བ་རྩོམ་པར་བྱེད། རབ་ཏུ་དབེན་པས་ཉོན་མོངས་ཆེན་པོ་སྤོང་བར་བྱེད། དགའ་བ་སྡུད་པས་ཉོན་མོངས་འབྲིང་སྤོང་བར་བྱེད། དཔྱོད་པས་ཐོབ་པ་ལ་མངོན་པའི་ང་རྒྱལ་མི་སྐྱེ་བར་བྱེད། སྦྱོར་བ་མཐར་ཐུག་པས་ཉོན་མོངས་ཆུང་ངུ་སྤོང་བར་བྱེད།སྦྱོར་བ་མཐར་ཐུག་པའི་འབྲས་བུས་སྒོམ་པའི་འབྲས་བུ་ཉམས་སུ་མྱོང་བར་བྱེད་དེ། གཞུང་ལས། དེ་ལ་མཚན་ཉིད་སོ་སོར་རིག་པའི་ཡིད་ལ་བྱེད་པས་ནི་སྤང་བར་བྱ་བ་གང་ཡིན་པ་དེ་ཡོངས་སུ་ཤེས་པར་བྱེད།...སྒོམ་པའི་འབྲས་བུ་ཉམས་སུ་མྱོང་བར་བྱེད་དོ། །ཞེས་གསུངས་པའི་ཕྱིར་རོ།།

༣༣༡༽ དྲི་བ། ཡིད་ལ་བྱེད་པ་བདུན་པོ་དེ་དག་ཡིད་ལ་བྱེད་པ་བཞིའི་ནང་དུ་ཇི་ལྟར་འདུ་བ་ཡིན་ནམ།

དྲིས་ལན། དང་པོ་དང་གཉིས་པ་ནི་རྗེས་སུ་མཐུན་པའི་ཡིད་ལ་བྱེད་པ་ཡིན། གསུམ་པ་དང་དྲུག་པ་ནི་གཉེན་པོ་ཡིད་ལ་བྱེད་པ་ཡིན། བཞི་པ་ནི་དང་བར་འགྱུར་བའི་ཡིད་ལ་བྱེད་པ་ཡིན། ལྔ་པ་ནི་སོ་སོར་རྟོག་པའི་ཡིད་ལ་བྱེད་པ་ཡིན་ཏེ། གཞུང་ལས། གཞན་ཡང་མཚན་ཉིད་སོ་སོར་རིག་པའི་ཡིད་ལ་བྱེད་པ་གང་ཡིན་པ་དང་མོས་པ་ལས་བྱུང་བའི་ཡིད་ལ་བྱེད་པ་གང་ཡིན་པ་དེ་ནི་སུན་འབྱིན་པའི་གཉེན་པོ་དང་ལྡན་པ་སྟེ། རྗེས་སུ་མཐུན་པའི་ཡིད་ལ་བྱེད་པ་ཡིན་ནོ། །རབ་ཏུ་དབེན་པའི་ཡིད་ལ་བྱེད་པ་གང་ཡིན་པ་དང་སྦྱོར་བ་མཐར་ཐུག་པ་ཡིད་ལ་བྱེད་པ་གང་ཡིན་པ་ནི་སྤོང་བའི་གཉེན་པོ་དང་ལྡན་པ་སྟེ་གཉེན་པོ་ཡིད་ལ་བྱེད་པ་ཡིན་ནོ། །དེ་ལ་དགའ་བ་སྡུད་པའི་ཡིད་ལ་བྱེད་པ་གང་ཡིན་པ་དེ་ནི་དང་བར་འགྱུར་བའི་ཡིད་ལ་བྱེད་པ་ཡིན་ནོ། །དེ་ལ་དཔྱོད་པ་ཡིད་ལ་བྱེད་པ་གང་ཡིན་པ་དེ་ནི་སོ་སོར་རྟོག་པའི་ཡིད་ལ་བྱེད་པ་ཞེས་བྱ་སྟེ།...འདུས་པར་རིག་པར་བྱའོ། །ཞེས་གསུངས་པའི་ཕྱིར་རོ།།

༣༢༣༽ དྲི་བ། ཡིད་ལ་བྱེད་པ་ཐོབ་པའི་རྣལ་འབྱོར་པས་གོང་དུ་བགྲོད་པའི་ལམ་གཉིས་ཡོད་པ་དེ་གང་དང་གང་ཡིན་ནམ།

དྲིས་ལན། བགྲོད་པའི་ལམ་གཉིས་ནི་འཇིག་རྟེན་པའི་ལམ་དང་། འཇིག་རྟེན་ལས་འདས་པའི་ལམ་གཉིས་ཡིན་ཏེ། གཞུང་ལས། དེ་ལྟར་ཡིད་ལ་བྱེད་པ་ཐོབ་པའི་རྣལ་འབྱོར་པ་སྤོང་བའི་དགའ་བ་ཆུང་ངུ་ལ་ཞུགས་པ་དེའི་གོང་དུ་བགྲོད་པར་བྱ་བ་ནི་གཉིས་ཁོ་ནར་ཟད་དེ། །གཉིས་གང་ཞེ་ན། འདི་ལྟ་སྟེ་འཇིག་རྟེན་པའི་དང་། འཇིག་རྟེན་ལས་འདས་པའོ། །ཞེས་གསུངས་པའི་ཕྱིར་རོ།།

༣༢༤༽ དྲི་བ། ཡིད་ལ་བྱེད་པ་དེ་ཉིད་ལ་ལན་མང་དུ་གོམས་པར་བྱས་པའི་འབྲས་བུ་ཇི་ལྟར་འབྱུང་བ་དང་། དེ་ལས་རྣལ་འབྱོར་པས་ཇི་ལྟར་སྦྱོར་བ་རྩོམ་པར་བྱེད་དམ།

དྲིས་ལན། དེ་ལ་ལན་མང་དུ་བྱས་པས་ཤིན་ཏུ་སྦྱངས་པ་དང་སེམས་རྩེ་གཅིག་པ་འཕེལ་ཞིང་རྒྱས་པར་འགྱུར་ལ། གང་གི་ཚེ་ཡིད་ལ་བྱེད་པ་བརྟན་ཅིང་དམིགས་པ་དག་པ་དང་ཞི་ལྷག་གི་མཚན་མ་ཡོངས་སུ་ཟིན་པར་གྱུར་པ་དེའི་ཚེ། རང་གིས་འདོད་པའི་འཇིག་རྟེན་པའམ་འཇིག་རྟེན་ལས་འདས་པའི་ལམ་གང་རུང་གི་སྦྱོར་བ་རྩོམ་པར་བྱེད་དེ། གཞུང་ལས། ཇི་ལྟ་ཇི་ལྟར་ལན་མང་དུ་བྱེད་པ་དེ་ལྟ་དེ་ལྟར་ཉིན་མཚན་དེ་དང་དེ་དག་འདས་པས་དེའི་ཤིན་ཏུ་སྦྱངས་པ་དང་། སེམས་རྩེ་གཅིག་པ་ཉིད་དེ་འཕེལ་ཞིང་རྒྱས་པ་དང་ཡངས་པར་འགྱུར་རོ། །གང་གི་ཚེ་...དེ་འཇིག་རྟེན་པའི་ལམ་མམ། འཇིག་རྟེན་ལས་འདས་པའི་ལམ་གང་གིས་འགྲོ་བར་འདོད་པ་དེ་ལ་སྦྱོར་བ་རྩོམ་པར་བྱེད་དོ། །ཞེས་གསུངས་པའི་ཕྱིར་རོ།།

༣༢༥༽ དྲི་བ། འདོད་པའི་འདོད་ཆགས་དང་བྲལ་བར་བྱེད་པའི་འཇིག་རྟེན་པའི་ལམ་ལ་ཡིད་ལ་བྱེད་པ་རྣམ་པ་བདུན་ཡོད་པ་དེ་དག་གང་དང་གང་ཡིན་ནམ།

དྲིས་ལན། ཡིད་ལ་བྱེད་པ་བདུན་ནི། ༡) མཚན་ཉིད་སོ་སོར་རིག་པ། ༢) མོས་པ་ལས་བྱུང་བ། ༣) རབ་ཏུ་དབེན་པ། ༤) དགའ་བ་སྡུད་པ། ༥) དཔྱོད་པ། ༦) སྦྱོར་བ་མཐར་ཐུག་པ། ༧) སྦྱོར་བ་མཐར་ཐུག་པའི་འབྲས་བུ་བཅས་ཀྱི་ཡིད་ལ་བྱེད་པ་ཡིན་ཏེ། གཞུང་ལས། དེ་ལ་འདོད་པའི་འདོད་ཆགས་དང་བྲལ་བའི་ཕྱིར་རབ་ཏུ་བརྩོན་པའི་རྣལ་འབྱོར་པ་ནི་ཡིད་ལ་བྱེད་པ་རྣམ་པ་བདུན་གྱིས་འདོད་པའི་འདོད་ཆགས་དང་བྲལ་བ་རྗེས་སུ་ཐོབ་བོ། །བདུན་གང་ཞེ་ན། མཚན་ཉིད་སོ་སོར་རིག་པ་དང་། མོས་པ་ལས་བྱུང་བ་དང་། རབ་ཏུ་དབེན་པ་དང་། དགའ་བ་སྡུད་པ་དང་། དཔྱོད་པའི་ཡིད་ལ་བྱེད་པ་དང་། སྦྱོར་བ་མཐར་ཐུག་པ་ཡིད་ལ་བྱེད་པ་དང་། སྦྱོར་བ་མཐར་ཐུག་པའི་འབྲས་བུ་ཡིད་ལ་བྱེད་པའོ། །ཞེས་གསུངས་པའི་ཕྱིར་རོ།།

༣༢༦༽ དྲི་བ། ཡིད་ལ་བྱེད་པ་དང་པོ་ མཚན་ཉིད་སོ་སོར་རིག་པ་ ཞེས་པས་མཚན་ཉིད་གང་དག་སོ་སོར་རིག་པར་བྱེད་པ་ཡིན་ནམ།

དྲིས་ལན། དེས་ནི་འདོད་པའི་ཁམས་རྣམས་ལ་རགས་པའི་མཚན་ཉིད་དུ་རིག་པ་དང་། བསམ་གཏན་དང་པོ་ལ་ཞི་བའི་མཚན་ཉིད་དུ་རིག་པར་བྱེད་པ་ཡིན་ཏེ། གཞུང་ལས། དེ་ལ་མཚན་ཉིད་སོ་སོར་རིག་པའི་ཡིད་ལ་བྱེད་པ་ནི། ཡིད་ལ་བྱེད་པ་གང་གིས་འདོད་པ་རྣམས་ལ་རགས་པའི་མཚན་ཉིད་དུ་སོ་སོར་རིག་པར་བྱེད་ཅིང་བསམ་གཏན་དང་པོ་ལ་ཞི་བའི་མཚན་ཉིད་དུ་སོ་སོར་རིག་པར་བྱེད་པའོ། །ཞེས་གསུངས་པའི་ཕྱིར་རོ།།

༣༢༧༽ དྲི་བ། མོས་པ་ལས་བྱུང་བའི་ཡིད་ལ་བྱེད་པ་ ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི་ཐོས་བསམ་གྱི་དཔྱད་པ་ལས་ཡང་དག་པར་འདས་ཏེ། གཅིག་ཏུ་སྒོམ་པའི་རྣམ་པས་རགས་པ་དང་ཞི་བའི་མཚན་ཉིད་ལ་ཡང་དང་ཡང་དུ་ཞི་གནས་དང་ལྷག་མཐོང་གི་སྒོ་ནས་སྒོམ་པ་ལ་ཟེར་ཏེ།
གཞུང་ལས། དེས་དེ་ལྟར་འདོད་པ་རྣམས་ཡོངས་སུ་ཤེས་ནས་བསམ་གཏན་དང་པོ་ཡོངས་སུ་ཚོལ་བ་དང་། ...གཅིག་ཏུ་སྒོམ་པའི་རྣམ་པས་མོས་པར་བྱེད།...དེ་ནི་མོས་པ་ལས་བྱུང་བའི་ཡིད་ལ་བྱེད་དོ་ཞེས་བྱའོ། །ཞེས་གསུངས་པའི་ཕྱིར་རོ།།

༣༢༨༽ དྲི་བ། ཡིད་ལ་བྱེད་པ་བདུན་པོའི་ནང་ནས་ཉོན་མོངས་སྤོང་བའི་ལམ་དངོས་ཐོག་མར་སྐྱེ་བའི་སྐབས་ཀྱི་ཡིད་ལ་བྱེད་པ་དེ་གང་ཡིན་ནམ།

དྲིས་ལན། དེ་ནི་ཡིད་ལ་བྱེད་པ་གསུམ་པ་ རབ་ཏུ་དབེན་པ་ཡིད་ལ་བྱེད་པ་ ཞེས་པ་དེ་ཡིན་ཏེ། གཞུང་ལས། དེ་ཀུན་དུ་རྟེན་ཅིང་གོམས་པར་བྱས་ལན་མང་དུ་བྱས་པའི་རྒྱུས་དང་པོ་ཁོ་ནར་ཉོན་མོངས་པ་སྤོང་བའི་ལམ་སྐྱེ་བར་འགྱུར་ཞིང་ཉོན་མོངས་པ་སྤོང་བའི་ལམ་ཡང་དག་པར་སྐྱེས་པ་གང་ཡིན་པ་དེ་དང་ལྡན་པའི་ཡིད་ལ་བྱེད་པ་དེ་ནི་རབ་ཏུ་དབེན་པ་ཡིད་ལ་བྱེད་པ་ཞེས་བྱའོ། །ཞེས་གསུངས་པའི་ཕྱིར་རོ།།

༣༢༩༽ དྲི་བ། དགའ་བ་སྡུད་པའི་ཡིད་ལ་བྱེད་པ་ ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི། ཉོན་མོངས་སྤངས་པའི་རབ་ཏུ་དབེན་པའི་དགའ་བ་ལ་བརྟེན་ནས། རྨུགས་པ་དང་གཉིད་དང་རྒོད་པ་སོགས་སྤོང་བའི་ཕྱིར། དུས་དུས་སུ་དགའ་བ་དང་སྐྱོ་བའི་ཡིད་ལ་བྱེད་པ་སྤེལ་མ་བྱས་ནས་སྒོམ་པ་ལ་ཟེར་ཏེ། གཞུང་ལས། དེས་དང་པོར་འདོད་པ་ན་སྤྱོད་པའི་ཉོན་མོངས་པ་སྤང་བ་དང་།...འདི་ལྟ་སྟེ་རྨུགས་པ་དང་། གཉིད་དང་། རྒོད་པ་སྤང་བའི་ཕྱིར་དུས་དུས་སུ་རབ་ཏུ་དང་བར་འགྱུར་བའི་ཡིད་ལ་བྱེད་པས་ཡང་དག་པར་རབ་ཏུ་དགའ་བར་བྱེད་ཅིང་ཀུན་ཏུ་སྐྱོ་བར་འགྱུར་བའི་ཡིད་ལ་བྱེད་པས་ཀུན་ཏུ་སྐྱོ་བར་བྱེད་པ་དེ་ནི་དགའ་བ་སྡུད་པའི་ཡིད་ལ་བྱེད་པ་ཞེས་བྱའོ། །ཞེས་གསུངས་པའི་ཕྱིར་རོ།།

༣༣༠༽ དྲི་བ། ཡིད་ལ་བྱེད་པ་བདུན་པོའི་བྱེད་ལས་རྣམས་མདོར་བསྡུས་ན་གང་དག་ཡིན་ནམ།

དྲིས་ལན། བྱེད་ལས་རྣམས་ནི། མཚན་ཉིད་སོ་སོར་རིག་པས་སྤང་བྱ་དང་ཐོབ་བྱ་ཤེས་པར་བྱེད།  མོས་པ་ལས་བྱུང་བས་སྦྱོར་བ་རྩོམ་པར་བྱེད། རབ་ཏུ་དབེན་པས་ཉོན་མོངས་ཆེན་པོ་སྤོང་བར་བྱེད། དགའ་བ་སྡུད་པས་ཉོན་མོངས་འབྲིང་སྤོང་བར་བྱེད།  དཔྱོད་པས་ཐོབ་པ་ལ་མངོན་པའི་ང་རྒྱལ་མི་སྐྱེ་བར་བྱེད། སྦྱོར་བ་མཐར་ཐུག་པས་ཉོན་མོངས་ཆུང་ངུ་སྤོང་བར་བྱེད། སྦྱོར་བ་མཐར་ཐུག་པའི་འབྲས་བུས་སྒོམ་པའི་འབྲས་བུ་ཉམས་སུ་མྱོང་བར་བྱེད་དེ། གཞུང་ལས། དེ་ལ་མཚན་ཉིད་སོ་སོར་རིག་པའི་ཡིད་ལ་བྱེད་པས་ནི་སྤང་བར་བྱ་བ་གང་ཡིན་པ་དེ་ཡོངས་སུ་ཤེས་པར་བྱེད།...སྒོམ་པའི་འབྲས་བུ་ཉམས་སུ་མྱོང་བར་བྱེད་དོ། །ཞེས་གསུངས་པའི་ཕྱིར་རོ།།

༣༣༡༽ དྲི་བ། ཡིད་ལ་བྱེད་པ་བདུན་པོ་དེ་དག་ཡིད་ལ་བྱེད་པ་བཞིའི་ནང་དུ་ཇི་ལྟར་འདུ་བ་ཡིན་ནམ།

དྲིས་ལན། དང་པོ་དང་གཉིས་པ་ནི་རྗེས་སུ་མཐུན་པའི་ཡིད་ལ་བྱེད་པ་ཡིན། གསུམ་པ་དང་དྲུག་པ་ནི་གཉེན་པོ་ཡིད་ལ་བྱེད་པ་ཡིན། བཞི་པ་ནི་དང་བར་འགྱུར་བའི་ཡིད་ལ་བྱེད་པ་ཡིན། ལྔ་པ་ནི་སོ་སོར་རྟོག་པའི་ཡིད་ལ་བྱེད་པ་ཡིན་ཏེ། གཞུང་ལས། གཞན་ཡང་མཚན་ཉིད་སོ་སོར་རིག་པའི་ཡིད་ལ་བྱེད་པ་གང་ཡིན་པ་དང་མོས་པ་ལས་བྱུང་བའི་ཡིད་ལ་བྱེད་པ་གང་ཡིན་པ་དེ་ནི་སུན་འབྱིན་པའི་གཉེན་པོ་དང་ལྡན་པ་སྟེ། རྗེས་སུ་མཐུན་པའི་ཡིད་ལ་བྱེད་པ་ཡིན་ནོ། །རབ་ཏུ་དབེན་པའི་ཡིད་ལ་བྱེད་པ་གང་ཡིན་པ་དང་སྦྱོར་བ་མཐར་ཐུག་པ་ཡིད་ལ་བྱེད་པ་གང་ཡིན་པ་ནི་སྤོང་བའི་གཉེན་པོ་དང་ལྡན་པ་སྟེ་གཉེན་པོ་ཡིད་ལ་བྱེད་པ་ཡིན་ནོ། །དེ་ལ་དགའ་བ་སྡུད་པའི་ཡིད་ལ་བྱེད་པ་གང་ཡིན་པ་དེ་ནི་དང་བར་འགྱུར་བའི་ཡིད་ལ་བྱེད་པ་ཡིན་ནོ། །དེ་ལ་དཔྱོད་པ་ཡིད་ལ་བྱེད་པ་གང་ཡིན་པ་དེ་ནི་སོ་སོར་རྟོག་པའི་ཡིད་ལ་བྱེད་པ་ཞེས་བྱ་སྟེ།...འདུས་པར་རིག་པར་བྱའོ། །ཞེས་གསུངས་པའི་ཕྱིར་རོ།།

༣༣༢༽ དྲི་བ། བསམ་གཏན་རྣམས་རྣམ་པར་གཞག་པའི་གཞི་རྣམ་པ་བཞི་གང་དང་གང་ཡིན་ནམ།

དྲིས་ལན། རྣམ་པར་གཞག་པའི་གཞི་བཞི་ནི། ༡༽ མི་མཐུན་ཕྱོགས་ཉམས་པར་བྱེད་པ། ༢༽ གཉེན་པོ་སྒོམ་པ། ༣༽ བསྒོམས་པའི་ཕན་ཡོན། ༤༽ དེ་གཉིས་ཀའི་གནས་བཅས་ཡིན་ཏེ། གཞུང་ལས། དེ་ལ་བསམ་གཏན་དག་རྣམ་པ་བཞིས་རྣམ་པར་གཞག་སྟེ། མི་མཐུན་ཕྱོགས་ཉམས་པར་བྱེད་པ་དང་། གཉེན་པོ་སྒོམ་པ་དང་། བསྒོམས་པའི་ཕན་ཡོན་དང་། དེ་གཉིས་ཀའི་གནས་སོ། །ཞེས་གསུངས་པའི་ཕྱིར་རོ།།

༣༣༣༽ དྲི་བ། བསམ་གཏན་དང་པོའི་སྐབས་ཀྱི་དབེན་པ་ཞེས་པས་གང་ལས་དབེན་པ་ལ་གོ་དགོས་པ་དང་། དབེན་ཚུལ་ཇི་ལྟར་ཡིན་ནམ།

དྲིས་ལན། དེས་ནི་ཉོན་མོངས་པའི་འདོད་པ་དང་དངོས་པོའི་འདོད་པ་དག་ལས་དབེན་པ་ལ་གོ་དགོས། དབེན་ཚུལ་ནི་མཚུངས་པར་ལྡན་པ་ལས་དབེན་པ་དང་དམིགས་པ་ལས་དབེན་པའི་ཕྱིར་ཏེ། གཞུང་ལས། དབེན་ཞེས་བྱ་བ་ལ་མི་མཐུན་པའི་ཕྱོགས་ཉམས་པ་བསྟན་པ་ལ་འདོད་པ་ནི། ཉོན་མོངས་པའི་འདོད་པ་དང་། དངོས་པོའི་འདོད་པ་དག་གོ། །དབེན་པ་ནི་མཚུངས་པར་ལྡན་པ་ལས་དབེན་པ་དང་། དམིགས་པ་ལས་དབེན་པའི་ཕྱིར་རོ། །ཞེས་གསུངས་པའི་ཕྱིར་རོ།།

༣༣༤༽ དྲི་བ། བསམ་གཏན་གཉིས་པའི་སྐབས་ཀྱི་ནང་ཡོངས་སུ་དང་བ་དང་སེམས་ཀྱི་རྒྱུད་གཅིག་ཏུ་གྱུར་པ་ཞེས་པའི་དོན་གང་ཡིན་ནམ།

དྲིས་ལན། ནང་ཡོངས་སུ་དང་བ་ནི། རྟོག་དཔྱོད་དང་བཅས་པའི་ཏིང་ངེ་འཛིན་གྱི་མཚན་མ་ལས་སེམས་བཟློག་སྟེ། དམིགས་པ་བརྟན་པ་ལ་སེམས་ཞི་བ་དང་དང་བར་འཇུག་པར་བྱེད་པ་ཡིན། སེམས་ཀྱི་རྒྱུད་གཅིག་ཏུ་གྱུར་པ་ནི། རྟོག་དཔྱོད་ཀྱིས་བར་དུ་གཅོད་པ་མེད་ཅིང་སྐབས་སུ་འཆད་པ་མེད་པའི་གནས་སྐབས་ཐོབ་པ་ཡིན་ཏེ། གཞུང་ལས། རྟོག་པ་དང་དཔྱོད་པ་དང་བྲལ་ཞིང་ནང་ཡོངས་སུ་དང་བ་སྟེ་ཞེས་བྱ་བ་ནི། ...སེམས་ཞི་བ་དང་དང་བར་འཇུག་པར་བྱེད་ཅིང་རྣམ་པར་འཇོག་པར་བྱེད་པའི་ཕྱིར་རོ། །སེམས་ཀྱི་རྒྱུད་གཅིག་ཏུ་གྱུར་པས་ཞེས་བྱ་བ་ནི། ...བར་དུ་གཅོད་པ་མེད་པ་དང་། སྐབས་སུ་འཆད་པ་མེད་པའི་གནས་སྐབས་ཐོབ་པའི་ཕྱིར་རོ། །ཞེས་གསུངས་པའི་ཕྱིར་རོ།།

༣༣༥༽ དྲི་བ། བསམ་གཏན་གསུམ་པའི་སྐབས་སུ་སྒོམ་པ་པོ་དེ་ བཏང་སྙོམས་ལ་གནས་ཤིང་ ཞེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། སེམས་ཀུན་ཏུ་འཁྲུག་པར་བྱེད་པའི་སྐྱོན་རྟོག་དཔྱོད་དང་དགའ་བ་གཉིས་དང་བྲལ་བའི་ཕྱིར་ཏེ། བསམ་གཏན་དང་པོ་ལ་རྟོག་དཔྱོད་ཡོད་པ་དང་གཉིས་པ་ལ་དགའ་བ་ཡོད་པས་དེ་དག་ལ་བཏང་སྙོམས་ཤས་ཆེར་མེད་པའི་ཕྱིར་རོ།། གཞུང་ལས། བཏང་སྙོམས་ལ་གནས་ཤིང་ཞེས་བྱ་བ་ནི་...སེམས་ཀུན་ཏུ་འཁྲུག་པར་བྱེད་པའི་སྐྱོན་རྣམ་པ་གཉིས་པོ་བསམ་གཏན་གཉིས་པོ་ལ་རྟོག་དཔྱོད་ད་ལྟར་གྱི་དགའ་བ་དང་བྲལ་བས་...དེ་བས་བསམ་གཏན་དང་པོ་དང་གཉིས་པ་གཉིས་ལ་དེ་དག་ལ་བཏང་སྙོམས་ཤས་ཆེར་མེད་པས་དེའི་ཕྱིར་བསམ་གཏན་གསུམ་པ་ལ་སྙོམས་པར་ཞུགས་པའི་བསམ་གཏན་པ་དེ་ནི་བཏང་སྙོམས་ལ་གནས་པ་ཞེས་བྱའོ། །ཞེས་གསུངས་པའི་ཕྱིར་རོ།།

༣༣༦༽ དྲི་བ། བསམ་གཏན་བཞི་པའི་སྐབས་སུ་བཏང་སྙོམས་དང་དྲན་པ་ཡོངས་སུ་དག་པས་ཞེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། བསམ་གཏན་འོག་མ་དག་གི་སྐྱོན་ཏེ་རྟོག་པ་དང་། དཔྱོད་པ། དགའ་བ། དབུགས་འབྱུང་རྔུབ་བཅས་ཐམས་ཅད་སྤངས་པའི་ཕྱིར། དེའི་ཚེ་བཏང་སྙོམས་དང་དྲན་པ་གཉིས་ཡོངས་སུ་དག་ཅིང་གཡོ་བ་ཐམས་ཅད་དང་བྲལ་བར་གནས་པའི་ཕྱིར་རོ།།གཞུང་ལས། བཏང་སྙོམས་དང་དྲན་པ་ཡོངས་སུ་དག་པས་ཞེས་བྱ་བ་ནི་དེས་དེའི་ཚེ་ན། བསམ་གཏན་དང་པོ་ཡན་ཆད་ཀྱི་ས་འོག་མ་པའི་སྐྱོན་འདི་ལྟ་སྟེ། རྟོག་པ་དང་དཔྱོད་པ་དང་དགའ་བ་དང་དབུགས་བརྔུབ་པ་དང་དབུགས་དབྱུང་བ་ཐམས་ཅད་སྤངས་པར་གྱུར་ཅིང་། དེ་དག་སྤངས་པའི་ཕྱིར་དེ་ལ་བཏང་སྙོམས་དང་དྲན་པ་གང་ཡོད་པ་དེ་ཡོངས་སུ་དག་པ་དང་ཡོངས་སུ་བྱང་བར་འགྱུར་ཏེ།...དེའི་ཕྱིར་བཏང་སྙོམས་དང་དྲན་པ་ཡོངས་སུ་དག་པ་ཞེས་གསུངས་སོ། །ཞེས་གསུངས་པའི་ཕྱིར་རོ།།

༣༣༧༽ དྲི་བ། ནམ་མཁའ་མཐའ་ཡས་སྐྱེ་མཆེད་ལ་སྙོམས་པར་འཇུག་པའི་ཚེ་གཟུགས་ཀྱི་འདུ་ཤེས་ལས་འདས་པ་དང་། ཐོགས་པའི་འདུ་ཤེས་ནུབ་པ། སྣ་ཚོགས་ཀྱི་འདུ་ཤེས་ཡིད་ལ་མི་བྱེད་པ་བཅས་ཀྱི་དོན་གང་ཡིན་ནམ།

དྲིས་ལན། དེ་དག་གི་དོན་ནི། གཟུགས་ཀྱི་འདུ་ཤེས་ལས་འདས་པ་ནི། ནམ་མཁའ་ལ་མོས་པར་བྱེད་པས་ཁ་དོག་སྔོན་པོ་དང་སེར་པོ་སོགས་གཟུགས་ཀྱི་འདུ་ཤེས་དེ་དག་མི་སྣང་བར་འགྱུར་བའོ།། ཐོགས་པའི་འདུ་ཤེས་ནུབ་པ་ནི། གཟུགས་ཀྱི་འདུ་ཤེས་དང་བྲལ་བས་དེའི་རྒྱུར་གྱུར་པའི་སྒྲིབ་པ་དང་ཐོགས་པའི་འདུ་ཤེས་སྣ་ཚོགས་དང་བྲལ་བའོ།། སྣ་ཚོགས་ཀྱི་འདུ་ཤེས་ཡིད་ལ་མི་བྱེད་པ་ནི། ཟས་དང་། སྐོམ། རྒྱན། ནགས་ཚལ་སོགས་ཐོགས་པ་ཁྱད་པར་ཅན་རྣམས་ལ་ཉེ་བར་འདོགས་པའི་འདུ་ཤེས་རྣམས་འབྱུང་བར་མི་འགྱུར་བའོ།།གཞུང་ལས། ...གཟུགས་ཀྱི་འདུ་ཤེས་རྣམས་ལས་ཡང་དག་པར་འདས་ཏེ་ཞེས་བྱ་བ་ནི་ནམ་མཁར་མོས་པར་བྱེད་པའི་ཕྱིར། ཁ་དོག་སྔོན་པོ་དང་སེར་པོ་དང་དམར་པོ་དང་དཀར་པོ་དང་ལྡན་པའི་འདུ་ཤེས་དེ་དག་མི་སྣང་ཞིང་སྐྱོ་ལ་འདོད་ཆགས་དང་བྲལ་བས་ཡང་དག་པར་འདས་པ་ན...། ཐོགས་པའི་འདུ་ཤེས་རྣམས་ནུབ་པར་གྱུར་ཅིང་ཞེས་བྱ་བ་ནི་...ཐོགས་པའི་འདུ་ཤེས་རྣམས་ནུབ་པར་གྱུར་ཅིང་ཞེས་གསུངས་སོ། །སྣ་ཚོགས་པའི་འདུ་ཤེས་རྣམས་ཡིད་ལ་མི་བྱེད་པས་ཞེས་བྱ་བ་ནི་...སྣ་ཚོགས་ཀྱི་འདུ་ཤེས་རྣམས་ཡིད་ལ་མི་བྱེད་པས་ཞེས་གསུངས་སོ། །ཞེས་གསུངས་པའི་ཕྱིར་རོ།།

༣༣༨༽ དྲི་བ། ནམ་མཁའ་མཐའ་ཡས་སྐྱེ་མཆེད་ནས་རྣམ་ཤེས་མཐའ་ཡས་སྐྱེ་མཆེད་ལ་ཇི་ལྟར་བགྲོད་དགོས་སམ།

དྲིས་ལན། ནམ་མཁའ་མཐའ་ཡས་པར་མོས་པར་བྱེད་པའི་རྣམ་ཤེས་དེ་ཉིད་ལ་དམིགས་པ་གཏད་དེ། ནམ་མཁའི་འདུ་ཤེས་ལས་ལྡོག་ནས་རྣམ་པར་ཤེས་པ་དེ་ཉིད་ལ་མཐའ་ཡས་པའི་རྣམ་པས་མོས་པར་བྱས་ཏེ་བགྲོད་དགོས་ཏེ། གཞུང་ལས། དེ་རྣམ་པར་ཤེས་པ་གང་གིས་ནམ་མཁའ་མཐའ་ཡས་མོས་པར་བྱེད་པ་ནམ་མཁའ་མཐའ་ཡས་པའི་རྣམ་པས་མོས་པར་བྱེད་པའི་རྣམ་པར་ཤེས་པ་དེ་ཉིད་ཀྱིས་རྣམ་ཤེས་མཐའ་ཡས་སྐྱེ་མཆེད་ལ་སྙོམས་པར་འཇུག་པར་འདོད་པས་ནམ་མཁའ་མཐའ་ཡས་སྐྱེ་མཆེད་ཀྱི་འདུ་ཤེས་ལས་ཟློག་སྟེ་རྣམ་པར་ཤེས་པ་དེ་ཉིད་ལ་མཐའ་ཡས་པའི་རྣམ་པས་མོས་པར་བྱེད་ཅིང་། ནམ་མཁའ་མཐའ་ཡས་སྐྱེ་མཆེད་ཀྱི་དངོས་གཞི་ཉེར་བསྡོགས་དང་བཅས་པ་ལས་ཡང་དག་པར་འདས་པས་...ཞེས་གསུངས་པའི་ཕྱིར་རོ།།

༣༣༩༽ དྲི་བ། རྣམ་ཤེས་མཐའ་ཡས་སྐྱེ་མཆེད་ནས་ཅི་ཡང་མེད་པའི་སྐྱེ་མཆེད་ལ་བགྲོད་པའི་ཚུལ་གང་ཡིན་ནམ།

དྲིས་ལན། རྣམ་ཤེས་མཐའ་ཡས་ལས་བསྐྱོད་ཅིང་དེ་ལས་གཞན་པའི་དམིགས་པ་གཟུགས་ཅན་དང་གཟུགས་ཅན་མ་ཡིན་པ་གང་ཡང་མ་རྙེད་པས། དམིགས་པ་གཞན་ཅི་ཡང་མེད་དོ་ཞེས་མོས་ཤིང་། ཅི་ཡང་མེད་པའི་འདུ་ཤེས་ཁོ་ན་ལ་མོས་ནས་དངོས་གཞི་ལ་སྙོམས་པར་འཇུག་པར་བྱེད་པ་ཡིན་ཏེ། གཞུང་ལས། དེ་རྣམ་ཤེས་མཐའ་ཡས་སྐྱེ་མཆེད་ལས་བསྐྱོད་ཅིང་རྣམ་པར་ཤེས་པ་ལས་གཞན་པའི་དམིགས་པ་ཅི་ཡང་དང་ལྡན་པ་གཟུགས་ཅན་དང་གཟུགས་ཅན་མ་ཡིན་པ་ཡོངས་སུ་ཚོལ་བར་བྱེད་པ་ན་མ་རྙེད་དེ། དེས་དམིགས་པ་དེ་མ་རྙེད་པ་ན་...དམིགས་པ་གཞན་ཅི་ཡང་མེད་དོ་ཞེས་མོས་པར་བྱེད་ཅིང་། ཅི་ཡང་མེད་པའི་འདུ་ཤེས་ཁོ་ན་ལ་མོས་པར་འགྱུར་ཏེ།...སྦྱོར་བ་མཐར་ཐུག་པའི་འབྲས་བུའི་དངོས་གཞི་ལ་སྙོམས་པར་འཇུག་པར་བྱེད་པས་ན།...ཞེས་གསུངས་པའི་ཕྱིར་རོ།།

༣༤༠༽ དྲི་བ། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཅེས་པའི་སྐབས་སུ་ འདུ་ཤེས་མེད་ དང་ འདུ་ཤེས་མེད་མིན་ ཞེས་པའི་དོན་གང་ཡིན་ནམ།

དྲིས་ལན། འདུ་ཤེས་མེད་ཅེས་པ་ནི། སྔོན་གྱི་ཅི་ཡང་གི་འདུ་ཤེས་དང་ཅི་ཡང་མེད་པའི་འདུ་ཤེས་གཉིས་ཀ་མེད་པས་ན་དེ་ལྟར་བརྗོད་པ་ཡིན། འདུ་ཤེས་མེད་མིན་ཞེས་པ་ནི། འགོག་པའི་སྙོམས་འཇུག་ལྟར་འདུ་ཤེས་རྣམ་པ་ཐམས་ཅད་དུ་འགགས་པ་མ་ཡིན་པར། འདུ་ཤེས་ཕྲ་ཞིང་མཚན་མ་མེད་པར་འཇུག་པ་ཞིག་ཡོད་པས་ན་དེ་ལྟར་བརྗོད་པ་ཡིན་ཏེ། གཞུང་ལས། འདུ་ཤེས་མེད་ཅེས་བྱ་བ་ནི། དེ་སྔོན་ཅི་ཡང་མེད་པའི་སྐྱེ་མཆེད་ལ་སྙོམས་པར་འཇུག་པའི་ཚེ་ན་ནི་ཅི་ཡང་གི་འདུ་ཤེས་ལས་ཡང་དག་པར་འདས། ད་ལྟ་ནི་ཅི་ཡང་མེད་པའི་འདུ་ཤེས་ལས་ཡང་དག་པར་འདས་པས་ན་དེའི་ཕྱིར་འདུ་ཤེས་མེད་ཅེས་བྱ་བ་གསུངས་ཏེ། འདི་ལྟ་སྟེ་ཅི་ཡང་གི་འདུ་ཤེས་དང་ཅི་ཡང་མེད་པའི་འདུ་ཤེས་མེད་པ་ལ་བྱའོ། །འདུ་ཤེས་མེད་མིན་ཞེས་བྱ་བ་ནི། དེའི་འདུ་ཤེས་ཏེ། འདི་ལྟ་སྟེ་དཔེར་ན་འདུ་ཤེས་མེད་པའམ། འགོག་པའི་སྙོམས་པར་འཇུག་པ་དག་གི་ལྟར་རྣམ་པ་ཐམས་ཅད་ཀྱི་ཐམས་ཅད་དུ་འགགས་པ་མ་ཡིན་ཏེ། འདུ་ཤེས་དེ་ཕྲ་ཞིང་དམིགས་པ་ལ་མཚན་མ་མེད་པར་འཇུག་པ་ཁོ་ན་ཡིན་པས་ན་དེའི་ཕྱིར་འདུ་ཤེས་མེད་མིན་ཞེས་བྱ་བ་གསུངས་སོ། །ཞེས་གསུངས་པའི་ཕྱིར་རོ།།

༣༤༡༽ དྲི་བ། བསམ་གཏན་གྱི་སྙོམས་འཇུག་དང་གཟུགས་མེད་པའི་སྙོམས་འཇུག་ལ་འཇུག་པའི་ཚེ་ལུས་ལ་རྟགས་གང་འདྲ་འབྱུང་བ་དང་། དེ་དག་ལ་ཇི་ལྟར་གནས་དགོས་སམ།

དྲིས་ལན། བསམ་གཏན་ལ་སྙོམས་པར་འཇུག་པའི་ཚེ་ལུས་སའི་འོག་ཏུ་འབྱིང་བ་ལྟ་བུའི་རྟགས་འབྱུང་བ་དང་། གཟུགས་མེད་པ་ལ་སྙོམས་པར་འཇུག་པའི་ཚེ་ལུས་ནམ་མཁའ་ལ་འཕར་བ་ལྟ་བུའི་རྟགས་འབྱུང་ལ། སྐབས་དེར་ཞི་གནས་ཀྱི་རྣམ་པས་བཏང་སྙོམས་སུ་གནས་པ་ནི་ཡང་དག་པའི་སྦྱོར་བ་ཡིན་ཏེ། གཞུང་ལས། དེ་ལ་བསམ་གཏན་ལ་སྙོམས་པར་འཇུག་པའི་ཚེ་ན། ལུས་སའི་འོག་ཏུ་འབྱིང་བར་སྣང་བ་ལྟ་བུའི་རྟགས་འབྱུང་ངོ་། །གཟུགས་མེད་པ་དག་ལ་སྙོམས་པར་འཇུག་པའི་ཚེ་ན་ནི་ལུས་ནམ་མཁའ་ལ་འཕར་བ་ལྟ་བུའི་རྟགས་འབྱུང་སྟེ། དེ་དག་ལ་ཞི་གནས་ཀྱི་རྣམ་པས་བཏང་སྙོམས་སུ་གཞག་ན་ཡང་དག་པའི་སྦྱོར་བ་ཡིན་ནོ། །ཞེས་གསུངས་པའི་ཕྱིར་རོ།།

༣༤༢༽ དྲི་བ། སེམས་མེད་པའི་སྙོམས་འཇུག་ལ་རྣམ་པ་གཉིས་ཡོད་པ་དེ་དག་གང་ཡིན་པ་དང་། དེ་གཉིས་ལ་འཇུག་མཁན་གྱི་གང་ཟག་ལ་ཁྱད་པར་གང་ཡོད་དམ།

དྲིས་ལན། སེམས་མེད་པའི་སྙོམས་འཇུག་ལ་འདུ་ཤེས་མེད་པའི་སྙོམས་འཇུག་དང་འགོག་པའི་སྙོམས་འཇུག་གཉིས་ཡོད། དེ་ལ་འདུ་ཤེས་མེད་པའི་སྙོམས་འཇུག་ལ་ནི་སོ་སོའི་སྐྱེ་བོ་ཁོ་ན་འཇུག་པ་དང་། འགོག་པའི་སྙོམས་འཇུག་ལ་ནི་འཕགས་པ་ཁོ་ན་འཇུག་པའི་ཁྱད་པར་ཡོད་དེ། གཞུང་ལས། དེ་ལ་སེམས་མེད་པའི་སྙོམས་པར་འཇུག་པ་ནི་རྣམ་པ་གཉིས་ཏེ། འདུ་ཤེས་མེད་པའི་སྙོམས་པར་འཇུག་པ་དང་། འགོག་པའི་སྙོམས་པར་འཇུག་པའོ། །དེ་ལ་འདུ་ཤེས་མེད་པའི་སྙོམས་པར་འཇུག་པ་ལ་ནི་སོ་སོའི་སྐྱེ་བོ་ཁོ་ན་སྙོམས་པར་འཇུག་པར་བྱེད་དོ། །འགོག་པའི་སྙོམས་པར་འཇུག་པ་ལ་ནི་འཕགས་པ་ཁོ་ན་སྙོམས་པར་འཇུག་པར་མཛད་དོ། །ཞེས་གསུངས་པའི་ཕྱིར་རོ།།

༣༤༣༽ དྲི་བ། འདུ་ཤེས་མེད་པའི་སྙོམས་འཇུག་དང་འགོག་པའི་སྙོམས་འཇུག་གཉིས་ལ་འཇུག་པར་བྱེད་པའི་ཡིད་ལ་བྱེད་པ་གཉིས་པོ་གང་དང་གང་ཡིན་ནམ།

དྲིས་ལན། འདུ་ཤེས་མེད་པའི་སྙོམས་འཇུག་ལ་འཇུག་པར་བྱེད་པ་ནི་འདུ་ཤེས་ལ་མི་ཕྱོགས་པའི་ཡིད་ལ་བྱེད་པ་ཡིན། འགོག་པའི་སྙོམས་འཇུག་ལ་འཇུག་པར་བྱེད་པ་ནི་འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ལས་བསྐྱོད་ཅིང་དམིགས་པ་ཡང་དག་པར་འགགས་པའི་ཡིད་ལ་བྱེད་པ་ཡིན་ཏེ། གཞུང་ལས། དེ་ལ་ཡིད་ལ་བྱེད་པ་རྣམ་པ་གཉིས་ཀྱིས་ནི་སྙོམས་པར་འཇུག་པ་དེ་གཉིས་ལ་སྙོམས་པར་འཇུག་པར་འགྱུར་ཏེ། འདི་ལྟ་སྟེ། འདུ་ཤེས་ལ་མི་ཕྱོགས་པའི་ཡིད་ལ་བྱེད་པས་ནི་འདུ་ཤེས་མེད་པའི་སྙོམས་པར་འཇུག་པ་ལ་སྙོམས་པར་འཇུག་པར་བྱེད། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ལས་བསྐྱོད་ཅིང་དམིགས་པ་ཡང་དག་པར་འགགས་པའི་ཡིད་ལ་བྱེད་པས་ནི་འགོག་པའི་སྙོམས་པར་འཇུག་པ་ལ་སྙོམས་པར་འཇུག་པར་བྱེད་དོ། །ཞེས་གསུངས་པའི་ཕྱིར་རོ།།

༣༤༤༽ དྲི་བ། འདུ་ཤེས་མེད་པའི་སྙོམས་འཇུག་ལ་འཇུག་པའི་ཚེ་འདུ་ཤེས་ལ་ཇི་ལྟར་བལྟ་དགོས་སམ།

དྲིས་ལན། དེའི་ཚེ་འདུ་ཤེས་ནི་ནད་དང་། སྡུག་བསྔལ། ཟུག་རྔུ་བཅས་སུ་བལྟས་ནས། འདུ་ཤེས་མེད་པ་འདི་ནི་གྱ་ནོམ་པའོ་སྙམ་པའི་ཡིད་ལ་བྱེད་པས་འཇུག་དགོས་ཏེ། གཞུང་ལས། དེ་ལ་འདུ་ཤེས་ནི་ནད་དོ། །འདུ་ཤེས་ནི་སྡུག་བསྔལ་ལོ། །འདུ་ཤེས་ནི་ཟུག་རྔུའོ། །འདི་ལྟ་སྟེ་འདུ་ཤེས་མེད་པ་འདི་ནི་གྱ་ནོམ་པའོ་ཞེས་བྱ་བ་ནི་འདུ་ཤེས་ལ་མི་ཕྱོགས་པའི་ཡིད་ལ་བྱེད་པ་སྟེ། ཞེས་གསུངས་པའི་ཕྱིར་རོ།།

༣༤༥༽ དྲི་བ། བསམ་གཏན་ལ་བརྟེན་ནས་མངོན་པར་ཤེས་པ་ལྔ་ཇི་ལྟར་འགྲུབ་པར་འགྱུར་རམ།

དྲིས་ལན། བསམ་གཏན་ཡོངས་སུ་དག་པ་ཐོབ་པའི་གང་ཟག་དེས་བསམ་གཏན་དེ་ལ་བརྟེན་ནས་རྫུ་འཕྲུལ་སོགས་མངོན་ཤེས་ཀྱི་ཆོས་རྣམས་ལ་ཐོས་བསམ་བྱས་ཏེ་མཉམ་པར་བཞག་པའི་ངང་དུ་བསྒོམས་པས། དོན་དང་ཆོས་སོ་སོར་རིག་པ་སྐྱེས་ཤིང་དེ་ལ་ལན་མང་དུ་གོམས་པའི་རྒྱུས་མངོན་པར་ཤེས་པ་ལྔ་འབྱུང་བར་འགྱུར་ཏེ། གཞུང་ལས། བསམ་གཏན་པ་བསམ་གཏན་ཡོངས་སུ་དག་པ་ཐོབ་པ་དེ་བསམ་གཏན་ཡོངས་སུ་དག་པ་དེ་ལ་བརྟེན་ནས།...དོན་སོ་སོ་ཡང་དག་པར་རིག་པ་དང་། ཆོས་སོ་སོ་ཡང་དག་པར་རིག་པར་འགྱུར་ཏེ།...སྒོམ་པའི་འབྲས་བུ་མངོན་པར་ཤེས་པ་ལྔ་འབྱུང་བར་འགྱུར་བའི་དུས་ཀྱང་ཡོད། སྐབས་ཀྱང་ཡོད་པར་འགྱུར་རོ། །ཞེས་གསུངས་པའི་ཕྱིར་རོ།།

༣༤༦༽ དྲི་བ། མངོན་པར་ཤེས་པ་ཐམས་ཅད་སྒྲུབ་པའི་ཕྱིར་དུ་འདུ་ཤེས་རྣམ་པ་བཅུ་གཉིས་གང་དག་སྒོམ་པར་བྱེད་དགོས་སམ།

དྲིས་ལན། འདུ་ཤེས་བཅུ་གཉིས་ནི། ཡང་བའི་འདུ་ཤེས་དང་། འཇམ་པའི། ནམ་མཁའི་ཁམས་ཀྱི། སེམས་དང་ལུས་ཕྲད་པའི། མོས་པའི། སྔོན་སྤྱད་པ་ཉམས་སུ་མྱོང་བའི་གོ་རིམ་རྗེས་སུ་དྲན་པའི། རྣམ་པ་སྣ་ཚོགས་འདུས་པའི་སྒྲ་སྐད་ཀྱི། སྣང་བའི་གཟུགས་ཀྱི་མཚན་མའི། ཉོན་མོངས་པས་བྱས་པའི་གཟུགས་རྣམས་འགྱུར་བའི། རྣམ་པར་ཐར་པའི། ཟིལ་གྱིས་གནོན་པའི་སྐྱེ་མཆེད་ཀྱི། ཟད་པར་གྱི་སྐྱེ་མཆེད་ཀྱི་འདུ་ཤེས་བཅས་ཡིན་ཏེ། གཞུང་ལས། གཞན་ཡང་དོན་སོ་སོ་ཡང་དག་པར་རིག་པ་དང་། ཆོས་སོ་སོ་ཡང་དག་པར་རིག་པར་གྱུར་པ་དེས་མངོན་པར་ཤེས་པ་ཐམས་ཅད་མངོན་པར་འགྲུབ་པའི་ཕྱིར་འདུ་ཤེས་རྣམ་པ་བཅུ་གཉིས་སྒོམ་པར་བྱེད་དེ། འདི་ལྟ་སྟེ། ཡང་པའི་འདུ་ཤེས་དང་།...ཟད་པར་གྱི་སྐྱེ་མཆེད་ཀྱི་འདུ་ཤེས་སོ། །ཞེས་གསུངས་པའི་ཕྱིར་རོ།།

༣༤༧༽ དྲི་བ། གསུམ་པ་ལྷག་པ་ཤེས་རབ་ཀྱི་བསླབ་པ་ལ་རྒྱས་པར་བཤད་པའི་ཚེ་བརྗོད་བྱ་གཙོ་བོ་གསུམ་གང་དང་གང་ཡིན་ནམ།

དྲིས་ལན། བརྗོད་བྱ་གཙོ་བོ་གསུམ་ནི། བདེན་པ་སྦྱོང་ཚུལ་དང་། དེ་ལམ་དང་སྦྱར་བ། བྱང་ཕྱོགས་ཀྱི་སྒོམ་རིམ་བཤད་པ་བཅས་ཡིན་ཏེ། གཞུང་ལས། དང་པོ་ལ་བདེན་པ་སྦྱོང་ཚུལ། དེ་ལམ་དང་སྦྱར་བ། བྱང་ཕྱོགས་ཀྱི་སྒོམ་རིམ་བཤད་པ་གསུམ་ལས། ཞེས་གསུངས་པའི་ཕྱིར་རོ།།

༣༤༨༽ དྲི་བ། ཤེས་རབ་ཀྱི་ཕུང་པོ་ཡོངས་སུ་རྫོགས་པ་ཞེས་པ་གང་ལ་གོ་དགོས་སམ།

དྲིས་ལན། དེ་ནི་འཕགས་པའི་བདེན་པ་བཞི་པོ་ཕྱིན་ཅི་མ་ལོག་པར་ཡང་དག་པ་ཇི་ལྟ་བ་བཞིན་དུ་ཤེས་པ་ལ་གོ་དགོས་ཏེ། གཞུང་ལས། འཕགས་པའི་བདེན་པ་བཞི་ཕྱིན་ཅི་མ་ལོག་པར་ཤེས་པ་ནི་ཤེས་རབ་ཀྱི་ཕུང་པོ་ཡོངས་སུ་རྫོགས་པར་བྱེད་པའོ། །ཞེས་གསུངས་པའི་ཕྱིར་རོ།།

༣༤༩༽ དྲི་བ། སྡུག་བསྔལ་སོགས་ལ་བདེན་པ་ཞེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། དེ་དག་རང་རང་གི་དོན་གྱིས་ཡང་དག་པ་དང་། དེ་བཞིན་ཉིད། ཕྱིན་ཅི་མ་ལོག་ཅིང་མི་བསླུ་བ་ཡིན་པའི་ཕྱིར་དང་། དེ་མཐོང་ན་ཕྱིན་ཅི་མ་ལོག་པའི་བློ་སྐྱེ་བར་འགྱུར་བས་ན་བདེན་པ་ཞེས་བྱ་སྟེ།གཞུང་ལས། ཡང་དག་པ། དེ་བཞིན་པ། ཕྱིན་ཅི་མ་ལོག་ཅིང་མ་སླད་པ་ཡིན་པས་ན་དེའི་ཕྱིར་བདེན་པ་ཞེས་བྱའོ། །རང་གི་མཚན་ཉིད་ཀྱིས་མི་བསླུ་བ་དང་། དེ་མཐོང་ན་ཕྱིན་ཅི་མ་ལོག་པའི་བློ་དག་སྐྱེ་བར་འགྱུར་བས་ན་དེའི་ཕྱིར་ཡང་བདེན་པ་ཞེས་བྱའོ། །ཞེས་གསུངས་པའི་ཕྱིར་རོ།།

༣༥༠༽ དྲི་བ། བདེན་པ་བཞི་ལ་འཕགས་པའི་བདེན་པ་ཞེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། འཕགས་པ་རྣམས་ཀྱིས་བདེན་པ་དེ་དག་གི་གནས་ལུགས་ཇི་ལྟ་བ་བཞིན་དུ་མཁྱེན་ཅིང་གཟིགས་ཀྱང་། བྱིས་པ་སོ་སོའི་སྐྱེ་བོ་རྣམས་ཀྱིས་དེ་ལྟར་མི་མཐོང་བས་ན་འཕགས་པའི་བདེན་པ་ཞེས་བརྗོད་པ་ཡིན་ཏེ། གཞུང་ལས། འཕགས་པ་རྣམས་ཀྱིས་དེ་དག་དེ་ཁོ་ན་ལྟ་བུ་ཡིན་པར་བདེན་པའི་སྒོ་ནས་ཡང་དག་པ་ཇི་ལྟ་བ་བཞིན་མཁྱེན་ཅིང་གཟིགས་ཀྱི། བྱིས་པ་རྣམས་ཀྱིས་ཡང་དག་པ་ཇི་ལྟ་བ་བཞིན་དུ་མི་མཐོང་བས་ན་དེའི་ཕྱིར་འཕགས་པའི་བདེན་པ་རྣམས་ཞེས་བྱའོ། །ཞེས་གསུངས་པའི་ཕྱིར་རོ།།

༣༥༡༽ དྲི་བ། ཆོས་རྣམས་བདེན་པ་བཞིར་བཞག་པའི་རྒྱུ་མཚན་གང་ཡིན་པ་དང་། དེ་དག་རྒྱུ་འབྲས་སུ་ཇི་ལྟར་ཕྱེ་ཡོད་དམ།

དྲིས་ལན། རྒྱུ་མཚན་ནི་ནག་པོའི་ཕྱོགས་དང་དཀར་པོའི་ཕྱོགས་ཀྱི་རྒྱུ་འབྲས་རྣམ་པར་གཞག་པའི་སྒོ་ནས་བཞག་པ་ཡིན། སྡུག་བསྔལ་གྱི་བདེན་པ་ནི་ནག་ཕྱོགས་ཀྱི་འབྲས་བུ་ཡིན། ཀུན་འབྱུང་གི་བདེན་པ་ནི་ནག་ཕྱོགས་ཀྱི་རྒྱུ་ཡིན། འགོག་པའི་བདེན་པ་ནི་དཀར་ཕྱོགས་ཀྱི་འབྲས་བུ་ཡིན། ལམ་གྱི་བདེན་པ་ནི་དཀར་ཕྱོགས་ཀྱི་རྒྱུ་ཡིན་ཏེ། གཞུང་ལས། བཞིར་འཇོག་པའི་རྒྱུ་མཚན་ཡང་ནག་པོའི་ཕྱོགས་དང་དཀར་པོའི་ཕྱོགས་ལ་རྟེན་པའི་རྒྱུ་དང་འབྲས་བུ་རྣམ་པར་གཞག་པས་བདེན་པ་བཞིར་གཞག་པ་སྟེ། དེ་ལ་བདེན་པ་སྡུག་བསྔལ་ནི་ནག་པོའི་ཕྱོགས་ཀྱི་འབྲས་བུ་ཡིན། བདེན་པ་ཀུན་འབྱུང་ནི་རྒྱུ་ཡིན། བདེན་པ་འགོག་པ་ནི་དཀར་པོའི་ཕྱོགས་ཀྱི་འབྲས་བུ་ཡིན། བདེན་པ་ལམ་ནི་རྒྱུ་ཡིན། ཞེས་གསུངས་པའི་ཕྱིར་རོ།།

༣༥༢༽ དྲི་བ། བདེན་པ་བཞི་པོ་རྟོགས་པའི་གོ་རིམ་ཇི་ལྟར་ཡིན་པ་དང་། དེ་དག་སོ་སོའི་ངོ་བོ་གང་ཡིན་ནམ།

དྲིས་ལན། རྟོགས་པའི་གོ་རིམ་ནི། ༡༽ ཐོག་མར་སྡུག་བསྔལ་གྱི་རྟེན་ཉེ་བར་ལེན་པའི་ཕུང་པོ་ལྔ་པོ་སྡུག་བསྔལ་གྱི་བདེན་པ་ཡིན་པར་རྟོགས།༢༽ དེ་ནས་དེའི་རྒྱུ་ལས་དང་ཉོན་མོངས་པ་ནི་ཀུན་འབྱུང་གི་བདེན་པ་ཡིན་པར་རྟོགས། ༣༽ དེ་ནས་དེ་དག་སྤངས་པའི་མྱ་ངན་ལས་འདས་པ་ནི་འགོག་པའི་བདེན་པ་ཡིན་པར་རྟོགས། ༤༽ དེ་ནས་དེ་ཐོབ་པའི་ཐབས་བྱང་ཆུབ་ཀྱི་ཕྱོགས་སོ་བདུན་ནི་ལམ་གྱི་བདེན་པ་ཡིན་པར་རྟོགས་པ་ཡིན་ཏེ།གཞུང་ལས། ཇོ་བོ་རྗེ་ལྷ་གཅིག་གིས། བདེན་པ་དག་ནི་རྣམ་བཞི་སྟེ།...སྡུག་བསྔལ་ཉེར་ལེན་ཕུང་པོ་འོ། །ཀུན་འབྱུང་ལས་དང་ཉོན་མོངས་ཏེ། །འགོག་པ་མྱ་ངན་འདས་པ་གཉིས། །ལམ་ནི་ཕྱོགས་མཐུན་སུམ་ཅུ་བདུན། །ཞེས་པས།...བལྟ་སླ་བའི་ཕྱིར་ཐོག་མར་སྡུག་བསྔལ་གྱི་བདེན་པ་རྟོགས་སོ། །དེ་ནས་...ཀུན་འབྱུང་བའི་བདེན་པ་རྟོགས་སོ། །དེ་ནས་...འགོག་པའི་བདེན་པ་རྟོགས་སོ། །དེ་ནས་...ལམ་གྱི་བདེན་པ་རྟོགས་སོ། །ཞེས་གསུངས་པའི་ཕྱིར་རོ།།

༣༥༣༽ དྲི་བ། སྐྱེས་བུ་འབྲིང་གི་བློའི་ཁྱད་ཆོས་གཙོ་བོ་རྣམས་གང་ཡིན་ནམ།

དྲིས་ལན། ཁྱད་ཆོས་རྣམས་ནི། འཁོར་བ་ནི་སྡུག་བསྔལ་དང་། མྱང་འདས་ནི་ཞི་བར་རྟོགས་པ་དང་། སྡུག་བསྔལ་ལ་ཁོང་དངས་ཤིང་མི་བཟོད་པ། འཁོར་བ་ལ་སྐྱོ་ཞིང་ཡིད་འབྱུང་བ། རང་གཅིག་པུའི་དོན་དུ་དགེ་བ་སྤྱོད་ཅིང་མྱ་ངན་ལས་འདས་པའི་བདེ་བ་བསྒྲུབ་པ་བཅས་ཡིན་ཏེ། གཞུང་ལས། འཁོར་བ་ནི་སྡུག་བསྔལ་མི་བཟད་པ་ཡིན་ཞིང་། མྱ་ངན་ལས་འདས་པ་ནི་ཞི་བ་བདེ་བར་རིག་ལ།...སྡུག་བསྔལ་གྱིས་ཁོང་དངས་ཤིང་མི་བཟོད་དོ། །འཁོར་བས་སྐྱོ་ཞིང་ཡིད་འབྱུང་བ་དང་།...བདག་གཅིག་པུའི་དོན་དུ་སྤྱོད་ཅིང་། བདག་ཉིད་མྱ་ངན་ལས་འདས་པའི་བདེ་བ་བསྒྲུབ་པའོ། །ཞེས་གསུངས་པའི་ཕྱིར་རོ།།

༣༥༤༽ དྲི་བ། སྦྱོར་ལམ་གྱི་གནས་སྐབས་སུ་བདེན་བཞིའི་རྣམ་པ་བཅུ་དྲུག་སྒོམ་ཚུལ་ཇི་ལྟར་ཡིན་ནམ།

དྲིས་ལན། དྲོད་དང་རྩེ་མོ་དང་བཟོད་པ་ཆུང་ངུའི་སྐབས་སུ་ཁམས་གསུམ་གྱི་བདེན་པ་བཞིའི་རྣམ་པ་བཅུ་དྲུག་སྒོམ། བཟོད་པ་འབྲིང་གི་སྐབས་སུ་རིམ་བཞིན་ལམ་བདེན་གྱི་བཞི་དང་། འགོག་བདེན་གྱི་བཞི། ཀུན་འབྱུང་བདེན་པའི་བཞི་བཅས་དོར་ནས་སྒོམ། མཐར་སྡུག་བསྔལ་བདེན་པའི་མི་རྟག་པ་དང་སྡུག་བསྔལ་གཉིས་སམ་བདག་མེད་དང་སྟོང་པ་གཉིས་སྒོམ། བཟོད་པ་ཆེན་པོ་དང་ཆོས་མཆོག་གི་སྐབས་སུ་འདོད་ཁམས་ཀྱི་སྡུག་བསྔལ་ལ་དམིགས་པའི་སྐད་ཅིག་མ་རེ་རེ་སྒོམ་པ་ཡིན་ཏེ། གཞུང་ལས། ...དྲོད་རྩེ་བཟོད་པ་ཆུང་གསུམ་དུ་ཁམས་གསུམ་གྱི་བདེན་པ་བཞིའི་རྣམ་པ་...བཅུ་དྲུག་མཚུངས་པར་སྒོམ། འབྲིང་ནས་དང་པོར་ལམ་གྱི་བཞི་དོར་ནས་...དེ་ནས་བཟོད་ཆེན་དང་ཆོས་མཆོག་ཏུ་འདོད་ཁམས་ཀྱི་སྡུག་བསྔལ་ཕུང་པོ་ལྔ་ལ་དམིགས་པ་སྐད་ཅིག་རེ་རེའོ། །ཞེས་གསུངས་པའི་ཕྱིར་རོ།།

༣༥༥༽ དྲི་བ། སྒོམ་ལམ་གྱི་སྐབས་སུ་སྤང་བྱའི་ཉོན་མོངས་ཇི་ལྟར་སྤོང་བ་ཡིན་ནམ།

དྲིས་ལན། སྒོམ་ལམ་ཆུང་འབྲིང་ཆེ་གསུམ་རེ་རེ་ལའང་ཆུང་འབྲིང་ཆེ་གསུམ་སྟེ་དགུ་ཡོད། དེས་ས་དགུ་པོ་རེ་རེའི་སྒོམ་སྤང་ཉོན་མོངས་དགུ་དགུ་སྟེ་བརྒྱད་ཅུ་གྱ་གཅིག་གི་གཉེན་པོ་བྱེད་པ་ཡིན། ཅིག་ཆར་བ་ལ་ནི་ཁམས་གསུམ་གྱི་ཉོན་མོངས་སྒྲིལ་ནས་དགུར་སྤོང་བ་ཡིན་ཏེ། གཞུང་ལས། དེ་ལྟར་སྒོམ་བྱ་འཕགས་ལམ་ཡན་ལག་བརྒྱད། དེར་འདོད་པའི་ཁམས་དང་བསམ་གཏན་བཞི་དང་གཟུགས་མེད་བཞི་སྟེ། ས་དགུ་པོ་རེ་ལ་སྒོམ་སྤངས་ཀྱི་ཉོན་མོངས་པ་དགུ་དགུ་སྟེ་གྱ་གཅིག་གི་གཉེན་པོར་གྱུར་པའོ། །ཅིག་ཆར་བ་ལ་ནི་ཁམས་གསུམ་གྱི་ཉོན་མོངས་པ་སྒྲིལ་ནས་སྤོང་བས་དགུར་སྐྱེའོ། །ཞེས་གསུངས་པའི་ཕྱིར་རོ།།

༣༥༦༽ དྲི་བ། བྱང་ཆུབ་ཀྱི་ཕྱོགས་ཀྱི་ཆོས་སོ་བདུན་པོ་དེ་དག་ལམ་ལྔ་དང་ཇི་ལྟར་སྦྱར་ཡོད་དམ།

དྲིས་ལན། ཚོགས་ལམ་དུ་དྲན་པ་ཉེར་གཞག་བཞི་སྒོམ། སྦྱོར་ལམ་དྲོད་དུ་ཡང་དག་སྤོང་བ་བཞི། རྩེ་མོར་རྫུ་འཕྲུལ་གྱི་རྐང་པ་བཞི། བཟོད་པར་དབང་པོ་ལྔ། ཆོས་མཆོག་ཏུ་སྟོབས་ལྔ་བཅས་སྒོམ། མཐོང་ལམ་དུ་བྱང་ཆུབ་ཀྱི་ཡན་ལག་བདུན་སྒོམ། སྒོམ་ལམ་དུ་འཕགས་ལམ་ཡན་ལག་བརྒྱད་སྒོམ་པ་ཡིན་ཏེ། གཞུང་ལས། ལམ་དེ་དག་ལས་ཚོགས་ལམ་དུ་དྲན་པ་ཉེར་གཞག་བཞི་སྒོམ། དྲོད་དུ་ཡང་དག་སྤོང་བ་བཞི། རྩེ་མོར་རྫུ་འཕྲུལ་རྐང་པ་བཞི། བཟོད་པར་དབང་པོ་ལྔ། ཆོས་མཆོག་ཏུ་སྟོབས་ལྔ། མཐོང་ལམ་དུ་བྱང་ཆུབ་ཡན་ལག་བདུན། སྒོམ་ལམ་དུ་འཕགས་ལམ་ཡན་ལག་བརྒྱད་སྒོམ་མོ། །ཞེས་གསུངས་པའི་ཕྱིར་རོ།།

༣༥༧༽ དྲི་བ། ཚོགས་ལམ་གྱི་སྐབས་སུ་ཉམས་ལེན་གང་དག་ལ་བརྩོན་དགོས་སམ།

དྲིས་ལན། ཚོགས་ལམ་གྱི་སྐབས་སུ་རབ་ཏུ་བྱུང་བ་ནས་བཟུང་ཤེས་བཞིན་དུ་གནས་པའི་བར་གྱི་ཚུལ་ཁྲིམས་ཀྱི་བསླབ་པ་རྣམས་ལ་མངོན་པར་དགའ་ཞིང་བརྩོན་དགོས་ཏེ། གཞུང་ལས། ཚོགས་ཀྱི་ལམ་དུ་རབ་ཏུ་བྱུང་བ་ནས་ཤེས་བཞིན་དུ་གནས་པ་ལ་མངོན་པར་དགའ་བའི་བར་དང་། ཞེས་གསུངས་པའི་ཕྱིར་རོ།།

༣༥༨༽ དྲི་བ། སྦྱོར་ལམ་གྱི་བཟོད་པ་འབྲིང་གི་སྐབས་སུ་རྣམ་པ་བཅུ་དྲུག་དོར་ནས་བསྒོམ་པའི་གོ་རིམ་ཇི་ལྟར་ཡིན་ནམ།

དྲིས་ལན། ཐོག་མར་ལམ་བདེན་གྱི་རྣམ་པ་བཞི་དོར་ནས་བཅུ་གཉིས་བསྒོམ། དེ་ནས་འགོག་བདེན་གྱི་བཞི་དོར། དེ་ནས་ཀུན་འབྱུང་བདེན་པའི་བཞི་དོར། དེ་ནས་སྡུག་བསྔལ་བདེན་པའི་རྣམ་པ་རིམ་གྱིས་དོར་ནས་མཐར་གཉིས་སྒོམ་པའི་བར་དུ་ཡིན་ཏེ། གཞུང་ལས། འབྲིང་ནས་དང་པོར་ལམ་གྱི་བཞི་དོར་ནས་བཅུ་གཉིས་སྒོམ། དེ་ནས་འགོག་པའི་བཞི་དོར། དེ་ནས་ཀུན་འབྱུང་གི་བཞི་དོར། དེ་ནས་དུཿ ཁའི་གཅིག་དོར་གཉིས་དོར་ནས་གཉིས་སྒོམ་པའི་བར་ནི་འབྲིང་ཡིན་ལ། ཞེས་གསུངས་པའི་ཕྱིར་རོ།།

༣༥༩༽ དྲི་བ། སྲེད་པ་ཤས་ཆེ་བ་དང་ལྟ་བ་ཤས་ཆེ་བའི་གང་ཟག་གིས་བཟོད་པ་འབྲིང་གི་སྐབས་སུ་སྡུག་བསྔལ་བདེན་པའི་རྣམ་པ་གང་དག་ལ་གཙོ་བོར་བསྒོམ་དགོས་སམ།

དྲིས་ལན། སྲེད་པ་ཤས་ཆེ་བའི་གང་ཟག་གིས་ལེ་ལོ་དང་ང་རྒྱལ་གྱི་གཉེན་པོར་མི་རྟག་པ་དང་སྡུག་བསྔལ་བ་གཉིས་བསྒོམ། ལྟ་བ་ཤས་ཆེ་བའི་གང་ཟག་གིས་བདག་དང་བདག་གིར་ལྟ་བའི་གཉེན་པོར་བདག་མེད་པ་དང་སྟོང་པ་ཉིད་གཉིས་བསྒོམ་དགོས་ཏེ། གཞུང་ལས། གཉིས་པོ་སྲེད་པ་ཤས་ཆེ་ན་ལེ་ལོ་དང་། ང་རྒྱལ་གྱི་གཉེན་པོ་མི་རྟག་དུཿཁ་གཉིས། ལྟ་བ་ཤས་ཆེ་ན་བདག་དང་བདག་གིར་ལྟ་བའི་གཉེན་པོ་བདག་མེད་སྟོང་པ་ཉིད་སྒོམ། ཞེས་གསུངས་པའི་ཕྱིར་རོ།།

༣༦༠༽ དྲི་བ། མཐོང་ལམ་སྐད་ཅིག་མ་བཅུ་དྲུག་གི་རྣམ་གཞག་དེ་ཉན་ཐོས་དང་ཐེག་ཆེན་གྱི་ལུགས་གཉིས་སུ་ཇི་ལྟར་བཞག་ཡོད་དམ།

དྲིས་ལན། ཉན་ཐོས་ཀྱི་ལུགས་ལ་མཐོང་ལམ་སྐད་ཅིག་མ་བཅོ་ལྔ་དང་། ཐེག་ཆེན་གྱི་ལུགས་ལ་ཆོས་མཆོག་དང་ས་མཚུངས་པའི་སྐད་ཅིག་མ་བཅུ་དྲུག་ཏུ་བཞག་ཡོད་དེ། གཞུང་ལས། དེ་ནས་མཐོང་ལམ་དུ་སྡུག་བསྔལ་ཆོས་བཟོད་སོགས་བཟོད་ཤེས་བཅོ་ལྔ་ལ་མཐོང་ལམ་ཐམས་ཅད་ཆོས་མཆོག་དང་ས་གཅིག་གོ། །དཔལ་རྩེགས་ཀྱིས། མཐོང་བའི་ལམ་ནི་སེམས་ཀྱི་སྐད་ཅིག་མ་བཅུ་དྲུག་གོ། །ཞེས་འབྱུང་བ་ནི་སྔ་མ་ཉན་ཐོས་དང་གཞུང་ཕྱི་མ་ཐེག་ཆེན་གྱི་གཞུང་བཙན་པར་བྱས་པས་སོ། །ཞེས་གསུངས་པའི་ཕྱིར་རོ།།

༣༦༡༽ དྲི་བ། སྒོམ་ལམ་ལ་དབྱེ་བ་གང་དག་ཡོད་པ་དང་། ཐེག་དམན་གྱི་མི་སློབ་ལམ་ལ་ཇི་ལྟར་ངོས་འཛིན་དགོས་སམ།

དྲིས་ལན། སྒོམ་ལམ་ལ་ཆུང་འབྲིང་ཆེ་གསུམ་ཡོད་ཅིང་དེ་རེ་རེ་ལའང་ཆུང་འབྲིང་ཆེ་གསུམ་སྟེ་དགུར་དབྱེ་ཡོད། མི་སློབ་ལམ་ནི་སྲིད་རྩེའི་སྒོམ་སྤང་ཉོན་མོངས་དགུ་པོ་ཟད་པ་ཐོབ་ཅིང་ཤེས་པ་ལ་ངོས་འཛིན་དགོས་ཏེ།གཞུང་ལས། དེས་སྒོམ་པའི་ལམ་ནི། ལམ་ཆུང་ངུ་དང་། ལམ་འབྲིང་པོ་དང་། ལམ་ཆེན་པོ་དང་། ...དང་པོ་གསུམ་ལ་ཆུང་འབྲིང་ཆེ་གསུམ་སྟེ་དགུར་བཤད། ...མི་སློབ་ལམ་ནི་སྲིད་རྩེའི་ཉོན་མོངས་པ་དགུ་ཟད་པ་ཐོབ་ཅིང་ཤེས་པ་ཡིན་ནོ། །ཞེས་གསུངས་པའི་ཕྱིར་རོ།།

༣༦༢༽ དྲི་བ། སྦྱོར་ལམ་དང་མཐོང་ལམ་གཉིས་ཀྱི་རྟེན་ས་གང་དག་ཡིན་པ་དང་། གཟུགས་མེད་ཁམས་ཀྱི་ཏིང་ངེ་འཛིན་ལ་མི་བརྟེན་པའི་རྒྱུ་མཚན་གང་ཡིན་ནམ།

དྲིས་ལན། སྦྱོར་ལམ་དང་མཐོང་ལམ་གཉིས་ཀྱི་རྟེན་ནི་བསམ་གཏན་དང་པོའི་ཉེར་བསྡོགས་དང་། དངོས་གཞི་ཁྱད་པར་ཅན། བསམ་གཏན་གཉིས་པ་དང་གསུམ་པ། བཞི་པ་བཅས་དྲུག་ཡིན། གཟུགས་མེད་ཁམས་ཀྱི་ཏིང་ངེ་འཛིན་ལ་ཤེས་རབ་ཀྱིས་དཔྱོད་པའི་ནུས་པ་ཤས་ཆུང་བས་དེ་ལ་མི་བརྟེན་པ་ཡིན་ཏེ། གཞུང་ལས། སྦྱོར་མཐོང་གཉིས་ནི་སྒོམ་བྱུང་ཡིན་པས་བསམ་གཏན་དང་པོའི་ཉེར་བསྡོགས་དངོས་གཞི་ཙམ་པ་བ་རྟོག་པ་མེད་པ་དཔྱོད་པ་ཙམ། དངོས་གཞི་ཁྱད་པར་ཅན་དེ་གསུམ། བསམ་གཏན་གཉིས་པ་གསུམ་པ་བཞི་པ་སྟེ་དྲུག་ལ་བརྟེན་ནོ། །...གཟུགས་མེད་ལ་ཤས་ཆུང་བས་མི་བརྟེན་...ཞེས་གསུངས་པའི་ཕྱིར་རོ།།

༣༦༣༽ དྲི་བ། བྱང་ཆུབ་ཀྱི་ཕྱོགས་ཀྱི་ཆོས་སོ་བདུན་པོ་དེ་དག་ལམ་ལྔ་དང་ཇི་ལྟར་སྦྱར་ཡོད་དམ།

དྲིས་ལན། ཚོགས་ལམ་དུ་དྲན་པ་ཉེར་གཞག་བཞི་སྒོམ། སྦྱོར་ལམ་དྲོད་དུ་ཡང་དག་སྤོང་བ་བཞི། རྩེ་མོར་རྫུ་འཕྲུལ་གྱི་རྐང་པ་བཞི། བཟོད་པར་དབང་པོ་ལྔ། ཆོས་མཆོག་ཏུ་སྟོབས་ལྔ་བཅས་སྒོམ། མཐོང་ལམ་དུ་བྱང་ཆུབ་ཀྱི་ཡན་ལག་བདུན་སྒོམ། སྒོམ་ལམ་དུ་འཕགས་ལམ་ཡན་ལག་བརྒྱད་སྒོམ་པ་ཡིན་ཏེ། གཞུང་ལས། ལམ་དེ་དག་ལས་ཚོགས་ལམ་དུ་དྲན་པ་ཉེར་གཞག་བཞི་སྒོམ། དྲོད་དུ་ཡང་དག་སྤོང་བ་བཞི། རྩེ་མོར་རྫུ་འཕྲུལ་རྐང་པ་བཞི། བཟོད་པར་དབང་པོ་ལྔ། ཆོས་མཆོག་ཏུ་སྟོབས་ལྔ། མཐོང་ལམ་དུ་བྱང་ཆུབ་ཡན་ལག་བདུན། སྒོམ་ལམ་དུ་འཕགས་ལམ་ཡན་ལག་བརྒྱད་སྒོམ་མོ། །ཞེས་གསུངས་པའི་ཕྱིར་རོ།།

༣༦༤༽ དྲི་བ། དྲན་པ་ཉེ་བར་བཞག་པ་བཞི་ལ་དྲན་པ་དང་ཉེ་བར་བཞག་པ་ཞེས་པའི་དོན་གང་ཡིན་ནམ།

དྲིས་ལན། དྲན་པ་ནི་ཤེས་རབ་དང་། ཉེ་བར་བཞག་པ་ནི་ཏིང་ངེ་འཛིན་ཡིན་ལ། དེ་སྒོམ་པའི་ཡུལ་ལུས་དང་། ཚོར་བ། སེམས། ཆོས་བཞི་ཡོད་པས་དྲན་པ་ཉེ་བར་བཞག་པ་བཞི་ཞེས་བྱ་སྟེ། གཞུང་ལས། དྲན་པ་ནི་ཤེས་རབ་བོ། །ཉེ་བར་གཞག་པ་ནི་ཏིང་ངེ་འཛིན་ཏེ། དེ་ཉིད་སྒོམ་པའི་ཡུལ་བཞི་ཡོད་པས་དྲན་པ་ཉེ་བར་གཞག་པ་བཞི་ཞེས་བྱའོ། །དེ་ཡང་ལུས་ལ་ལུས་ཀྱི་རྗེས་སུ་ལྟ་ཞིང་དྲན་པ་ཉེ་བར་གཞག་པ། ཚོར་བ། སེམས། ཆོས་ལའོ། །ཞེས་གསུངས་པའི་ཕྱིར་རོ།།

༣༦༥༽ དྲི་བ། ཡང་དག་པར་སྤོང་བ་བཞི་པོ་དེ་དག་གང་དང་གང་ཡིན་ནམ།

དྲིས་ལན། ཡང་དག་པར་སྤོང་བ་བཞི་ནི། ༡༽ མི་དགེ་བའི་ཆོས་མ་སྐྱེས་པ་མི་བསྐྱེད་པ། ༢༽ སྐྱེས་ཟིན་པ་རྣམས་སྤོང་བ། ༣༽ དགེ་བའི་ཆོས་མ་སྐྱེས་པ་བསྐྱེད་པ། ༤༽ སྐྱེས་ཟིན་པ་རྣམས་གནས་པར་བྱེད་པ་བཅས་ཡིན་ཏེ། གཞུང་ལས། མི་དགེ་བའི་ཆོས་མ་སྐྱེས་པ་མི་བསྐྱེད་པ་དང་། སྐྱེས་པ་སྤོང་བ་དང་། དགེ་བའི་ཆོས་མ་སྐྱེས་པ་བསྐྱེད་པ་དང་། སྐྱེས་པ་གནས་པར་བྱ་བ་དང་། ཕྱིར་ཞིང་འབྱུང་བར་བྱ་བ་དང་། ཉམས་པར་མི་འགྱུར་བ་དང་། ཡོངས་སུ་རྫོགས་པར་བྱ་བའི་ཕྱིར་འདུན་འབད་བརྩོན་སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་པའོ། །ཞེས་གསུངས་པའི་ཕྱིར་རོ།།

༣༦༦༽ དྲི་བ། དགེ་བའི་ཆོས་བསྐྱེད་པ་དང་གནས་པར་བྱེད་པ་ལ་ཡང་དག་པར་སྤོང་བ་ཞེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། དགེ་བའི་ཆོས་སྐྱེ་བ་དང་གནས་པར་བྱེད་པའི་མི་མཐུན་ཕྱོགས་ཀྱི་བར་ཆད་རྣམས་སྤོང་བའི་ཆ་ནས་ཡང་དག་པར་སྤོང་བ་ཞེས་བརྗོད་པ་ཡིན་ཏེ། གཞུང་ལས། དང་པོ་གཉིས་ལ་ཡང་དག་པའི་སྤོང་བ་ཞེས་རིགས་མོད། ཕྱི་མ་གཉིས་ལ་ཡང་དེ་སྐད་ཅིའི་ཕྱིར་གདགས་ཞེ་ན། དགེ་བ་སྐྱེ་བ་དང་གནས་པའི་མི་མཐུན་ཕྱོགས་སྤོང་བས་དེ་སྐད་གདགས་པར་མཛད་པས་མི་རིགས་པ་མ་ཡིན་ནོ། །ཞེས་གསུངས་པའི་ཕྱིར་རོ།།

༣༦༧༽ དྲི་བ། རྫུ་འཕྲུལ་གྱི་རྐང་པ་བཞི་པོ་དེ་དག་གང་ཡིན་པ་དང་། རྐང་པ་ཞེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། རྫུ་འཕྲུལ་གྱི་རྐང་པ་བཞི་ནི་འདུན་པ་དང་། བརྩོན་འགྲུས། སེམས། དཔྱོད་པ་བཅས་ཀྱི་ཏིང་ངེ་འཛིན་ཡིན། དེ་དག་ལ་རྐང་པ་ཞེས་བརྗོད་པའི་རྒྱུ་མཚན་ནི་རྫུ་འཕྲུལ་གྱི་མངོན་ཤེས་ཐོབ་པར་བྱེད་པའི་རྒྱུའམ་གཞི་ཡིན་པས་སོ།། གཞུང་ལས། འདུན་བརྩོན་སེམས་དཔྱོད་ལ་ཤིན་ཏུ་གནས་པ་བརྟན་པའི་ཕྱིར་རྫུ་འཕྲུལ་གྱི་རྐང་པ་བཞི་སྟེ་རྫུ་འཕྲུལ་གྱི་མངོན་པར་ཤེས་པ་ལྔ་བཤད་པ་དེའི་ནང་ནི་རྫུ་འཕྲུལ་གྱི་མངོན་པར་ཤེས་པ། རྐང་པ་དེ་དག་ཐོབ་པར་བྱེད་པའི་རྒྱུ་འམ་གཞི་ཡིན་པས་སོ། །ཞེས་གསུངས་པའི་ཕྱིར་རོ།།

༣༦༨༽ དྲི་བ། ཏིང་ངེ་འཛིན་བཞི་སྒོམ་པ་ལ་བརྟེན་ནས་འབྱུང་བའི་སྤོང་བའི་འདུ་བྱེད་བརྒྱད་པོ་དེ་དག་གང་དང་གང་ཡིན་ནམ།

དྲིས་ལན། སྤོང་བའི་འདུ་བྱེད་བརྒྱད་ནི། འདུན་པ་དང་། རྩོལ་བ། དད་པ། ཤིན་ཏུ་སྦྱངས་པ། དྲན་པ། ཤེས་བཞིན། སེམས་པ། བཏང་སྙོམས་བཅས་ཡིན་ཏེ། གཞུང་ལས། དེ་ལྟར་ཏིང་ངེ་འཛིན་བཞི་སྒོམ་པ་ལ་སྤོང་བའི་འདུ་བྱེད་བརྒྱད་འབྱུང་བར་འགྱུར་ཏེ། འདུན་པ་ནི་བདག་ནམ་ཞིག་ན་ཏིང་ངེ་འཛིན་ཡོངས་སུ་རྫོགས་ཤིང་།...སྡིག་པ་མི་དགེ་བའི་ཆོས་དང་མཐུན་པ་དག་ལ་དཔྱོད་པའི་སེམས་ཀུན་ནས་ཉོན་མོངས་པ་མེད་ཅིང་མཉམ་པ་ཉིད་དུ་བྱེད་པ། ཞེས་གསུངས་པའི་ཕྱིར་རོ།།

༣༦༩༽ དྲི་བ། རྫུ་འཕྲུལ་གྱི་རྐང་པ་བཞི་པོ་སོ་སོའི་བྱེད་ལས་གཙོ་བོ་གང་ཡིན་ནམ།

དྲིས་ལན། འདུན་པས་རྫུ་འཕྲུལ་སྒྲུབ་པའི་འགོ་རྩོམ། བརྩོན་པས་ལས་དེ་མཐར་འབྱིན་པར་བྱེད། སེམས་ཀྱིས་ཐོབ་པའི་ཡོན་ཏན་མི་ཉམས་པར་བྱེད། དཔྱོད་པས་བྱ་བ་གང་ཡིན་མ་ནོར་བར་གཏན་ལ་འབེབས་པར་བྱེད་དེ། གཞུང་ལས། དེ་ལ་འདུན་པས་རྫུ་འཕྲུལ་སྒྲུབ། བརྩོན་པས་མཐར་འབྱིན། སེམས་ཀྱིས་མི་ཉམས་པར་བྱེད། །དཔྱོད་པས་གང་དང་གང་བྱ་བ་མ་ནོར་བར་གཏན་ལ་འབེབས་སོ། །ཞེས་གསུངས་པའི་ཕྱིར་རོ།།

༣༧༠༽ དྲི་བ། དབང་པོ་ལྔ་པོ་དེ་དག་གང་དང་གང་ཡིན་པ་དང་། དེ་དག་ལ་དབང་པོ་ཞེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། དབང་པོ་ལྔ་ནི་དད་པ་དང་། བརྩོན་འགྲུས། དྲན་པ། ཏིང་ངེ་འཛིན། ཤེས་རབ་བཅས་ཡིན། དེ་དག་ལ་དབང་པོ་ཞེས་བརྗོད་པའི་རྒྱུ་མཚན་ནི་འཇིག་རྟེན་ལས་འདས་པའི་ཆོས་རྟོགས་པར་བྱེད་པའི་ཐད་ལ་དབང་བྱེད་པའི་དོན་གྱིས་ཡིན་ཏེ། གཞུང་ལས། དད་བརྩོན་དྲན་ཏིང་ཤེས་རབ་ཀྱི་དབང་པོ་ནི་དབང་པོ་ལྔ་སྟེ།...དེ་དག་འཇིག་རྟེན་ལས་འདས་པའི་ཆོས་རྟོགས་པར་བྱེད་པའི་དབང་པོ་ཡིན་པའི་ཕྱིར་དབང་པོ་སྟེ་དབང་བྱེད་པའི་དོན་ནོ། །ཞེས་གསུངས་པའི་ཕྱིར་རོ།།

༣༧༡༽ དྲི་བ། དབང་པོ་ལྔ་པོ་སོ་སོས་དགེ་བའི་ཆོས་སྒྲུབ་པ་ལ་དབང་བྱེད་པའི་ཚུལ་ཇི་ལྟར་ཡིན་ནམ།

དྲིས་ལན། དད་པས་དགེ་བའི་ཆོས་ལ་འཇུག་པར་དབང་བྱེད། བརྩོན་འགྲུས་ཀྱིས་དགེ་བའི་ཆོས་རྣམས་བསྐྱེད་པ་ལ་དབང་བྱེད། དྲན་པས་དགེ་བའི་རྩ་བ་རྣམས་ཆུད་མི་ཟ་བར་བྱེད་པ་ལ་དབང་བྱེད། ཏིང་ངེ་འཛིན་གྱིས་སེམས་གཞན་དུ་མི་གཡེང་བར་བྱེད་པ་ལ་དབང་བྱེད། ཤེས་རབ་ཀྱིས་དགེ་བའི་ཆོས་རྣམས་མཐར་འབྱིན་པ་ལ་དབང་བྱེད་དེ། གཞུང་ལས། དད་པའི་དབང་པོས་ནི། དགེ་བའི་ཆོས་རྣམས་ལ་འཇུག་པར་བྱེད་པ་ལ་དབང་བྱེད་དེ།...དེས་དགེ་བའི་ཆོས་རྣམས་མཐར་ཐུག་པར་བྱེད་པས་སོ། །ཞེས་གསུངས་པའི་ཕྱིར་རོ།།

༣༧༢༽ དྲི་བ། དབང་པོ་ལྔ་དང་སྟོབས་ལྔ་གཉིས་ལ་ཁྱད་པར་གང་ཡོད་དམ།

དྲིས་ལན། དབང་པོའི་སྐབས་སུ་དད་པ་སོགས་ཀྱིས་དགེ་བའི་ཆོས་སྒྲུབ་པ་ལ་དབང་བྱེད་པ་ཙམ་ལས་མི་མཐུན་ཕྱོགས་ཀྱིས་འཇོམས་ནུས་པ་དང་། སྟོབས་ཀྱི་སྐབས་སུ་དད་པ་སོགས་རབ་ཏུ་གོམས་པས་མཐུ་དང་ལྡན་པར་གྱུར་ཏེ་མ་དད་པ་སོགས་མི་མཐུན་ཕྱོགས་ཀྱིས་མི་ཚུགས་པའམ་འཇོམས་མི་ནུས་པའི་ཁྱད་པར་ཡོད་དེ། གཞུང་ལས། དད་པ་ལ་སོགས་པ་འདི་རྣམས་དབང་པོའི་ཚེ་ན་དད་པ་ལ་སོགས་པའི་ཆོས་རྣམས་མངོན་དུ་བྱ་བ་དང་། སྒྲུབ་པར་བྱེད་པ་ལ་དབང་བྱེད་པ་ཙམ་དུ་ཟད་ཀྱི། མི་མཐུན་པའི་ཕྱོགས་རྣམས་ཀྱིས་མི་ཚུགས་པ་མ་ཡིན་ནོ། །སྟོབས་ཀྱི་དུས་ན་ནི་དེ་དག་ཉིད་རབ་ཏུ་སྒོམས་ཤིང་རྒྱས་ཏེ་མཐུ་དང་ལྡན་པར་གྱུར་པས་མ་དད་པ་ལ་སོགས་པའི་མི་མཐུན་ཕྱོགས་ཀྱིས་མི་ཚུགས་པས་སྟོབས་ལྔ་ཞེས་བྱའོ། །ཞེས་གསུངས་པའི་ཕྱིར་རོ།།

༣༧༣༽ དྲི་བ། བྱང་ཆུབ་ཀྱི་ཡན་ལག་ཅེས་པའི་བྱང་ཆུབ་དང་ཡན་ལག་ཅེས་པའི་དོན་གང་ཡིན་ནམ།

དྲིས་ལན། བྱང་ཆུབ་ནི་ཟག་པ་ཟད་ཅིང་མི་སྐྱེ་བའི་ཡེ་ཤེས་ཏེ་རྣམ་པར་མི་རྟོག་པའི་ཏིང་ངེ་འཛིན་ལ་བྱ། ཡན་ལག་ནི་དྲན་པ་ལ་སོགས་པ་བདུན་པོ་དེ་དག་བྱང་ཆུབ་དེ་ཐོབ་པར་བྱེད་པའི་རྒྱུའམ་གྲོགས་ཡིན་པས་ན་ཡན་ལག་ཅེས་བྱ་སྟེ། གཞུང་ལས། བྱང་ཆུབ་ནི་ཟད་ལ་མི་སྐྱེ་བའི་ཡེ་ཤེས་རྣམ་པར་མི་རྟོག་པའི་ཏིང་ངེ་འཛིན་ལ་བྱའོ། །དྲན་པ་ལ་སོགས་པ་བདུན་པོ་འདི་དག་བྱང་ཆུབ་དེ་ཐོབ་པར་བྱེད་པའི་རྒྱུ་འམ་གྲོགས་ཡིན་པས་ཡན་ལག་གོ། །ཞེས་གསུངས་པའི་ཕྱིར་རོ།།

༣༧༤༽ དྲི་བ། བྱང་ཆུབ་ཀྱི་ཡན་ལག་དང་པོ་གསུམ་སྟེ་དྲན་པ་དང་། ཆོས་རྣམ་འབྱེད། བརྩོན་འགྲུས་བཅས་ཀྱི་ངོ་བོ་གང་ཡིན་ནམ།

དྲིས་ལན། དྲན་པའི་ཡན་ལག་ནི། ཆོས་ཀྱི་དབྱིངས་དང་། ལམ། གཞུང་བཅས་སེམས་ལ་གསལ་ཞིང་མ་བརྗེད་པའི་དྲན་པའོ།། ཆོས་རྣམ་འབྱེད་ཀྱི་ཡན་ལག་ནི། ཆོས་རྣམས་ཀྱི་ཆ་དང་ཕྱོགས་སོ་སོར་འབྱེད་པར་ཤེས་པའི་ཤེས་རབ་བོ།། བརྩོན་འགྲུས་ཀྱི་ཡན་ལག་ནི། ཆོས་མི་བརྗེད་པར་འཛིན་པའི་ཕྱིར་དང་ལམ་མངོན་དུ་བྱ་བའི་ཕྱིར་སྤྲོ་བ་དང་ལྡན་པའི་བརྩོན་འགྲུས་སོ།། གཞུང་ལས། དྲན་པ་ཡང་དག་བྱང་ཆུབ་ཀྱི་ཡན་ལག་ནི།...། ཆོས་རབ་ཏུ་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ནི།...། བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ནི།...ཞེས་གསུངས་པའི་ཕྱིར་རོ།།

༣༧༥༽ དྲི་བ། བྱང་ཆུབ་ཀྱི་ཡན་ལག་བདུན་པོ་དེ་དག་རང་རང་གི་བྱེད་ལས་ཀྱི་སྒོ་ནས་ཡན་ལག་གང་དག་ཏུ་བཞག་ཡོད་དམ།

དྲིས་ལན། དྲན་པ་ནི་རྟེན་གྱི་ཡན་ལག ཆོས་རྣམ་འབྱེད་ནི་རང་བཞིན་གྱི་ཡན་ལག བརྩོན་འགྲུས་ནི་ངེས་པར་འབྱུང་བའི་ཡན་ལག དགའ་བ་ནི་ཕན་ཡོན་གྱི་ཡན་ལག ཤིན་སྦྱངས་དང་། ཏིང་ངེ་འཛིན། བཏང་སྙོམས་གསུམ་ནི་ཉོན་མོངས་པ་མེད་པའི་ཡན་ལག་ཏུ་བཞག་ཡོད་དེ། གཞུང་ལས། འདི་དག་བྱང་ཆུབ་ཀྱི་ཡན་ལག་ཏུ་བཞག་པ་ཡང་། དྲན་པ་རྟེན་གྱི་ཡན་ལག་སྟེ།...ཆོས་རྣམ་འབྱེད་རང་བཞིན་གྱི་ཡན་ལག་སྟེ།...བརྩོན་འགྲུས་ནི་ངེས་པར་འབྱུང་བའི་ཡན་ལག་སྟེ།...དགའ་བ་ནི་ཕན་ཡོན་གྱི་ཡན་ལག་སྟེ།...ཤིན་ཏུ་སྦྱངས་པ་དང་། ཏིང་ངེ་འཛིན་དང་། བཏང་སྙོམས་ནི་ཉོན་མོངས་པ་མེད་པའི་ཡན་ལག་སྟེ།...ཞེས་གསུངས་པའི་ཕྱིར་རོ།། 

༣༧༦༽ དྲི་བ། སྒོམ་པའི་ལམ་ལ་ཉམས་སུ་བླང་བྱ་འཕགས་ལམ་ཡན་ལག་བརྒྱད་པོ་དེ་དག་གང་དང་གང་ཡིན་ནམ།

དྲིས་ལན། འཕགས་ལམ་ཡན་ལག་བརྒྱད་ནི། ཡང་དག་པའི་ལྟ་བ་དང་། ཡང་དག་པའི་རྟོག་པ། ཡང་དག་པའི་ངག ཡང་དག་པའི་ལས་ཀྱི་མཐའ། ཡང་དག་པའི་འཚོ་བ། ཡང་དག་པའི་རྩོལ་བ། ཡང་དག་པའི་དྲན་པ། ཡང་དག་པའི་ཏིང་ངེ་འཛིན་བཅས་ཡིན་ཏེ། གཞུང་ལས། སྒོམ་པའི་ལམ་ལ་ནི་འཕགས་ལམ་ཡན་ལག་བརྒྱད་དེ། ཡང་དག་པའི་ལྟ་བ། ཡང་དག་པའི་རྟོག་པ། ཡང་དག་པའི་ངག །ཡང་དག་པའི་ལས། ཡང་དག་པའི་འཚོ་བ། ཡང་དག་པའི་རྩོལ་བ། ཡང་དག་པའི་དྲན་པ། ཡང་དག་པའི་ཏིང་ངེ་འཛིན་ནོ། །ཞེས་གསུངས་པའི་ཕྱིར་རོ།།

༣༧༧༽ དྲི་བ། དེ་དག་ལ་འཕགས་ལམ་ཡན་ལག་བརྒྱད་ཅེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། འཕགས་པ་རྣམས་ཀྱིས་བྱང་ཆུབ་སྒྲུབ་པའི་ཡེ་ཤེས་དེ་ལ་ལམ་ཞེས་བྱ་ཞིང་། བརྒྱད་པོ་དེ་དག་ལམ་དེའི་གྲོགས་སུ་གྱུར་པའི་ཕྱིར་ཡན་ལག་ཅེས་བརྗོད་པ་ཡིན་ཏེ། གཞུང་ལས། འཕགས་པ་རྣམས་ཡེ་ཤེས་གང་གིས་བྱང་ཆུབ་སྒྲུབ་པའི་ཡེ་ཤེས་དེ་ལ་ལམ་ཞེས་བྱའོ། །བརྒྱད་པོ་དེ་དག་ལམ་གྱི་ཡེ་ཤེས་དེའི་གྲོགས་སུ་གྱུར་པའི་ཕྱིར་ཡན་ལག་གོ། །ཞེས་གསུངས་པའི་ཕྱིར་རོ།།

༣༧༨༽ དྲི་བ། འཕགས་ལམ་ཡན་ལག་བརྒྱད་པོ་སོ་སོའི་བྱེད་ལས་གཙོ་བོ་གང་དག་ཡིན་ནམ།

དྲིས་ལན། ཡང་དག་པའི་ལྟ་བ་ནི་ཡོངས་སུ་གཅོད་པའི་ཡན་ལག་སྟེ་དེ་ཁོ་ན་ཉིད་ལ་སྤྱོད་པར་བྱེད་པ་ཡིན། ཡང་དག་པའི་རྟོག་པ་ནི་གཞན་ལ་གོ་བར་བྱེད་པའི་ཡན་ལག་སྟེ་ཁོང་དུ་ཆུད་པ་ཚིག་ཏུ་སྨྲ་བ་ཡིན། ཡང་དག་པའི་ངག་དང་ལས་དང་འཚོ་བ་གསུམ་ནི་གཞན་ཡིད་ཆེས་པར་བྱེད་པའི་ཡན་ལག་ཡིན། ཡང་དག་པའི་རྩོལ་བ་ནི་ཉོན་མོངས་པའི་སྒྲིབ་པ་སྦྱོང་བའི་ཡན་ལག་ཡིན། ཡང་དག་པའི་དྲན་པ་ནི་ཉེ་བའི་ཉོན་མོངས་པ་སྦྱོང་བའི་ཡན་ལག་ཡིན། ཡང་དག་པའི་ཏིང་ངེ་འཛིན་ནི་ཡོན་ཏན་ཁྱད་པར་ཅན་ཐོབ་པའི་སྒྲིབ་པ་སྦྱོང་བའི་ཡན་ལག་ཡིན་ཏེ། གཞུང་ལས། དེ་ལ་དང་པོ་ཡོངས་སུ་གཅོད་པའི་ཡན་ལག་...། གཉིས་པ་གཞན་གོ་བར་བྱེད་པའི་ཡན་ལག་...། ངག་ལས་འཚོ་གསུམ་གཞན་ཡིད་ཆེས་པར་བྱེད་པའི་ཡན་ལག་...། རྩོལ་བ་ཉོན་མོངས་པའི་སྒྲིབ་པ་སྦྱོང་བའི་ཡན་ལག་...། དྲན་པ་ནི་ཉེ་བའི་ཉོན་མོངས་པ་སྦྱོང་བའི་ཡན་ལག་...། ཏིང་ངེ་འཛིན་ནི་ཡོན་ཏན་ཁྱད་པར་ཐོབ་པ་ལ་སྒྲིབ་པ་སྦྱོང་བའི་ཡན་ལག་...ཡིན་ནོ། །ཞེས་གསུངས་པའི་ཕྱིར་རོ།།

༣༧༩༽ དྲི་བ། འཕགས་ལམ་ཡན་ལག་བརྒྱད་པོ་དེ་འཁོར་ལོ་དང་འདྲ་བར་བསྟན་པའི་སྐབས་སུ། འཁོར་ལོའི་ལྟེ་བ་དང་། རྩིབས། མུ་ཁྱུད་བཅས་དང་ཇི་ལྟར་སྦྱར་ཡོད་དམ།

དྲིས་ལན། ཡང་དག་པའི་ངག་དང་ལས་དང་འཚོ་བ་གསུམ་ཚུལ་ཁྲིམས་ཀྱི་ཕུང་པོར་གཏོགས་པས་ལྟེ་བ་དང་འདྲ། ཡང་དག་པའི་ལྟ་བ་དང་རྟོག་པ་དང་དྲན་པ་དང་རྩོལ་བ་བཞི་ཤེས་རབ་ཀྱི་ཕུང་པོར་གཏོགས་པས་རྩིབས་དང་འདྲ། ཡང་དག་པའི་ཏིང་ངེ་འཛིན་སྤྲོས་པ་ཞི་བར་བྱེད་པས་མུ་ཁྱུད་དང་འདྲ་བར་སྦྱར་ཡོད་དེ། གཞུང་ལས། འཕགས་པའི་ལམ་ཡན་ལག་བརྒྱད་པ་ལ། ངག་ལས་འཚོ་གསུམ་འཕགས་པ་དགྱེས་པའི་ཚུལ་ཁྲིམས་ཞེས་བྱ་སྟེ་ཚུལ་ཁྲིམས་ཀྱི་ཕུང་པོར་གཏོགས་པ་ལྟེ་བ་དང་འདྲའོ། །ལྟ་རྟོག་དྲན་རྩོལ་བཞི་ཤེས་རབ་ཀྱི་ཕུང་པོར་གཏོགས་ཏེ་རྩིབས་དང་འདྲའོ། །ཏིང་ངེ་འཛིན་ནི་སྤྲོས་པ་ཐམས་ཅད་ཞི་བར་བྱེད་པས་མུ་ཁྱུད་དང་འདྲའོ། །ཞེས་གསུངས་པའི་ཕྱིར་རོ།།

༣༨༠༽ དྲི་བ། འཕགས་ལམ་ཡན་ལག་བརྒྱད་པོ་འཁོར་ལོ་རིན་པོ་ཆེ་དང་འདྲ་བའི་རྒྱུ་མཚན་གང་དག་བཀོད་ཡོད་དམ།

དྲིས་ལན། རྒྱུ་མཚན་རྣམ་པ་གཉིས་བཀོད་ཡོད་དེ། ༡༽ འཁོར་ལོ་རིན་པོ་ཆེས་མ་རྒྱལ་བ་རྒྱལ་བར་བྱེད་པ་བཞིན་དུ། འཕགས་ལམ་གྱིས་ཀྱང་ས་གོང་མ་མ་ཐོབ་པ་རྣམས་སྒྲིབ་པ་ལས་རྒྱལ་ཏེ་ཐོབ་པར་བྱེད་པས་སོ།།
༢༽ འཁོར་ལོ་མགྱོགས་པོར་འགྲོ་ཞིང་བླ་འོག་ཀུན་ཏུ་དགྲ་སེལ་བ་བཞིན་དུ། འཕགས་ལམ་ཡང་ཤེས་རབ་མྱུར་བའི་རང་བཞིན་གྱིས་བླ་གཟུགས་མེད་ཁམས་ཀྱི་ཉོན་མོངས་དང་འོག་འདོད་ཁམས་ཀྱི་ཉོན་མོངས་སེལ་བས་སོ།། གཞུང་ལས། རྣམ་པ་གཉིས་སུ་ན། འཁོར་ལོ་རིན་པོ་ཆེ་དེས་ཕྱོགས་མ་རྒྱལ་བ་རྣམས་ནི་རྒྱལ་བར་བྱེད།...། རྣམ་པ་གསུམ་དུ་ན་ཇི་ལྟར་འཁོར་ལོ་དེ་མགྱོགས་སུ་འགྲོ་ཞིང་བླ་འོག་ཀུན་ཏུ་དགྲ་སེལ་བ་དེ་བཞིན་དུ་འཕགས་ལམ་ཡན་ལག་བརྒྱད་པོ་འདི་ཡང་ཤེས་རབ་མྱུར་བའི་རང་བཞིན་ཅན་ཡིན་པས་བླ་ལ་ནི་གཟུགས་མེད་པའི་ཁམས་ཀྱི་ཉོན་མོངས་པ་སེལ། འོག་ཏུ་ནི་འདོད་པའི་ཁམས་ཀྱི་ཉོན་མོངས་པ་སེལ་བས་སོ། །ཞེས་གསུངས་པའི་ཕྱིར་རོ།།

 ༣༨༡༽ དྲི་བ། རང་སངས་རྒྱས་ཀྱིས་གང་ཟག་གི་བདག་མེད་པ་ཙམ་དུ་མ་ཟད་ཆོས་ཀྱི་བདག་མེད་པའི་ཡང་ཕྱོགས་གཅིག་རྟོགས་པར་གསུངས་པ་དེ་ཁུངས་གང་ལ་བརྟེན་ནས་གསུངས་པ་ཡིན་ནམ།

དྲིས་ལན། དེ་ནི་མགོན་པོ་བྱམས་པའི་གསུང་། གཟུང་དོན་རྟོག་པ་སྤོང་ཕྱིར་དང་། །ཞེས་པ་དེ་ལ་བརྟེན་ནས་གསུངས་པ་ཡིན་ཏེ། གཞུང་ལས། མགོན་པོ་བྱམས་པས། གཟུང་དོན་རྟོག་པ་སྤོང་ཕྱིར་དང་། །ཞེས་གང་ཟག་གི་བདག་མེད་པ་ཁོང་དུ་ཆུད་པའི་ཡེ་ཤེས་ཙམ་དུ་མ་ཟད་ཆོས་ཀྱི་བདག་མེད་པའི་ཡང་ཕྱོགས་གཅིག་རྟོགས་པར་བཤད་དོ། །ཞེས་གསུངས་པའི་ཕྱིར་རོ།།

༣༨༢༽ དྲི་བ། བློ་གྲོས་མི་ཟད་པའི་མདོ་འགྲེལ་ལས་གང་ཟག་གི་བདག་མེད་པ་དང་ཆོས་ཀྱི་བདག་མེད་པ་གཉིས་ལ་ངོས་འཛིན་ཇི་ལྟར་མཛད་ཡོད་དམ།

དྲིས་ལན། གང་ཟག་གི་བདག་མེད་པ་ནི་གང་ལ་བདག་ཏུ་སྒྲོ་བཏགས་པ་མེད་པ་དང་། ཆོས་ཀྱི་བདག་མེད་པ་ནི་གང་ལ་གཟུགས་སུ་བཏགས་པ་མེད་པ་སྟེ་བདག་དང་ཆོས་སུ་བཏགས་པ་ཐམས་ཅད་སྒྲོ་བཏགས་ཙམ་དུ་ཟད་པར་ངོས་འཛིན་མཛད་ཡོད་དེ། གཞུང་ལས། བློ་གྲོས་མི་ཟད་པའི་མདོ་འགྲེལ་ལས་དེ་ལ་གང་ཟག་ལ་བདག་མེད་པ་ནི་གང་ལ་བདག་ཏུ་སྒྲོ་བཏགས་པ་མེད་པ་ཞེས་དང་། ཡང་། ཆོས་ལ་བདག་མེད་པ་ནི་གང་ལ་གཟུགས་སུ་བཏགས་པ་མེད་པ་ཡང་ཞེས་བྱ་བ་ལ་སོགས་པས་བསྟན་ཏེ། ཞེས་གསུངས་པའི་ཕྱིར་རོ།།

༣༨༣༽ དྲི་བ། རང་རྒྱལ་གྱིས་ཆོས་ཀྱི་བདག་མེད་པའི་ཕྱོགས་གཅིག་རྟོགས་པ་ཞེས་པའི་ཕྱོགས་གཅིག་དེས་གང་ལ་གོ་དགོས་སམ།

དྲིས་ལན། ཕྱོགས་གཅིག་དེས་གཟུང་བའི་བདག་མེད་པ་དང་འཛིན་པའི་བདག་མེད་པ་གཉིས་ལས་དང་པོ་གཟུང་བའི་བདག་མེད་པ་རྟོགས་པ་ལ་གོ་དགོས་ཏེ། གཞུང་ལས། ...གཟུང་བའི་བདག་མེད་པ་དང་། འཛིན་པའི་བདག་མེད་པ་གཉིས་ལས་དང་པོ་རྟོགས་པས་ཕྱོགས་གཅིག་ཞེས་བྱའོ། །ཞེས་གསུངས་པའི་ཕྱིར་རོ།།

༣༨༤༽ དྲི་བ། སེམས་ཙམ་རྣམ་བདེན་པའི་གྲུབ་མཐའ་ལ་ རང་རྒྱལ་གྱི་ཆ་དང་མཐུན་པ་ ཞེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། འཕགས་པ་བི་ན་ཤ་ལུང་བསྟན་པའི་མདོ་ལས་རང་རྒྱལ་གྱིས་རྟེན་འབྲེལ་ཟབ་མོ་དང་ཆོས་དབྱིངས་མཐའ་དབུས་མེད་པ་རྟོགས་པར་གསུངས་པ་དེ་ནི། སེམས་ཙམ་རྣམ་བདེན་པས་གཏན་ལ་འབེབས་པའི་ལྟ་བ་དང་མཚུངས་པའི་ཕྱིར་རོ།། གཞུང་ལས། འཕགས་པ་བི་ན་ཤ་ལུང་བསྟན་པའི་མདོ་ལས། རྟེན་ཅིང་འབྲེལ་བར་འབྱུང་བ་ཟབ་མོ་མཐོང་བ་དང་། ཆོས་དབྱིངས་མཐའ་དང་དབུས་མེད་པ་རྟོགས་སོ། །ཞེས་གསུངས་པ་ཡིན་ལ། དེ་སེམས་ཙམ་རྣམ་བདེན་པས་གཏན་ལ་འབེབས་པའི་ལྟ་བ་ཡིན་པས། གྲུབ་མཐའ་འདི་ལ་རང་རྒྱལ་གྱི་ཆ་དང་མཐུན་པ་ཞེས་བྱའོ། །ཞེས་གསུངས་པའི་ཕྱིར་རོ།།

༣༨༥༽ དྲི་བ། རང་རྒྱལ་གྱི་ཉམས་ལེན་གྱི་རྒྱུ་གཙོ་བོ་གསུམ་པོ་དེ་དག་གང་དང་གང་ཡིན་ནམ།

དྲིས་ལན། རྒྱུ་གཙོ་བོ་གསུམ་ནི། རྒྱུ་འདུན་པ་ཆེ་བ་དང་། རྟེན་བརྩོན་འགྲུས་ཆེན་པོ། སྒྲུབ་པ་བག་ཡོད་པ་ཆེན་པོ་བཅས་ཡིན་ཏེ། གཞུང་ལས། གང་གིས་བསགས་པ། རྒྱུ་རྟེན་སྒྲུབ་པ་གསུམ། རྒྱུ་ནི་འདུན་པ་ཆེ་བ་སྟེ།...རྟེན་ནི་བརྩོན་འགྲུས་ཆེན་པོ་སྟེ།...འདིས་ནི་སྒྲུབ་པ་བསྟན་ཏེ། ཞེས་གསུངས་པའི་ཕྱིར་རོ།།

༣༨༦༽ དྲི་བ། རང་རྒྱལ་གྱི་ཉམས་ལེན་གྱི་རྒྱུ་དང་པོ་འདུན་པ་ཆེ་བ་ཞེས་པའི་དོན་གང་ཡིན་ནམ།

དྲིས་ལན། དེའི་དོན་ནི་དཀོན་མཆོག་དང་། བདེན་པ། ལས་རྒྱུ་འབྲས་བཅས་ལ་ཡིད་ཆེས་ཏེ། འདི་ཁོ་ན་བདེན་གྱི་གཞན་དུ་མ་ཡིན་ཞེས་ངེས་ཤེས་རྙེད་པ་ལ་ཟེར་ཏེ། གཞུང་ལས། རྒྱུ་ནི་འདུན་པ་ཆེ་བ་སྟེ། དཀོན་མཆོག་དང་བདེན་པ་དང་ལས་ལ་ཡིད་ཆེས་ནས་འདི་ཁོ་ན་བདེན་གྱི་གཞན་དུ་མ་ཡིན་ཞེས་འཛིན་པའོ། །ཞེས་གསུངས་པའི་ཕྱིར་རོ།།

༣༨༧༽ དྲི་བ། ཉམས་ལེན་གྱི་རྒྱུ་གཉིས་པ་བརྩོན་འགྲུས་ཆེན་པོ་ཞེས་པ་དེ་གང་ལ་ངོས་འཛིན་དགོས་སམ།

དྲིས་ལན། དེ་ནི་སྤང་བྱ་ཐམས་ཅད་སྤོང་བ་དང་བླང་བྱ་ཐམས་ཅད་བླངས་ནས་ཐོབ་པར་བྱ་བ་རྣམས་ཐོབ་པར་བྱེད་པ་ལ་སེམས་སྤྲོ་བའི་བརྩོན་འགྲུས་ལ་ངོས་འཛིན་དགོས་ཏེ། གཞུང་ལས། རྟེན་ནི་བརྩོན་འགྲུས་ཆེན་པོ་སྟེ། སྤང་བར་བྱ་བ་མ་ལུས་པ་སྤོང་བ་དང་འཐོབ་པར་བྱ་བ་ཐོབ་པར་བྱེད་པ་ལ་སེམས་སྤྲོ་བ་ནི་བརྩོན་འགྲུས། ཞེས་གསུངས་པའི་ཕྱིར་རོ།།

༣༨༨༽ དྲི་བ། ཉམས་ལེན་གྱི་རྒྱུ་གསུམ་པ་བག་ཡོད་པ་ཆེན་པོ་ཞེས་པའི་དོན་གང་ཡིན་པ་དང་། དེས་སྒྲུབ་པ་ཇི་ལྟར་བསྟན་ཡོད་དམ།

དྲིས་ལན། དེའི་དོན་ནི་གཅིག་པུར་དགོན་པར་གནས་ཤིང་འདུ་འཛི་དང་མི་འདྲེ་བ་ལ་ཟེར། དེས་སྒྲུབ་པ་བསྟན་པ་ནི། སྤང་བྱ་སྤོང་བ་དང་བླང་བྱ་བླངས་པའི་སྒྲུབ་པ་ཐམས་ཅད་བག་ཡོད་པ་ལ་བརྟེན་ནས་སྒྲུབ་དགོས་པས་སོ།། གཞུང་ལས། གཅིག་པུ་དགོན་པ་ན་གནས་ཤིང་འདུ་འཛི་དང་མི་འདྲེ་བ་ནི་བག་ཡོད་པ་ཆེན་པོ་སྟེ། འདིས་ནི་སྒྲུབ་པ་བསྟན་ཏེ། སྤང་བར་བྱ་བ་དང་བསྒྲུབ་པར་བྱ་བ་གཉིས་ནི་བག་ཡོད་པས་སྒྲུབ་པས་སོ། །ཞེས་གསུངས་པའི་ཕྱིར་རོ།།

༣༨༩༽ དྲི་བ། རང་རྒྱལ་གྱིས་གང་དག་བསགས་དགོས་པ་གསུམ་དུ་གསུངས་པ་དེ་དག་གང་ཡིན་ནམ།

དྲིས་ལན། བསགས་དགོས་པ་གསུམ་ནི། ༡༽ སེར་སྣའི་གཉེན་པོ་ཚོགས་བསགས་པ། ༢༽ འདོད་ཆགས་ཀྱི་གཉེན་པོ་ཚུལ་ཁྲིམས་བསྲུང་བ། ༣༽ ཉོན་མོངས་པའི་གཉེན་པོ་ཐོས་པ་བསགས་པ་བཅས་ཡིན་ཏེ། གཞུང་ལས། གང་བསགས་པ་ནི། སེར་སྣའི་གཉེན་པོ་བསགས་པ་དང་། འདོད་པ་ལ་ཆགས་པའི། ཉོན་མོངས་པའི་གཉེན་པོ་བསགས་པའོ། །དང་པོ་སྦྱིན་པ་རྣམ་པར་གྲོལ་བ་ཐོབ་པའི་རྒྱུར་གྱུར་པ་རྣམས་ཏེ། ཚོགས་བསགས་པ་ཞེས་བྱའོ། །གཉིས་པ།...ཡན་ལག་དྲུག་པའི་ཚུལ་ཁྲིམས།...གསུམ་པ་ཐོས་པ་ལ་མི་དགའ་བས་...ཞེས་གསུངས་པའི་ཕྱིར་རོ།།

༣༩༠༽ དྲི་བ། རང་རྒྱལ་གྱིས་ཉན་ཐོས་ལྟར་ཐོས་པ་མང་པོ་མི་བྱེད་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི་རང་རྒྱལ་རྣམས་ཐོས་པ་ལ་མི་དགའ་བས་ཐོས་པ་མང་པོ་མི་བྱེད་པར་ཐོས་པ་ཅུང་ཟད་ཅིག་གིས་ཆོས་ཀྱི་ནན་ཏན་བྱེད་པའི་ཕྱིར་རོ།། གཞུང་ལས། གསུམ་པ་ཐོས་པ་ལ་མི་དགའ་བས་ཉན་ཐོས་ལྟར་ཐོས་པ་མི་མང་བར་ཐོས་པ་ཅུང་ཟད་ཅིག་གིས་ཆོས་ཀྱི་ནན་ཏན་བྱེད་པའོ། །ཞེས་གསུངས་པའི་ཕྱིར་རོ།།

 ༣༩༡༽ དྲི་བ། སངས་རྒྱས་མཉེས་པར་བྱེད་པའི་རྒྱུ་ལ་རྣམ་པ་གཉིས་ཡོད་པ་དེ་དག་གང་དང་གང་ཡིན་ནམ།

དྲིས་ལན། སངས་རྒྱས་མཉེས་པར་བྱེད་པའི་རྒྱུ་གཉིས་ནི། ཆོས་ཀྱི་སྒོ་ནས་མཉེས་པར་བྱེད་པ་དང་། ཟང་ཟིང་གི་སྒོ་ནས་མཉེས་པར་བྱེད་པ་གཉིས་ཡིན་ཏེ། གཞུང་ལས། གཉིས་པ་སངས་རྒྱས་མཉེས་པར་བྱེད་པའི་རྒྱུ་ནི་རྣམ་པ་གཉིས་ཏེ། ཆོས་ཉིད་ཀྱིས་མཉེས་པར་བྱེད་པ་དང་། ཟང་ཟིང་གིས་མཉེས་པར་བྱེད་པའོ། །ཞེས་གསུངས་པའི་ཕྱིར་རོ།།

༣༩༢༽ དྲི་བ། ཆོས་ཀྱི་སྒོ་ནས་སངས་རྒྱས་མཉེས་པར་བྱེད་པ་དང་། ཟང་ཟིང་གི་སྒོ་ནས་སངས་རྒྱས་མཉེས་པར་བྱེད་པ་གཉིས་ཀྱི་དོན་གང་ཡིན་ནམ།

དྲིས་ལན།  ཆོས་ཀྱིས་མཉེས་པར་བྱེད་པ་ནི། སངས་རྒྱས་ཀྱིས་གསུངས་པའི་བཀའ་དང་བཅས་པའི་བསླབ་བྱ་ལས་མི་འདའ་བར་སྲུང་བ་དེ་ཡིན། ཟང་ཟིང་གིས་མཉེས་པར་བྱེད་པ་ནི། བསྐལ་པ་བརྒྱའི་བར་དུ་ཕྱག་འཚལ་བ་དང་། སྐོར་བ་བྱེད་པ། ཆོས་གོས་སོགས་འབུལ་བ་སྟེ་བསྙེན་བཀུར་བྱེད་པ་དེ་ཡིན་ཏེ། གཞུང་ལས། དང་པོ་སངས་རྒྱས་ཀྱིས་ཇི་སྐད་དུ་བསྟན་པའི་བཀའ་ལུང་དང་། བསླབ་པའི་ཚིག་ལས་འདའ་བར་མི་བྱེད་པའོ། །གཉིས་པ་བསྐལ་པ་བརྒྱའི་བར་དུ་ཕྱག་འཚལ་བ་དང་། སྐོར་བ་དང་ཆོས་གོས་ལ་སོགས་པའི་བསྙེན་བཀུར་བྱེད་པ་སྟེ་གཉིས་པོ་ལ་ཞུམ་ཞིང་དཔའ་བཀོང་བ་མེད་པའི་ཕྱིར་རོ། །ཞེས་གསུངས་པའི་ཕྱིར་རོ།།

༣༩༣༽ དྲི་བ། རང་རྒྱལ་ནི་སངས་རྒྱས་མི་བཞུགས་པའི་སྐབས་སུ་གཞན་ལ་མ་བརྟེན་པར་རང་གིས་ཆོས་རྟོགས་པར་བཤད་པ་དང་། སྐབས་འདིར་རང་རྒྱལ་གྱིས་སངས་རྒྱས་མཉེས་པར་བྱེད་པའི་རྒྱུ་བསགས་དགོས་པར་བཤད་པ་གཉིས་མི་འགལ་ལམ།

དྲིས་ལན། མི་འགལ་ཏེ། རྒྱུ་མཚན་ནི། སྐབས་འདིར་སངས་རྒྱས་མཉེས་པར་བྱེད་པའི་རྒྱུ་བསགས་པ་ནི་དང་པོ་སློབ་པའི་ཚོགས་བསགས་པའི་སྐབས་ཡིན་པ་དང་། རང་གིས་ཆོས་རྟོགས་པར་བཤད་པ་དེ་ནི་འབྲས་བུ་ཐོབ་པའི་དུས་ལ་དགོངས་པས་སོ།། གཞུང་ལས། དེ་གཞན་ལ་མ་ཉན་པར་རང་གི་ཆོས་རྟོགས་པ་དང་། སངས་རྒྱས་འཇིག་རྟེན་དུ་མི་འབྱུང་བའི་ཚེ་རང་སངས་རྒྱས་འབྱུང་ངོ་ཞེས་བཤད་པ་དང་ཇི་ལྟར་མི་འགལ་ཞེ་ན། འདིར་ནི་དང་པོ་སློབ་པའི་ཚོགས་བསགས་པའི་སྐབས། དེ་ནི་འབྲས་བུ་ཐོབ་པའི་དུས་ལ་དགོངས་པས་མི་འགལ་ལོ། །ཞེས་གསུངས་པའི་ཕྱིར་རོ།།

༣༩༤༽ དྲི་བ། རང་སངས་རྒྱས་ཀྱི་རིགས་ལ་ཁྱད་ཆོས་གཙོ་བོ་གསུམ་གང་དང་གང་ཡོད་དམ།

དྲིས་ལན། ཁྱད་ཆོས་གཙོ་བོ་གསུམ་ནི། ང་རྒྱལ་སྤྱོད་པ་དང་། སྙིང་རྗེ་ཆུང་བ། ཉོན་མོངས་ཆུང་བ་བཅས་ཡིན་ཏེ། གཞུང་ལས། ང་རྒྱལ་སྤྱོད་པ། སྙིང་རྗེ་ཆུང་བ། ཉོན་མོངས་ཆུང་བའོ། །ཞེས་གསུངས་པའི་ཕྱིར་རོ།།

༣༩༥༽ དྲི་བ། རང་སངས་རྒྱས་ཀྱི་རིགས་ལ་ང་རྒྱལ་སྤྱོད་པ་ཞེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། དབང་པོ་འབྲིང་ཡིན་ཡང་སྦྱོར་བ་དམ་པ་ལ་བརྟེན་ནས་ངོ་བོ་ལ་ང་རྒྱལ་སྤྱོད་པ་སྟེ་རྟག་ཏུ་རབ་ཏུ་བྱུང་བ་ལ་གཞོལ་བའི་ཕྱིར་རོ།། གཞུང་ལས། དབང་པོ་འབྲིང་དང་། སྦྱོར་བ་དམ་པས་ངོ་བོ་ལ་ང་རྒྱལ་སྤྱོད་པའི་རིགས་ཞེས་བྱ། སྦྱོར་བ་དམ་པས་རྟག་ཏུ་རབ་ཏུ་བྱུང་བ་ལ་གཞོལ་བའོ། །ཞེས་གསུངས་པའི་ཕྱིར་རོ།།

༣༩༦༽ དྲི་བ། རང་སངས་རྒྱས་ཀྱི་རིགས་ལ་སྙིང་རྗེ་ཆུང་བའི་རིགས་ཞེས་བརྗོད་པའི་རྒྱུ་མཚན་གང་ཡིན་ནམ།

དྲིས་ལན། རྒྱུ་མཚན་ནི། བདག་ཉིད་གཅིག་པུའི་དོན་ལ་འཇུག་ཅིང་གཞན་གྱི་དོན་མི་བྱེད་པས་ན་སྙིང་རྗེ་ཆུང་བའི་རིགས་ཞེས་བརྗོད་པ་ཡིན་ཏེ། གཞུང་ལས། བདག་འབའ་ཞིག་གི་དོན་ལ་འཇུག་ཅིང་གཞན་གྱི་དོན་མི་བྱེད་པས་སྙིང་རྗེ་ཆུང་བའི་རིགས་སོ། །དེ་ལ་བདག་ཞི་བར་བྱ་བ་དང་། གྲོལ་བ་མྱ་ངན་ལས་འདས་པ་ཙམ་ལས་བྱ་བ་གཞན་མི་བྱེད་པས་བྱ་བ་ཉུང་བའམ། བྱེད་པ་ཉུང་བ་བདག་གི་དོན་ལ་འཇུག་པ་དང་གཞན་གྱི་དོན་ལ་མི་འཇུག་པ་ཞེས་ཀྱང་གསུངས་སོ། །ཞེས་གསུངས་པའི་ཕྱིར་རོ།།

༣༩༧༽ དྲི་བ། རང་སངས་རྒྱས་ཀྱི་རིགས་ལ་ཉོན་མོངས་པ་ཆུང་བའི་རིགས་ཞེས་བརྗོད་པའི་རྒྱུ་མཚན་གང་ཡིན་པ་དང་། དེ་ལ་ཁྱད་ཆོས་གང་དག་ཡོད་དམ།

དྲིས་ལན། རྒྱུ་མཚན་ནི། ལུས་དབེན་པ་དང་། སེམས་དབེན་པ། གནས་དབེན་པ་བཅས་དབེན་པ་གསུམ་ལ་དགའ་བའི་ཕྱིར་རོ།། ལུས་དབེན་པ་ནི། རང་བཞིན་གྱིས་འགྲོ་བ་མང་པོ་དང་མི་འདྲེ་བར་བསེ་རུ་ལྟར་གཅིག་པུར་གནས་པ་ལ་མོས་པ། སེམས་དབེན་པ་ནི། འདོད་ཆགས་དང་ཁོང་ཁྲོའི་རྣམ་རྟོག་སྤོང་བ་ལ་མོས་པ། གནས་དབེན་པ་ནི། ཤིང་དྲུང་དང་རི་སུལ་ལྟ་བུའི་དབེན་པར་གནས་འཆའ་བ་བཅས་ཡིན་ཏེ། གཞུང་ལས། ལུས་དབེན་པ་ལ་དགའ་བ་དང་། སེམས་དབེན་པ་ལ་དགའ་བ་དང་། གནས་དབེན་པ་ལ་དགའ་བས་ཉོན་མོངས་པ་ཆུང་བའི་རིགས་ཏེ།...གསུམ་པ་ཤིང་དྲུང་དང་རི་སུལ་ན་གནས་འཆའ་བའོ། །ཞེས་གསུངས་པའི་ཕྱིར་རོ།།

༣༩༨༽ དྲི་བ། རང་སངས་རྒྱས་ཀྱི་ཉམས་ལེན་གྱི་རྐྱེན་རྣམ་པ་བཞི་གང་དང་གང་ཡིན་ནམ་ ?

དྲིས་ལན། རྐྱེན་རྣམ་པ་བཞི་ནི། ཡོན་ཏན་དང་། གནས་དང་། རྟོག་པ། འབྱུང་བ་བཅས་ཡིན་ཏེ། གཞུང་ལས། གཉིས་པ་རྐྱེན་ནི་རྣམ་པ་བཞི་སྟེ། ཡོན་ཏན་དང་། གནས་དང་། རྟོག་པ་དང་། འབྱུང་བའོ། །ཞེས་གསུངས་པའི་ཕྱིར་རོ།།

༣༩༩༽ དྲི་བ། རྐྱེན་དང་པོ་ཡོན་ཏན་ལ་རྣམ་པ་གསུམ་ཡོད་པ་དེ་དག་གང་ཡིན་ནམ་ ?

དྲིས་ལན། ཡོན་ཏན་རྣམ་པ་གསུམ་ནི། ཉོན་མོངས་པ་ཆུང་ཞིང་དགེ་བ་ཆེ་བ་དང་། རྫུ་འཕྲུལ་ཆེ་བ། འབྲས་བུའི་ས་ལ་མངོན་པར་དགའ་བ་བཅས་ཡིན་ཏེ། གཞུང་ལས། ཉོན་མོངས་པ་ཆུང་ཞིང་དགེ་བ་ཆེ་བ་དང་། རྫུ་འཕྲུལ་ཆེ་བ་དང་། འབྲས་བུའི་ས་ལ་མངོན་པར་དགའ་བ་སྟེ་གསུམ། ཞེས་གསུངས་པའི་ཕྱིར་རོ།།

༤༠༠༽ དྲི་བ། རྐྱེན་གཉིས་པ་གནས་ཞེས་པས་གང་ལ་གོ་དགོས་པ་དང་། རྟེན་ཅིང་འབྲེལ་བར་འབྱུང་བ་ཞེས་པའི་ཚིག་གསུམ་པོ་སོ་སོས་ལྟ་བ་ལོག་པ་གང་དག་འགོག་པར་བྱེད་དམ་ ?

དྲིས་ལན། གནས་ཞེས་པས་རྒྱུན་མི་འཆད་པར་རྟེན་ཅིང་འབྲེལ་བར་འབྱུང་བ་ལ་ལྟ་བ་ལ་གོ་དགོས། རྟེན་ཞེས་པས་རྒྱུ་མེད་པར་སྨྲ་བ་འགོག འབྲེལ་ཞེས་པས་མི་མཐུན་པ་རྒྱུར་སྨྲ་བ་འགོག འབྱུང་བ་ཞེས་པས་མེད་པར་སྨྲ་བའམ་ཆད་ལྟ་འགོག་པར་བྱེད་དེ། གཞུང་ལས། རྒྱུན་མི་འཆད་པར་རྟེན་ཅིང་འབྲེལ་བར་འབྱུང་བ་ལ་ལྟ་བའོ། །རྟེན་ཞེས་པས་རྒྱུ་དང་རྐྱེན་ལ་རྟེན་ཏེ་འབྱུང་བ་ཡིན་པས་ན། འདིས་ནི་རྒྱུ་མེད་པར་སྨྲ་བ་འགོག་པར་བྱེད་དོ། །འབྲེལ་ཅེས་པས། རྒྱུ་དང་འབྲས་བུ་མཐུན་པ་ལས་སྐྱེ་ཡི་...དེས་ནི་མི་མཐུན་པ་རྒྱུར་སྨྲ་བ་འགོག་པར་བྱེད་དོ། །འབྱུང་བས་རྒྱུ་དང་འབྲས་བུ་བར་ཆད་མེད་པར་སྐྱེ་བ་ལ་བྱ་སྟེ། འདིས་ནི་མེད་པར་སྨྲ་བ་འགོག་པར་བྱེད་དོ། །ཞེས་གསུངས་པའི་ཕྱིར་རོ།།

༤༠༡༽ དྲི་བ། ནང་གི་རྟེན་འབྲེལ་ལུགས་འབྱུང་གི་ཡན་ལག་བཅུ་གཉིས་པོ་དེ་དག་རེ་རེ་ནས་གསལ་བཤད་བྱེད་ཚུལ་ཇི་ལྟར་ཡིན་ནམ་ ?

དྲིས་ལན། མ་རིག་པ་ནི། ལས་འབྲས་དང་དོན་དམ་ལ་རྨོངས་པ། འདུ་བྱེད་ནི། ལས་དགེ་སྡིག་བྱེད་པ། རྣམ་ཤེས་ནི། ཀུན་གཞི་རྣམ་ཤེས་སྐྱེ་བར་མཚམས་སྦྱོར་བ། མིང་གཟུགས་ནི། ཕུང་པོ་ལྔར་གྱུར་པ། སྐྱེ་མཆེད་དྲུག་ནི། དབང་པོ་རྣམས་དོད་པ། རེག་པ་ནི། ཡུལ་དབང་རྣམ་ཤེས་གསུམ་འདུས་པ། ཚོར་བ་ནི། བདེ་སྡུག་བཏང་སྙོམས་མྱོང་བ། སྲེད་པ་ནི། ཚོར་བ་ལ་ཞེན་པ། ལེན་པ་ནི། སྲེད་པས་ཡོངས་སུ་མི་གཏོང་བ། སྲིད་པ་ནི། ལེན་པ་ལས་བྱུང་བའི་ལས་ཟག་བཅས། སྐྱེ་བ་ནི། སྲིད་པ་དང་མཐུན་པའི་འབྲས་བུ་འགྲུབ་པ། རྒ་ཤི་ནི། ཕུང་པོ་སྨིན་པ་དང་འཇིག་པ་བཅས་ཡིན་ཏེ། གཞུང་ལས། དེ་ལ་མ་རིག་པ་ནི་...། འདུ་བྱེད་ནི་...། རྣམ་པར་ཤེས་པ་ནི་...། མིང་དང་གཟུགས་ནི་...། སྐྱེ་མཆེད་དྲུག་ནི་...། རེག་པ་ནི་...། ཚོར་བ་ནི་...། སྲེད་པ་ནི་...། ལེན་པ་ནི་...། སྲིད་པ་ནི་...། སྐྱེ་བ་ནི་...། རྒ་ཤི་ནི་...། ཞེས་གསུངས་པའི་ཕྱིར་རོ།།

༤༠༢༽ དྲི་བ། རྟེན་འབྲེལ་ཡན་ལག་བཅུ་གཉིས་པོ་དེ་དག་བྱ་བ་གཉིས་གཉིས་སུ་ཉེ་བར་གནས་ཚུལ་ཇི་ལྟར་ཡིན་ནམ་ ?

དྲིས་ལན། ཡན་ལག་རེ་རེས་བྱ་བ་གཉིས་རེ་སྒྲུབ་སྟེ། དཔེར་ན། མ་རིག་པས་སེམས་ཅན་རྨོངས་པར་བྱེད་པ་དང་འདུ་བྱེད་འགྲུབ་པའི་རྒྱུ་བྱེད་པ་ལྟ་བུའོ།། གཞུང་ལས། བཅུ་གཉིས་པོ་དེ་དག་ནི་བྱ་བ་གཉིས་གཉིས་སུ་ཉེ་བར་གནས་ཏེ། མ་རིག་པ་ནི་སེམས་ཅན་རྨོངས་པར་ཡང་བྱེད་པ་དང་། འདུ་བྱེད་མངོན་པར་འགྲུབ་པའི་རྒྱུ་ཡང་འབྱིན་ནོ། །...འཆི་བ་ནི་འདུ་བྱེད་འཇིག་པར་བྱེད་དོ། །ཡོངས་སུ་མ་ཤེས་པས་རྒྱུན་མི་འཆད་པའི་རྒྱུ་ཡང་འབྱིན་ནོ། །ཞེས་གསུངས་པའི་ཕྱིར་རོ།།

༤༠༣༽ དྲི་བ། རྟེན་འབྲེལ་ཡན་ལག་བཅུ་གཉིས་པོ་དེ་དག་ཡན་ལག་ལྔ་དང་། ལས་ཉོན་ཚེ་གསུམ། ཚེ་གསུམ་བཅས་སུ་ཇི་ལྟར་བསྡུས་ཡོད་དམ་ ?

དྲིས་ལན། ཡན་ལག་ལྔ་ནི། འཕེན་བྱེད་ཡན་ལག་ (དང་པོ་གསུམ)། འཕངས་པའི་ཡན་ལག་ (བར་མ་བཞི)། མངོན་པར་འགྲུབ་བྱེད་ཡན་ལག་ (དེའི་འོག་མ་གསུམ)། མངོན་པར་གྲུབ་པའི་ཡན་ལག་ (སྐྱེ་བ)། ཉེས་དམིགས་ཀྱི་ཡན་ལག་ (རྒ་ཤི) བཅས་སུ་བསྡུས། ལས་ཉོན་ཚེ་གསུམ་ནི། མ་རིག་པ་དང་སྲེད་ལེན་གསུམ་ཉོན་མོངས། འདུ་བྱེད་དང་སྲིད་པ་གཉིས་ལས། ལྷག་མ་བདུན་ཚེ་སྟེ་སྡུག་བསྔལ་དུ་བསྡུས། ཚེ་གསུམ་ནི། མ་རིག་འདུ་བྱེད་གཉིས་འདས་པའི་རྒྱུ། རྣམ་ཤེས་ནས་ཚོར་བའི་བར་ལྔ་ད་ལྟའི་འབྲས་བུ། སྲེད་ལེན་སྲིད་པ་གསུམ་ད་ལྟའི་རྒྱུ། སྐྱེ་བ་དང་རྒ་ཤི་གཉིས་མ་འོངས་པའི་འབྲས་བུ་རུ་བསྡུས་ཡོད་དེ། གཞུང་ལས། དེ་དག་ཡན་ལག་ལྔར་ཡང་འགྱུར་ཏེ།...རྒ་ཤི་ཉེས་དམིགས་ཡན་ལག་གོ། །...ཡང་ལས་ཉོན་མོངས་ཚེ་གསུམ་དུ་ཡང་འགྱུར་ཏེ།...ལྷག་མ་བདུན་ནི་ཚེ་སྟེ་སྡུག་བསྔལ་ཞེས་ཀྱང་བྱའོ། །...དང་པོ་གཉིས་འདས་པའི་ཉོན་མོངས་པ་དང་ལས་ཏེ་...སྐྱེ་བ་དང་རྒ་ཤི་མ་འོངས་པའི་འབྲས་བུའོ། །ཞེས་གསུངས་པའི་ཕྱིར་རོ།།

༤༠༤༽ དྲི་བ། རྟེན་འབྲེལ་ལུགས་ལྡོག་གི་དོན་གང་ཡིན་པ་དང་། མ་རིག་པ་འགགས་པས་འབྲས་བུ་གང་ཞིག་འགྲུབ་པར་འགྱུར་རམ་ ?

དྲིས་ལན། ལུགས་ལྡོག་གི་དོན་ནི་རྟེན་འབྲེལ་གྱི་རྒྱུ་མ་རིག་པ་འགགས་པས་དེའི་འབྲས་བུ་འདུ་བྱེད་སོགས་རིམ་བཞིན་འགག་སྟེ་སྡུག་བསྔལ་གྱི་ཕུང་པོ་འབའ་ཞིག་པ་འགག་པར་འགྱུར་བ་དེ་ཡིན། མ་རིག་པ་འགགས་པས་ཀུན་ནས་ཉོན་མོངས་པའི་ཕྱོགས་འགགས་ཏེ་རྣམ་པར་བྱང་བའི་ཕྱོགས་སུ་གྱུར་ནས་རང་སངས་རྒྱས་ཀྱི་འབྲས་བུ་འགྲུབ་པར་འགྱུར་ཏེ། གཞུང་ལས། ལུགས་ལས་ལྡོག་པ་ནི། མ་རིག་པ་འགགས་པས་འདུ་བྱེད་འགག །...དེ་ལྟར་སྡུག་བསྔལ་གྱི་ཕུང་པོ་འབའ་ཞིག་པོ་འདི་འགག་པར་འགྱུར་རོ། །...མ་རིག་པ་འགག་སྟེ་རིག་པར་གྱུར་ནས་རང་སངས་རྒྱས་ཀྱི་འབྲས་བུ་འགྲུབ་པར་འགྱུར་བ་ཡིན་ནོ། །ཞེས་གསུངས་པའི་ཕྱིར་རོ།།

༤༠༥༽ དྲི་བ། ཉན་ཐོས་དང་རང་རྒྱལ་གྱི་འབྲས་བུ་དང་སྤངས་པ་ལ་ཁྱད་པར་གང་ཡོད་དམ་ ?

དྲིས་ལན། འབྲས་བུ། ཉན་ཐོས་ལ་རྒྱུན་ཞུགས་ནས་དགྲ་བཅོམ་པའི་བར་གྱི་འབྲས་བུ་བཞི་ཡོད་ལ། རང་རྒྱལ་ལ་ཏིང་ངེ་འཛིན་ཐོབ་པ་དང་མངོན་པར་བྱང་ཆུབ་པ་གཉིས་ཡོད། སྤངས་པ། གཉིས་ཀས་ཁམས་གསུམ་གྱི་ཕྲ་རྒྱས་ཐམས་ཅད་སྤངས་ནས་ཕུང་པོའི་ལྷག་མ་དང་བཅས་པ་དང་། ཕུང་པོའི་ལྷག་མ་མེད་པའི་མྱང་འདས་སུ་གནས་པ་མཚུངས་པ་ཡིན་ཏེ། གཞུང་ལས། དེའི་འབྲས་བུ་ཐོབ་པ་ནི་རྣམ་པ་བཞི་སྟེ། རྒྱུན་ཞུགས་ཕྱིར་འོང་ཕྱིར་མི་འོང་དགྲ་བཅོམ་པ།...སྤངས་པ་ནི། ཁམས་གསུམ་གྱི་ཕྲ་རྒྱས་ཐམས་ཅད་སྤངས་ལ་ཕུང་པོའི་ལྷག་མ་དང་བཅས་པ་དང་། ཕུང་པོའི་ལྷག་མ་ཡང་མེད་པ་ཞི་བའི་དབྱིངས་སུ་གནས་པའོ། །རང་སངས་རྒྱས་ནི་...དེའི་འབྲས་བུ་ནི། ཏིང་ངེ་འཛིན་ཐོབ་པ་དང་། མངོན་པར་བྱང་ཆུབ་ཐོབ་པའོ། །ཞེས་གསུངས་པའི་ཕྱིར་རོ།།

༤༠༦༽ དྲི་བ། གཞུང་འདིས་ལམ་གྱི་སྐབས་གང་ཞིག་བསྡུས་ནས་བསྟན་པ་ཡིན་ནམ་ ?

དྲིས་ལན། གཞུང་འདིས་སྐྱེས་བུ་འབྲིང་པོའི་ལམ་ལེགས་པར་བསྡུས་ནས་བསྟན་པའི་སྐབས་ཏེ་གཉིས་པ་ཡིན་ཏེ། གཞུང་ལས། སྐྱེས་བུ་འབྲིང་པོ་བསྡུས་པ་ཡིན། །ཞེས་པས་སྐྱེས་བུ་འབྲིང་པོའི་ལམ་ལེགས་པར་བསྡུས་ནས་བཤད་པའི་སྐབས་ཏེ་གཉིས་པའོ།། །།ཞེས་གསུངས་པའི་ཕྱིར་རོ།།

སྐྱེས་བུ་ཆེན་པོའི་ལམ་རིམ།

༤༠༧༽ དྲི་བ། གསུམ་པ་ལམ་འཁྲུལ་པ་སེལ་བ་ཞེས་པའི་སྐབས་སུ་བརྗོད་བྱ་གཙོ་བོ་གཉིས་གང་དང་གང་ཡིན་ནམ་ ?

དྲིས་ལན། བརྗོད་བྱ་གཙོ་བོ་གཉིས་ནི། ༡) ཕར་ཕྱིན་ཐེག་པ་རང་རྐང་གི་ལམ་བཤད་པ་དང་། ༢) དེས་བགྲོད་པའི་འབྲས་བུ་མི་གནས་པའི་མྱ་ངན་ལས་འདས་པ་བཤད་པ་གཉིས་ཡིན་ཏེ། གཞུང་ལས། གསུམ་པ་ལམ་འཁྲུལ་པ་སེལ་བ་ལ། འདིས་འགྲོ་བ་ཕར་ཕྱིན་རང་རྐང་གི་ལམ། འདིར་བགྲོད་པ་མི་གནས་པའི་མྱང་འདས་བཤད་པ་གཉིས་ལས། ཞེས་གསུངས་པའི་ཕྱིར་རོ།།

༤༠༨༽ དྲི་བ། གཞུང་འདིའི་དགོངས་པ་ལྟར་ན། མཐར་ཐུག་གི་ཐེག་པ་ནི་གཅིག་ཡིན་ནམ་གསུམ་ཡིན། རྒྱུ་མཚན་གང་ཡིན་ནམ་ ?

དྲིས་ལན། མཐར་ཐུག་གི་ཐེག་པ་ནི་གཅིག་ཁོ་ན་ཡིན་ཏེ། རྒྱུ་མཚན་ནི། ཉན་ཐོས་དང་རང་སངས་རྒྱས་ཀྱི་གོ་འཕང་ནི་རིང་ཐབས་ཀྱི་ངལ་གསོ་བའི་གནས་ཙམ་ཡིན་ལ། དེ་དག་གིས་འབྲས་བུ་ཐོབ་པའི་རྗེས་སུ་སངས་རྒྱས་ཀྱིས་བསྐུལ་ནས་ཆོས་ལ་བདག་མེད་པར་རྟོགས་ཤིང་བྱང་ཆུབ་ཀྱི་སྤྱོད་པ་ལ་སླར་ཡང་བཅུག་སྟེ་མཐར་ཐེག་པ་ཆེན་པོར་འདུ་བས་བླ་ན་མེད་པའི་བྱང་ཆུབ་ཐོབ་པར་འགྱུར་བའི་ཕྱིར་རོ།། གཞུང་ལས། ཉན་ཐོས་དང་རང་སངས་རྒྱས་ནི་འཁོར་བས་སྐྱོ་ཞིང་སྡུག་བསྔལ་བ་མི་བཟོད་པས། དེ་མྱུར་དུ་ཞི་བར་བྱ་བའི་ཕྱིར་རིང་ཐབས་བསྟི་བའི་གནས་ཙམ་དུ་ཟད་དེ།...འབྲས་བུ་ཐོབ་ནས་སངས་རྒྱས་ཀྱིས་བསྐུལ་ཏེ་ཆོས་ལ་བདག་མེད་པར་རྟོགས་པར་མཛད་ཅིང་། བྱང་ཆུབ་ཀྱི་སྤྱོད་པ་ལ་སྤྱོད་དུ་བཅུག །དེས་བསྒྲུབས་ནས་བླ་ན་མེད་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་སྟེ། མཐའ་མར་ཐེག་པ་ཆེན་པོ་འདུ་བས་ན།...ཐེག་པ་གསུམ་དུ་མེད་དེ་གཅིག་ཏུ་ཟད་དོ། །ཞེས་གསུངས་པའི་ཕྱིར་རོ།།

༤༠༩༽ དྲི་བ། མདོ་ཁ་ཅིག་ལས་དགྲ་བཅོམ་པ་ནི་ས་བོན་ཚིག་པ་དང་འདྲ་བས་སངས་རྒྱས་སུ་མི་འགྲུབ་པར་གསུངས་པ་དེ་ལ་འགྲེལ་བཤད་ཇི་ལྟར་མཛད་ཡོད་དམ་ ?

དྲིས་ལན། དེ་ནི་ཐོག་མ་ཉིད་ནས་ཐེག་པ་ཆེན་པོ་ལ་འཇུག་པར་བྱ་བའི་ཆེད་དུ་དོན་ཆུང་ངུ་ཅན་གྱི་ཐེག་པ་དམན་པ་ལ་སྨད་པ་ཙམ་ཡིན་གྱི་དོན་དངོས་ལ་སངས་རྒྱས་སུ་མི་འགྲུབ་པ་མ་ཡིན་ཏེ། གཞུང་ལས། ཐོག་མ་ནས་ཐེག་པ་ཆེན་པོ་ལ་འཇུག་པར་བྱ་ཞིང་། དོན་ཆུང་ངུ་ཉིད་ལས་སུ་འགྱུར་བ་ཐེག་པ་དམན་པ་ལ་ཡང་མི་འཇུག་པར་བྱ་བའི་ཕྱིར་སྨད་པ་ཡིན་ནོ། །ཞེས་གསུངས་པའི་ཕྱིར་རོ།།

༤༡༠༽ དྲི་བ། བདེན་པ་གཉིས་ཞེས་པ་དེ་གང་དང་གང་ཡིན་པ་དང་། དེ་དག་སོ་སོའི་ངོ་བོ་གང་ཡིན་ནམ་ ?

དྲིས་ལན། བདེན་པ་གཉིས་ནི་ཀུན་རྫོབ་ཀྱི་བདེན་པ་དང་དོན་དམ་པའི་བདེན་པ་གཉིས་ཡིན། ཀུན་རྫོབ་བདེན་པ་ནི། འཇིག་རྟེན་གྱི་ཐ་སྙད་དང་། ཡི་གེ སྒྲ། བརྡ་བཅས་ཀྱིས་བསྟན་པ་ཐམས་ཅད་ཡིན། དོན་དམ་བདེན་པ་ནི། སེམས་ཀྱི་རྒྱུ་བ་ཡང་མེད་པས་ཡི་གེ་སོགས་བརྗོད་པའི་ཡུལ་ལས་ཡོངས་སུ་འདས་པ་དེ་ཡིན་ཏེ། གཞུང་ལས། ཀུན་རྫོབ་ཀྱི་བདེན་པ་གང་ཞེ་ན། འཇིག་རྟེན་གྱི་ཐ་སྙད་དང་། ཡི་གེ་དང་སྒྲ་དང་བརྡས་བསྟན་པ་ཇི་སྙེད་པ་ཞེས་གསུངས།...དོན་དམ་པའི་བདེན་པ་ནི། གང་ལ་སེམས་ཀྱི་རྒྱུ་བ་ཡང་མེད་པ་སྟེ་ཡི་གེ་ལྟ་ཅི་སྨོས་ཞེས་གསུངས་ལ། ཞེས་གསུངས་པའི་ཕྱིར་རོ།།

༤༡༡༽ དྲི་བ། བདེན་པ་གཉིས་སུ་དབྱེ་བའི་དགོས་པ་གང་ཡིན་ནམ་ ?

དྲིས་ལན། དགོས་པ་ནི། ཀུན་རྫོབ་བདེན་པའི་ཐབས་སམ་སྐས་ལ་མ་བརྟེན་པར་དོན་དམ་བདེན་པའི་ཁང་ཆེན་གྱི་སྟེང་དུ་བགྲོད་མི་ཐུབ་པས་ན། ཀུན་རྫོབ་ཀྱི་ཐབས་ལ་བརྟེན་ནས་དོན་དམ་རྟོགས་པའི་ཕྱིར་ཡིན་ཏེ། གཞུང་ལས། ཡང་དག་ཀུན་རྫོབ་རྣམས་ཀྱི་སྐས། །མེད་པར་ཡང་དག་ཁང་ཆེན་གྱི། །སྟེང་དུ་འགྲོ་བར་བྱེད་པ་ནི། །མཁས་ལ་རུང་བ་མ་ཡིན་ནོ། །ཞེས་ཀུན་རྫོབ་ཀྱི་བདེན་པའི་ཐབས་ལས་དོན་དམ་པའི་བདེན་པ་འབྱུང་བས་ཏེ། ཞེས་གསུངས་པའི་ཕྱིར་རོ།།

༤༡༢༽ དྲི་བ། གཞུང་འདིར་བདེན་གཉིས་ལ་ལྟ་ཚུལ་ནོར་འཁྲུལ་ཅན་གང་ཞིག་དགག་པ་མཛད་ཡོད་དམ་ ?

དྲིས་ལན། དོན་དམ་པར་ཅི་ཡང་མེད་པའི་ཆད་ལྟ་དང་། ཀུན་རྫོབ་ཏུ་ཐམས་ཅད་ཡོད་པའི་རྟག་ལྟར་འཛིན་པའི་ལྟ་བ་དེ་དག་དགག་པ་མཛད་ཡོད་དེ། དེ་ལྟར་འཛིན་པ་ནི་མཐའ་གཉིས་སུ་ལྷུང་བས་སངས་རྒྱས་ཀྱི་བསྟན་པ་ལ་ཡང་དག་པར་མཐོང་བ་མ་ཡིན་པའི་ཕྱིར་རོ།། གཞུང་ལས། འདི་ན་དོན་དམ་པར་ཅང་མེད་པས་དོན་དམ་བདེན་པར་འཇོག་ཅིང་། ཀུན་རྫོབ་ཏུ་ཐམས་ཅད་ཡོད་པས་ཀུན་རྫོབ་གྱི་བདེན་པ་འཇོག་པར་བྱེད་དོ། །དེ་ལྟ་ན་དོན་དམ་པར་ཅང་མེད་པར་...ལྟ་བ་ཆད་པའི་ཕྱོགས་ཆེན་པོར་ལྷུང་ངོ་། །ཀུན་རྫོབ་འདི་ལྟར་གནས་པ་བསྒྲུབས་པའི་ཕྱིར་དངོས་པོར་འཛིན་པ་མི་ལྡོག་པས། རྟག་པར་ཡང་བལྟས་ཏེ་...། གང་དག་རང་དངོས་གཞན་དངོས་ཀྱི། །དངོས་དང་དངོས་མེད་ཉིད་མཐོང་བ། །དེ་དག་སངས་རྒྱས་བསྟན་པ་ལ། །ཡང་དག་མཐོང་བ་མ་ཡིན་ནོ། །ཞེས་ཇོ་བོ་རྗེ་ལྷ་གཅིག་གིས་གསུངས་སོ། །ཞེས་གསུངས་པའི་ཕྱིར་རོ།།

༤༡༣༽ དྲི་བ། རྩོམ་པ་པོ་རང་གི་འདོད་པའི་ཀུན་རྫོབ་བདེན་པའི་རང་བཞིན་དེ་དཔེ་གང་གི་སྒོ་ནས་བསྟན་ཡོད་དམ་ ?

དྲིས་ལན། དཔེ་ནི་རབ་རིབ་ཅན་གྱི་མིག་ལ་ནམ་མཁའ་ནས་སྐྲ་ཤད་འཛག་པར་སྣང་བ་ལྟ་བུ་སྟེ། རབ་རིབ་ཅན་གྱི་ངོར་ཡོད་ཀྱང་མིག་སྐྱོན་མེད་པའི་ངོར་མེད་པ་བཞིན་དུ། ཆོས་རྣམས་ཀྱང་རིགས་པས་དཔྱད་ན་སྒྱུ་མ་དང་རྨི་ལམ་ཙམ་དུ་བསྟན་ཡོད་དེ། གཞུང་ལས། རང་གི་འདོད་པ་ནི་...རབ་རིབ་ཅན་ལ་ནམ་མཁའ་ནས་སྐྲ་ཤད་འཛག་པར་སྣང་བ་ལྟ་བུ་སྟེ། རབ་རིབ་པའི་ངོར་ཡོད་པ་དང་། མིག་སྐྱོན་མེད་པའི་ངོར་གྲུབ་མ་མྱོང་བས། དེ་མི་བདེན་པར་སོང་བ་བཞིན་འདི་དག་རིགས་པས་དཔྱད་ན་དེ་འདྲ་བས་སྒྱུ་མ་ཙམ། རྨི་ལམ་ཙམ་དུ་གསུངས་པ་ཡིན་ནོ། །ཞེས་གསུངས་པའི་ཕྱིར་རོ།།

༤༡༤༽ དྲི་བ། ཇོ་བོ་རྗེའི་གསུང་ལྟར་ན། དབུ་མའི་ལྟ་བ་ཡང་དག་པ་དེ་གང་ལ་ངོས་འཛིན་དགོས་སམ་ ?

དྲིས་ལན། དབུ་མའི་ལྟ་བ་ཡང་དག་པ་ནི། ཡོད་པ་དང་། མེད་པ། ཡོད་མེད་གཉིས་ཀ། གཉིས་ཀ་མ་ཡིན་པ་བཅས་མཐའ་བཞི་ལས་རྣམ་པར་གྲོལ་བ་དེ་ཡིན་ལ། དེ་ཉིད་མཐའ་དང་བྲལ་བས་ན་མཐར་དབུ་མ་ཞེས་པའི་མིང་ལས་ཀྱང་འདས་པ་ཡིན་ཏེ། གཞུང་ལས། ཇོ་བོ་རྗེ་ལྷ་གཅིག་གིས། ཡོད་མིན་མེད་མིན་ཡོད་མེད་མིན། །གཉིས་ཀའི་བདག་ཉིད་དུ་ཡང་མེད། །མཐའ་བཞི་ལས་ནི་རྣམ་གྲོལ་བ། །དེ་ཉིད་དབུ་མར་མཁས་རྣམས་བཞེད། །ཅེས་དང་། དབུ་མ་མཐའ་ལས་རྣམ་གྲོལ་ན། །མཐའ་དང་བྲལ་ཕྱིར་དབུ་མའང་མེད། །མཐའ་དབུས་མེད་པར་གང་ལྟ་བ། །དེ་ནི་ཡང་དག་ལྟ་བ་སྟེ། །ཞེས་གསུངས་པའི་ཕྱིར་རོ།།

༤༡༥༽ དྲི་བ། བདེན་པ་གཉིས་སུ་འཇོག་པ་དང་། བདེན་པ་གཅིག་ཏུ་འཇོག་པ། བདེན་གཉིས་ཟུང་འཇུག་ཏུ་སྟོན་པ་བཅས་ཀྱི་དགོས་པ་རྒྱུ་མཚན་གང་ཡིན་ནམ་ ?

དྲིས་ལན། དེ་དག་ནི་གདུལ་བྱའི་བློའི་དབང་གིས་བཞག་པ་ཡིན་ལ། མདོ་ལས་ཀྱང་མི་བསླུ་བའི་ཆོས་ཅན་མྱ་ངན་ལས་འདས་པ་ནི་བདེན་པ་གཅིག་པུར་གསུངས་པ་དང་། ཀུན་རྫོབ་དང་དོན་དམ་ཞེས་བདེན་པ་གཉིས་སུ་ཡང་གསུངས་པ། མཐར་བདེན་གཉིས་སུ་ཡང་རང་བཞིན་མེད་པས་སྤྲོས་པ་ལས་འདས་པའི་ཟུང་འཇུག་ཏུ་ཡང་བསྟན་པ་ཡིན་ཏེ། གཞུང་ལས། གདུལ་བྱའི་དབང་ལས་དེ། བདེན་པ་གཉིས་དང་བདེན་པ་གཅིག་སྟེ། མདོ་ལས། མི་བསླུ་བའི་ཆོས་ཅན་མྱ་ངན་ལས་འདས་པ་ནི་བདེན་པ་གཅིག་པུའོ། །...བདེན་གཉིས་སམ་གཅིག་པུར་གཞོག་བྱེད་ཟད་ནས་བདེན་གཉིས་ཟུང་འཇུག་ཏུ་བསྟན་པའི་སྐབས་ཏེ། ཕྱི་མ་འདི་དབུ་མ་འཇུག་པར། བདེན་པ་གཉིས་སུའང་རང་བཞིན་མེད་པའི་ཕྱིར། །ཞེས་གསུངས་པའི་ཕྱིར་རོ།།

༤༡༦༽ དྲི་བ། ཐེག་པ་ཆེན་པོའི་གང་ཟག་གིས་བདེན་བཞི་རྟོགས་པའི་ཚུལ་དེ་ཉན་ཐོས་དང་མི་འདྲ་བའི་ཁྱད་པར་གང་ཡོད་དམ་ ?

དྲིས་ལན། ཁྱད་པར་ནི། ཉན་ཐོས་ཀྱིས་བདེན་པ་བཞི་ལ་སྡུག་བསྔལ་བ་དང་། རྒྱུ་རྐྱེན། ཞི་བ། སྒྲུབ་པ་བཅས་སུ་རྟོག་པ་དང་། ཐེག་ཆེན་པས་ནི་ཕུང་པོ་ལྔ་སོགས་ཐོག་མ་ཉིད་ནས་སྐྱེ་བ་མེད་པར་རྟོགས་པ་ནི་སྡུག་བསྔལ་ཤེས་པ་དང་། སྲེད་པའི་རང་བཞིན་སྟོང་པ་ཉིད་དུ་ཁོང་དུ་ཆུད་པ་ནི་ཀུན་འབྱུང་ཤེས་པ། བག་ལ་ཉལ་ཐོག་མ་ནས་མ་སྐྱེས་པས་མཐར་འགག་པ་མེད་པར་ཤེས་པ་ནི་འགོག་པ་ཤེས་པ། ཉོན་མོངས་དང་རྣམ་བྱང་གཉིས་མཉམ་པ་ཉིད་དུ་རྟོགས་པ་ནི་ལམ་ཤེས་པ་བཅས་ཡིན་ཏེ། གཞུང་ལས། བློ་གྲོས་མི་ཟད་པའི་མདོ་འགྲེལ་ལས། འདི་ལྟར་ཕུང་པོ་ལྔ་རྣམས་ལ་འཕགས་པ་ཉན་ཐོས་པ་དག་ལྟར་སྡུག་བསྔལ་བ་དང་། མི་རྟག་པ་ལ་སོགས་པར་རྟོག་པ་མ་ཡིན་གྱི། ཐོག་མ་ཉིད་ནས་ངོ་བོ་ཉིད་ཀྱིས་མ་སྐྱེས་པར་ཤེས་པ་ནི་སྡུག་བསྔལ་ཤེས་པའོ། །ཞེས་...ཉོན་མོངས་པ་དང་རྣམ་པར་བྱང་བའི་ཕྱོགས་གཉིས་ཀ་ལ་ཡང་མཉམ་པ་ཉིད་དུ་རྟོགས་པས་དེ་གཉིས་ལ་སྒྲོ་འདོགས་མེད་པ་ནི་ལམ་ཤེས་པ་ཞེས་བྱའོ། །ཞེས་གསུངས་པའི་ཕྱིར་རོ།།

༤༡༧༽ དྲི་བ། བྱང་ཆུབ་སེམས་དཔའ་དེ་ཉན་ཐོས་ལྟར་ཞི་བ་ཕྱོགས་གཅིག་པའི་མྱང་འདས་སུ་མི་ལྷུང་བའི་རྒྱུ་མཚན་གང་ཡིན་ནམ་ ?

དྲིས་ལན། རྒྱུ་མཚན་ནི། བདེན་པ་བཞི་རྟོགས་ཀྱང་སྙིང་རྗེ་ཆེན་པོའི་དབང་གིས་སེམས་ཅན་གྱི་དོན་གྱི་ཕྱིར་མྱ་ངན་ལས་འདས་པ་མངོན་སུམ་དུ་མི་བྱེད་པར་ཐབས་སྣ་ཚོགས་ཀྱིས་སེམས་ཅན་སྨིན་པར་བྱེད་པའི་ཐབས་ཀྱིས་ཟིན་པའི་ཕྱིར་རོ།། གཞུང་ལས། དེ་ལྟར་བདེན་པ་བཞི་རྟོགས་ཀྱང་སྙིང་རྗེ་ཆེན་པོས་སེམས་ཅན་གྱི་དོན་གྱི་ཕྱིར་ཉན་ཐོས་བཞིན་དུ་ཞི་བ་ཕྱོགས་གཅིག་པའི་མྱ་ངན་ལས་འདས་པ་མངོན་སུམ་དུ་མི་བྱེད་ཅིང་ཐབས་རྣམ་པ་སྣ་ཚོགས་ཀྱིས་སེམས་ཅན་སྨིན་པར་བྱེད་དེ། འདིས་ནི་ཐབས་ཀྱིས་ཟིན་པ་བསྟན་ཏོ། །ཞེས་གསུངས་པའི་ཕྱིར་རོ།།

༤༡༨༽ དྲི་བ། ཐེག་པ་ཆེན་པོ་དེ་ཉན་ཐོས་ཀྱི་ཐེག་པ་ལས་ཁྱད་པར་དུ་འཕགས་པའི་རྒྱུ་མཚན་ཆེན་པོ་བདུན་ཡོད་པ་དེ་དག་གང་ཡིན་ནམ་ ?

དྲིས་ལན། ཁྱད་པར་བདུན་ནི། ༡) སྤོང་བ་ཁྱད་ཞུགས། ༢) ཡེ་ཤེས་ཁྱད་ཞུགས། ༣) སྒྲུབ་པ་ཁྱད་ཞུགས། ༤) དུས་ཁྱད་ཞུགས། ༥) ཐོབ་པ་ཁྱད་ཞུགས། ༦) ལྡན་པ་ཁྱད་ཞུགས། ༧) སྤྱོད་པ་ལ་ཁྱད་ཞུགས་པ་བཅས་ཡིན་ཏེ། གཞུང་ལས། བློ་གྲོས་མི་ཟད་པའི་མདོ་འགྲེལ་ལས། དེ་ལ་སྤོང་བ་ལ་ཁྱད་ཞུགས་པ་ནི་...འདིས་ནི་ས་དང་ཕ་རོལ་ཏུ་ཕྱིན་པ་ལ་སྤྱོད་པས་ན་སྤྱོད་པ་ལ་ཁྱད་ཞུགས་སོ། །ཞེས་སམ་ཆེན་པོ་བདུན་དང་ལྡན་པར་བཤད་པས་ཐེག་པ་མཆོག་དམན་དུ་བཞག་གོ། །ཞེས་གསུངས་པའི་ཕྱིར་རོ།།

༤༡༩༽ དྲི་བ། ཉན་ཐོས་དང་བྱང་སེམས་དང་སངས་རྒྱས་གསུམ་གྱིས་དེ་བཞིན་གཤེགས་པའི་རིགས་མཐོང་ཚུལ་ལ་ཁྱད་པར་གང་ཡོད་དམ་ ?

དྲིས་ལན། ཉན་ཐོས་ཀྱིས་ནི་ཏིང་ངེ་འཛིན་ཤས་ཆེ་ཞིང་ཤེས་རབ་ཆུང་བས་མི་མཐོང་། བྱང་ཆུབ་སེམས་དཔས་ནི་ཤེས་རབ་ཤས་ཆེ་ཞིང་ཏིང་ངེ་འཛིན་ཆུང་བས་མཐོང་ཡང་མི་གསལ། སངས་རྒྱས་ཀྱིས་ནི་ཞི་གནས་དང་ལྷག་མཐོང་མཚུངས་པར་ལྡན་པས་ཐམས་ཅད་གསལ་བར་གཟིགས་པའི་ཁྱད་པར་ཡོད་དེ། གཞུང་ལས། མྱང་འདས་ལས། ཉན་ཐོས་ཀྱིས་ནི་དེ་བཞིན་གཤེགས་པའི་རིགས་མི་མཐོང་སྟེ་ཏིང་ངེ་འཛིན་ཤས་ཆེ་བའི་ཕྱིར་དང་། ཤེས་རབ་ཆུང་བའི་ཕྱིར་རོ། །བྱང་ཆུབ་སེམས་དཔའ་རྣམས་ཀྱིས་ནི་མཐོང་མོད་ཀྱི། མི་གསལ་ཏེ་ཤེས་རབ་ཤས་ཆེ་བའི་ཕྱིར་དང་། ཏིང་ངེ་འཛིན་ཆུང་བའི་ཕྱིར་རོ། །དེ་བཞིན་གཤེགས་པས་ནི་ཐམས་ཅད་གཟིགས་ཏེ་ཞི་གནས་དང་ལྷག་མཐོང་མཚུངས་པར་ལྡན་པའི་ཕྱིར་རོ་ཞེས་གསུངས། ཞེས་གསུངས་པའི་ཕྱིར་རོ།།

༤༢༠༽ དྲི་བ། ཞི་གནས་ཙམ་ལ་བརྟེན་པ་དང་ལྷག་མཐོང་ཙམ་ལ་བརྟེན་པའི་སྐྱོན་གང་ཡོད་པ་དང་། ཐབས་ཡང་དག་པ་གང་ཡིན་ནམ་ ?

དྲིས་ལན། ཞི་གནས་ཙམ་གྱིས་ནི་ཉོན་མོངས་རེ་ཞིག་རྣམ་པར་གནོན་པ་ཙམ་ལས་བག་ལ་ཉལ་འཇོམས་མི་ནུས། ལྷག་མཐོང་ཙམ་གྱིས་ནི་སེམས་གཡེང་བར་འགྱུར་ནས་བརྟན་པོ་མི་འབྱུང་བའི་སྐྱོན་ཡོད། ཐབས་ཡང་དག་པ་ནི་ཞི་གནས་ལ་གནས་པའི་ལྷག་མཐོང་གིས་བདག་མེད་རྟོགས་པ་དེ་ཡིན་ཏེ། གཞུང་ལས། ཀ་མ་ལ་ཤཱི་ལའི་སྒོམ་རིམ་ལས། ཞི་གནས་ཙམ་འབའ་ཞིག་གོམས་པར་བྱས་པས་ནི་རྣལ་འབྱོར་པ་རྣམས་ཀྱིས་ནི་སྒྲིབ་པ་མི་སྤོངས་ཀྱི།...དེ་བས་ན་འཕགས་པ་དགོངས་པ་ངེས་པར་འགྲེལ་པ་དེ་ཉིད་ལས། བསམ་གཏན་གྱིས་ནི་ཉོན་མོངས་པ་རྣམས་རྣམ་པར་གནོན་ནོ། །ཤེས་རབ་ཀྱིས་ནི་བག་ལ་ཉལ་ལེགས་པར་འཇོམས་པར་བྱེད་དོ་ཞེས་བཀའ་སྩལ་ཏོ། །...སྒོམ་རིམ་དེ་ཉིད་དུ། ཞི་གནས་དང་བྲལ་བའི་ལྷག་མཐོང་གིས་ནི་རྣལ་འབྱོར་པའི་སེམས་ཡུལ་རྣམས་ལ་རྣམ་པར་གཡེང་བར་འགྱུར་གྱི།...ཞེས་བཤད་པས་ཞི་གནས་ལ་གནས་པའི་ལྷག་མཐོང་གིས་བདག་མེད་པར་གཏན་ལ་ཕབ་པ་ཞིག་དགོས། ཞེས་གསུངས་པའི་ཕྱིར་རོ།།

༤༢༡༽ དྲི་བ། གཞུང་འདིར་དཔྱད་སྒོམ་དང་འཇོག་སྒོམ་གཉིས་ལ་ངོས་འཛིན་ཇི་ལྟར་མཛད་ཡོད་དམ་ ?

དྲིས་ལན། དཔྱད་སྒོམ་ནི། ལུང་དང་རིགས་པས་ཆོས་རྣམས་སྐྱེ་མེད་རང་བཞིན་མེད་པར་ངེས་པར་བྱས་ནས་རྣམ་པར་རྟོག་པ་མེད་པའི་ངང་དུ་བསྒོམ་པ་ལ་ཟེར། འཇོག་སྒོམ་ནི། ཐོག་མར་ཞི་གནས་བཙལ་ནས་སེམས་ཆོས་ལ་སེམས་པའི་ཀ་བ་ཆེན་པོ་ལ་བཏགས་ཏེ་སྐད་ཅིག་ཀྱང་མི་འཆོར་བར་འཇོག་པ་ལ་ཟེར་ཏེ། གཞུང་ལས། ...ལམ་སྒྲོན་ལས། ལུང་དང་རིགས་པ་དག་གིས་ནི།...རྣམ་པར་རྟོག་མེད་དེ་བསྒོམ་བྱ། །ཞེས་འབྱུང་། དེ་ལ་དཔྱད་སྒོམ་ཞེས་བྱ། སྤྱོད་འཇུག་ལས། ཞི་གནས་རབ་ཏུ་ལྡན་པའི་ལྷག་མཐོང་གིས།...ཐོག་མར་ཞི་གནས་བཙལ་བྱ་...ཞེས་གསུངས་པ་འཇོག་སྒོམ་སྟེ།...ཞེས་གསུངས་པ་ཡིན། ཞེས་གསུངས་པའི་ཕྱིར་རོ།།

༤༢༢༽ དྲི་བ། ཇོ་བོ་རྗེའི་གསུང་ལྟར་ན་ཞི་གནས་བསྒྲུབས་པའི་དགོས་པ་དང་ཕན་ཡོན་གཙོ་བོ་གང་ཡིན་ནམ་ ?

དྲིས་ལན། ཞི་གནས་གྲུབ་ན་མངོན་ཤེས་འགྲུབ་པ་དང་། མངོན་ཤེས་གྲུབ་ན་བསོད་ནམས་དང་ཡེ་ཤེས་ཀྱི་ཚོགས་གཉིས་རྫོགས་པར་བྱེད་ནུས་པས་སེམས་ཅན་གྱི་དོན་བྱེད་ནུས་པའི་ཕན་ཡོན་ཡོད་དེ། གཞུང་ལས། ལམ་སྒྲོན་ལས། རྣལ་འབྱོར་ཞི་གནས་འགྲུབ་གྱུར་ན། །མངོན་ཤེས་དག་ཀྱང་འགྲུབ་པར་འགྱུར། །ཞེས་དང་། མངོན་ཤེས་འགྲུབ་པའི་དགོས་པའང་། དེ་ཉིད་དུ། བསོད་ནམས་ཡེ་ཤེས་རང་བཞིན་གྱིས། །ཚོགས་ནི་ཡོངས་སུ་རྫོགས་པ་ཡི། །རྒྱུ་ནི་སངས་རྒྱས་ཐམས་ཅད་དག །མངོན་ཤེས་བསྐྱེད་པ་ཉིད་དུ་བཞེད།...དེ་ཕྱིར་ཞི་གནས་བསྒྲུབ་པའི་ཕྱིར། །ཡང་དང་ཡང་དུ་འབད་པར་བྱ། །ཞེས་གསུངས་སོ། །ཞེས་གསུངས་པའི་ཕྱིར་རོ།།

༤༢༣༽ དྲི་བ། གདུལ་བྱའི་བློའི་ཁྱད་པར་གྱི་དབང་གིས་ལམ་ལ་འཁྲིད་ཚུལ་མི་འདྲ་བ་གསུམ་ཡོད་པ་དེ་དག་གང་ཡིན་ནམ་ ?

དྲིས་ལན།
༡༽ བློ་རབ་ལ་སྟོང་ཉིད་ཇི་ལྟ་བ་བཞིན་དུ་སྟོན་ནས་ཐབས་ཤེས་ཟུང་འཇུག་གི་ལམ་སྒོམ་དུ་འཇུག་པ། ༢༽ དེ་འོག་མ་ལ་སྒྱུ་མ་ལྟ་བུའི་མངོན་རྟོགས་རིམ་པ་སྟོན་ནས་ཐབས་ཤེས་ཟུང་འབྲེལ་གྱི་ལམ་ལ་འཁྲིད་པ།  ༣༽ བློ་དམན་པ་སེམས་ཙམ་དུ་སྨྲ་བ་ལ་དང་པོར་ཐབས་བསྒོམས་ནས་ཕྱིས་སུ་ཤེས་རབ་བསྒོམ་པའི་ལམ་ལ་འཁྲིད་པ་བཅས་ཡིན་ཏེ། གཞུང་ལས། བློ་རབ་སྟོང་པ་ཉིད་ཇི་ལྟ་བ་དེ་ལྟར་སློབ་པ་...གཉིས་པ་ནི། སྒྱུ་མ་ལྟ་བུའི་ལམ་གྱི་རིམ་པ་འམ་མངོན་པར་རྟོགས་པ་རྣམས་ལ་སློབ་པར་སྤྲོ་བ་...གསུམ་པ་ནི་ལྟ་བ་རྣམ་པར་དག་པ་མི་བཟོད་པ་སེམས་ཙམ་དུ་སྨྲ་བ། སྔ་མ་དེའི་དབང་དུ་བྱས་ནས་ཐབས་ཤེས་ཟུང་འཇུག་སྒོམ་བྱར་སྟོན་པ་དང་། གཉིས་པ་ཐབས་ཤེས་ཟུང་འབྲེལ་གྱི་སྒོམ་པ་ལ་ཁྲིད་པ་ཡིན།...གཉིས་ཀ་ལ་ཐབས་སྔར་སྒོམས་ནས་ཤེས་རབ་ཕྱིས་སྒོམ་པ་སྟོན་ནོ། །ཞེས་གསུངས་པའི་ཕྱིར་རོ།།

༤༢༤༽ དྲི་བ། ཚེ་གཅིག་ལ་བདེན་པ་མཐོང་ནུས་སམ་མི་ནུས། དེ་བསྐལ་པ་གྲངས་མེད་གསུམ་དང་འགལ་ལམ་མི་འགལ་ ?

དྲིས་ལན། སྐལ་ལྡན་རྣམས་ཀྱིས་གུས་པ་དང་བརྩོན་འགྲུས་རྒྱུན་མ་ཆད་པར་བསྒྲུབས་ན་ཚེ་འདི་ཉིད་ལ་བདེན་པ་མཐོང་ནུས། དེ་བསྐལ་པ་གྲངས་མེད་གསུམ་གྱི་རྣམ་གཞག་དང་མི་འགལ་ཏེ། བསྐལ་པ་གྲངས་མེད་གསུམ་ནི་རིམ་གྱིས་པའི་དབང་དུ་བྱས་པ་དང་། ཚེ་གཅིག་ནི་ཅིག་ཅར་བའི་དབང་དུ་བྱས་པས་སོ།། གཞུང་ལས། དབུ་མའི་མན་ངག་ཏུ། དེ་ལྟར་གུས་པ་དང་། ཡུན་རིང་བ་དང་། རྒྱུན་མ་ཆད་པར་སྒྲུབ་ན་སྐལ་བ་དང་ལྡན་པ་རྣམས་ཀྱིས་ཚེ་འདི་ཉིད་ལ་བདེན་པ་མཐོང་བར་འགྱུར་ཏེ།...དེ་ནི་རིམ་གྱིས་པའི་དབང་དང་། འདི་ནི་ཅིག་ཅར་བའི་དབང་དུ་བྱས་པས་མི་འཐད་པ་མེད་དེ།...ཞེས་གསུངས་པའི་ཕྱིར་རོ།།

༤༢༥༽ དྲི་བ། ཐབས་དང་ཤེས་རབ་གཉིས་ལས་གང་ཞིག་སྔོན་ལ་བསྒོམ་དགོས་པ་དང་། ཐབས་ཀྱི་གཙོ་བོ་དང་དེའི་རྒྱུ་གཙོ་བོ་གང་ཡིན་ནམ་ ?

དྲིས་ལན། ཐབས་དང་ཤེས་རབ་གཉིས་ལས་ཐོག་མར་ཐབས་སྔོན་ལ་བསྒོམ་དགོས། ཐབས་ཀྱི་གཙོ་བོ་ནི་སྙིང་རྗེ་ཆེན་པོ་ཡིན་ལ། དེའི་རྒྱུ་གཙོ་བོ་ནི་བྱམས་པ་ཚད་མེད་པ་ཡིན་ཏེ། གཞུང་ལས། དེ་གཉིས་ལས་ཀྱང་དང་པོར་ཐབས་དང་། ཕྱིས་ཤེས་རབ་སྒོམ་པ་བཤད་དོ། །ཐབས་དེའི་གཙོ་བོ་ཡང་སྙིང་རྗེ་ཆེན་པོ་ཡིན་ལ། དེ་ཡང་བྱམས་པ་རྒྱུད་ལ་ཕྱིན་ཅི་མ་ལོག་པ་ཅིག་སྐྱེས་ན་འབྱུང་བས་བྱམས་པ་ཚད་མེད་པ་ཡང་ཡང་སྒོམ་པར་བྱའོ། །ཞེས་གསུངས་པའི་ཕྱིར་རོ།།

༤༢༦༽ དྲི་བ། བྱམས་པ་དང་། སྙིང་རྗེ། བྱང་ཆུབ་ཀྱི་སེམས་བཅས་བསྒོམས་པ་ཚད་དུ་ཕྱིན་པའི་རྟགས་གང་ཡིན་ནམ་ ?

དྲིས་ལན། བྱམས་པ་ཚད་དུ་ཕྱིན་པ་ནི། རང་གི་བདེ་བ་གཞན་ལ་སྦྱོར་ནུས་པ་ཡིན། སྙིང་རྗེ་ཚད་དུ་ཕྱིན་པ་ནི། གཞན་གྱི་སྡུག་བསྔལ་བདག་གིས་ལེན་ནུས་པ་ཡིན། བྱང་ཆུབ་ཀྱི་སེམས་ཚད་དུ་ཕྱིན་པ་ནི། གནོད་པ་སྐྱེལ་མཁན་གྱིས་ཀྱང་རང་གི་བློ་མི་སྨས་པ་སྟེ་མི་དཀྲུགས་པ་ཡིན་ཏེ། གཞུང་ལས། བདག་གི་བདེ་ལ་གཞན་སྦྱོར་ནུས། །བྱམས་པ་ཚད་དུ་ཕྱིན་པ་ལགས། །...གཞན་གྱི་སྡུག་བསྔལ་བདག་ལེན་ནུས། །སྙིང་རྗེ་ཚད་དུ་ཕྱིན་པ་ལགས། །...གནོད་སྐྱེལ་གྱིས་བློ་མི་སྨས་ན། །བྱང་སེམས་ཚད་དུ་ཕྱིན་པ་ལགས། །ཞེས་གསུངས་པའི་ཕྱིར་རོ།།

༤༢༧༽ དྲི་བ། བདག་ཏུ་འཛིན་པ་འཇིག་པའི་ཐབས་སུ་བདག་མེད་པ་གཏན་ལ་འབེབས་པའི་རིགས་པ་གང་དག་བསྟན་ཡོད་དམ་ ?

དྲིས་ལན། བདག་དེ་ཕུང་པོ་ལས་གཞན་མ་ཡིན་པ་དང་། ཕུང་པོའི་ངོ་བོ་མ་ཡིན་པ། ཕུང་པོ་ལ་བརྟེན་པ་མ་ཡིན་པ། ཕུང་པོ་དང་ལྡན་པ་མ་ཡིན་པ། ཕུང་པོ་རྣམས་བདག་ལ་བརྟེན་པ་མ་ཡིན་པ་བཅས་ཀྱི་རིགས་པ་ལྔ་འམ་ཤིང་རྟའི་དཔེ་དང་སྦྱར་བའི་རིགས་པ་བདུན་གྱི་སྒོ་ནས་བདག་མེད་པར་གཏན་ལ་འབེབས་དགོས་ཏེ། གཞུང་ལས། དེ་མེད་པར་གཏན་ལ་འབེབས་པའི་ཚེ། དེ་ཕྱིར་ངར་འཛིན་རྟེན་ནི་དངོས་པོ་མིན། །ཕུང་ལས་གཞན་མིན་ཕུང་པོའི་ངོ་བོ་མིན། །ཕུང་པོར་རྟེན་མིན་འདི་ནི་དེ་ལྡན་མིན། །འདི་ནི་ཕུང་པོ་རྣམས་བརྟེན་འགྲུབ་པར་གསུངས། །ཞེས་ལྔ་འམ། ཤིང་རྟ་རང་ཡན་ལག་ལས་གཞན་འདོད་མིན། །...འདུས་པ་ཙམ་མིན་དབྱིབས་མིན་དེ་བཞིན་ནོ། །ཞེས་བཤད་པ་བདུན་གྱིས་བདག་དེ་མེད་པར་ངེས་པ་རྙེད་ནུས་པ་ཡིན་ནོ། །ཞེས་གསུངས་པའི་ཕྱིར་རོ།།

༤༢༨༽ དྲི་བ། གཞན་འཛིན་གྱི་བློ་དེ་བདག་འཛིན་གྱི་བློ་ལ་ཇི་ལྟར་བརྟེན་ནས་སྐྱེ་བ་ཡིན་ནམ་ ?

དྲིས་ལན། ངར་འཛིན་པའི་རྟེན་བདག་དེ་མ་གྲུབ་ན་བདག་འཛིན་འཇིག་ལ། བདག་འཛིན་ཞིག་ན་དེས་ཕྱི་རོལ་དུ་བཞག་པའི་གཞན་ཡང་འགྲུབ་མི་ཐུབ་སྟེ། གཞན་ཞེས་པའི་ཐ་སྙད་དེ་བདག་ལ་ལྟོས་ནས་བཞག་པའི་ཕྱིར་རོ།། གཞུང་ལས། དེ་ལྟར་ངར་འཛིན་པའི་རྟེན་ཡུལ་བདག་དེ་མ་གྲུབ་ན་བདག་འཛིན་འཇིག །དེ་ཞིག་ན་དེས་ཕྱི་ནས་གཞག་པའི་གཞན་ག་ལ་འགྲུབ་སྟེ་གཞན་ཞེས་པའི་ཐ་སྙད་བདག་འཛིན་ལ་ལྟོས་ནས་གཞག་པའི་ཕྱིར་རོ། །ཞེས་གསུངས་པའི་ཕྱིར་རོ།།

༤༢༩༽ དྲི་བ། གཉིས་པ་ཤེས་རབ་སྒོམ་པ་ཞེས་པའི་སྐབས་སུ་སྒོམ་ཚུལ་གཙོ་བོ་གསུམ་གང་དང་གང་ཡིན་ནམ་ ?

དྲིས་ལན། སྒོམ་ཚུལ་གཙོ་བོ་གསུམ་ནི། ༡༽ ཕྱི་རོལ་གྱི་དོན་བཀག་ནས་སེམས་ཙམ་དུ་སྒོམ་པ།
༢༽ སེམས་ཀྱང་མེད་པར་གཉིས་མེད་ཀྱི་ཤེས་པ་རང་རིག་ཙམ་དུ་སྒོམ་པ། ༣༽ དེ་ཡང་མཐའ་བྲལ་དབུ་མར་གཏན་ལ་ཕབ་ནས་སྣང་བ་མེད་པའི་ཏིང་ངེ་འཛིན་མངོན་དུ་བྱ་བ་བཅས་ཡིན་ཏེ། གཞུང་ལས། ཕྱི་རོལ་གྱི་དོན་བཀག་ནས་སེམས་ཙམ་དུ་བསྟན། སེམས་ཀྱང་མེད་པར་བསྟན་ནས་གཉིས་མེད་ཀྱི་ཤེས་པ་རང་རིག་ཙམ། དེ་ཡང་མཐའ་བྲལ་དབུ་མར་གཏན་ལ་ཕབ་ནས་སྣང་བ་མེད་པའི་ཏིང་ངེ་འཛིན་མངོན་དུ་བྱ་བའི་སྒོ་གསུམ་དུ་འདུ་སྟེ། ཞེས་གསུངས་པའི་ཕྱིར་རོ།།

༤༣༠༽ དྲི་བ། མདོ་སྡེ་རྒྱན་ལས་རིམ་པ་དེ་དག་ཇི་ལྟར་གསུངས་ཡོད་དམ་ ?

དྲིས་ལན། སེམས་ལས་གཞན་མེད་པར་རིག་པ་དང་། དེ་ནས་སེམས་ཀྱང་མེད་པར་རྟོགས་པ། གཉིས་ཀ་མེད་པར་རིག་ནས་ཆོས་ཀྱི་དབྱིངས་ལ་གནས་པ་བཅས་ཀྱི་རིམ་པར་གསུངས་ཏེ། གཞུང་ལས། མདོ་སྡེ་རྒྱན་ལས། སེམས་ལས་གཞན་མེད་པར་ནི་བློས་རིག་ནས། །དེ་ནས་སེམས་ཀྱང་མེད་པ་ཉིད་དུ་རྟོགས། །བློ་དང་ལྡན་པས་གཉིས་པོ་མེད་རིག་ནས། །དེ་མི་ལྡན་པ་ཆོས་ཀྱི་དབྱིངས་ལ་གནས། །ཞེས་གསུངས། ཞེས་གསུངས་པའི་ཕྱིར་རོ།།

༤༣༡༽ དྲི་བ། ལང་ཀར་གཤེགས་པའི་མདོ་ལས་གསུངས་པའི་རིམ་པ་དེ་གྲུབ་མཐའ་གང་དང་གང་ལ་སྦྱར་བ་ཡིན་ནམ་ ?

དྲིས་ལན། དང་པོ་གཉིས་ (སེམས་ཙམ་ལ་བརྟེན་ནས་ཕྱི་དོན་མི་རྟོག་པ་) ཀྱིས་སེམས་ཙམ་རྣམ་བདེན། དེ་ནས་གཉིས་ (དེ་བཞིན་ཉིད་ལ་གནས་ནས་སེམས་ཙམ་ལས་འདའ་བ་) ཀྱིས་སེམས་ཙམ་རྣམ་རྫུན། ལྷག་མ་ (སྣང་བ་མེད་ལ་གནས་པ་) ཡིས་དབུ་མར་བཤད་པ་ཡིན་ཏེ། གཞུང་ལས། དེའི་དང་པོ་གཉིས་ཀྱིས་རྣམ་བདེན། དེ་ནས་གཉིས་ནི་རྣམ་རྫུན། ལྷག་མས་དབུ་མར་བཤད་པ་ཡིན་ནོ། །ཞེས་གསུངས་པའི་ཕྱིར་རོ།།

༤༣༢༽ དྲི་བ། སྔོན་གྱི་མཁས་པ་རྣམས་ཀྱིས་སེམས་ཙམ་དང་དབུ་མའི་ལྟ་བ་རྣམས་སྦྱོར་ལམ་གྱི་གནས་སྐབས་གང་ལ་སྦྱར་ཡོད་དམ་ ?

དྲིས་ལན། སེམས་ཙམ་རྣམ་བདེན་གྱི་ལྟ་བ་ནི་བཟོད་པའི་རྟོགས་པ་དང་། རྣམ་རྫུན་གྱི་ལྟ་བ་ནི་ཆོས་མཆོག་གི་རྟོགས་པར་བཤད། ཆོས་མཆོག་གི་ཕྱི་ལོགས་སུ་མཐོང་ལམ་སྐྱེ་བ་དེ་ནས་ཐམས་ཅད་དབུ་མ་རབ་ཏུ་མི་གནས་པར་སོང་བར་མཁས་པ་རྣམས་མགྲིན་གཅིག་ཏུ་བཤད་དེ། གཞུང་ལས། དང་པོ་བཟོད་པ་དང་གཉིས་པ་ཆོས་མཆོག་པའི་རྟོགས་པར་སྔོན་གྱི་མཁས་པ་རྣམས་ཀྱིས་མགྲིན་གཅིག་པར་བཤད་པས།...ཆོས་མཆོག་གི་ཕྱི་ལོགས་སུ་མཐོང་ལམ་སྐྱེ། དེ་ནས་ཐམས་ཅད་དབུ་མ་རབ་ཏུ་མི་གནས་པར་སོང་བ་སྔོན་གྱི་མཁས་པ་རྣམས་མགྲིན་གཅིག་པས། ཞེས་གསུངས་པའི་ཕྱིར་རོ།།

༤༣༣༽ དྲི་བ། སེམས་ཙམ་གྱི་ལྟ་བ་སྒོམ་པའི་དགོས་པ་གཙོ་བོ་གང་ཡིན་ནམ་ ?

དྲིས་ལན། དགོས་པ་གཙོ་བོ་ནི་རྣམ་པར་མི་རྟོག་པའི་ཡེ་ཤེས་བསྐྱེད་པའི་ཕྱིར་ཡིན་ཏེ། གཞུང་ལས། ཀླུའི་བཤེས་གཉེན་གྱིས།...མི་རྟོག་ཡེ་ཤེས་བསྐྱེད་པའི་ཕྱིར། །དེ་བས་རྣམ་པར་རིག་ཙམ་དུ། །སྒོམ་ལ་རྟག་ཏུ་སྦྱར་བ་བྱ། །ཞེས་གསུངས་པའི་ཕྱིར་རོ།།

༤༣༤༽ དྲི་བ། སེམས་ཙམ་སྒོམ་པ་ལས་རྣམ་པར་མི་རྟོག་པའི་ཡེ་ཤེས་ཇི་ལྟར་སྐྱེ་བར་འགྱུར་རམ་ ?

དྲིས་ལན། ཐམས་ཅད་རྣམ་པར་རིག་པ་ཙམ་དུ་བསྒོམས་པས་ཕྱི་རོལ་གྱི་དངོས་པོ་མི་མཐོང་། དངོས་པོ་མི་མཐོང་ན་དེ་འཛིན་པའི་ཤེས་པའང་མི་མཐོང་བས། གཟུང་འཛིན་གྱི་རྣམ་པར་རྟོག་པ་དང་བྲལ་བའི་མི་རྟོག་ཡེ་ཤེས་ལྷུན་གྱིས་གྲུབ་པར་འབྱུང་བར་འགྱུར་ཏེ། གཞུང་ལས། ཐམས་ཅད་ལ་དངོས་པོའི་ངོ་བོ་མི་མཐོང་ན་གཟུང་བ་མེད་པར་འཛིན་པ་ཡང་མེད་དོ། །...དེའི་ཕྱིར་གཟུང་བ་དང་འཛིན་པར་རྣམ་པར་རྟོག་པ་དང་བྲལ་བས་རྣམ་པར་མི་རྟོག་པའི་ཡེ་ཤེས་ལྷུན་གྱིས་གྲུབ་པ་ཉིད་དུ་འབྱུང་བར་འགྱུར་ཏེ། ཞེས་གསུངས་པའི་ཕྱིར་རོ།།

༤༣༥༽ དྲི་བ། དབུ་མའི་མན་ངག་ཏུ་བསྟན་པའི་སྒོམ་ཚུལ་གྱི་གནད་དོན་གང་ཡིན་ནམ་ ?

དྲིས་ལན། གནད་དོན་ནི། དངོས་པོ་ཐམས་ཅད་གཟུགས་ཅན་དང་གཟུགས་ཅན་མ་ཡིན་པ་གཉིས་སུ་འདུས། གཟུགས་ཅན་རྡུལ་ཕྲ་རབ་ཏུ་བཤིག་ན་མེད་པར་རྟོགས། གཟུགས་ཅན་མ་ཡིན་པ་ (སེམས་) འདས་མ་འོངས་ད་ལྟ་གསུམ་དང་། ཁ་དོག་དབྱིབས། གཅིག་དུ་མ་སོགས་ཀྱིས་བརྟགས་ན་མེད་པར་རྟོགས། དེ་ལྟར་གཉིས་ཀ་མེད་པར་རྟོགས་པའི་ཚེ་སོ་སོར་རྟོག་པའི་ཤེས་རབ་དེ་ཉིད་ཀྱང་ཤིང་གཉིས་དྲུད་པ་ལས་མེ་བྱུང་སྟེ་ཤིང་ཚིག་ནས་མེ་རང་ཞི་བ་ལྟར་རང་སར་ཞི་བར་འགྱུར་ཏེ། བར་སྐབས་དེར་ཅིར་ཡང་མི་རྟོག་པར་མཉམ་པར་འཇོག་པ་དེ་ཡིན་ཏེ། གཞུང་ལས། དེ་ལ་གཟུགས་ཅན་རྣམས་ནི་རྡུལ་ཕྲ་རབ་འདུས་པ་ཡིན་ལ། དེ་ཡང་ཕྱོགས་ཆའི་དབྱེ་བས་ཕྱེ་ཞིང་གཞིགས་ན་...སྣང་བ་ཡང་མེད་དོ། །གཟུགས་ཅན་མ་ཡིན་པ་ནི་སེམས་ཡིན་ལ།...དཔྱད་ཅིང་གཞིགས་ན་མ་གྲུབ་པར་རྟོགས་སོ། །དེ་ལྟར་གཉིས་པོ་ཅིའི་ངོ་བོར་ཡང་མ་གྲུབ་ཅིང་མེད་ཙ་ན་སོ་སོར་རྟོག་པའི་ཤེས་རབ་དེ་ཉིད་ཀྱང་མ་གྲུབ་སྟེ།...མེ་དེ་ཉིད་ཀྱང་རང་ཞི་བ་དེ་བཞིན་དུ་...བར་སྐབས་དེར་ཤེས་པ་ཅིར་ཡང་མི་རྟོག །ཅིར་ཡང་མི་འཛིན།...ཇི་སྲིད་དུ་...དེ་ལྟ་བུ་ལ་ཤེས་པ་གནས་པར་བྱའོ། །ཞེས་གསུངས་པའི་ཕྱིར་རོ།།

༤༣༦༽ དྲི་བ། དེ་ལྟར་བསྒོམས་པས་ཚེ་འདི་ཉིད་ལ་བདེན་པ་མཐོང་བར་འགྱུར་རམ་ ?

དྲིས་ལན། འགྱུར་ཏེ། གུས་པ་དང་ཡུན་རིང་བ་དང་རྒྱུན་མ་ཆད་པར་བསྒྲུབས་ན་སྐལ་ལྡན་རྣམས་ཀྱིས་ཚེ་འདི་ཉིད་ལ་བདེན་པ་མཐོང་བར་འགྱུར་ཏེ། གཞུང་ལས། དེ་ལྟར་གུས་པ་དང་ཡུན་རིང་བ་དང་རྒྱུན་མ་ཆད་པར་བསྒྲུབས་ན་སྐལ་བ་དང་ལྡན་པ་རྣམས་ཀྱིས་ཚེ་འདི་ཉིད་ལ་བདེན་པ་མཐོང་བར་འགྱུར་ཏེ། ཞེས་གསུངས་པའི་ཕྱིར་རོ།།

༤༣༧༽ དྲི་བ། ཐལ་འགྱུར་བ་དང་རང་རྒྱུད་པའི་སྒོམ་ལུགས་ལ་ཁྱད་པར་ཆེན་པོ་ཡོད་དམ་ ?

དྲིས་ལན། རྩོམ་པ་པོས་དེ་གཉིས་ལ་ཁྱད་པར་ཆེན་པོ་མེད་པར་གསུངས་ཏེ། ཀ་མ་ལ་ཤཱི་ལའི་སྒོམ་རིམ་དུ་གསུངས་པ་ལྟར་ཆོས་ཐམས་ཅད་བློས་བཏགས་པ་ཙམ་དང་དོན་དམ་པར་རང་བཞིན་མེད་པར་གཏན་ལ་ཕབ་ནས་སྒོམ་པ་མཐུན་པའི་ཕྱིར་རོ།། གཞུང་ལས། ཐལ་འགྱུར་བ་དང་རང་རྒྱུད་པའི་སྒོམ་ལུགས་ལ་ཁྱད་པར་ཆེན་པོ་ཡོད་པ་སྐད་བྱེད་པའང་རིགས་པ་མ་ཡིན་ཏེ།...ཞེས་ཚུལ་དེ་སྒོམ་རིམ་དུ་ཡང་གཏན་ལ་ལེགས་པར་ཕབ་པ་མཐུན་པས་སོ། །ཞེས་གསུངས་པའི་ཕྱིར་རོ།།

༤༣༨༽ དྲི་བ། མི་གནས་པའི་བསམ་གཏན་དང་ཤེས་རབ་མཆོག་གི་བསམ་གཏན་ཞེས་པའི་དོན་གང་ཡིན་ནམ་ ?

དྲིས་ལན། མི་གནས་པའི་བསམ་གཏན་ནི། གཟུགས་སོགས་དངོས་པོ་དང་འཇིག་རྟེན་འདི་ཕྱི་སོགས་གང་ལའང་མི་གནས་པར་བསམ་གཏན་བྱེད་པ་ལ་ཟེར། ཤེས་རབ་མཆོག་གི་བསམ་གཏན་ནི། ཤེས་རབ་ཀྱིས་དངོས་པོ་མཐའ་དག་གི་ངོ་བོ་ཉིད་སོ་སོར་བརྟགས་ནས་གང་ཡང་མི་དམིགས་པར་བསམ་གཏན་བྱེད་པ་ལ་ཟེར་ཏེ། གཞུང་ལས། གཟུགས་ལ་སོགས་པ་ལ་གནས་ནས་བསམ་གཏན་མི་བྱེད།...དེ་ལྟ་བས་ན་མི་གནས་པའི་བསམ་གཏན་ཞེས་བྱའོ། །ཤེས་རབ་ཀྱིས་དངོས་པོ་མཐའ་དག་གི་ངོ་བོ་ཉིད་ལ་སོ་སོར་བརྟགས་ནས་གང་གི་ཕྱིར་མི་དམིགས་པར་བསམ་གཏན་བྱེད་པ་དེའི་ཕྱིར་ཤེས་རབ་མཆོག་གི་བསམ་གཏན་པ་ཞེས་བྱ་སྟེ། ཞེས་གསུངས་པའི་ཕྱིར་རོ།།

༤༣༩༽ དྲི་བ། ཐུན་གཅིག་ལ་ཐབས་དང་ཤེས་རབ་ཟུང་དུ་འབྲེལ་བར་ཇི་ལྟར་སྒོམ་དགོས་སམ་ ?

དྲིས་ལན། ཐོག་མར་སེམས་ཅན་ཐམས་ཅད་ལ་དམིགས་ནས་སྙིང་རྗེ་ཆེན་པོས་སེམས་མངོན་པར་འདུ་བྱེད་པ་ནི་ཐབས་ཡིན་ལ། དེའི་འོག་ཏུ་སེམས་ཅན་དང་སྡུག་བསྔལ་སོགས་ཀྱི་མཚན་མ་སྤངས་ཏེ་རྟོག་པ་དང་སྤྱོད་པ་ཞི་བར་བྱས་ནས་བསམ་གཏན་བྱེད་པ་ནི་ཤེས་རབ་སྟེ། དེ་ལྟར་རེས་མོས་ཀྱིས་སྒོམ་དགོས་སོ།། གཞུང་ལས། སྙིང་རྗེ་ཆེན་པོའི་དམིགས་པ་ལ་...སེམས་མངོན་པར་འདུ་བྱེད་པ་དེ་ནི་ཐབས་སོ། །དེའི་འོག་ཏུ་སེམས་ཅན་དང་སྡུག་བསྔལ་ལ་སོགས་པའི་མཚན་མ་ཡང་རབ་ཏུ་སྤངས་ཏེ། རྟོག་པ་ཞི་བ་དང་། སྤྱོད་པ་རབ་ཏུ་ཞི་བར་བསམ་གཏན་བྱེད་པ་འདི་ནི་ཤེས་རབ་སྟེ་ཞེས་སོ། །ཞེས་གསུངས་པའི་ཕྱིར་རོ།།

༤༤༠༽ དྲི་བ། ཤེས་རབ་སྔོན་ལ་བསྒོམས་ནས་ཐབས་ཕྱིས་སུ་སྒོམ་པའི་ཚུལ་ལ་ཇོ་བོ་རྗེའི་མན་ངག་ལྟར་ན་ཤེས་རབ་དང་ཐབས་ཀྱི་བྱ་བ་སོ་སོ་ནས་གང་ཡིན་ནམ་ ?

དྲིས་ལན། ཤེས་རབ་ཀྱི་བྱ་བ་ནི། ཆོས་ཐམས་ཅད་གདོད་མ་ནས་མ་སྐྱེས་ཤིང་ཆོས་ཀྱི་དབྱིངས་ཉིད་དུ་ཤེས་པར་བྱས་ནས་ཉིན་མཚན་དུས་རྟག་ཏུ་སྒོམ་པ་དེ་ཡིན། ཐབས་ཀྱི་བྱ་བ་ནི། སེམས་ཅན་མི་གཏོང་བའི་བྱང་ཆུབ་ཀྱི་སེམས་བསྐྱེད་ནས། ལུས་ངག་ཡིད་ཀྱི་བྱ་བ་ཐམས་ཅད་སེམས་ཅན་གྱི་ཆེད་དུ་དམིགས་པ་དེ་ཡིན་ཏེ། གཞུང་ལས། དེ་ལ་ཤེས་རབ་ནི་ཆོས་ཐམས་ཅད་གདོད་མ་ནས་མ་སྐྱེས་པ་དང་པོ་ཉིད་ནས་ཆོས་ཀྱི་དབྱིངས་ཉིད་དུ་ཤེས་པའོ། །...ཐབས་ནི་སེམས་ཅན་མི་གཏོང་བའི་བྱང་ཆུབ་ཀྱི་སེམས་སོ། །དེའི་བྱ་བ་ནི་ལུས་དང་ངག་དང་ཡིད་ཀྱི་བྱ་བ་ཐམས་ཅད་སེམས་ཅན་གྱི་ཆེད་མ་ཡིན་པ་ཅི་ཡང་མེད་དེ། ཞེས་གསུངས་པའི་ཕྱིར་རོ།།

༤༤༡༽ དྲི་བ། སེམས་ཅན་གྱི་དོན་ལ་དམིགས་པའི་རིམ་པ་གཉིས་པོ་དེ་མི་མཁས་པ་དང་མཁས་པ་གཉིས་ལ་ཇི་ལྟར་སྦྱར་བ་ཡིན་ནམ་ ?

དྲིས་ལན། སེམས་ཅན་ལ་དམིགས་པ་ནི་མི་མཁས་པ་རབ་རིབ་ཅན་གྱི་དབང་དུ་བྱས་པ་ཡིན་ལ། དམིགས་པ་མེད་པ་ནི་མཁས་པ་རབ་རིབ་དྭངས་པའི་དབང་དུ་བྱས་པ་ཡིན་ཏེ། གཞུང་ལས། དེའི་རིམ་པ་ནི་འདི་ཡིན་ཏེ་མི་མཁས་པ་རབ་རིབ་ཅན་དང་། མཁས་པ་རབ་རིབ་དངས་པའོ། །ཞེས་གསུངས་པའི་ཕྱིར་རོ།།

༤༤༢༽ དྲི་བ། ཆོས་ཀྱི་སྐུ་མངོན་སུམ་དུ་མཛད་པའི་རྗེས་སུ་ཤེས་རབ་དང་ཐབས་ཀྱི་བྱ་བ་ཇི་ལྟར་འགྱུར་རམ་ ?

དྲིས་ལན། ཆོས་སྐུ་ཐོབ་པའི་རྗེས་སུ་ཤེས་རབ་ཀྱི་བྱ་བ་ནི་མི་མངའ་སྟེ་གོམས་ནས་མཐར་ཕྱིན་པའི་ཕྱིར་དང་། ཐབས་ཀྱི་བྱ་བ་ནི་དམིགས་པ་མེད་པར་རང་གི་ངང་གིས་ལྷུན་གྱིས་གྲུབ་པ་དང་འབད་རྩོལ་མེད་པར་འབྱུང་བ་ཡིན་ཏེ། གཞུང་ལས། གང་གི་ཚེ་ཆོས་ཀྱི་སྐུ་མངོན་སུམ་དུ་མཛད་ཕན་ཆད་ཤེས་རབ་མངའ་སྟེ་ཡེ་ཤེས་ཉིད་དུ་གྱུར་ནས་གནས་སོ། །ཤེས་རབ་ཀྱི་བྱ་བ་ནི་མི་མངའ་སྟེ་གོམས་ནས་མཐར་ཕྱིན་པའི་ཕྱིར་རོ། །ཐབས་དེའི་བྱ་བ་ནི་དམིགས་པ་མེད་པར་རང་གི་ངང་གིས་ལྷུན་གྱིས་གྲུབ་པ་དང་། འབད་པ་དང་རྩོལ་བ་མེད་པར་འབྱུང་ངོ་། །ཞེས་གསུངས་པའི་ཕྱིར་རོ།།

༤༤༣༽ དྲི་བ། བྱང་ཆུབ་སེམས་དཔའ་ལས་དང་པོ་པ་དང་གོམས་པ་ཅན་གཉིས་ཀྱིས་སྙིང་རྗེ་སྐྱེད་ཚུལ་ལ་ཁྱད་པར་གང་ཡོད་དམ་ ?

དྲིས་ལན། ལས་དང་པོ་པས་ནི་གང་ཟག་གི་བདག་ཡོད་པར་བཟུང་ནས་སེམས་ཅན་སྡུག་བསྔལ་བ་ལ་དམིགས་ཏེ་སྙིང་རྗེ་སྐྱེད་པ་དང་། གོམས་པ་ཅན་གྱིས་ནི་སེམས་ཅན་བཏགས་པ་ཙམ་དུ་ཤེས་པའམ་རྟེན་འབྲེལ་ཙམ་དུ་ཤེས་ནས་སྡུག་བསྔལ་བ་རྣམས་ལ་སྙིང་རྗེ་སྐྱེད་པ་ཡིན་ཏེ། གཞུང་ལས། བྱང་ཆུབ་སེམས་དཔའ་ལས་དང་པོ་པས་ནི་གང་ཟག་གི་བདག་ཡོད་པས་སེམས་ཅན་ཞེས་བཏགས་ཤིང་། དེས་སྡུག་བསྔལ་བ་ལ་སྙིང་རྗེ་སྐྱེད་དོ། །དེས་ན་གོམས་ནས་ནི་སེམས་ཅན་ཞེས་བྱ་བ་ནི་དང་པོ་ཉིད་ནས་མེད་ཀྱི་གློ་བུར་དུ་བཏགས་པར་ཟད་དོ། །...དེས་སྡུག་བསྔལ་བ་རྣམས་ལ་སྙིང་རྗེ་སྐྱེའོ། །ཞེས་གསུངས་པའི་ཕྱིར་རོ།།

༤༤༤༽ དྲི་བ། སངས་རྒྱས་ཀྱི་ཡེ་ཤེས་ཀྱིས་ཅི་ཡང་མི་གཟིགས་པ་དང་། གཞན་དོན་འབའ་ཞིག་མཛད་པ་གཉིས་མི་འགལ་བའི་ཚུལ་ཇི་ལྟར་ཡིན་ནམ་ ?

དྲིས་ལན། སངས་རྒྱས་ཀྱི་ཡེ་ཤེས་ལ་དམིགས་པའི་ཡུལ་མི་མངའ་བས་ཅི་ཡང་མི་གཟིགས་པ་བདེན་མོད། སྔོན་གྱི་སྨོན་ལམ་དང་ཚོགས་བསགས་པའི་མཐུས་གཞན་དོན་གྱི་ཕྲིན་ལས་ལྷུན་གྲུབ་ཏུ་འབྱུང་བས་འགལ་བ་མེད་དེ། ཀླུ་སྒྲུབ་ཀྱིས་ཀྱང་གཞན་དོན་ཕུན་སུམ་ཚོགས་པ་ནི་འབྲས་བུའི་གཙོ་བོ་ཡིན་པར་གསུངས་པའི་ཕྱིར་རོ།། གཞུང་ལས། སངས་རྒྱས་བཅོམ་ལྡན་འདས་ཀྱི་ཡེ་ཤེས་ཀྱིས་ཅི་ཡང་མི་གཟིགས་ཏེ།...འོ་ན་དུས་དེ་ན་ཡེ་ཤེས་ཡོད་དམ་མེད་ཅེ་ན།...དེས་ན་གཞན་གྱི་དོན་ལས་མ་གཏོགས་པ་བྱ་བ་གཞན་ཅི་ཡང་མི་མངའ་ལ།...ཇི་སྐད་དུ་འཕགས་པ་ཀླུ་སྒྲུབ་ཀྱི་ཞལ་སྔ་ནས། གཞན་དོན་ཕུན་སུམ་ཚོགས་པ་ནི། །འབྲས་བུ་ཡི་ནི་གཙོ་བོར་འདོད། །ཅེས་གསུངས་སོ། །ཞེས་གསུངས་པའི་ཕྱིར་རོ།།

༤༤༥༽ དྲི་བ། བློ་གྲོས་མི་ཟད་པའི་མདོ་འགྲེལ་ལས། ཆོས་ཉིད་ནམ་མཁའ་ལྟ་བུ་ལ་སྣང་བ་བྱང་ཆུབ་སེམས་སུ་སྦྱོང་བའི་དོན་ཇི་ལྟར་བསྟན་ཡོད་དམ་ ?

དྲིས་ལན། མཉམ་གཞག་ཏུ་ཆོས་ཉིད་ནམ་མཁའ་ལྟ་བུར་རྟོགས་པ་དང་། རྗེས་ཐོབ་ཏུ་སྣང་བ་ཐམས་ཅད་བྱང་ཆུབ་ཀྱི་སེམས་ཀྱིས་ཟིན་པས་སྒྱུ་མ་ལྟ་བུར་ལམ་དུ་ཁྱེར་དགོས་པར་བསྟན་ཏེ། གཞུང་ལས། ཆོས་ཉིད་ནམ་མཁའ་ལྟ་བུ་ལ། །སྣང་བ་བྱང་ཆུབ་སེམས་སུ་སྦྱང་། །ཞེས་བསྟན་ཏེ། མཉམ་གཞག་ནམ་མཁའ་ལྟ་བུ། རྗེས་ཐོབ་ཐབས་ཐམས་ཅད་བྱང་ཆུབ་སེམས་ཀྱིས་ཟིན་པས་སྣང་བ་སྒྱུ་མ་ལྟ་བུར་ལམ་དུ་ཁྱེར་བ་ཞེས་བྱ། ཞེས་གསུངས་པའི་ཕྱིར་རོ།།

༤༤༦༽ དྲི་བ། ཐབས་ཤེས་རབ་ཟུང་འཇུག་ཏུ་སྒོམ་པའི་ཚུལ་ལས་ མི་གནས་པའི་བསམ་གཏན་ ཞེས་པ་དེ་གང་འདྲ་ཞིག་ལ་གོ་དགོས་སམ་ ?

དྲིས་ལན། དེ་ནི་ཤེས་རབ་ཀྱིས་དངོས་པོ་རྣམས་ཀྱི་ངོ་བོ་ཉིད་ཡང་དག་པར་བརྟགས་ནས། གཟུགས་སོགས་དང་འཇིག་རྟེན་འདི་ཕྱི་སོགས་གང་ལའང་མི་གནས་པར་བསམ་གཏན་བྱེད་པ་དེ་ལ་གོ་དགོས་ཏེ། གཞུང་ལས། སྒོམ་རིམ་འབྲིང་པོ་ལས།...གཟུགས་ལ་སོགས་པ་ལ་གནས་ནས་བསམ་གཏན་མི་བྱེད། འཇིག་རྟེན་འདི་དང་ཕ་རོལ་གྱི་བར་ལ་གནས་ནས་བསམ་གཏན་མི་བྱེད་དེ། །གཟུགས་ལ་སོགས་པ་དེ་དག་མི་དམིགས་པའི་ཕྱིར་རོ། །དེ་ལྟ་བས་ན་མི་གནས་པའི་བསམ་གཏན་ཞེས་བྱའོ། །ཞེས་གསུངས་པའི་ཕྱིར་རོ།།

༤༤༧༽ དྲི་བ། ཐབས་ཤེས་ཟུང་འཇུག་གི་ཉམས་ལེན་དེ་འབྲས་བུའི་སྐུ་གཉིས་ཀྱི་རྒྱུར་ཇི་ལྟར་འགྱུར་བ་ཡིན་ནམ་ ?

དྲིས་ལན། གཞི་བདེན་པ་གཉིས་ལས། ཀུན་རྫོབ་ཀྱི་བདེན་པ་དེ་ཐབས་ཀྱི་ཆ་བསོད་ནམས་ཀྱི་ཚོགས་སུ་བསྒྱུར་བས་གཟུགས་སྐུ་གཉིས་འགྲུབ་པ་དང་། དོན་དམ་པའི་བདེན་པ་དེ་ཤེས་རབ་ཀྱི་ཆ་ཡེ་ཤེས་ཀྱི་ཚོགས་སུ་བསྒྱུར་བས་ཆོས་ཀྱི་སྐུ་འགྲུབ་པ་ཡིན་ཏེ། གཞུང་ལས། བདེན་གཉིས་ཚོགས་གཉིས་བསྒྱུར་བ་འདི། །སྐུ་གཉིས་རྒྱུ་རུ་ཤེས་པར་བྱ། །ཞེས་གསུངས་པ་སྟེ།...ཀུན་རྫོབ་ཀྱི་བདེན་པ་དེ་བྱང་ཆུབ་སེམས་དཔའི་ཐབས་ལ་མཁས་པས་བསོད་ནམས་ཀྱི་ཚོགས་སུ་བཏང་། དོན་དམ་པའི་བདེན་པ་དེ་མངོན་དུ་བྱས་པ་ཡེ་ཤེས་ཀྱི་ཚོགས་སུ་སོང་ནས། འབྲས་བུའི་དུས་སུ་སྔ་མས་གཟུགས་སྐུ་རྣམ་པ་གཉིས་དང་། ཕྱི་མས་ཆོས་ཀྱི་སྐུ་འགྲུབ་ལ། ཞེས་གསུངས་པའི་ཕྱིར་རོ།།

༤༤༨༽ དྲི་བ། ལྟ་བ་ཚད་དུ་ཕྱིན་པའི་རྟགས་སུ་ བདེ་སྡུག་བླང་དོར་མི་འདོད་པ་ ཞེས་གསུངས་པའི་དོན་གང་ཡིན་ནམ་ ?

དྲིས་ལན། དོན་ནི་བདེ་བ་མྱང་འདས་དང་སྡུག་བསྔལ་འཁོར་བ་གཉིས་ཀ་བྱས་ཤིང་མི་རྟག་པ་ལྟ་བུའི་རང་བཞིན་གཅིག་ཏུ་རྟོགས་པས། གཅིག་སྒྲུབ་པ་དང་གཅིག་འདོར་བར་མི་འདོད་པའི་བློ་སྐྱེས་པ་དེ་ཡིན་ཏེ། གཞུང་ལས། བདེ་སྡུག་བླང་དོར་མི་འདོད་ན། །ལྟ་བ་ཚད་དུ་ཕྱིན་པ་ལགས། །ཞེས་གསུངས་ཏེ། བདེ་བ་ནི་མྱང་འདས། སྡུག་བསྔལ་ནི་འཁོར་བ་གཉིས་པོ་བྱས་མི་རྟག་ལྟ་བུའི་རང་བཞིན་ནམ་ངོ་བོ་གཅིག་ཡིན་པས། གཅིག་སྒྲུབ་གཅིག་འདོར་བར་མི་འདོད་པའོ། །ཞེས་གསུངས་པའི་ཕྱིར་རོ།།

༤༤༩༽ དྲི་བ། གསུམ་པ་ཕར་ཕྱིན་དྲུག་གི་སྤྱོད་པ་ལ་དབྱེ་བ་གང་དག་ཡོད་དམ་ ?

དྲིས་ལན། ཕ་རོལ་ཏུ་ཕྱིན་པ་དྲུག་གི་སྤྱོད་པ་ནི། ༡༽ སྦྱིན་པའི་ཕ་རོལ་ཏུ་ཕྱིན་པ། ༢༽ ཚུལ་ཁྲིམས་ཀྱི་ཕ་རོལ་ཏུ་ཕྱིན་པ། ༣༽ བཟོད་པའི་ཕ་རོལ་ཏུ་ཕྱིན་པ། ༤༽ བརྩོན་འགྲུས་ཀྱི་ཕ་རོལ་ཏུ་ཕྱིན་པ། ༥༽ བསམ་གཏན་གྱི་ཕ་རོལ་ཏུ་ཕྱིན་པ། ༦༽ ཤེས་རབ་ཀྱི་ཕ་རོལ་ཏུ་ཕྱིན་པ་བཅས་ཡིན་ཏེ། གཞུང་ལས། སྦྱིན་པའི་ཕ་རོལ་ཏུ་ཕྱིན་པ། ཚུལ་ཁྲིམས་ཀྱི། བཟོད་པའི། བརྩོན་འགྲུས་ཀྱི། བསམ་གཏན་གྱི། ཤེས་རབ་ཀྱི་ཕ་རོལ་ཏུ་ཕྱིན་པའོ། །ཞེས་གསུངས་པའི་ཕྱིར་རོ།།

༤༥༠༽ དྲི་བ། ཕ་རོལ་ཏུ་ཕྱིན་པ་བཅུ་ཞེས་གྲགས་པ་དེ་དྲུག་ཏུ་ཇི་ལྟར་འདུས་སམ་ ?

དྲིས་ལན། ཐབས་དང་། སྟོབས། སྨོན་ལམ། ཡེ་ཤེས་ཀྱི་ཕ་རོལ་ཏུ་ཕྱིན་པ་བཞི་པོ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཀྱི་དབྱེ་བ་ཡིན་པས་ན་དྲུག་ཏུ་འདུས་པ་ཡིན་ཏེ། གཞུང་ལས། ཐབས་དང་སྟོབས་དང་སྨོན་ལམ་དང་ཡེ་ཤེས་ཀྱི་ཕ་རོལ་ཏུ་ཕྱིན་པ་ནི་ཤེས་རབ་ཉིད་ཀྱི་དབྱེ་བར་ཟད་པས་ན་དྲུག་ཏུ་འདུས་སོ། །ཞེས་གསུངས་པའི་ཕྱིར་རོ།།

༤༥༡༽ དྲི་བ། འཇིག་རྟེན་ལས་འདས་པ་དང་མ་འདས་པའི་ཕ་རོལ་ཏུ་ཕྱིན་པའི་སོ་མཚམས་གང་ལ་འཇོག་གམ་ ?

དྲིས་ལན། དེ་ནི་འཁོར་གསུམ་དུ་རྟོག་མི་རྟོག་གི་ཁྱད་པར་ལ་འཇོག་སྟེ། འཁོར་གསུམ་དམིགས་མེད་དུ་རྟོགས་ན་འཇིག་རྟེན་ལས་འདས་པ་དང་། འཁོར་གསུམ་དུ་དམིགས་པ་ཡོད་ན་འཇིག་རྟེན་པའི་ཕ་རོལ་ཏུ་ཕྱིན་པ་ཡིན་ཏེ། གཞུང་ལས། འཇུག་པར། སྦྱིན་པ་སྦྱིན་བྱ་ལེན་པོ་གཏོང་པོས་སྟོང་། །འཇིག་རྟེན་འདས་པའི་ཕ་རོལ་ཕྱིན་ཞེས་བྱ། །གསུམ་དུ་དམིགས་པ་ཡོད་ན་འཇིག་རྟེན་པའོ། །ཞེས་གསུངས་པའི་ཕྱིར་རོ།།

༤༥༢༽ དྲི་བ། དམིགས་པ་མེད་པ་ཞེས་པའི་དོན་ལ་གོ་བ་ལོག་པ་གང་ཞིག་དགག་པ་མཛད་ཡོད་དམ་ ?

དྲིས་ལན། ཁ་ཅིག་གིས་གཏོར་མ་གཏོང་བ་སོགས་ཀྱི་ཚེ་སུ་ལ་མི་དམིགས་པར་བཏང་བ་ཙམ་གྱིས་དམིགས་མེད་ཡིན་ནོ་ཞེས་ཟེར་བ་ནི་ནོར་འཁྲུལ་ཡིན་ཏེ། དེ་ལྟར་ན་ལྐུག་པས་ཟན་གཏོང་བ་དང་གཏི་མུག་ཀྱང་དམིགས་མེད་དུ་ཐལ་བའི་ཕྱིར་རོ།། གཞུང་ལས། འདི་ན་ཁ་ཅིག་...སུ་ལ་མི་དམིགས་པར་གཏོང་དེ་ནི་དགེ་བ་དམིགས་མེད་དོ་ཟེར། དེ་ལྟ་བུས་ན་ལྐུག་པ་ཟན་གཏོང་བའང་དེར་ཐལ། དམིགས་མེད་དུ་གར་འགྲོ་དེ་ནི་མི་ཤེས་པ་གཏི་མུག་གི་ནང་ཚན་དུ་གཏོགས། ཞེས་གསུངས་པའི་ཕྱིར་རོ།།

༤༥༣༽ དྲི་བ། སྤྱོད་འཇུག་ལས་དམིགས་པ་མེད་པའི་གོ་དོན་ཇི་ལྟར་གསུངས་ཡོད་དམ་ ?

དྲིས་ལན། སྟོང་ཉིད་ཀྱི་བག་ཆགས་གོམས་པས་དངོས་པོར་འཛིན་པའི་བག་ཆགས་སྤོང་བ་དང་། མཐར་དངོས་མེད་ཀྱང་སྤངས་ཏེ། བརྟག་བྱའི་དངོས་པོ་མི་དམིགས་པའི་ཚེ་དངོས་མེད་ཀྱང་བློ་ངོར་མི་གནས་པས། དེའི་ཚེ་རྣམ་པ་གཞན་མེད་པར་དམིགས་པ་མེད་པར་རབ་ཏུ་ཞི་བ་དེ་ལ་གོ་དགོས་པར་གསུངས་ཏེ། གཞུང་ལས། གང་ཚེ་དངོས་དང་དངོས་མེད་དག །བློ་ཡི་མདུན་ན་མི་གནས་པ། །དེ་ཚེ་རྣམ་པ་གཞན་མེད་པས། །དམིགས་པ་མེད་པར་རབ་ཏུ་ཞི། །ཞེས་གསུངས་པ་ལ་བྱེད་པ་ཡིན། ཞེས་གསུངས་པའི་ཕྱིར་རོ།།

༤༥༤༽ དྲི་བ། སྦྱིན་པ་སོགས་ལྔ་པོ་ཕ་རོལ་ཏུ་ཕྱིན་པར་འགྱུར་བའི་གནད་དེ་གང་ཡིན་ནམ་ ?

དྲིས་ལན། གནད་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང་ལྡན་པ་དེ་ཡིན་ཏེ། ཤེར་ཕྱིན་དང་བྲལ་ན་ཕ་རོལ་ཏུ་ཕྱིན་པར་མི་འགྲོ་བའི་ཕྱིར་རོ།། གཞུང་ལས། དེས་ན་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་ན་སྦྱིན་སོགས་ལྔ་ཕ་རོལ་ཏུ་ཕྱིན་པར་མི་འགྲོ། དེ་དང་ལྡན་ན་འགྲོ་བར་གསུང་བའི་གནད་དེ་ཁ་ཡིན། ཞེས་གསུངས་པའི་ཕྱིར་རོ།།

༤༥༥༽ དྲི་བ། སོ་སོའི་སྐྱེ་བོའི་དགེ་བ་ལ་ཕ་རོལ་ཏུ་ཕྱིན་པའི་མིང་བཏགས་པའི་རྒྱུ་མཚན་གང་ཡིན་ནམ་ ?

དྲིས་ལན། རྒྱུ་མཚན་ནི། དེ་དག་བྱང་ཆུབ་ཏུ་ཡོངས་སུ་བསྔོ་བས་ཟིན་པའི་དབང་གིས་བྱང་ཆུབ་མ་ཐོབ་བར་དུ་འབྲས་བུ་མི་ཟད་ཅིང་འཕེལ་བར་འགྱུར་བས་སྲིད་པའི་ཕ་རོལ་ཏུ་འགྲོ་བར་བྱེད་པའི་ཕྱིར་རོ།། གཞུང་ལས། དེ་ལྟར་གདགས་པར་མཛད་པ་ནི། དེ་དག་ཡོངས་སུ་བསྔོ་བས་ཟིན་པ་ལ་དགོངས་པ་སྟེ།...བྱང་ཆུབ་སེམས་ཀྱི་ལྗོན་ཤིང་རྟག་པར་ཡང་། །འབྲས་བུ་འབྱིན་པས་མི་ཟད་འཕེལ་བར་འགྱུར། །ཞེས་པས་དགེ་བ་དེའི་འབྲས་བུ་འབྱིན་པའི་ནུས་པ་སྲིད་པའི་ཕ་རོལ་ཏུ་ཡང་འགྲོ་བ་ལ་དགོངས་ནས་དེ་དག་ལ་ཕ་རོལ་ཏུ་ཕྱིན་པའི་སྒྲ་ཞུགས་སོ། །ཞེས་གསུངས་པའི་ཕྱིར་རོ།།

༤༥༦༽ དྲི་བ། བྱང་ཆུབ་སེམས་དཔའི་སྤྱོད་པ་ལ་དགེ་སྡིག་གི་དབྱེ་བ་ཇི་ལྟར་ཕྱེ་དགོས་སམ་ ?

དྲིས་ལན། བསམ་པ་བྱང་ཆུབ་ཀྱི་སེམས་གཞན་དོན་གྱི་ཆེད་དུ་ཡིན་མིན་ལ་རག་ལས་ཏེ། གཞན་དོན་གྱི་གེགས་སུ་འགྲོ་བའི་དགེ་བའང་སྡིག་པ་ཡིན་ལ། གཞན་དོན་དུ་འགྱུར་ན་སྲོག་གཅོད་སོགས་མི་དགེ་བ་བདུན་ཡང་དགེ་བར་འགྱུར་བའི་གནང་བ་ཡོད་དེ། གཞུང་ལས། དེས་ན་གཞན་དོན་གྱི་གེབས་སུ་མི་འགྲོ་བའི་དགེ་བའང་འདིར་སྡིག་པ་སྟེ་...གཞན་དོན་གྱི་གེབས་སུ་འགྱུར་ན་གསོད་པ་དང་...འཁྲིག་པ་དང་རྫུན་དབྱེས་ཚིག་རྩུབ་ངག་འཁྱལ་ཡང་འདིར་དགེ་བར་འགྱུར་བ་སྟེ། ཞེས་གསུངས་པའི་ཕྱིར་རོ།།

༤༥༧༽ དྲི་བ། བྱང་ཆུབ་སེམས་དཔའི་སྤྱོད་པ་གསུམ་པོ་དེ་གང་དང་གང་ཡིན་ནམ་ ?

དྲིས་ལན། སྤྱོད་པ་གསུམ་ནི། ༡༽ ཡི་དམ་གྱི་སྤྱོད་པ། ལས་དང་པོ་པས་སྡོམ་པའི་ཚུལ་ཁྲིམས་གཙོ་བོར་སྤྱོད་པ། ༢༽ ཏིང་ངེ་འཛིན་གྱི་སྤྱོད་པ། མོས་པས་སྤྱོད་པ་ཅན་གྱིས་དགེ་བ་ཆོས་སྡུད་ཀྱི་ཚུལ་ཁྲིམས་གཙོ་བོར་སྤྱོད་པ། ༣༽ སེམས་ཅན་བརྟེན་པའི་སྤྱོད་པ། ས་ལ་ཞུགས་པས་སེམས་ཅན་དོན་བྱེད་ཀྱི་ཚུལ་ཁྲིམས་གཙོ་བོར་སྤྱོད་པ་བཅས་ཡིན་ཏེ། གཞུང་ལས། དེ་ཡང་རྣམ་པ་གསུམ་སྟེ། ལས་དང་པོ་པ་ལ་ནི་སྡོམ་པའི་ཚུལ་ཁྲིམས་གཙོ་བོ་ཡིན་པའི་ཕྱིར་ན་ཡི་དམ་གྱི་སྤྱོད་པའོ། །མོས་པས་སྤྱོད་པ་ཅན་ལ་ནི་དགེ་བ་ཆོས་སྡུད་པའི་ཚུལ་ཁྲིམས་གཙོ་བོ་ཡིན་པའི་ཕྱིར་ན་ཏིང་ངེ་འཛིན་གྱི་སྤྱོད་པའོ། །ས་ལ་ཞུགས་པ་ལ་ནི་སེམས་ཅན་གྱི་དོན་བྱ་བ་ཉིད་གཙོ་བོ་ཡིན་པའི་ཕྱིར་ན་སེམས་ཅན་བརྟེན་པའི་སྤྱོད་པའོ། །ཞེས་གསུངས་པའི་ཕྱིར་རོ།།

༤༥༨༽ དྲི་བ། སྐྱེས་བུ་ཆེན་པོའི་འབྲས་བུ་མི་གནས་པའི་མྱ་ངན་ལས་འདས་པ་ཇི་ལྟར་འགྲུབ་བམ་ ?

དྲིས་ལན། རྒྱུའི་གནས་སྐབས་སུ་ཤེས་རབ་བསྒོམས་པས་འབྲས་བུའི་དུས་སུ་ཆོས་སྐུ་མངོན་དུ་བྱས་ཏེ་འཁོར་བ་ལ་མི་གནས་པ་དང་། སྙིང་རྗེ་བསྒོམས་པས་འབྲས་བུའི་དུས་སུ་གཟུགས་སྐུ་མངོན་དུ་བྱས་ཏེ་ཞི་བ་མྱང་འདས་སུ་མི་ལྟུང་བར་སྲིད་ཞི་གཉིས་ཀར་མི་གནས་པའི་མྱང་འདས་འགྲུབ་པ་ཡིན་ཏེ། གཞུང་ལས། རྒྱུའི་གནས་སྐབས་ན་ཤེས་རབ་སྒོམས་པས་འབྲས་བུའི་དུས་སུ་འཁོར་བ་ལ་མི་གནས་ཏེ།...རྒྱུའི་གནས་སྐབས་ན་སྙིང་རྗེ་བསྒོམས་པས་འབྲས་བུའི་གནས་སྐབས་སུ་ཞི་བ་མྱ་ངན་ལས་འདས་པར་མི་ལྟུང་སྟེ་...ཞེས་གསུངས་པའི་ཕྱིར་རོ།།

༤༥༩༽ དྲི་བ། གཞུང་ཚིག་འདིས་ལམ་གྱི་སྐབས་གང་ཞིག་བསྡུས་ནས་བསྟན་པ་ཡིན་ནམ་ ?

དྲིས་ལན། གཞུང་ཚིག་འདིས་སྐྱེས་བུ་ཆེན་པོའི་ལམ་རིམ་རྒྱུའི་ཐེག་པ་བཤད་པའི་སྐབས་ཏེ་གསུམ་པ་ལེགས་པར་བསྡུས་ནས་བསྟན་པ་ཡིན་ཏེ། གཞུང་ལས། སྐྱེས་བུ་ཆེན་པོ་བསྡུས་པ་ཡིན། །ཞེས་སྐྱེས་བུ་ཆེན་པོའི་ལམ་རིམ་རྒྱུའི་ཐེག་པ་བཤད་པའི་སྐབས་ཏེ་གསུམ་པའོ།། །།ཞེས་གསུངས་པའི་ཕྱིར་རོ།།

སྐྱེས་བུ་ཆེན་པོའི་ཡང་ཆེན་པོ།

༤༦༠༽ དྲི་བ། བཞི་པ་འཁྲུལ་པ་ཡེ་ཤེས་སུ་འཆར་བའི་ལམ་ལ་དབྱེ་བ་གང་དག་ཡོད་དམ་ ?

དྲིས་ལན། ལམ་དེ་ལ་གཞི་བསྒྱུར་བའི་ལམ་དང་། རང་བཞིན་ཡོངས་སུ་ཤེས་པའི་ལམ་གཉིས་ཡོད་དེ། གཞུང་ལས། བཞི་པ་འཁྲུལ་པ་ཡེ་ཤེས་སུ་འཆར་བ་ལ། གཞི་བསྒྱུར་བའི་ལམ། རང་བཞིན་ཡོངས་སུ་ཤེས་པའི་ལམ་གཉིས་ལས། ཞེས་གསུངས་པའི་ཕྱིར་རོ།།

༤༦༡༽ དྲི་བ། རྡོ་རྗེ་ཐེག་པར་བྱང་ཆུབ་ཀྱི་སེམས་བསྐྱེད་ཚུལ་གཉིས་པོ་དེ་གང་དང་གང་ཡིན་ནམ་ ?

དྲིས་ལན། ཀུན་རྫོབ་ཀྱི་སེམས་བསྐྱེད་དང་། དོན་དམ་པའི་སེམས་བསྐྱེད་གཉིས་ཡིན་ཏེ། གཞུང་ལས། ཐོག་མར་རྡོ་རྗེ་ཐེག་པར་བྱང་ཆུབ་ཀྱི་སེམས་བསྐྱེད་ཚུལ་ལ། ཀུན་རྫོབ་དང་དོན་དམ་གཉིས་བྱུང་བའི་...ཞེས་གསུངས་པའི་ཕྱིར་རོ།།

༤༦༢༽ དྲི་བ། འཕགས་པ་ཀླུ་སྒྲུབ་ཀྱིས་བྱང་ཆུབ་སེམས་འགྲེལ་ལས་དོན་དམ་པའི་བྱང་ཆུབ་ཀྱི་སེམས་ཀྱི་མཚན་ཉིད་ཇི་ལྟར་གསུངས་ཡོད་དམ་ ?

དྲིས་ལན། དོན་དམ་པའི་སེམས་ནི་དངོས་པོ་ཐམས་ཅད་དང་བྲལ་ཞིང་། ཕུང་ཁམས་སྐྱེ་མཆེད་དང་གཟུང་འཛིན་སྤངས་པ། ཆོས་དང་གང་ཟག་གི་བདག་མེད་པ་མཉམ་པ་ཉིད་དུ་རྟོགས་པ། རང་གི་སེམས་གདོད་མ་ནས་མ་སྐྱེས་པ་སྟོང་པ་ཉིད་ཀྱི་རང་བཞིན་ཅན་དུ་གསུངས་ཏེ། གཞུང་ལས། འཕགས་པ་ཀླུ་སྒྲུབ་ཀྱི་བྱང་ཆུབ་སེམས་འགྲེལ་དུ། ཀུན་ཏུ་དངོས་པོ་དང་བྲལ་ཞིང་། །...རང་སེམས་གདོད་ནས་མ་སྐྱེས་པ། །སྟོང་པ་ཉིད་ཀྱི་རང་བཞིན་ནོ། །ཞེས་བྱ་བའི་བྱང་ཆུབ་ཀྱི་སེམས་ཆེན་པོ་...ཞེས་གསུངས་པའི་ཕྱིར་རོ།།

༤༦༣༽ དྲི་བ། བྱང་ཆུབ་སེམས་དཔའ་སྔགས་ཀྱི་སྒོར་ཞུགས་པ་རྣམས་ཀྱིས་སྨོན་ལམ་གྱི་རང་བཞིན་ཅན་གྱི་བྱང་ཆུབ་ཀྱི་སེམས་ཇི་ལྟར་བསྐྱེད་དགོས་སམ་ ?

དྲིས་ལན། སེམས་ཅན་མ་བསྒྲལ་བ་རྣམས་བསྒྲལ་བ་དང་། མ་གྲོལ་བ་རྣམས་དགྲོལ་བ། དབུགས་མ་ཕྱིན་པ་རྣམས་དབུགས་དབྱུང་བ། ཡོངས་སུ་མྱ་ངན་ལས་མ་འདས་པ་རྣམས་མྱ་ངན་ལས་འདའ་བར་བྱ་བའི་ཕྱིར་དུ། དུས་ད་ནས་བཟུང་སྟེ་བྱང་ཆུབ་སྙིང་པོ་ལ་མཆིས་ཀྱི་བར་དུ་སེམས་བསྐྱེད་པར་བྱ་དགོས་ཏེ། གཞུང་ལས། བདག་གིས་ཀྱང་སེམས་ཅན་མ་སྒྲལ་བ་རྣམས་བསྒྲལ་བ་དང་།...ཡོངས་སུ་མྱ་ངན་ལས་འདའ་བའི་ཕྱིར། དུས་འདི་ནས་གཟུང་སྟེ་བྱང་ཆུབ་སྙིང་པོ་ལ་མཆིས་ཀྱི་བར་དུ་བྱང་ཆུབ་ཆེན་པོར་སེམས་བསྐྱེད་པར་བགྱིའོ། །ཞེས་གསུངས་པའི་ཕྱིར་རོ།།

༤༦༤༽ དྲི་བ། པཎྜི་ཏ་ཡེ་ཤེས་སྙིང་པོས་རང་གི་སེམས་ལ་བརྟག་པའི་ཚེ་ཚིག་ལྔ་པོ་གང་དག་གི་དོན་ཁོང་དུ་ཆུད་དགོས་པར་གསུངས་སམ་ ?

དྲིས་ལན། ཚིག་ལྔ་ནི། ༡) དངོས་པོ་ཐམས་ཅད་དང་བྲལ་བ། ༢) ཕུང་ཁམས་སྐྱེ་མཆེད་དང་གཟུང་འཛིན་སྤངས་པ། ༣) ཆོས་བདག་མེད་པ་མཉམ་པ་ཉིད། ༤) རང་གི་སེམས་གཟོད་མ་ནས་མ་སྐྱེས་པ། ༥) སྟོང་པ་ཉིད་ཀྱི་ངོ་བོ་ཉིད་བཅས་སོ།། གཞུང་ལས། དེ་ལ་རང་གི་སེམས་ནི་ལུང་ལས་གསུངས་པའི་ཚིག་ལྔ་པོ།...དངོས་པོ་ཐམས་ཅད་དང་བྲལ་བ་ཞེས་བྱ་བ་ནི།...སྟོང་པ་ཉིད་ཀྱི་ངོ་བོ་ཉིད་དག་ཏུ་ཁོང་དུ་ཆུད་པར་བྱའོ། །ཞེས་གསུངས་པའི་ཕྱིར་རོ།།

༤༦༥༽ དྲི་བ། རང་གི་སེམས་གཟོད་མ་ནས་མ་སྐྱེས་པ་ཞེས་པའི་དོན་གང་ཡིན་ནམ་ ?

དྲིས་ལན། དེའི་དོན་ནི་རང་བཞིན་གྱིས་མ་གྲུབ་པས་གདོད་མ་ནས་མ་སྐྱེས་པ་ཡིན་གྱི། རྟེན་ཅིང་འབྲེལ་བར་འབྱུང་བའི་ངོ་བོ་ཉིད་དུ་ཀུན་རྫོབ་ཏུ་སྒྱུ་མ་ལྟ་བུར་ཡོད་པ་ནི་མི་འགོག་པ་དེ་ཡིན་ཏེ། གཞུང་ལས། དེའི་ཕྱིར་རང་བཞིན་མེད་པས་རང་གི་སེམས་གཟོད་མ་ནས་མ་སྐྱེས་པ་ཞེས་བྱ་ཡི། རྟེན་ཅིང་འབྲེལ་བར་འབྱུང་བའི་ངོ་བོ་ཉིད་དུ་ཀུན་རྫོབ་ཏུ་ཡོད་པའི་ཕྱིར་སྒྱུ་མ་དང་འདྲ་བ་ནི་མི་དགག་གོ། །ཞེས་གསུངས་པའི་ཕྱིར་རོ།།

༤༦༦༽ དྲི་བ། འཇུག་པའི་སེམས་ཞེས་པ་དེ་གང་འདྲ་ཞིག་ལ་ངོས་འཛིན་དགོས་སམ་ ?

དྲིས་ལན། དེ་ནི་སྔོན་དུ་སོང་བའི་སྨོན་པ་བྱང་ཆུབ་ཀྱི་སེམས་དེ་ཉིད་དོན་དམ་པའི་ངོ་བོ་ཉིད་ལ་སྤྱོད་པའི་མཚན་ཉིད་ཤེས་རབ་དང་མཚུངས་པར་ལྡན་པ་ལ་ངོས་འཛིན་དགོས་ཏེ། གཞུང་ལས། དེ་ལྟར་དེ་སྔོན་དུ་བཏང་བའི་སྨོན་པ་བྱང་ཆུབ་ཀྱི་སེམས་དོན་དམ་པའི་ངོ་བོ་ཉིད་ལ་སྤྱོད་པའི་མཚན་ཉིད་ཤེས་རབ་དང་མཚུངས་པར་ལྡན་པ་ནི་འཇུག་པའི་སེམས་ཞེས་བྱ་སྟེ། ཞེས་གསུངས་པའི་ཕྱིར་རོ།།

༤༦༧༽ དྲི་བ། སྔགས་ཀྱི་བསྐྱེད་རིམ་སྒོམ་པའི་ཚུལ་དེ་དུག་སྔགས་ཀྱིས་ཟིན་པ་དང་འདྲ་ཚུལ་ཇི་ལྟར་ཡིན་ནམ་ ?

དྲིས་ལན། དེ་བཞིན་ཉིད་ཀྱི་རང་གདངས་ལྷར་བསླངས་ནས་སྔགས་དང་ཏིང་ངེ་འཛིན་གྱི་སྤྲོ་བསྡུ་བྱེད་པ་དེ་ནི། མཚན་མ་དང་བཅས་ཤིང་ཞི་ཆགས་ཁྲོ་གསུམ་གྱི་ཉོན་མོངས་མི་སྤོང་བར་ལམ་དུ་བསྒྱུར་བས་ན་དུག་སྔགས་ཀྱིས་ཟིན་པ་དང་འདྲ་བ་ཡིན་ཏེ། གཞུང་ལས། ...མཚན་མ་དེ་ལ་ཞི་ཚུལ་ཆགས་ཚུལ་ཁྲོ་ཚུལ་ལ་སོགས་པ་ཉོན་མོངས་པ་མི་སྤོང་བར་རྣམ་པ་དེ་ལྟར་བསྒྱུར་བས་དུག་སྔགས་ཀྱིས་ཟིན་པ་ལྟ་བུ་ཡིན་ནོ། །ཞེས་གསུངས་པའི་ཕྱིར་རོ།།

༤༦༨༽ དྲི་བ། ཕ་རྒྱུད་མན་ཆད་དུ་ཤེས་རབ་དང་ཐབས་གཉིས་དོན་དམ་དང་ཀུན་རྫོབ་ལ་ཇི་ལྟར་སྦྱར་ཡོད་དམ་ ?

དྲིས་ལན། ཤེས་རབ་དོན་དམ་དང་། ཐབས་ཀུན་རྫོབ་ལ་སྦྱར་ནས་བཞག་པ་ནི་ཕ་རོལ་ཏུ་ཕྱིན་པ་དང་མཐུན་པར་གསུངས་ཏེ། གཞུང་ལས། དེས་ན་ཕ་རྒྱུད་མན་ལ་ཤེས་རབ་དོན་དམ་དང་། ཐབས་ཀུན་རྫོབ་ལ་བཞག་པ་ཕར་ཕྱིན་དང་མཐུན་པ་ཡིན་ནོ། །ཞེས་གསུངས་པའི་ཕྱིར་རོ།།

༤༦༩༽ དྲི་བ། རྒྱུད་ལས་རབ་ཏུ་འབད་པས་བཀག་པའི་ཕྱིར་ཞེས་པ་དང་དེ་ཉིད་རིག་ལ་ཉེས་པ་མེད་ཅེས་པའི་དགོངས་པ་སོ་སོ་ནས་གང་ཡིན་ནམ་ ?

དྲིས་ལན། རབ་ཏུ་འབད་པས་བཀག་པའི་ཕྱིར་ཞེས་པ་ནི་བརྟུལ་ཞུགས་ཙམ་དོན་གཉེར་དང་འདུལ་བསྟན་མི་ཉམས་པའི་ཕྱིར་ཀུན་རྫོབ་སྒྱུ་མ་ལྟ་བུར་བློ་མ་བྱང་བ་རྣམས་ལ་དགོངས་པ་ཡིན། དེ་ཉིད་རིག་ལ་ཉེས་པ་མེད་ཅེས་པ་ནི་རང་བཞིན་ཡོངས་སུ་ཤེས་པ་སྟེ་ཕྱག་རྒྱ་ཆེན་པོ་རྟོགས་པ་རྣམས་ལ་ཉེས་པ་མེད་པར་སྟོན་པ་ཡིན་ཏེ། གཞུང་ལས། རབ་ཏུ་འབད་པས་བཀག་པའི་ཕྱིར། །ཞེས་གསུངས་པ། བརྟུལ་ཞུགས་ཙམ་དོན་དུ་གཉེར་བ་དང་...ཀུན་རྫོབ་སྒྱུ་མ་ལྟ་བུ་ལ་བློ་མ་འབྱོངས་པའི་དབང་དུ་མཛད་པ་ཡིན་ནོ། །གཞན། དེ་ཉིད་རིག་ལ་ཉེས་པ་མེད། །...དེ་ཁོ་ན་ཉིད་རིག་པ་ནི་ཕྱག་རྒྱ་ཆེན་པོ་ཡིན་ནོ། །ཞེས་གསུངས་པའི་ཕྱིར་རོ།།

༤༧༠༽ དྲི་བ། གཉིས་པ་རང་བཞིན་ཡོངས་སུ་ཤེས་པའི་ལམ་ལ་དབྱེ་ན་རིམ་པ་གསུམ་གང་དག་ཡོད་དམ་ ?

དྲིས་ལན། རིམ་པ་གསུམ་ནི། གཞི་དྲི་མ་མེད་པ་དང་། ལམ་དྲི་མ་མེད་པ། འབྲས་བུ་དྲི་མ་མེད་པ་གསུམ་ཡིན་ཏེ། གཞུང་ལས། གཉིས་པ་རང་བཞིན་ཡོངས་སུ་ཤེས་པའི་ལམ་ལ། གཞི་དྲི་མ་མེད་པ། ལམ་དྲི་མ་མེད་པ། འབྲས་བུ་དྲི་མ་མེད་པ་གསུམ་ལས། ཞེས་གསུངས་པའི་ཕྱིར་རོ།།

༤༧༡༽ དྲི་བ། གཞི་ཡིན་ལུགས་ལ་བདག་གཞན་གཉིས་སུ་མེད་པའི་རྒྱུ་མཚན་གང་ཡིན་ནམ་ ?

དྲིས་ལན། རྒྱུ་མཚན་ནི། རང་གི་སེམས་ཀྱི་ཆོས་ཉིད་དང་གཞན་གྱི་སེམས་ཀྱི་ཆོས་ཉིད་གཉིས་དབྱེར་མེད་ཅིང་གཉིས་སུ་མེད་པར་མ་ཟད། འཁྲུལ་པ་ཐམས་ཅད་ཀྱི་ཆོས་ཉིད་ཀྱང་དེ་ཉིད་ཡིན་པའི་ཕྱིར་རོ།། གཞུང་ལས། རང་གི་སེམས་ཀྱི་ཆོས་ཉིད་དང་། །གཞན་གྱི་སེམས་ཀྱི་ཆོས་ཉིད་ལ། །གཉིས་སུ་ཡོད་པ་མ་ཡིན་ན། །བདག་གཞན་འཛིན་པ་ཇི་ལྟར་འཐད། །...དེ་དག་གི་དང་སེམས་ཀྱི་ཆོས་ཉིད་གཉིས་སུ་མེད་ཅིང་གཉིས་སུ་བྱར་མེད། ཅེས་གསུངས་པའི་ཕྱིར་རོ།།

༤༧༢༽ དྲི་བ། གཞི་ཡིན་ལུགས་ལ་འཁྲུལ་པ་ཇི་ལྟར་བྱུང་བ་ཡིན་ནམ་ ?

དྲིས་ལན། ཆོས་ཉིད་དེ་ལྟ་བུ་མ་གོ་བའམ་མ་རིག་པའི་དབང་གིས་ཕྱིན་ཅི་ལོག་ཏུ་མངོན་པར་ཞེན་ནས་འཁྲུལ་པ་བྱུང་བ་ཡིན་ཏེ། གཞུང་ལས། འོ་ན་འཁྲུལ་པ་འདི་དག་ཇི་ལྟར་ལྟ་ཞེ་ན། ཆོས་ཉིད་དེ་ལྟ་བུ་མ་གོ་བའམ་མ་རིག་པས་ཕྱིན་ཅི་ལོག་ཏུ་མངོན་པར་ཞེན་པའོ། །ཞེས་གསུངས་པའི་ཕྱིར་རོ།།

༤༧༣༽ དྲི་བ། འཁྲུལ་པ་དང་ཆོས་ཉིད་ལྷན་ཅིག་ཏུ་སྐྱེས་པ་ཞེས་པའི་དོན་དེ་དཔེ་གང་གི་སྒོ་ནས་བསྟན་ཡོད་དམ་ ?

དྲིས་ལན། དཔེ་ཐག་ནག་སྦྲུལ་དུ་འཁྲུལ་པའི་ཚེ་ཐག་པ་དང་སྦྲུལ་དུ་འཁྲུལ་པའི་སྣང་བ་གཉིས་གཅིག་གི་སྟེང་དུ་ཡོད་པ་བཞིན་དུ། ཆོས་ཉིད་ཀྱི་སྟེང་དུ་འཁྲུལ་པའི་ཞེན་པ་བྱུང་བ་ལས་ལོགས་སུ་མེད་པར་བསྟན་ཏེ། གཞུང་ལས། དེ་ལྟ་བུའི་ཞེན་པ་དང་ཆོས་ཉིད་ཀྱང་ལྷན་ཅིག་ཏུ་སྐྱེས་པ་ཡིན་ལ།...ཐག་ནག་སྦྲུལ་དུ་མཐོང་བའི་ཚེ། ཐག་མཐོང་དང་སྦྲུལ་མཐོང་ལྷན་ཅིག་སྐྱེས་པ་ཡིན་པས་དུས་དེར་བརྟགས་ན་ཐག་པ་རང་མཐོང་། སྦྲུལ་མ་མཐོང་། འོན་ཀྱང་ཐག་པ་ཐག་པར་མ་མཐོང་སྦྲུལ་དུ་མཐོང་བས་...ཞེས་གསུངས་པའི་ཕྱིར་རོ།།

༤༧༤༽ དྲི་བ། ཡེ་ཤེས་འཚོལ་བའི་ཚུལ་ཡང་དག་པ་གང་ཡིན་ནམ་ ?

དྲིས་ལན། ཡེ་ཤེས་ནི་འཁྲུལ་པ་ཁོ་ནའི་སྟེང་དུ་འཚོལ་དགོས་ཀྱི། འཁྲུལ་པ་སྤངས་ནས་གཞན་དུ་ཡེ་ཤེས་འཚོལ་བ་ནི་གོལ་བ་ཡིན་ཏེ། གཞུང་ལས། འཁྲུལ་པ་ཁོ་ནའི་སྟེང་དུ་ཡེ་ཤེས་འཚོལ་གྱི། འཁྲུལ་པ་སྤངས་ནས་ཡེ་ཤེས་འཚོལ་རུང་བསྡད་ན་གོལ་བ་ཡིན་ནོ། །ཞེས་གསུངས་པའི་ཕྱིར་རོ།།

༤༧༥༽ དྲི་བ། ལམ་དྲི་མ་མེད་པ་ལ་རྩལ་སྦྱོང་བའི་རིམ་པ་གསུམ་པོ་དེ་དག་གང་དང་གང་ཡིན་ནམ་ ?

དྲིས་ལན། རིམ་པ་གསུམ་ནི། ལྟ་བ་ཕྱག་རྒྱ་ཆེན་པོ་དང་། སྒོམ་པ་འོད་གསལ་དྲི་མེད། སྤྱོད་པ་ཅིར་སྣང་ཐུག་ཕྲད་དུ་ངོ་སྤྲད་པ་བཅས་ཡིན་ཏེ། གཞུང་ལས། གཉིས་པ་ལམ་དྲི་མ་མེད་པ་ལ་རྩལ་སྦྱོང་བ་ལ་གསུམ་སྟེ། ལྟ་བ་ཕྱག་རྒྱ་ཆེན་པོ། སྒོམ་པ་འོད་གསལ་དྲི་མེད། སྤྱོད་པ་ཅིར་སྣང་ཐུག་ཕྲད་དུ་ངོ་སྤྲད་པ་གསུམ་ལས། ཞེས་གསུངས་པའི་ཕྱིར་རོ།།

༤༧༦༽ དྲི་བ། ཕྱག་རྒྱ་ཆེན་པོ་དང་། དབུ་མ་ཆེན་པོ། རྫོགས་པ་ཆེན་པོ་གསུམ་གྱི་དོན་གཅིག་ཏུ་འདུ་བའི་རྒྱུ་མཚན་གང་ཡིན་ནམ་ ?

དྲིས་ལན། དེ་གསུམ་གའི་དོན་ནི་གཞིའི་མཐའ་དབུས་ཐམས་ཅད་དང་བྲལ་བ་དེ་ཁོ་ན་ལ་མིང་མི་འདྲ་བ་བཏགས་པ་ཙམ་ཡིན་པས་ན་དོན་གཅིག་ཡིན་ཏེ། གཞུང་ལས། གཞིའི་མཐའ་དབུས་ཐམས་ཅད་དང་བྲལ་བ་དེ་ཁ་ལ་ཕྱག་རྒྱ་ཆེན་པོ་ཞེས་བཏགས་པས། དབུ་མ་ཆེན་པོ་དང་། རྫོགས་པ་ཆེན་པོ་དང་། དེ་གསུམ་ཐ་དད་དུ་འབྱེད་པ་རྣམས་རྨོངས་པའོ། །ཞེས་གསུངས་པའི་ཕྱིར་རོ།།

༤༧༧༽ དྲི་བ། འཁྲུལ་གཞི་ལས་འཁྲུལ་པ་ལོགས་སུ་མེད་པའི་དོན་དེ་དཔེ་གང་གི་སྒོ་ནས་བསྟན་ཡོད་དམ་ ?

དྲིས་ལན། དཔེ་ནི་མཁྲིས་ནད་ཅན་གྱིས་དུང་སེར་པོར་མཐོང་བ་ལྟ་བུ་སྟེ། དུང་གི་སྟེང་དུ་སེར་པོ་དངོས་སུ་མེད་ཀྱང་ནད་ཀྱི་དབང་གིས་མཐོང་བ་བཞིན་དུ། དྲི་མ་དང་སྒྲིབ་པ་རྣམས་ཀྱང་འཁྲུལ་གཞི་དེ་བཞིན་ཉིད་ལས་ལོགས་སུ་གྲུབ་པ་མེད་པར་བསྟན་ཏེ། གཞུང་ལས། དཔེར་ན་མཁྲིས་ནད་ཅན་གྱིས་དུང་སེར་པོར་མཐོང་དུས་དུང་གི་སྟེང་དུ་སེར་པོ་མ་སླེབ།...དེ་བས་ན་འཁྲུལ་གཞི་ལས་འཁྲུལ་པ་ལོགས་སུ་འདོད་པ་ནོར་བ་ཡིན་ནོ། །ཞེས་གསུངས་པའི་ཕྱིར་རོ།།

༤༧༨༽ དྲི་བ། འཁོར་བ་དང་མྱང་འདས་གཉིས་ལ་ཁྱད་པར་ཡོད་དམ་མེད་ ?

དྲིས་ལན། གཞི་དང་རང་བཞིན་གྱི་ངོས་ནས་འཁོར་འདས་གཉིས་ལ་ཁྱད་པར་མེད་དེ། འཁོར་བའི་རང་བཞིན་ཤེས་ན་དེ་ཉིད་མྱང་འདས་ཡིན་པའི་ཕྱིར་རོ།། གཞུང་ལས། འཁོར་བའི་རང་བཞིན་ཤེས་གྱུར་པ། །དེ་ཉིད་མྱ་ངན་འདས་པར་བརྗོད། །...རྣམ་དག་ཡེ་ཤེས་གཟུགས་ཅན་དང་། །འཁོར་བ་རྣམ་པར་བྱང་བ་གཉིས། །ཁྱད་པར་ཅུང་ཟད་ཡོད་མ་ཡིན། །ཞེས་གསུངས་པའི་ཕྱིར་རོ།།

༤༤༩༽ དྲི་བ། སྒོམ་པ་འོད་གསལ་དྲི་མེད་ཅེས་པའི་དོན་གང་ཡིན་ནམ་ ?

དྲིས་ལན། དེའི་དོན་ནི་ཀུན་རྫོབ་རྟེན་ཅིང་འབྲེལ་བར་འབྱུང་བ་འདི་ཉིད་ཀྱི་རང་བཞིན་སྟོང་པ་ཉིད་དུ་ཤེས་པ་ནི་དབུ་མའི་ལམ་དྲི་མ་མེད་པ་ཡིན་ཞིང་། དེ་ཡོངས་སུ་ཤེས་པ་ནི་མ་རིག་པའི་མུན་པ་དང་བྲལ་བས་འོད་གསལ་བ་ལ་ཟེར་ཏེ། གཞུང་ལས། སྟོང་དང་རྟེན་འབྱུང་དོན་གཅིག་པ། །དབུ་མའི་ལམ་དུ་གསུངས་པས་ན། །ཞེས་གསུངས་ཏེ།...དེ་ཡོངས་སུ་ཤེས་པ་ནི་མ་རིག་པའི་མུན་པ་དང་བྲལ་བའི་ཕྱིར་འོད་གསལ་ཏེ། ཞེས་གསུངས་པའི་ཕྱིར་རོ།།

༤༥༠༽ དྲི་བ། འོད་གསལ་སྒོམ་པའི་དུས་སུ་སྣང་བ་དང་སྟོང་པ་གཉིས་ཇི་ལྟར་འཁྱེར་དགོས་སམ་ ?

དྲིས་ལན། དུས་དེར་སྣང་བ་མེད་པས་སྣང་བ་ལམ་དུ་མི་འཁྱེར་ལ། སྣང་མེད་དུ་མ་གྲུབ་པས་སྟོང་རྐྱང་ཡང་ལམ་དུ་མི་འཁྱེར་བར། སྟོང་མི་སྟོང་ལས་དམིགས་རྒྱུ་གཞན་མེད་པས་དམིགས་པ་ཐམས་ཅད་ཉེ་བར་ཞི་བ་ཉིད་དུ་གནས་དགོས་ཏེ། གཞུང་ལས། དུས་དེར་སྣང་བ་མེད་པས་སྣང་བ་ལམ་དུ་འཁྱེར་བ་ཡང་མིན། སྣང་མེད་དུ་མ་གྲུབ་པས་སྟོང་རྐྱང་ལམ་དུ་ཁྱེར་བ་ཡང་མིན། སྟོང་མི་སྟོང་ལས་དམིགས་རྒྱུ་གཞན་མེད་པས་དམིགས་པ་ཐམས་ཅད་ཉེ་བར་ཞི་བ་སྟེ། ཞེས་གསུངས་པའི་ཕྱིར་རོ།།

༤༥༡༽ དྲི་བ། དངོས་པོ་མེད་ལ་སྒོམ་པ་མེད། །བསྒོམ་པར་བྱ་བ་སྒོམ་པ་མིན། ། ཞེས་པའི་དོན་གང་ཡིན་ནམ་ ?

དྲིས་ལན། དེའི་དོན་ནི་དངོས་པོ་དང་དངོས་མེད་གང་དུའང་མི་དམིགས་པའི་ཕྱིར་སྒོམ་པ་དམིགས་སུ་མེད་པ་ཉིད་མཆོག་ཏུ་གྱུར་པ་ཡིན་ཏེ། གཞུང་ལས། དེ་ལྟར་དངོས་པོ་དངོས་མེད་པས། །སྒོམ་པ་དམིགས་སུ་མེད་པའོ། །ཞེས་གསུངས་པའི་ཕྱིར་རོ།།

༤༥༢༽ དྲི་བ། སྟོང་ཉིད་སྟོན་པའི་བླ་མ་ཞིག །ལོགས་ན་ཚོལ་དགོས་ཇི་ལྟར་འཐད། ། ཅེས་པའི་དོན་གང་ཡིན་ནམ་ ?

དྲིས་ལན། སྒྲོ་འདོགས་ཐམས་ཅད་བཅད་ཟིན་པའི་ཕྱིར། ཕྱིས་སུ་སླར་ཡང་སྒྲོ་འདོགས་གཅོད་པའི་ཆེད་དུ་བླ་མ་གཞན་ཞིག་ཚོལ་མི་དགོས་པར་རང་གི་སེམས་ཉིད་ཀྱིས་ཆོག་པར་བསྟན་པ་ཡིན་ཏེ། གཞུང་ལས། དེ་སྒྲོ་འདོགས་ཐམས་ཅད་བཅད་ཟིན་པའི་ཕྱིར་ཕྱིས་སྒྲོ་འདོགས་གཅོད་རུང་སྡོད་མི་དགོས་ཞེས་པའོ། །ཞེས་གསུངས་པའི་ཕྱིར་རོ།།

༤༥༣༽ དྲི་བ། སྤྱོད་པ་དྲི་མ་མེད་པ་ལ་རྩལ་སྦྱོང་བའི་ཚུལ་ཇི་ལྟར་ཡིན་ནམ་ ?

དྲིས་ལན། རང་གི་སེམས་ལ་བཟོ་ཤེས་ནས་ཆོས་ཐམས་ཅད་བདེན་པར་མ་གྲུབ་པར་རྟོགས་ཏེ། ཅི་སྣང་ཐམས་ཅད་བློ་སྦྱོང་གི་གྲོགས་སུ་འཁྱེར་བ་ནི་སྤྱོད་པ་དྲི་མ་མེད་པ་ཡིན་ཏེ། གཞུང་ལས། རང་གི་སེམས་ལ་བཟོ་ཤེས་ན། །ཐམས་ཅད་བདེན་པར་མ་གྲུབ་པས། །ཇི་ལྟར་སྣང་ཡང་བློ་སྦྱོང་གི། །གྲོགས་དང་མཐུན་པའི་རྒྱུ་རུ་སྦྱར། །ཞེས་གསུངས་པའི་ཕྱིར་རོ།།

༤༥༤༽ དྲི་བ། གསང་སྔགས་པས་ཉོན་མོངས་ལམ་དུ་འཁྱེར་བའི་ཚུལ་དེ་ཇི་ལྟར་ཡིན་ནམ་ ?

དྲིས་ལན། གསང་སྔགས་པས་འདོད་ཆགས་འཁྲིག་པ་དང་། ཞེ་སྡང་མངོན་སྤྱོད། གཏི་མུག་འོད་གསལ་དུ་ལམ་དུ་འཁྱེར་བ་ནི། ཐབས་མཁས་པས་ཟིན་པའི་སྒོ་ནས་དུག་གིས་དུག་འཇོམས་པ་བཞིན་དུ་སྲིད་པའི་འཆིང་བ་ལས་གྲོལ་བར་བྱེད་པ་ཡིན་ཏེ། གཞུང་ལས། སྐྱེ་བོ་མི་བཟད་པ་ཡི་ལས། །གང་དག་གང་གིས་འཆིང་འགྱུར་པ། །ཐབས་དང་བཅས་ན་དེ་ཉིད་ཀྱིས། །སྲིད་པའི་འཆིང་བ་ལས་གྲོལ་འགྱུར། །ཞེས་གསུངས་པའི་ཕྱིར་རོ།།

༤༥༥༽ དྲི་བ། འབྲས་བུ་དྲི་མ་མེད་པའི་སྐབས་སུ་བདུད་བཞི་འཇོམས་ཚུལ་ཇི་ལྟར་བཤད་ཡོད་དམ་ ?

དྲིས་ལན། མ་རིག་པ་བཅོམ་པའི་དུས་དེ་ཉིད་དུ་བདུད་བཞི་ཅིག་ཅར་དུ་བཅོམ་པར་བཤད་དེ། མ་རིག་པ་ནི་འཁོར་བ་དང་རིག་པ་ནི་མྱ་ངན་ལས་འདས་པ་སྟེ་ལག་པའི་ལྟོ་རྒྱབ་བཞིན་དུ་འདོད་པས་སོ།། གཞུང་ལས། འདིར་ནི་མ་རིག་པ་བཅོམ་པའི་དུས་དེ་ཁར་བདུད་བཞི་བཅོམ་པ་དུས་ཀྱི་འཁོར་ལོ་ལས་གསུངས་པ་བཞིན། མ་རིག་པ་འཁོར་བ། རིག་པ་མྱ་ངན་ལས་འདས་པ་སྟེ། འཁོར་འདས་ལག་པའི་ལྟོ་རྒྱབ་ལྟ་བུར་འདོད་པ་ཡིན་ནོ། །ཞེས་གསུངས་པའི་ཕྱིར་རོ།།

༤༥༦༽ དྲི་བ། རང་ལུགས་སུ་ཀུན་གཞི་ལ་རྒྱུ་འབྲས་ཀྱི་རྣམ་གཞག་ཇི་ལྟར་འདོད་དམ་ ?

དྲིས་ལན། རང་ལུགས་སུ་རྩ་བ་གཅིག་ལ་སྡོང་པོ་གཉིས་ཞེས་པ་ལྟར། ཀུན་གཞི་གཅིག་ལས་འཁོར་འདས་གཉིས་འབྱུང་བར་འདོད་པ་ཡིན་ཏེ། གཞུང་ལས། རང་ལུགས་ནི། རྩ་བ་གཅིག་ལ་སྡོང་པོ་གཉིས། །རྒྱུ་མཚན་དེ་ལས་འབྲས་བུ་གཅིག །ཅེས་གསུངས་པ་ཉིད་འདོད་པ་ཡིན་ནོ། །ཞེས་གསུངས་པའི་ཕྱིར་རོ།།

༤༥༧༽ དྲི་བ། བཀའ་གདམས་པའི་གཞུང་གཞན་དང་ལམ་སྒྲོན་གྱི་བར་ལ་ཁྱད་པར་གང་ཡོད་དམ་ ?

དྲིས་ལན། བཀའ་གདམས་པའི་གཞུང་གཞན་གྱིས་སྐྱེས་བུ་གསུམ་གྱི་ལམ་རིམ་ལས་སྐབས་གསུམ་པ་ཡན་ཆད་མི་འཆད་ཀྱང་། ལམ་སྒྲོན་གྱིས་སྐབས་བཞི་པ་སྟེ་འབྲས་བུའི་ཐེག་པའང་བསྟན་པས་དེ་ནི་ཇོ་བོའི་ཞལ་གདམས་ཐུན་མོང་མ་ཡིན་པ་ཡིན་ཏེ། གཞུང་ལས། བཀའ་གདམས་པ་གཞན་ནི། སྐབས་གསུམ་པ་ཡན་ལས་མི་འཆད་ལ།...ལམ་སྒྲོན་གྱི་ཞལ་གྱི་གདམས་པ་ཐུན་མོང་མ་ཡིན་པར་འདི་དགོས་སོ་ཞེས་ཤེས་པར་བྱའོ། །ཞེས་གསུངས་པའི་ཕྱིར་རོ།།

༤༥༨༽ དྲི་བ། གཞུང་ཚིག་འདིས་ལམ་གྱི་སྐབས་གང་ཞིག་བསྡུས་ནས་བསྟན་པ་ཡིན་ནམ་ ?

དྲིས་ལན། གཞུང་ཚིག་འདིས་སྐྱེས་བུ་ཆེན་པོའི་ཡང་ཆེན་པོའི་ལམ་རིམ་འབྲས་བུའི་ཐེག་པ་བཤད་པའི་སྐབས་ཏེ་བཞི་པ་བསྡུས་ནས་བསྟན་པ་ཡིན་ཏེ། གཞུང་ལས། དེ་ནི་སྐྱེས་བུ་ཆེན་པོའི་ཡང་ཆེན་པོའི་ལམ་རིམ་འབྲས་བུའི་ཐེག་པ་བཤད་པའི་སྐབས་ཏེ་བཞི་པའོ།། །།ཞེས་གསུངས་པའི་ཕྱིར་རོ།།

༤༥༩༽ དྲི་བ། གཞུང་འདི་མཛད་པ་པོ་སུ་ཡིན་པ་དང་། སུ་ཡི་གསུང་ལ་བརྟེན་ནས་མཛད་པ་ཡིན་ནམ་ ?

དྲིས་ལན། གཞུང་འདི་ནི་ཀུན་མཁྱེན་པདྨ་དཀར་པོས་མཛད་པ་ཡིན་ལ། ཁོང་གིས་དྭགས་པོ་ལྷ་རྗེ་སྒམ་པོ་པའི་གསུང་《ལམ་མཆོག་རིན་པོ་ཆེའི་འཕྲེང་བ་》ལ་བརྟེན་ནས་མཛད་པ་ཡིན་ཏེ། གཞུང་ལས། ལམ་མཆོག་རིན་པོ་ཆེ་འམ་དྭགས་པོའི་ཆོས་བཞིའི་རྣམ་པར་བཤད་པ། སྐྱེས་བུ་གསུམ་གྱི་ལམ་ཉིན་མོར་བྱེད་པ་ཞེས་བྱ་བ་འདི་...དགེ་སློང་པདྨདཀར་པོས་སྦྱར་བའི་...ཞེས་གསུངས་པའི་ཕྱིར་རོ།།

སླར་སྨོན་པ།

གཞུང་དོན་ཟབ་མོ་མཁའ་ལྟར་ཡངས་པ་ལ། །བློ་གྲོས་བྱིས་པའི་འོལ་ཚོད་ཀྱིས་འཇུག་ཚེ། །
མ་རྟོགས་ལོག་པར་རྟོག་པའི་ནོར་འཁྲུལ་ཀུན། །མཁྱེན་སྤྱན་ཡངས་པའི་སྤྱན་སྔར་མཐོལ་ཞིང་བཤགས། །

ཐོས་པ་ཆུང་ཞིང་རྣམ་དཔྱོད་རྩལ་ཞན་པས། །བླང་དོར་འབྱེད་པའི་མིག་དང་བྲལ་ལགས་ན། །
ལྷག་བསམ་བརྩེ་བའི་ཕྱག་གིས་ཉེར་བཟུང་ནས། །ལེགས་ལམ་སྟོན་པའི་བཀའ་སློབ་སྩལ་དུ་གསོལ། །

འདི་བགྱིས་རྣམ་དཀར་དགེ་བའི་ཕུང་པོ་ཡིས། །ལུང་རྟོགས་བདག་ཉིད་རྒྱལ་བསྟན་ཡོངས་སུ་འཕེལ། །
བསྟན་འཛིན་སྐྱེས་བུའི་ཞབས་པད་རབ་བརྟན་ཅིང་། །བཤད་སྒྲུབ་ཕྲིན་ལས་ས་གསུམ་ཁྱབ་གྱུར་ཅིག །

དེ་མཐུས་མཁའ་མཉམ་འགྲོ་བ་མ་ལུས་པ། །མི་མཐུན་རྒུད་ཚོགས་མིང་ཡང་མི་གྲགས་ཤིང་། །
རྫོགས་ལྡན་བདེ་སྐྱིད་དཔལ་ལ་རོལ་བ་དང་། །མཐར་ཐུག་རྣམ་མཁྱེན་རྒྱལ་སར་འགོད་པར་ཤོག །

ཅེས་པའང་དྲི་བ་དང་དྲིས་ལན་གྱི་ལམ་ནས་དྭགས་པོའི་ཆོས་བཞིའི་རྣམ་བཤད་སྐྱེས་བུ་གསུམ་གྱི་ལམ་ཉིན་མོར་བྱེད་པ་ཞེས་པའི་གཞུང་ཆེན་ལ་བསླབ་ཚུལ་བསྟན་པ་འདི་ཉིད། གསང་འཁོར་མཐོ་རིམ་བཤད་གྲྭའི་ལེགས་བཤད་པའི་མིང་འཆང་བ་སངས་རྒྱས་དབང་ཕྱུག་ཏུ་འབོད་པས་སྤྱི་ལོ་ ༢༠༢༥ ལོར་བསྒྲིགས་ཏེ་སྤེལ་བ་དགེའོ།། །།