སྐྱེ་བ་ལྔ་བརྒྱར་པཎྚི་ཏར་གྱུར་འདིར།། གཅེན་གྱི་དྲིན་ལན་ཕྱིར་མི་ལྡོག་ཐོབ་པ།། གཞུང་ལུགས་འབུམས་སྡེ་གོ་དགུའི་གླེགས་བམ་ཆེ།། དབྱེག་གཉེན་སངས་...
སྐྱེ་བ་ལྔ་བརྒྱར་པཎྚི་ཏར་གྱུར་འདིར།།
གཅེན་གྱི་དྲིན་ལན་ཕྱིར་མི་ལྡོག་ཐོབ་པ།།
གཞུང་ལུགས་འབུམས་སྡེ་གོ་དགུའི་གླེགས་བམ་ཆེ།།
དབྱེག་གཉེན་སངས་རྒྱས་གཉིས་པ་གྲགས་ལ་འདུན།།
༡ པོ་བརྫོད་དོན་ནི།
སློབ་དཔོན་དབྱིག་གཉེན་མཛད་པའི་བསྟན་བཅོས་མངོན་པར་མཛོད་ཀྱི་མཆོད་པར་བརྗོད་པའི་སྐོར།
གང་ཞིག་ཀུན་ལ་མུན་པ་གཏན་བཅོམ་ཞིང་། །འཁོར་བའི་འདམ་ལས་འགྲོ་བ་དྲངས་མཛད་པ། །དོན་བཞིན་སྟོན་པ་དེ་ལ་ཕྱག་འཚལ་ནས་། ། ཞེས་གསུངས་ཏེ།
༢
པ་མཁས་པ་ཡོངས་ཀྱི་དགོངས་པའམ་བཞེད་ཚུལ།
དང་པོ་དབྱིག་གཉེན་ཞལ་ལུང་ལས་
གང་ཞིག་སྟེ་སྤྱི་སྒྲ་དེ་བྱེ་བྲག་ཏུ་སྟོན་པ་བཅོམ་ལྡན་འདས་དང་འབྲེལ་པས་དེ་ལའོ།
དེའང་དོན་གཉིས་ཕུན་སུམ་ཚོགས་པ་སྟེ་སྐྱེ་མཆེད་བཅུ་གཉིས་སོགས་ཤེས་བྱ་ཀུན་ལ་ཉོན་མོངས་ཅན་དང་ཉོན་མོངས་ཅན་མ་ཡིན་པའི་མི་ཤེས་པའི་མུན་པ་གཏན་ནས་བཅོམ་པ་སྟེ་རང་དོན་ཕུན་སུམ་ཚོགས་པ་དང་།
གང་སྤེལ་གྱིས་ཀུན་ལ་ཞེས་པས་སྤངས་པ་དང་། གཏན་ནས་ཞེས་པས་རྟོགས་པ་ཕུན་སུམ་ཚོགས་པ་བསྟན་པ་བཞེད།
གཞན་དོན་ཕུན་སུམ་ཚོགས་པ་ནི།
ཟག་བཅས་ཀྱི་ཕུང་པོ་ལྔའི་རྒྱུན་སྐྱེ་འཆིས་རྒྱུད་མར་འཁོར་བ་བརྒལ་བར་དཀའ་བས་འདམ་རྫབ་དང་ཆོས་མཐུན་པའི་སྡུག་བསྔལ་གསུམ་ལས།
༡
པོ་དེར་བྱིང་བའི་འགྲོ་སྐྱབས་མེད་པ་རྣམས་ལ་དམ་པའི་ཆོས་སྟོན་པའི་ཕྱག་བརྐྱངས་ཏེ་དྲངས་པར་མཛད་པ་ཡིན་གྱི།
༢ རྫུ་འཕྲུལ་དང་དམ་པ་སྦྱིན་པའི་མཐུས་མ་ཡིན་ཏེ། ༣
ཆོས་ཇི་ལྟར་སྟོན་ན་རང་རང་གི་ཁམས་དབང་བསམ་པ་སོགས་སྐལ་པ་དང་འཚམས་པར་བླང་དོར་གྱི་དོན་ཕྱིན་ཅི་མ་ལོག་པ་ཇི་ལྟ་བ་བཞིན་དུ་སྟོན་པ་སྟེ།
སྤྱོད་པ་རྣམས་ཀྱི་གཉེན་པོ་ནི། ཆོས་ཀྱི་ཕུང་པོ་མཐུན་པར་གསུངས་སོ།། ༢ པ་མཁན་ཆེན་ཀུན་དགའ་དབང་ཕྱུག་མཆོག་གི་གསུང་འབུམ་ལས།
གང་ཞིག་ཅེས་པ་ནི་སྤྱིའི་སྒྲ་ཡིན་ཀྱང་ཁྱད་པར་གྱི་ཆོས་ཀྱི་སྒོ་ནས་བྱེ་བྲག་སངས་རྒྱས་ལ་འཇུག་པ་ཡིན་པས། དེས་ན་སངས་རྒྱས་གང་ཞིག་ཅེས་བྱ་ལ། སྐྱེ་མཆེད་བཅུ་གཉིས་ཀྱི་མཚན་ཉིད་ཅན་གྱི་ཤེས་བྱའི་ཆོས་ཀུན་ལ་བློའི་མུན་པ་མ་ལུས་པ་དེ་ཡོངས་སུ་སླར་མི་སྐྱེ་བའི་ཆོས་ཅན་དུ་བྱས་ཏེ་རྩ་བ་དྲུང་ནས་བཅོམ་ཞིང་། ཡང་དག་པའི་བདེན་བཞི་བླང་དོར་གྱི་དོན་མཐོང་བ་ལ་གེགས་སུ་གྱུར་པ་ཡིན་པའི་ཕྱིར་ན་མུན་པ་ཞེས་བྱ་ལ།
དེ་ལྟ་བུའི་མུན་དེ་ཉིད་བཅོམ་ལྡན་འདས་ཀྱིས་སླར་མི་སྐྱེ་བའི་ཆོས་ཅན་དུ་སྤངས་ཟིན་པའི་ཕྱིར། དེས་ན་གཏན་ནས་བཅོམ་པ་ཞེས་བྱ་ལ། ཉན་རང་རྣམས་ཀྱིས་འཁོར་བ་ལ་སྐྱེ་ལེན་པའི་རྒྱུར་གྱུར་པའི་ཉོན་མོངས་པ་ཅན་གྱི་མུན་པ་དེ་ཉིད་སྤངས་ཟིན་པའི་ཕྱིར་ན་ཕུང་ཁམས་སྐྱེ་མཆེད་ཀྱི་ཆོས་ཀུན་ལ་མུན་པ་བཅོམ་པ་ཙམ་ནི་ཡོད་པར་འདོད་མོད།
གཏན་ནས་བཅོམ་པ་མ་ཡིན་ཏེ། དེ་དག་ལ་སངས་རྒྱས་ཀྱི་མི་ཤེས་པའི་རྒྱུ་བཞི་དེ་རྣམས་ལ་མི་གསལ་བའི་ཉོན་མོངས་པ་ཅན་མ་ཡིན་པའི་མི་ཤེས་པ་ཞེས་བྱ་བ་ཡོད་པའི་ཕྱིར་ན་གཏན་ནས་བཅོམ་པ་མ་ཡིན་ལ། གཏན་བཅོམ་ཞེས་པ་དེ་སངས་རྒྱས་ཡིན་ལགས། འགྲོ་བ་སེམས་ཅན་རྣམས་ཆགས་ཞེན་པའི་གནས་ཡུན་པའི་ཕྱིར་ན་དེ་ལས་ཕ་རོལ་ཏུ་བརྒལ་བ་དཀའ་བ་ལྟ་བུར་གྱུར་པའི་ཕྱིར་ན་ཁམས་གསུམ་འཁོར་བའི་འདམ་ཞེས་འདམ་རྫབ་དང་ཆོས་མཚུངས་པ་ཡིན་པར་བསྟན་ནས་དེ་ལས་སངས་རྒྱས་ཀྱིས་དམ་པའི་ཕྱག་བརྐྱངས་པའི་སྒོ་ནས་འགྲོ་བ་རྣམས་ཡར་དྲངས་པར་མཛད་པ་སྟེ། རྫུ་འཕྲུལ་དང་། དམ་པ་སྦྱིན་པའི་མཐུ་ལྟ་བུ་དེ་འདྲ་མ་ཡིན་པར་བདེན་བཞིའི་བླང་དོར་གྱི་དོན་ཇི་ལྟ་བ་བཞིན་དུ་བསྟན་པའི་སྒོ་ནས་དྲངས་པར་མཛད་པའི་སྟོན་པ་དེ་ལ། བསྟན་བཅོས་རྩོམ་པ་པོ་སློབ་དཔོན་དབྱིག་གཉེན་ཁོང་གིས་ཚུལ་སྒོ་གསུམ་གུས་པའི་སྒོ་ནས་ཕྱག་འཚལ་ཞེས་པའི་དོན་ནོ།
༣ པ་རང་ལུགས་ནི།
གང་ཞེས་པའི་སྒྲ་འདི་སྤྱི་སྒྲ་ཡིན་ཀྱང་།
ཁྱད་པར་སྐབས་སུ་འབབ་པ་སྤྱིའི་སྒྲ་བྱེ་བྲག་སངས་རྒྱས་ལ་འཇུག་པའི་སྐབས་ཡིན་པས།
དེས་ན་རྫོགས་པའི་སངས་རྒྱས་གང་ཞིག་ཅེས་བྱ་ལ།
ཀུན་ཞེས་པ་འདི་ནི་ཤེས་བྱ་ཐམས་ཅད་ལ་གོ་དགོས་ལ།
མུན་པ་ཞེས་པ་འདི་ནི་ཤེས་བྱ་ཐམས་ཐད་མཐོང་བ་ལ་སྒྲིབ་པར་བྱེད་པའི་ཆོས་སྒྲིབ་གཉིས་ལ་གོ་དགོས་པས་དེ་སངས་རྒྱས་ཀྱིས་མ་ལུས་པ་བཅོམ་པས་ན་གཏན་བཅོམ་ཞིང་ཞེས་བྱ་ལ།
ཡང་འཁོར་བའི་འདམ་ཞེས་པ་ནི་འགྲོ་བ་སེམས་ཅན་རྣམས་ཀུན་ཏུ་ཆགས་ཤིང་ཞེན་པའི་གནས་ཡིན་པའི་ཕྱིར་ན་དེལས་ཕ་རོལ་ཏུ་བརྒལ་བ་དཀའ་བ་ལྟ་བུར་རྒྱུར་པའི་ཕྱིར་ནཁམས་གསུམ་འཁོར་བའི་འདམ་ཞེས་འདམ་རྫབ་དང་ཆོས་མཚུངས་པ་ཡིན་པར་བསྟན་ནས།དེ་ལས་སངས་རྒྱས་ཀྱིས་དམ་པའི་ཆོས་བསྟན་པའི་ཕྱག་བརྐྱངས་པའི་སྒོ་ནས་འགྲོ་བ་རྣམས་ཡར་དྲངས་པར་མཛད་པས་ན།
འཁོར་བའི་འདམ་ལས་འགྲོ་བ་དྲངས་མཛད་པ་ཞེས་བྱ་ལ།
འཁོར་བ་ལས་འདྲེན་པར་མཛད་ཚུལ་ཉིད་ཀྱང་བདེན་བཞིའི་གནས་ལུགས་ཕྱིན་ཅི་མ་ལོག་པར་བསྟན་པའི་སྒོ་ནས་དྲངས་པར་མཛད་པས་སོ།
འཇུག་བསྔོ་བ་ནི།
འཇམ་དཔལ་དཔའ་བོས་ཇི་ལྟར་མཁྱེན་པ་དང་།།
ཀུན་ཏུ་བཟང་པོས་དེ་ཡང་དེ་བཞིན་ཏེ།།
དེ་དག་ཀུན་གྱི་རྗེས་སུ་བདག་སློབ་ཅིང་།།
དགེ་བ་འདི་དག་ཐམས་ཅད་རབ་ཏུ་བསྔོ།།
བསམ་འཆར།